آخـــر الـــمـــشـــاركــــات

صفحة 1 من 2 12 الأخيرةالأخيرة
النتائج 1 إلى 10 من 20

الموضوع: سمعت صوت رجع الوقت لسنين

  1. #1
    عضوية الامتياز الصورة الرمزية ابدااع
    تاريخ التسجيل
    Oct 2010
    المشاركات
    3,101
    مقالات المدونة
    9

    افتراضي سمعت صوت رجع الوقت لسنين

    ساره وحسين ,, حبوا بعض .. بس فرقهم الزمن ..

    مرت الأيام والسنين وساره اصبحت معلمه في احدى مدارس الكويت الأبتدائيه ..

    والمفاجأه الكبرى انها شافت حبيبها جاي للمدرسه يبغى يسجل بنته وجت ساره قالت قصيده تشكي لصديقتها نوره ...

    ويالله اسمعواا وقولوا لي رايكم ...



    قالت سااااااره ....


    يانوره.. بالله اسمعي لا تصدين
    يابنت حر ن مركزه بالصداره
    شي جرالي قسم القلب قسمين
    وابلا ملامه افهمي للعباره
    باول دوام المدرسه يوم الاثنين
    معلمه في وجه باب الاداره
    وقفت باللجنه على سادس اثنين
    مثل المجند ينتظر للاشاره
    هذي تنادي وهذي ابله انا وين
    زحمه وتو اليوم باول نهاره
    اصوت لبنتين وبيدي بنتين
    نوره،،مضاوي عايشه،، مي،، يارا
    وسمعت صوت رجع الوقت لسنين
    صوت الذي اسمه بنقش السواره
    " اختي عن اذنج ناقل البنت هالحين
    تفضلي الاوراق و الاستماره"
    عجزت لا اجاوب ولا ارمش العين//
    طول سكوتي وهو طال انتظاره
    حسيت كن الدم مثل البراكين
    شريان قلبي وصل حد انفجاره
    ورفعت راسي وصارت العين بالعين
    ولمحت في عينه سواة الشراره
    هو،،هو والا واهمه يامسلمين
    زوله ورفعة حاجبه مع سماره
    لاماتغير فيه ياكود شيين
    حف الشنب والشيب زاد بوقاره
    اتلا علاقتنا ثلاثه وتسعين
    باول حلاة العمر قبل انكساره
    الشاهد الله ماحصل بيننا شين
    ولا يخدش احساس بنت وعذارا
    نعم الحبيب اللي الطيب والزين
    ونعم الرفيق اللي حفظ حق جاره
    ياللاسف هالحين صرنا غريبين
    حكم القدر واصدر علينا قراره
    الهم والغربال والفقد والبين
    وانا اسيره تنتظر للزياره
    ويلي علي لاماك ويلاه ياحسين
    يامن يجمعنا واسوق البشاره
    ساره!!! قالها لحظة كنها سنين
    واقفا واشوفه قلبي وقلبه حيارى!



    يا عزاااه يا عيشه ////


    ‏​‏​شوفو محمد النمران ‏​شُنـُـُﯙ رد 6ـْلًـّے المدرسه اللي شافت حبيبها ({})



    ‏​اعجبتني قصيدة الابله ساره وحطيت نفسي اني حسين اللي لقته بالمدرسه



    هذا ردي على القصيده


    يامرحبا ياغايتي يا هلا وين
    يابنت عودن فيه طيب ونعاره

    لايابعد كل البنات المزايين
    يافرحت المظلوم يوم انتصاره

    من يوم ماغبتي وانا ماني بزين
    ضايق واحس القلب طال انتظاره

    دايم على بالي وانتي تمرين
    واقول يفدوها جميع العذاره

    لو الليالي ترجع لعشرة سنين
    ماكان شفتي الشيب زاد بوقاره

    لامانسيتك من ثلاثه وتسعين
    وشلون ابنسى حب واضح مساره

    تدرين شاللي هزني بيوم الاثنين
    واللي ذبح قلبي باول نهاره

    زولك لمحته يوم كنتي تمشين
    بين الصفوف اقبال باب الاداره

    وفز الخفوق وقلت ياربي تعين
    هي هي ولاهي شبيه لساره

    جيتك وقلت ابنقل البنت هالحين
    تفضلي الاوراق والاستماره

    طول سكاتك والبلا العين بالعين
    ضقت واحس بضغط مدري حراره ( يا الله !!! )

