من قالك تعزمني يا عبدالله

**moalem** · 04-21-2010, 11:38 AM

السلام عليكم ورحمة اللع وبركاته

طبعاً البارح كان فيه مباراه بين برشلونه والانتر ميلان طبعاً انا ما اتابع الكورة ولا اعرف هالفريقين اساساً ، اتصل علي عبدالله وقال خالد من زمان مو شايفك وينك الحين

قلت: انا على طريق الملك فهد

قال: مر علي خل اشوفك

المهم مريت عليه كان بالمقاهي الجديده بأسواق القرين

جاب لي شاي مخدر على الفحم وسولفنا وبدت المبارة ومرات نسكت اذا كان فيه هجمه ومرات نرجع نسولف

القصه الله يسلمكم اني قلت يالله يا عبدالله انا ماشي ومشيت

رجعت البيت وحطيت التلفون على الصامت ونمت

قعدت الفجر ولا مليون اتصال من عبدالله

لا حول ولا قوة الله بالله وش مشكله عبدالله

ولا فيه مسج يتيم من بين هالمكالمات التي لم يرد عليها

خالد مفتاحي وياك؟؟

رحت دشداشتي ولا صج مفتاحه وياي

عاد المسكين تمرمط آخر الليل راح بيتهم يجيب السبير وراح ياخذ سيارته

عاد يا عبدالله احد قالك تلزم علي