نرفض البونص رفضاً تاماً وذلك يسبب العداء بين المدير والمعلمين
رافض لمشروع البونص
مؤيد لمشروع البونص
محايد
نرفض البونص رفضاً تاماً وذلك يسبب العداء بين المدير والمعلمين
السلام عليكم و رحمة الله و بركاته
أول شي بوريكم شنو اللي راح تحصلون عليه من البونص يا معلمين
1- معلم هـ إذا كان تقييمه 100% ياخذ 600 و إذا أخذ أدنى مستوى في التقييم و هو 55% ياخذ 330
2- معلم د إذا كان تقييمه 100% ياخذ 1380 و إذا أخذ أدنى مستوى في التقييم و هو 55% ياخذ 759
3- معلم ج إذا كان تقييمه 100% ياخذ 2400 و إذا أخذ أدنى مستوى في التقييم و هو 55% ياخذ 1320
4- معلم ب إذا كان تقييمه 100% ياخذ 3360 و إذا أخذ أدنى مستوى في التقييم و هو 55% ياخذ 1848
5- معلم أ إذا كان تقييمه 100% ياخخذ 4200 و إذا أخذ أدنى مستوى في التقييم و هو 55% ياخذ 2310
6 - معلم متخصص ب إذا كان تقييمه 100% ياخذ 5460 و إذا أخذ أدنى مستوى في التقييم و هو 55% ياخذ 3003
7- معلم متخصص أ إذا كان تقييمه 100% ياخذ 6600 و إذا أخذ أدنى مستوى في التقييم و هو 55% ياخذ 3630
فإذن لا تحاتون البونص جيد و الكل راح يحصل فكر معاي
إذا كنت معلم ب و كان عندك شوية أيام غياب إضطراري و عندك إستئذانات و نصابك طبيعي مو وايد و تقديرك جيد جدا
فيمكن يكون تقييمك 80%
فجذي يكون البونص مالك 2688 دينار يعني لو قسمتها على الأشهر جان صارت 224 يعني كأنه زايدينك 224 دينار
فبالعكس لا تحاتون حتى لو كان التطبيق في واسطات و لعب و ماكو إمتياز بس البونص جيد و يكون التقييم سنة بسنة
و لا تنسون كل هذا فوق الراتب يعني نعمة
يعني بالعربي (( كل المعلمين راح ياخذون بونص من 330 دينار إلى 6600 دينار بالسنة )) مو بس 330 و 6600 مثل ما قلنا بالمثال
بمعلم ب
و شكرا
يعني
330 / 12 = 27.5
6600 / 12 = 550
يعني في ناس راح تحصل كأنه زيادة شهرية 27.5
و في ناس راح تحصل كأنه زيادة شهرية 550 دينار
أحسن من كادر جمعية المعلمين اللي يمكن يزيدك 250 بس
و لا تنسا في كادر قديم مال موضي اللي راح ينزل مع هالشهر
هذا سنة خير على المعلمين مبروك لي و لكم البونص أو كادر جمعية المعلمين
طيب يا استاذ عبدالله دام انك راضي بالبونص خل يطبقونه علي كل موظفين الدولة ولا احنا من المريخ مثلا واحسابنا غير عن ديوان الخدمة المدنية. ترا العملية واضحة وفيها ضحك علي الذقون. وانا راح اقولك اشلون. لما يحل البونص نهاية السنة راح يطلع لك واحد مثل الشمالي ويطنطن العجز الاكتواري. الملاءة المالية. اسعار النفط. التنمية. صندوق الأجيال ..... غير المصائب اللي يسوونها الاعضاء ويدخلونا في متاهات احنا في غني عنها.اذا تتذكرون ال 50 دينار ما اصرفوها الا بعد ثلاث سنين لانهم يحاولون يستفيدون من الفلوس لآخر لحظة ولما تطلع روحنا
اسوا من مر وسيمر على التربيه هو المليفي ... اخر هالعمر كذاب 60% قال
الكل يرفض بونصك التعبان والي ما احترمت فيه حتى حق البشر يالقانوني
اشتقت لكيفان وكل مابها يحلى لي ...
واشتقت لسنين الدراسه والربع وقروبه ...