    وخانتني الدمعه وطاحت من العين
    كني طفل يبكي مضيع دياره

    بحط بنتي عندك بسادس ثنين
    عشان اكثر جيتي بزياره

    واليا دخلتي الصف لازم تخشين
    اسمي لانه مسجلن بسواره

    وامانتك انك عليها تخافين
    لحدن يضايقها بايت عباره

    بصارحك في شي يمكن تحسين
    ان الزمن اقفى علينا قطاره

    انا سمعت ان اكبر عيالك حسين
    وانتي أكيد انك سمعتي بساره


    انا سمعت ان اكبر عيالك حسين
    وانتي أكيد انك سمعتي بساره // الله اكبر هذا الحب والا بلا //




    رااااااااااااقت لي حيل ...

    ----------------------------


    اي والله راقت لي

    بس بتصرف /////

  2. #2

    افتراضي

    ساااره يووووه فديت هالاسم يا زينه والله >>> ابداع يا بعد عين وروح ومعاليق ساره الله عليج يا بنت بدعت صح الله لسااانج

  3. #3
    عضوية الامتياز الصورة الرمزية التوأم
    تاريخ التسجيل
    Mar 2010
    المشاركات
    2,206
    مقالات المدونة
    1

    افتراضي

    السعاده من زين ساره عاد
    ابداع كل الشكر لج عشنا الوضع ياحرام



  4. #4

    افتراضي

    افااا يا التوام ابج ساره الحلا والملح كله >>> هذا والله من حرة الحريم ما يحبون احد يمدح غيرهن

  5. #5
    عضوية الامتياز الصورة الرمزية التوأم
    تاريخ التسجيل
    Mar 2010
    المشاركات
    2,206
    مقالات المدونة
    1

    افتراضي

    هههههههههههههههههههه صدقت الملح كله ابج ماتعرفينها هبالها اكثر من عقلها استريحي بس



  6. #6

    افتراضي

    هههههههههه التوام هبالها عاااجب الناس انت وشعليج وينه حسين بس ..... الله يهداها ابداع وين هيضتنا تالي الليل

  7. #7
    عضوية الامتياز الصورة الرمزية التوأم
    تاريخ التسجيل
    Mar 2010
    المشاركات
    2,206
    مقالات المدونة
    1

    افتراضي

    ههههههههههههههههههههههههههههههه
    هههههههههههههههههههههههه السعاده والله ان ماعقلتي بطلع



  8. #8
    عضوية الامتياز الصورة الرمزية ابدااع
    تاريخ التسجيل
    Oct 2010
    المشاركات
    3,101
    مقالات المدونة
    9

    افتراضي

    السعااااااااادة

    نورتي

    وزينتي الموضوع

    لبى قلبج

  9. #9
    عضوية الامتياز الصورة الرمزية ابدااع
    تاريخ التسجيل
    Oct 2010
    المشاركات
    3,101
    مقالات المدونة
    9

    افتراضي

    الوام

    يا الغالية

    يا الله حيها

    وشلونج وكيف احوالج

    يا مرحبا يا مرحبا




    ع طاري

    سارة الزين كله

    ومخلوط بحلا طيب مرة -----

    فديت سارة وحلاها ........

  10. #10

    افتراضي

    ابداع فديت عينج يا بعد عين ساره ابج انت الحلا كله والتوام روح وغلا السعاده فديتها >>>> بس شوفيها تحرش فيني وانا ساكته

صفحة 1 من 2 12 الأخيرةالأخيرة

المواضيع المتشابهه

  1. آن الوقت
    بواسطة سعد الحربي في المنتدى المقهى
    مشاركات: 4
    آخر مشاركة: 08-08-2012, 03:59 AM
  2. قصة غرق المنجد . . من أروع ما سمعت !!
    بواسطة محب النصح في المنتدى المقهى
    مشاركات: 8
    آخر مشاركة: 05-19-2010, 09:38 AM
  3. هل سمعت بهذا الحقائق الغريبه من قبل ؟؟
    بواسطة أنفال^_^ في المنتدى المقهى
    مشاركات: 5
    آخر مشاركة: 04-09-2010, 11:44 AM
  4. لو كنت شمعة .... فلمن ستحترق ؟؟؟؟
    بواسطة همس الرووح في المنتدى المقهى
    مشاركات: 12
    آخر مشاركة: 11-01-2008, 08:38 AM
  5. هل الكتاب صار سلعة بائرة ؟!
    بواسطة moalma في المنتدى الساحة الأدبية
    مشاركات: 2
    آخر مشاركة: 07-24-2008, 10:59 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •