آخـــر الـــمـــشـــاركــــات

النتائج 1 إلى 10 من 10

الموضوع: آلية جديدة لدوام المعلمين وهو اعطاء المعلم حق الإنصراف بعد إعطاء الحصص

  1. #1

    رأي آلية جديدة لدوام المعلمين وهو اعطاء المعلم حق الإنصراف بعد إعطاء الحصص

    إعطاء المعلم حق الانصراف بعد أعطاء الحصص هو قرار سيكون في صالح المعلم ويخفف من الأعباء التي تثقل كاهله لكن يحتاج الي تنظيم ودراسة فمثلا الكل يريد الإنصراف مبكرا يعني محد بياخذ الحصة الأخيرة لابد من تنظيم حتي تتحقق العدالة ولا يظلم أحد فأنا أقترح تقسيم دوام المعلم إلي ثلاث فترات فترة أولي من الساعة 7:30 إلي 9:30 وفترة ثانية من 9:30 إلي 11:30 وفترة ثالثة من 11:30 إلي 1:30 وسيكون نصاب المعلم في الأسبوع كالآتي عدد 2 فترة أولي و عدد 1 فترة ثانية وعدد 2 فترة أخيرة مثال يوم الأحد عندي دوام فترة أولي من الساعة 7:30 إلي 9:30 ويوم الأثنين دوام فترة أخيرة من الساعة 11:30 الي 1:30 ويوم الثلاثاء يكون لدي دوام فترة ثانية من 9:30 الي 11:30 ويوم الأربعاء دوام فترة اولي من من 7:30 الي 9:30 ويوم الخميس فترة أخيرة من 11:30 الي 1:30 شنو يعني هالكلام انه راح يكون نصاب المعلم خمس فترات في الأسبوع فترتين أوائل وفترتين أخيرات وفترة في الوسط أظن بهذي الطريقة يتحقق مبدأ المساواة والعدل . اشرايكم بهالإقتراح ؟؟؟؟؟
    التعديل الأخير تم بواسطة اريام ; 08-04-2011 الساعة 04:32 AM سبب آخر: خطأ إملائي

  2. #2
    عضوية الامتياز الصورة الرمزية المسك
    تاريخ التسجيل
    Jun 2010
    المشاركات
    2,547
    مقالات المدونة
    1

    افتراضي

    رووووعه خوش اقتراح خاصه للمواد الدسمه نفس العربي والرياضيات والانجليزي

    اتمنى يقرون الشي الزين لنا ويعطيك العافية يااريام وتقبل الله طاعتك بهالشهر الفضيل
    سبحان الله وبحمده سبحان الله العظيم ..

    استغفرالله الذي لا اله الاهو الحي القيوم واتوب اليه ولاحول ولاقوة الا بالله ..


    أنا لا اكره أحدا ولكن اشرب لبن اكتيفيا لاهضم الكثير < يامقرود يالبن اكتيفيا

  3. #3

    افتراضي

    بصراحة اقتراح ناجح جدا واتمنى من وزيرنا بو انس يدرس هل الاقتراح وبصراحة مانبى بونص نبى راحت المعلمات افضل من لفلوس هل الاقتراح راح يخلى المعلمة مرتاحة نفسيا وغير مقيدة كانها طالبة وراح يزيد من عطائها ويقلل غيابها

  4. #4
    عضوية الامتياز الصورة الرمزية ابدااع
    تاريخ التسجيل
    Oct 2010
    المشاركات
    3,101
    مقالات المدونة
    9

    افتراضي

    هلا بالغااالية ارياااام


    ..


    اقتراااح طيب ...

    وفعاااال جدا ....


    بس









    صعب تطبيقه ..

    انا اقولج ليش

    1- قسم الرياضيات مثلا ما ياخذون مثلا بعد الحصة الخامسة اي حصة وفيه نشرة تم تعميمها ...

    2- بتطلع عندج ساعات الرضااعة ( بداية الدوام - نهاية الدوام ) - والامومه واستئذان طبيب الاسنااان ... وهلم جراا ..

    3- المواد العلمية مثل الاحياء والكيمياء والفيزياء حسب طبيعة المادة راح تكون حصصهم كلها فترة اولى وثانية حسب اقتراحج ..

    4- منو بياكلها يا الطيبة ؟؟؟ الاقسام التي تكون خارج الجدول : القران الكريم - التربية البدنية - الحاسوب .... راح يكون عندهم الحصص الاخيرة بشكل اكبر ...

    5- بعض المواد التي تكون بواقع حصة او حصتين اسبوعيا .. ويدخل فيها مثلا المواد الاجتماعية واللغة الفرنسية... كون طبيعة المادة يكون فيها نصاب المعلم اقل نوعا ما .. راح يكون ساعات الدوام عندهم اقل بكثير من غيرهم ....

    6- مواد اللغة العربية بشكل خااص لان نصابهم دايما اكثر واللغة الانجليزية راح يكون دوامهم فيه فراغ كبييييير ... لان في كل اسبوع لازم فيه حصتين متتاليتين او لا لنفس الفصل ... وان سلمنا بان المعلمة تخلص شغلها ابتداءا وبعدين ترجع .. شوفي زحمة الطريق وظروف الجو ووو يعني يمكن تتاخر على حصصها الباقية ...