السلام عليكم
سنة 2011
سنة الثورات العربية
و سنة اللعب بالمشاعر والعواطف بمشاعر المعلم الكويتي الذي يعلم انه لا يعامل مثل المحامي و المهندس والطبيب مع العلم ان المعلم بعد فضل الله سبحانة هو الذي يربي المحامي والمهندس و الطبيب 12 سنة لكي يختار طريقة الاكاديمي عندما ينهي المرحلة الثانوية
لكن هذ ليس بالحسبان فالمعلم مجرد شخص عادي ما يفهم مجرد اداة للإدارة تستخدم بورش ومعارض وحفلات و انشطة لكي يطلع اسمهاآخر شي التعليم
بصراحة بصراحة
اذا تصريح الوزير انه اعلا مبلغ للمعلم سيكون 6600 و المتدني الاداء 330 او 300 تقريبا
بصراحة راح ترهقون ميزانية الوزارة ( خلوها احسن حق حفلات هلا فبراير حق هاني شاكر اوله صوته يطرب بس صوة المعلم نشاز )
انا لن اكرر كلام زملائي في السجن الى احنا فيه وهو مجتمع المدرسة
كل مهني يمارس مهنته الا المعلم سبع صنايع
انا ماراح ابالغ
من شهر 4 سنة 2011 صرح ديوان الخدمة الزياداة للمعلم ....و الله شي يفشل
وبعدين بعد استقالة الحكومة راح القانون
بداية شهر خمسة صرح ديوان الخدمة ستصرف في الشهر القادم سيصرف 240 دينار كل معلم حسب درجته
وبعدها معركة الكادر
و ...............و
والحين ناطرين شهر 10 للجلسة الاخيرة للكادر
ان عندي اقتراح سهل
سهل سهل
اريحنا
ويريحكم ( يريح الوزارة )
اغلاق المدارس على ان يستلم كل ولى امر المناهج بالايميل ويبتلش بأجيالة القادمة
وبالايميل يبعث له وقت الامتحان يمتحن والكمبيوتر اصحح عشان محد يقولنا ليش مسقطين اعيالنا( و يلك الاب سقطت الولد يا عبدالله )
واحنا انروح نرتاح بالوزارة
انا اول مرة اشوف في حياتي بونص وبونص
جدول كامل تحاسبوني فية على احقوق من الغياب والمرضي والعرضي
اتقوا الله فينه احنه قعدتنا من فير الله وشغلنا ويانه لى البيت
خافوا الله فينا
انا مع راى انه الوزير صرح تصريحات خلانة فوق النخل فوق
مو غريبة علية وهو من عيش الموطن الكويتي في حلم وردي عندما مسك الاسكان وقال " لن يطول انتظارالمواطن لحصوله على بيت اكثر من 4 سنوات
اغير اسمي الحين
اذا قدر يفتح الجامعة الى يحلم فيه
انا لا ادخل بالنوايا بس هذه البلد يحكمها التجار في التنمية
اذا كانت بخاطرهم راح اتصير
و اذا مو بخاطرهم
اقول " اذا شاف الابل احدبته انكسرت ارقبته "
صدق من قال المعلم الكويتي اعزه الله وذلته وزارة التربية
نصيحة
لاتقرون جرايد
استغفرو ربكم
ايقن ان الرزق بيد الله ليس بيد جمعية المعلمين ولا الوزير ولاديوان الخدمة
ولى احد تكلم عن الكلام الفاضي مال البونص
تعوذ من ابليس
واشرب سانكست
وعيش حياتك واستمتع فيها على قدك لا تبني احلامك مثلي بسوي .... لما يعطونا بشتري
احلم ..... وغامر\........
بس بعيد عن هالتصريحات الى ترفع الضغط
انا ارفض البونص
الكل يعرف علاقة الادارة بالمعلم
التى تحكمها المزاجية
ولييييييش ياربي الواحد يقعد على اعصابه عشان افلوسكم
......... المدارس فيها ظلم تعتقدون قانون البونص راح ينصف الى يكرف وراح يوقف الى حاط ريل على ريل
ما اعتقد
مو لاني متشائمة
لانه شفت بعيني
الواسطة وبتلفون واحد نسوي حق الى مايشتغل قانون كامل ابوي
على منو ....
لا تنسون انه احنا اكويتيييين يعني الواسطة
و القانون منظر
في اشياء وايد راح اتصير مثل الافلام
و ترقبوا
وشكرا
ارفض البونص من قلب..حراموظلم ليش هالتعامل مع المعلم اعتقدمافي وزاره في الدوله يتعامل موظفوهاااا نفس هالمعامله الله المستعان..
لا مانبيه هالبونص عوووووع
نبي زياده ثابته
سبحان الله وبحمده سبحان الله العظيم ..
استغفرالله الذي لا اله الاهو الحي القيوم واتوب اليه ولاحول ولاقوة الا بالله ..
أنا لا اكره أحدا ولكن اشرب لبن اكتيفيا لاهضم الكثير < يامقرود يالبن اكتيفيا
مواقع النشر (المفضلة)