آخـــر الـــمـــشـــاركــــات

النتائج 1 إلى 7 من 7

الموضوع: عسى أن تكرهوا شيئا وهو خيرا لكم . . على لسان من رأى !!

  1. #1

    افتراضي عسى أن تكرهوا شيئا وهو خيرا لكم . . على لسان من رأى !!


    غيرة المرأة
    على لسان البنت اللي شافت الموقف
    تقول : وأنا أصلي بالحرم الأ بذيك الحرمة الكبيرة بالسن اللي تصلي وتبكي
    تصلي وتبكي وتدعي وتبكي
    أنا استغربت منها وقلت أكيد لها سالفه وكان كل مابين فتره وفتره يجيها ولد شاب يكلمها ويروح ويشوف وش تبي
    أنا أخذني الفضول بصراحه وجلست بجنبها وسألتها ليش تبكين عسى ما شر
    قالت لي ما في شي , أنا أصريت وسألتها مره ثانيه.. سكتت شوي بعدين قالت والله من العذاب اللي فيني

    ليش؟ وش السالفه؟؟!!
    قالت لي أقولك قصتي وبعدين احكمي
    كنت متزوجه من زوج ونعم الأزواج يحبني ويحترمني ويعزني

    بس كان فيني عيب إني ما أجيب عيال وأنا حاولت بس الله مارزقني فشرت عليه انه يتزوج ثانيه وهو مارضي في البدايه بس أنا قعدت احن واحن الين وافق
    فبحث له عن الزوجة وخطبتها له وتم الزواج بس بعد ما تزوجها شبت نار الغيرة بقلبي لأنه اخذ يميل لها و فتره بسيطه ألا وزوجته حامل زادت غيرتي



    المهم جابت له ولد الزوج استأنس وفرح وقعدت أنا أفكر بنفسي كيف أنا اللي شرت عليه
    في يوم جاني زوجي وقال لي بسافر مع مرتي الثانية وبنخلي الولد عندك
    ووافقت طبعا لأنه ما في احد يمسك الولد غيري

    سافروا وخلو الولد عندي وكان الوقت شتاء وكنت شابة الجمر
    والولد عمره تقريبا سنه وكم شهر وهو يلعب قدامي

    وأنا بقلبي نار تشتعل مثل الجمر وشلون يأخذها ويسافر ولا... !!
    ويخلي الولد عندي ومن هالكلام وفجاءه الأ الولد يمد يده بيلعب بالجمر ومن ناري وغيرتي مسكت يدينه وحطيتها أكثر بالجمر اليين ذابت يده وهنا شلتها بعدها مايحتاج أقولك اشلون صارت يد الولد

    وكذا حسيت أن ناري طفت اشوي نمنا ذيك الليله الأ ويجينا خبر وفاة زوجي مع زوجته وهم في طريق العوده بحادث

    وظليت بروحي عايشه مالي احد غير ربي ومن ثم الولد اللي تشوفينه وصار أكثر من ولدي واعز ويدور راحتي ويرعاني ومالي ظل غيره
    هو اللي يشوف طلباتي وطلبات البيت ومو مقصر معاي بشي

    بس أنا كل ماشفت يده يتقطع قلبي على اللي سويته فيه وهو يناديني يمه بس إلى الآن ماقلت له إني أنا اللي شوهت يده

    ولازلت أعاني من العذاب وتأنيب الضمير وادعي ربي يغفر لي ذنبي

    سبحان الله وشلون حكمة ربك انه صار خير لي .. لولا ها لولد كان أنا حالتي حاله

    ويرد يجيها الولد وهو مخبي يده ويحب راسها ويسألها
    هـــــــــــــــا يا الغالية نروح الحين ..

    قال تعالى..
    (وعسى أن تكرهوا شيئا وهو خير لكم)


    منقول

  2. #2

    افتراضي

    فعلاً عسى أن تكرهوا شيئاً

    وهو خير لكم

    يعطيك العافية ماقصرت

    ****

    لاتظلمن اذا ما كنت مقتدر فالظلم آخره يفضى إلى الندم
    تنام عيناك والمظلوم منتبه يدعو عليك وعين الله لم تنم

  3. #3

    افتراضي

    الله يغفر لها ذنبها انشالله
    a good teacher teaches,a better teacher explains,but the best teacher inspires

  4. #4

    افتراضي

    موضووع رااائع ... شكرااا
    :: ×× الأشخاص الواثقون من أنفسهم نادرا ما يشعرون بأنهم مجبرون على الكلام ×× ::

  5. #5

    افتراضي

    جزاك الله خيرا على الطرح







    mamlakalotoor@

  6. #6

    افتراضي

    لا حول ولا قوة الا بالله
    الله يسامحها ويغفر ذنبها ويوفق الولد
    مشكور على القصه اخي محب النصح قصصك دائما جميله وهادفه


    ان خاب ظنك في الرفيق الموالي _________ مالك مشاريه على باقي الناس


    `·.¸
    `·.¸ )
    ¸.·
    (`'·.¸(` '·. ¸ * ¸.·'´)¸.·'´)
    «´¨`.¸.* أوراااد *. ¸.´¨`»
    (¸. ·'´(¸.·'´ * `'·.¸)`'·.¸ )
    .·´
    ( `·.¸
    `·.¸ )
    ¸.·

  7. #7

المواضيع المتشابهه

  1. شدوا المأزر يا أهل الكويت . . فالمرحلة حرجة
    بواسطة محب النصح في المنتدى المقهى
    مشاركات: 4
    آخر مشاركة: 02-25-2011, 02:07 AM
  2. من ترك شيئا للة عوضة خيرا
    بواسطة المجروح في المنتدى الساحة الإسلامية
    مشاركات: 2
    آخر مشاركة: 10-16-2010, 01:19 PM
  3. حياة بلا احباط .... مع الفيلسوفة ( شدوا الهمة )
    بواسطة الفيلسوفة في المنتدى المقهى
    مشاركات: 14
    آخر مشاركة: 03-21-2009, 01:12 AM
  4. اغلق مدرسة لتفتح سجنا !
    بواسطة moalma في المنتدى تحت المجهر
    مشاركات: 7
    آخر مشاركة: 09-15-2008, 11:48 PM
  5. لسان.. بقرة !!!!!
    بواسطة moalma في المنتدى المقهى
    مشاركات: 0
    آخر مشاركة: 11-09-2007, 02:56 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •