اطالة الدوام

[هيونة الحلوه]

محاااايده
شكرا

[معلمة متميزة]

معارضة وبشدة ..

الايجابيات .. في وجهة نظري لا يوجد ايجابيات تذكر لانه للاسف التعليم عندنا بالمدارس تنقصه الجودة الشامله مظهر بدون جوهر الا من رحم ربي وفي كل مدرسه تلاقي افراد معدودين على الاصابع فقط هم من يعملون بضمير وينجزون .. والعملية التعليميه عندنا غير متكامله بحيث تحقق الاستفاده المرجوه عند اطالة الدوام مثل تقوية الطلاب .. انجاز الواجبات .. والخ من المتوقعات ..

السلبيات .. التطويل يؤثر على حياة المعلم بالدرجة الاولى .. يصير موظف بالدولة مدة 24 ساعه ففترة الدوام الطويله لن تمكنه من ان يعيش حياة اسرية طبيعية خارج المدرسه عودته متاخرا ومنهكا الى المنزل لن تمكنه من العيش طبيعيا وممارسة حياته الزوجيه او الاسرية بشكل طبيعي ... ونحن كمجتمع عربي وخليجي تهمنا الاسرة والعائلة وقضاء الوقت مع ابنائنا ..لسنا مثل الغرب الذي ينفع هذا الامر معهم لان اخر ما يفكرون به ويهتمون به هو العائله وتربية الابناء ..

بالنسبة للطلبة فمن خلال خبرتي في التدريس من المعروف والملاحظ ان الطالب يفقد الاستيعاب والتركيز ابتداءا من الحصه الخامسه .. فيبدأ بالشعور بالملل ويزداد نشاطه وشغبه يكثر من الحركه يشعر بالتعب ولا يرغب بسماع المزيد من الدروس فكيف له ان يدرس الى الساعه 3 عصرا ؟؟؟

وان كان اطالة الدوام المدرسي يتخلله ساعه نشاط وساعه غداء او فرص .. فانا افضل والطلبه يفضلون ايضا ( حيث ناقشتهم احدى المرات بهذا الموضوع ) ان يقضوا هاتين الساعتين الزياده في المنزل بدل المدرسه .. الاحوال الجويه لا تسمح في الكويت .. ولا اوضاع المدارس تسمح بهذا .. وحتى لو توفر لنا الامكانات الماديه لتطبيق ذلك .. نحن لا نرغب ان يكون يومنا كله فقط في التعليم او في العمل .. من حقنا العيش كاي موظف اخر .. هل حياة الانسان عمل فقط ؟؟

اعتقد ان اطالة الدوام سيكون السبب الاكبر في تسرب المعلم من التدريس لان من خلال المجتمع المدرسي الذي ايش فيه اسمع من اكثر من معلمه اذا تمت اطالة الدوام سيتركون التدريس ويتوجهو لوزارة اخرى وان كان الراتب اقل ..

وباعتقادي ان ما يمكن ان يغري المعلم بالاستمرار بالتدريس مع اطالة الدوام هو مضاعفة راتبه بشكل مغري بحيث لايمكن مقاومة المبلغ .. ولا اعتقد ان هذا سسيطبق عندنا ..فالمعلم للاسف طايح حظه ومعاشه رايح على وسائل وهدايا للتلاميذ وانشطه مدرسيه ومعارض ودروس نموذجيه وورش عمل ....الخ .. ولاحد يقولي ميزانية المدرسه .. او القسم .. الميزانيات على ظمير الناظره وحده تخاف الله وتوزعها على الاقسام ووحده تبلعها ببطنها وما نشوف منها دينار .. وللاسف هذا اغلب الي صاير والوزاره يا نايمه وما تدري .. او تدري وساكته عاجبها الوضع ..

