تدري وش اللي حارقن قلب مغليك

**الصريح** · 03-09-2011, 01:08 PM

رحلت عن دارك وانا خاطري فيك=رحيـل حاكـم دولتـه مستحلـه
حاولت اكابر وانسى ماضي لياليك=جتني طيوفك زادت الطيـن بلـه
سالت دموعي فوق خدي تناديـك=عقبك ترى دنياي صـارت مملـه
شف حالتي وشلون لا حل طاريك=شفني على طاريك دمعـي اهلـه
تدري وش اللي حارقن قلب مغليك=قرب المسافه والوصل ماحصلـه
طالبك عود خلنـي بيـن اياديـك=رجع ترى فالصدر مليـون علـه
تعبت اقول انـي مـردي بلاقيـك=واشوف حزني خيم الكـون كلـه
طاح الامل قدام عينـي واناجيـك=منهار ضايع مالي درب(ن) ادلـه
خانت بي الايام خانت خطاويـك=عقب الغـلا قلبـك تغيـر محلـه
لكن ولا يهمك بسافـر واخليـك=دام الرجا خايب وسيفـك تسلـه
أببتعد عنك وانـا خاطـري فيـك=بسوق رجلي واتوكـل علـى الله
مع السلامه بنسى ماضي لياليـك=دام الامل ضايع وسيفـك تسلـه

**مطيري** · 03-09-2011, 10:28 PM

تدري وش اللي حارقن قلب مغليك=قرب المسافه والوصل ماحصلـه

ياسلام يالصريح عجيب هالبيت كباقي الأبيات روعه كروعه ناقلها يسلموو

**الصريح** · 03-09-2011, 11:22 PM

مطيري نور الموضوع بمرورك

**السعاده** · 03-09-2011, 11:49 PM

عندما اقرأ مشاركاتك .. أفرح وأسعد ..

ولكن تنتابني موجة من عصف الكلمات تتزاحم أمام مخيلتي ..

وتتسابق الى يدي لتخطها على شاطئ إبداعاتك ..

فأرها وقد احتارت في ترتيب نفسها

وتنسيق عباراتها ..

فتنسحب لجمآل عزفك الذي يتسع يوما ً بعد آخر

فشكرا لإسعادك قلوبنا بروعتك

وصح لسانك ولسان الشاعر الرائع ...