دكاترة وكتب أي كلام
السلام عليكم ورحمة الله وبركاته
قصة العنوان الله يسلمكم تجيب الهم وتجيب الضيقة لشكل من أشكال انتهازيين يعملون تحت مسميات دكتور جامعي.
كنت بحولي وفي الشارع اللي مقابل كلية الدراسات التجارية وقفت قبال مكتبة ..... ودخلت وسلمت وقمت اتصفح الكتب الموجودة المهم تناولت الكتب التربوية واللي تتعلق بالارشاد يعني الكتب اللي عناوينها من ضمن اهتماماتي وتصفحت الفهارس وقوائم المراجع مالتها ولا المراجع اغلبها قديمة اللي مؤلفيها راجعين لها والكتب مطبوعات 2007 وانت صاعد. وعناوين الموضوعات نفس عناوين مؤلفات تعتبر من أمهات الكتب في هالمجالات.
المهم السعر يا جماعه من 8 دنانير وانت طالع، سألت البياع بالمكتبه من يشتري هالكتب قال الطلبة مجبورين عليها ومنو يجبرهم قال الدكاترة نفسهم اللي يدرسون هالمواد جاعلينها مقررات يافندم.
قلت تدري ان هالكتب ما تصلح سفرة لريوق من مطعم هندي !!
ضحك وقال هما كدة
طبعاً انا أأسف لمثل هالنوعية من اشخاص يفترض أنهم يبتعدون عن هذه الانتهازيه التعيسة مع طلابهم لكن للأمانه ما ابي اطول بهالموضوع يمكن ينزل المستوى بالتعبير في وصفهم
رد مع اقتباس
مواقع النشر (المفضلة)