زبدة الكلام .. اي موظف في العالم ليس من الضروري المعلم .. ان لم يرتااااااااح في مجال عمله لن يعطي بضمير ولن يبدع ولن ينجز .. انا معلمه متميزه ولله الحمد سنتين على التوالي وتم تكريمي من المنطقه التعليميه على تميزي اقول من الان اطالة اليوم المدرسي ستسبب لي ولتلاميذي ولابنائي ولاسرتي احبااااااااااااااااط مو طبيعي ..

والله والله ما تصير الساعه وحده الا طاقتنا خالصه ومحنا قادرين نركب السياره من التعب وخطر نطيح على وجهنا من الهلاك والكرف والتعب شلون لا صار الدوام لي الثلاث وفوق ؟؟؟؟؟؟؟؟ احنا مو الات احنا ناااس من دم ولحم وطاقه .. حتى نكون في كامل طاقتنا ونشرح بضمير وننجز اريحونا ارجووووكم ..

تعبت وانا اتكلم كل هالي قلته وهم ابي اكتب زياده بس مهما اكتب ماراح اقدر اعبر عن حرتي وقهري والمي وحزني واحباطي من هالاجراء لو فعلا تطبق .. الله لا يقول ..

وزيرتنا الغاليه .. طلعي من مكتبج المكيف والبااااارد .. وتعالي عندنا يومين صلحي معانا الامتحانات وبنفس الوقت اثناء ما انتي تصلحين يطفى عليج التكييف وعقبها تطفى الانوار ( نصلح بالظلمه ) وايي موظف الوزاره يقول طفوا التكييف وخلو المعلمات كلهم ينزلون ويتجمعون بغرفة وحده وطفوا التكييف عن باقي الغرف ؟؟!!!!!!!!!!!! ( الي يسمعه يقول غرف المعلمات بااااااااااارده ما جنها حررررررررر وما ينقعد فيها بس شنسوي مانقدر نرز ويهنا بغرف معلمات ثانين مافي بينا وبينهم ميانه او علاقه تذكر .. وممنوع نقعد بالاداره وين نولي وين نروووح .. عقب الكرف طول السنه نصير مشردين على اخر الفصل محنا عارفين وين نقعد .. هذي ثاني سنه الحين يصير فينا نفس الشي .. وعقبها يا وزيرتنا الحبيبه .. ابي اشوف هل ترضين على نفسج باطالة الدوام المدرسي او لا ؟؟


اسفه على الاطاله ..وشكرا
وشكرا لكم ..

[معلمة متميزة]

اقترح بدال اطالة الدوام المدرسي .. شيلو المواد والانشطه الي ما منها فايده وصارت مواد احتياط وفوضى والله الطلبه مايسوون شي بهالحصص كله قااااعدييين .. فنية - موسيقى - بدنية وايضا طابور الصباح الي ماااااااله داعي .. اذا كلش كلش مثل المدارس الخاصه يتجمعون الطلبه الصبح في الطابور يطق الجرس يحييون العلم ويروحون الصف على طول ما يطولون 5 دقايق مو 20 دقيقه طابور ؟؟!!!! الطالب تطيح ريوله وظهره ينقص وهو واقف .. وحل نستغل وقتهم بتطويل الحصص او زيادة وقت الفرص ..

وايد من المدارس الخاصه بالكويت مافيها موسيقى وفنية ( البدنية موجود ) وماشاء الله من احسن ما يكون تدريسهم وحصصهم يا اخي شوفو المدارس الاجنبيه عندنا وسو مثلهم ..

يومنا الدراسي العادي فيه البركه ويطلع منه لو اعيد تنظيمه وانشالت منه الامور التافهه .. مثال حثة النشاط المدرسي الاسبوعيه .. ( والله ان المدرسات يسمونها احتياط بو ساعه ) شرايكم ..
الطلبه يحبون الفنية والموسيقى والبدنية والحاسوب اما المواد الثانيه فمايبون يشاركون بانشطتها ونظطر كمعلمات نبتدع لنا انشطه سخيفه مايكون عندنا بالصف الا طالبين ثلاث والباجين يتمشون بالممرات .. يعني مره بالاسبوع مدة ساعه تعم المدرسه الفوضى .. الساعه هذي لو موزعينها على اليوم المدرسي مو احسن ؟؟!!!

