ماذا تريد من وزير التربية القادم؟

[كويتية و لي الفخر]

اتمنى من وزير التربية أو وزيرة التربية الجدد

إنهم يتذكرون انهم كانوا معلمين و يتمنون يحققون مطالب ترفع من شانهم و تقدر جهودهم

مثل ما احنا نطالب تعبنا من الظلم والله ... محد مقدر ان المعلمة لا يتوقف عملها داخل اسوار المدرسة و لكنها تستمر حتى خارج
المدرسة من القيام بالتحضير و التجهيز و التصليح و التقويم من خلال عمل اوراق عمل تقويمية لكل درس و اختبارات .....الخ

ليما متى و احنا آخر مجموعة تاخذ حقها ...

ثانيا :-
1- النظر إلى توقيت اليوم الدراسي بعين الاعتبار و مدى ملائمته لنفسية طلبة الابتدائي
لأن أغلبهم لما ندخل الحصة السادسة نلاقيهم لابسين جنطهم يا حرام و كلهم ما عندهم إلا سؤال واحد يقطع مسيرة الحصة أبلة متى الهدة ؟؟ لدرجة أنا صرت أكره حصصي بعد الخامسة أحس أشرح لنفسي و أهم خلاص ما يبون يستمعون
2- بعض المواد اللي ما لها حاجة تلغى لأن عدد المواد الدراسية في مرحلة الابتدائية كبير على هذولا الطلبة .
3- التركيز على توضيح أن بعض الأعمال ليست من اختصاصنا كمدرسين يفضل توظيف ناس أخرى لها و تحديد مسمى وظيفي لهم مثلا ( المقصف - المناوبة - الاشراف - ...)
4- التركيز على المعلومة الجدية في الكتب و ليس حشو المناهج بمعلومات كميتها كبيرة
5- الرقي بمستوى المعلم من حيث مكافئته على انجازه حتى لو كان معنويا مو شرط ماديا و تبليغه و ليس تركها لأشهر عديدةفمثلا أفاجأ أن قرار نقلي من درجة إلى أخرى صادر من شهر 10 و لم أبلغ إلا بشهر 4 يعني 6 شهور عشان أعرف

و شكرا و اسمحولي أدري إني طولت و لو باستمر ما راح أخلص ...

[نهاية سعيدة]

فعلا نبيه ينظف الوزارة من نون النسون اللي ماعندهم إلا قرارات وراء قرارات (غير مدروسة) وسفرة وراء سفرة شنو الهدف (الله أعلم) والمحسوبية(إن حبتك عيني ماضمك الدهر)، وأول ناس يستلمون المكافآت بدون تأخير ومبالغ خيالية واحنا المعذبون بالأرض آخر ناس يسلموننا وبطلعت الروح ، والله مكافآت الكنترول ماشفناها ومناوبات نهاية الدوام بالحسرة ومراكض جنه نطر منهم

[بسمة]

المعلم مااا يبي غيييييييير الإنصاااااااااف

نبيه رياااااااال بكل معنى الكلمة .. مو يقول شي .. ولي جرب الكرسي .. نسى وناااااااااام

انا بس ابي اقوم بحصتي

ابي احس اني معلمة

يشولون عني ..

1) مناوبة الباصات تحوشنا .. شهريا مرة .. وهذا متعب خاصة اللي جدوله مضغوط
2) مناوبة آخر الدوام .. عقب تعب التدريس ارد الساعه 3 او 2 ونص.. بسبة أنهم ما يدفعون حق المعلم المقيم .. بدلاتها .. فيمتنع عن اخذها وتطيح بروسنا
2) مناوبة الفرص .. انا ادرس 4 حصص ما يمديني ارتاح وكل اسبوع تحوشني مناوبة فرص
3) شكو انا اوزع وجبه الاطفال .. حاطين مشرفة تغذية وحده على كل جناح وانا اجابلهم ليما ياكلون وتخلص الفرصة
مرات تكون عندي الحصة 1 و2 واقعد معاهم الفرصة .. ويصادف تكون عندي 4 و5
ليش انا مو شرفة تغذية

بالنهاية والله ما نبي غيييييير الراحه لا نبي كادر ولا شي

مو مثل اللي قاعدين على الكراااسي .. ويطلعون قرارات فاشلة

ويعطون نفسهم ... اعمال ممتازة 2000 دينار

على شنو الفين .. على كتب الصف الاول اللي انطبعت .. 7 اجزاااء وخساير
وبعدير اعادوا طباعتها ؟؟

ولا على الخزانات بالخشب المضغوط اللي طاحت على روس التلميذات من اول شهر ومحد استخدمها .. لأن الأبواب تكسرت ما لتها

او الطاولات اللي حتى شكلها فااشل والقعدة عليها مو تعليمية تنحول التلميذة

كل هذا .. تنفيع

تدرون فيه كتب حصة مسانده .. طبعت ولم توزع على المدااارس

لأنهم مايدرون وين .ز يقلون ضاعت بمخازن صبحااان

واسألوا اي مدرسة هل وزعوا كتب المساند لصف الثاني ابتدائي ؟؟

بالجزئين اول والثاني ؟؟

ولا واااحد استخدم هالكتب وزعوا بس الجزء الثاني وفيه نقص

الماااال العام قاعدين يصرفونه على نفسهم واحنااا ما كلين هوا

إلا من رحم ربي

ما نطالب إلا بـأن

نحس ان احنا معلمين .. شيلوا عنا الاعمال الإدارية

ترااا والله هلكنا منها

وشكرآ