اطالة الدوام

**جهراوية** · 05-03-2010, 11:24 AM

اللة يعين عيالنا صاروا حقل تجارب ومتاكيدين كلنا عيالنا ضاعوا لاتدريس وكله غياب اللي حامل واللي مالها خلق ابشروا بعزكم

**ام دانة** · 05-03-2010, 11:57 PM

أرفض وبشدة حرام عليكم يااااوزارة التربية ذبحتي عيااالناااا كاافي هالمناهج الفااشلة

**alkoooot** · 05-04-2010, 01:54 PM

مشكوره يا مها على تأييدج لكلامي

**alkoooot** · 05-04-2010, 02:03 PM

بصراحة انا أطالب جميع المعلمين والمعلمات وحتى أولياء الأمور بالإحتجاج على هذا الموضوع وإذا أصروا عليه يتحول إلى إضراب . ياجماعه ترى وزارة التربية والله إنها جاده بالموضوع وإذا شافت فيه تراخي من المجتمع مشوا في الموضوع ونفذوه . انا أطلب الجميع بالمشاركة برفض هذا الموضوع .

**رائد العتيبي** · 05-04-2010, 05:50 PM

السلام عليكم ورحمة الله وبركاته ...

سواء رافضين أو موافقين فقد نما لعلمي أن وزارة التربية أعدت خطة لإطالة الدوام وانتهت منها وسوف تطبق من العام القادم وحاليا هناك مساومة بين جمعية المعلمين اللي اعتبرها انا هي الأساس في التضحية بكثير من حقوق المعلمين... ومنها الاعمال الشاقه ومنها زيادة الراتب ... سوف تساوم الوزارة بالموافقة على إطالة الدوام ولكن بشرط أن تعتبر مهنة التدريس مهنة شاقه وأعتقد الوزارة ما راح ترد عليهم ولا توافق لهم وراح تطيل الدوام لأن جمعية المعلمين خايفين على جمعيتهم مو هامهم حقوق المعلمين ولا مصلحتهم ولا حتى مصلحة التلاميذ والعملية التعليميه ناس بمكاتب مكيفه ومرتاحين ويألفون قرارات لا تنفع التعليم ولا العملية التعليميه تخبط لا محدود وبس ...

الله يعينكم يا معلين ومعلمات .... ما ينفع الا الاضراب الاضراب راح يرفع راتب المعلم ويعطيه حقوقه ويوقف الوزارة عند حدها ... بس هيهات ان يكون هناك اضراب وتقودنا جمعية المعلمين ... نقابة المهندسين شوفوا شنو جابت للمهندسين ونقابة العاملين بالبترول وغيرها من النقابات حتى الاعلام يطالبون وحنا نكرف وساكتين

**أبله أستاذه** · 05-04-2010, 08:00 PM

ياجماعة الخير والله ذبحنا التقليد وماناخذ الجوهر من التقليد بس اللي ماخذينه القشور
والضحيه الكبرى طلابنا المساكين
أول شي ضاعوا عيالنا بسبة الملف الانجازي
اللي الطالب بدال لايرسب في الصف الأول ويتأسس من أول وجديد تأسيس قوي عشان يكون له ركيزه في حياته العلميه ويقدر يتماشى مع التعليم 00 خلوه ياخذ فشله الدراسي معاه الى الصف الرابع عشان يرسب ولاحد يسمي عليه
بصراحه انا من وجهة نظري ومن خبرتي في مجال التعليم شفت الفرق الواضح قبل الملف الانجازي وبعده
كسل واهمال وعدم اهتمام وزيادة في المدرسين الخصوصين وعفسه بالدراسه

والحين يبون يقلدون مدارس امريكا اللي الدوام من التسع الى الثلاث
زين ليش مايراعون ظروفنا وحياتنا 0 أولا في امريكا الام حدها طفلين أو ثلاثه بالكثير يعني مايهمها
واحنا بالكويت اللهم صلي على محمد ماشاء الله ولاقوة الا بالله الأم خمسه أو سته أو سبعه شلون تراعيهم وشلون تقابل بيتها وزوجها وعيالها وتشوف غداها
وبعدين الزوج في أمريكا يساعد زوجته في كل شي حتى المواعين يغسلهابس بالكويت مستحيل يعني الرحمه حلوه ارحموا الام المسكينه
وبعدين هناك شتان مابين جونا والجو في أمريكا يعني يداومون للساعه ثلاث أو أربع مايهم الجو حلو
بس احنا الجو عندنا مايحتاج اتكلم يعني الأطفال على مايوصلون البيت كأنهم الدجاج المشوي

ياوزارة التربية
ياوزيرة التربية
نناشدكم الرحمه
خلوا همكم بالتعليم مو بالشكليات
ضيعتوا عيالنا بالملف الانجازي
لاتضيعونا وتعفسون البيوت المطمأنه بقرار اطالة الدوام
ياليت الوزيره جزاها الله خير تراجع السلبيات الغير محصوره
من جراء قرار اطالة الدوام المدرسي

اللهم اجعل آخر كلامنا الحمد لله رب العالمين

**google** · 05-04-2010, 10:05 PM

الاضراب ثم الاضراب ثم الاضراب

**حوريه خليجيه** · 05-04-2010, 10:14 PM

انا ارفض وبشده اطاله الدوام المدرسي

**عبير الورد** · 05-04-2010, 10:16 PM

بالنسبة لإطالة الدوام فقد أصبح أمرا واقعا لاشك فيه

المشكلة عندهم فقط في كيفية التطبيق ( كما يزعمون )

**أبله أستاذه** · 05-05-2010, 02:39 PM

السلام عليكم
ياجماعة الخير
أولا أنا موقصدي التحريض
والله إني انسانه مسالمه جدا ومابي الا الخير

لكن ياجماعه الله سبحانه وتعالى ماشفناه بعينا لكن عرفناه بعقلنا
فبالعقل هل يعقل ان الدوام إذا تمت اطالة الدوام المدرسي راح تصير مصيبه وفاجعه
على الكل
والله ياجماعه راح نعتفس فوق تحت
ترى اللي ايده بالنار مو مثل الي ايده بالماي

يفترض انا نكون المعلمين على ايد وحده ونتحد عشان هالقرار الجائر
مايطبق
والله ثم والله ثم والله ان هالقرار فيه من الظلم الشيء الكثير

والله يعينا على اللي جاي
وسامحوني اذا خطيت على احد من غير قصد