يجب عدم مساواة أبناء الكويتيات بالوافدين
السلام عليكم ورحمة الله وبركاته
معالي وزير التربية والتعليم العالي
بشكل مختصر وسريع
فقط أردت أن أقول أن هناك ظلم و ظلم كبير في معاملة أبناء الكويتيات ومساواتهم بالوافدين علماً بأن هناك فروقاً كثيره بينهم
أبناء الكويتيات:
1. مواليد الكويت
2. دراستهم من الروضة إلى الجامعة بالكويت
3. قلبهم على الكويت
4. أهلهم بالكويت
5. تربيتهم كويتية (علما بأن الأم هي من تربي وأمهم كويتية)
6. عاداتهم كويتية
7. طريقة معيشتهم نفس الكويتيين
8. يعتبرون نفسهم كويتيين
9. لهجتهم كويتية
وغيرها
وفجأة وقت التعيين يقولولهم انتو وافدين ؟؟
نعم ؟؟ ليش وافدين إحنا مواليد الكويت وعمرنا ماعرفنه دولة غيرها شنو وافدين ؟؟
والله هذا القانون مافي قانون حق أبناء الكويتيات انزين ليش؟؟
مو مشكلة لا تساوونهم بالكويتيين بس بنفس الوقت لا تساوونهم بالوافدين حتى الخليجيين لهم معاملة خاصة(طبعا أتكلم عن أبناء الكويتيات الغير خليجيين) خل يحطون معاملة خاصة بعد حق أبناء الكويتيات
يعني مايصير تريحون الخليجيين والكويتيات مساكين متضايققين على عيالهم اللي يقولولهم وافدين ؟؟ ومو معطينهم حقهم ؟؟ ومعاشهم ربع معاش الكويتيين والخليجيين ؟؟
انزين شالفرق بين المرأة والرجل ؟؟ عيال الكويتي كويتيين وياخذون كل حقوقهم وعيال الكويتية وافدين ومالهم حقوق ؟؟
لا تحسسونهم بالظلم والله حرام تره قلبهم وولائهم وحياتهم كلها بالكويت وللكويت
وآسفين على الاطالة وسامحونه إذا بدر منه شي ماكان له داعي
وشكراً
رد مع اقتباس
مواقع النشر (المفضلة)