بس فكرو شوي واعيدو ترتيب اليوم المدرسي وشيلو مثل ما قلت لكم التوافه وصدقوني ماراح تحتاجون تطولون اليوم المدرسي .. وشكرا ..

[alkoooot]

[السلام عليكم : انا اعتقد إن هيونه الحلوه مو معلمه!!!!!!

[الفرنسية]

أنــــــــــــــــــــــــــــا أرفض وبشدة وين قاعدين بلندن الجو مايسمح كلش وهذا ماينفع ابـــــــــــــــــــــــــدا لأنه عيالنا من زادوا للابتدائي سبع حصص وعيالنا ومدرساتنا مو مستفيددين بتاتا من السابعة لانه المعلمة تشرح والطلبة كل شوي حاطين أغراضهم بالجنطة وينطرون الجرس ولامستوعبين شي شلون لو تطولون الدوام تلاقون الطلبة يطمرون السور من الملل وسلوكهم يصير عدواني من الكبت وهذا واقع والمعلمات اكثر ناس عارفين هالشي

[المها2]

الاستقالة ثم الاستقالة ثم الاستقالة
خلقت لاكون اسرة اولا
ثم عملي
واذا تضررت مصلحة اسرتي فأبنائي اولا

[معلم-فنية]

انا مع اطالة الدوام بشرط
أولا زيادة رواتبنا الدبل مضاعف

ثانيا الاجازة تبدأ من الخميس الى الأحد نداوم

ثالثا
اعادة هيبة المعلم في المدرسة واتخاذ اجراء صارم ضد من يعتدي على المعلم او يستهين بشخصيته
حتى ولو بالكلام
رابعا
تخصيص غرف خاصة للمعلمين مؤثثة تأثيث كامل وخزائن للمعلبمين
خامسا
تخصيص بوفية خاص للمعلمين ما نقول درجه اولى بس يليق بالمعلم
سادسا
المعلم غير مسؤل عن اي شي إداري
فقط يدرس ويطلع اما الاشراف والكنترول فهناك موظفين خاصين لهذه العمليه
سابعا
توفير الوسائل التعلميه البصريه او الماديه جاهزة لاي معلم بمجرد حجزها من قبل المشرف للتقنيات
ثامنا
توضع
كاميرات مراقبه بالساحات والممرات
وعدم اللجوء للمعلم في عملية المراقبة اليوميه او الاسبوعيه

تاسعا
وهي مخصصه لمادتي التربية الفنية
لكل معلم مرسم خاص به
والله ولي التوفيق

شكرا اشدعوة بوافقون على وحده بس : )

[المسك]

كل ماهذا وتعليمنا يفشل ولايعترفون

ولا وعيونهم قويه يبون يطولونه

بالله عيالي وبيتي اخليه لمنووووووووووو

خافوا ربكم يالتربيه

فكروا بالامهات

والاطفال ..

ارحم ترحم

اسنغفرالله واتوب اليه

والله حوبتنا احنا الامهات ماراح تعداها هالوزيره

جانها بتطول الدوام

شنو هي ماعندها بيت وعيال

[المسك]

والله لا اجتهد بالدعاء عليهم

اسما اسما


مستحيل استقيل شنو هذا

من وين اعيش عيالي


؟؟؟

سج ديره بطيخ والله

وواسطات لا ويقولون


ليش العيون علينا

خافووووووووا ربكم


ياناس

رب العالمين اللي فوقكم

[قمر بين شيون]

شنو الفايدة من اطالة الدوام ؟اذا على كلامهم ان الطالب يحل الواجبات في المدرسة فهذا الشي غير صحيح لانة لما جربنا الحصة المستقطعة علشان الطالبات يحلون الواجب فيها اثبتت التجربة فشلها بكل المقايس.