    اذا تبين رايي ..

    يكون فيه تبني حقيقي لاقتراحج بشرط حساب ساعات العمل لكل معلمة ... واذا فيه فرق كبير يعني 3 ساعات وفوق .. يكون بداله فلووووووووووووس

    هنيه الكل راح يرضى ...

    اللي تبي تمشي وخلصت شغلها ترووح

    واللي قاعدة لان عندها حصص تاخذ قرووش ..


  5. #5

    افتراضي

    يا جماعه شفيكم صرتوا جذي اي شي لصالحكم قلتوا زين
    قالوا كادر قلنا من حقنا رضينا
    بس عاد سالفة انه المدرس يخلص حصصه ويمشي هذي شوي سالفه تضحك لعدة اسباب

    تتوقعون المدرسين لما يقل عددهم بالمدرسه ما راح يتغير سلوك الطلاب؟
    خل ناخذ مثال من مدارس الطلبه المشاغبين المتوسطه تتوقعون لو ما يكون في مدرسين هيبتهم قويه موجودين طول الدوام هل ما راح يتشاغبون الطلاب ويسوون مشاكل؟
    خلونا واقعيين المعلم داخل المدرسه مربي داخل الصف واثناء الدوام داخل المدرسه
    زيادة عدد المعلمين داخل المدرسه يزيد من توازن المدرسه خصوصا اذا كانوا المعلمين لهم هيبه وشخصيتهم قويه

    شكرا

  6. #6
    عضوية الامتياز الصورة الرمزية المسك
    تاريخ التسجيل
    Jun 2010
    المشاركات
    2,547
    مقالات المدونة
    1

    افتراضي

    المعلمين والمعلمات اذا ماعندهم حصص قاعدين بغرفهم اي مراقبه للطلبه

    خلنا واقعيين وبعدين فيه اخصاائي نفسي وتربوي


    ولازم الطالب شوي يعتمد على نفسه وبعدين المدرسه شغاله حصص

    وناس طالعين وناس داشيين ماراح تفضى المدرسه

    *والمفروض يوظفون ناس بمراقبه الاطفال خاصه للمرحله الابتدائيه
    سبحان الله وبحمده سبحان الله العظيم ..

    استغفرالله الذي لا اله الاهو الحي القيوم واتوب اليه ولاحول ولاقوة الا بالله ..


    أنا لا اكره أحدا ولكن اشرب لبن اكتيفيا لاهضم الكثير < يامقرود يالبن اكتيفيا

  7. #7

    افتراضي

    صراحة استغرب من المعلمات اللي ماعندهم حصص ويطلعون ما تقولون لي متى تسوين وسائلك؟ متى تحضرين ؟ متى تصممين انشطة فصلية للصف ؟ متى الطالبة تجيك عشان تسالك عن شيء ما تعرفه او تطلب منك تحلين مشكلتها .
    صراحةالمعلمة اللي تدور الطلعة متى ما خلصت حصصها ..باكر تدور الطلعة من حصصها .. اتقوا الله حتى الموظفات في باقي الوزارات ما اقترحوا مثل اقتراحكم ...اذا ما فيه مراجعين نطلع من الدوام.!!!!!!!

  8. #8

    افتراضي

    المرأة عدو المرأة وهي اول رافض لكل هذه القرارات !
    ليعلم الذين ظلموا اي منقلب ينقلبون

  9. #9

    افتراضي

    الاقتراح رائع لكن يفضل يعطونا يوم نطلع فيه مبجر نخلص اشغالنا واشغال عيالنا . . .

    في مدير مدرسة معطي المعلمين والادارييت يوم اجازة بنص الاسبوع يختارونه بنفسهم وما يداومون هاليوم . . .

  10. #10

    افتراضي

    و الله هذا الاقتراح وايد ممتاز بس تتوقعون بعد ما عطونا الجادر اليديد ايخلونا نطلع هيييييين ليش ما نصيير حالنا حاله دكتور الجامعه .

المواضيع المتشابهه

  1. ميناء مبـارك .!
    بواسطة البندر في المنتدى الساحة الأدبية
    مشاركات: 23
    آخر مشاركة: 09-04-2011, 12:49 PM
  2. مشاركات: 2
    آخر مشاركة: 06-13-2011, 12:45 PM
  3. هل هذي سرقة جديدة في مجلة المعلم
    بواسطة google في المنتدى تحت المجهر
    مشاركات: 2
    آخر مشاركة: 06-03-2009, 01:34 PM
  4. التربية: آلية جديدة لتنفيذ لائحة التقويم والاختبارات
    بواسطة moalma في المنتدى الإدارة التربوية
    مشاركات: 7
    آخر مشاركة: 02-02-2008, 01:43 PM
  5. مشاركات: 3
    آخر مشاركة: 08-04-2007, 02:17 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •