اطالة الدوام

[قيثارة]

[QUOTE=كندرية كويتية;26026]بصراحة مو بس حق المتزوجة ليش و إلي ما مو متزوجة مالها رب

حبيبتي خليني أضم صوتي أقصد دمووعي لدمووعج لأن كلنا متزوجات أو غير متزوجات كلنا في مركب واااحد...الله يهدي مسؤولي التربية ويحنن قلوبهم علينا...

[كندرية كويتية]

الحمد لله لقيت مؤيد أشكرج إختي (قيثارة ) على التأيد و الدموع بعد

و الله يستر شكل مركبنا بيغرق من العشوائية و التخبط في القرارات إلي حاصله بوزارة التربية بس شنقول غير الله المستعان .

[bosoad]

انا مع اطالة الدوام لانه قرار حكومي لماذا كل قرار يريد ان يرى النور نعميه باسباب شخصية ..
فالعمل هو العمل ليكون الدوام من الساعة 9 الى 3 اعتقد أريح من قعدة الفير ..!!

[ahmed1159]

انا ضد الفكرة الفاشلة دى تماما
قبل مايفكروا فى اطالة الدوام خليهم يشوفوا الطالب لما الحصة الخامسة تيجى بيكون خلاص وصل الذروة ومش طايق اى كلمة يسمعها
ثم ماتنسوش ياجماعة ان الطلاب عندكم مدلعين ومو متحمسين للدراسة واول شئ بيفكر فيه اثناء الدوام الدراسى متى يدق جرس الهدة عشان يروح يتغدى يعنى بيكون قاعد الحصة الاخيرة وكل تفكيرة فى السفرة شكلها ايه

قبل ماتفكروا فى اطالة الدوام فكروا الاول ازاى تزرعوا فى عقول ابنائكم فكر جديد يحترم العلم ويقدره
فكر يكون فيه الطالب طموح انه يدخل كلية نظيفة مش انه ياخد الثانوية عشان يدش الجيش ويقبض مرتب وتنتهى الحكاية

والله لو خليتوا الدوام اربعة وعشرين ساعة ماهيتغير شئ فى مستوى الطلاب
غيروا ماداخل العقول قبل ماتحاولوا تغيروا الشكليات

[ladybird]

طبعا .. ضد إطالة الدوام المدرسي ..فسلبياته أكثر من إيجابياته...من جانب الطلاب ف ما اعتقد بيستفيدون ..اما من جانب المعلمين..راح يتسربون من المهنة..خاصة مع رفض اعتبار مهنتهم شاقة...

[alkhalsa]

السلام عليكم عساكم كلكم بخير وصحة وعافية

أنا ضد وضد وضد اطالة الدوام الدراسي والله حرام عليهم قبل لا يطولون الدوام يسألون اللي في الميدان الابتدائي وشوفون حال الطلاب مساكين والله كل ثانية يسألون متى الدوام ينتهي وتعال يا بجي والله حرام الياهل يعني يبي متى يرد البيت يشوف امه وابوه ويبي مسكين يلعب والله يبي يلعب لا تعال اكتب واجباتك متى يخلص والله 9 مساء
يخلص الحين تعال نام ترى باجر دوام هذا الروتين اللي عايشينه عيالي والله......................

ثانيا : وقولون مشكلة استقدام الخدم اشلون يعني البيت من يجابلة اذا اهم موحاسين بالمعلمات لا وقولون لازم المعلمة تشوف عيالها وين تشوفهم اذا مسكينه ماكو وقت لها ادرس ولا ادرس عيالها وتحل واجباتهم ولا تشوف البيت وطلبات الزوج وتعال يا شكاوي ومن هالكلام كله ..... تحصل المشاكل ويكثر الطلاق لانه الام ماتقدر تتحمل صراحة اكثر من جذيه تبي ترتاح تبي اشوي وقت لها تشوف نفسها شوي ................. وين الترابط الاسري بعرف

واذا اللي ماسكين الوزارة وعذروني على هالكلام والله قلته من الحرة اللي بقلبي ) ( عيايز وعوانس متفرغين يقعدون بالوزارة ساعة او ساعتين وبغرفة تحت هالتكييف ويصفطون سياراتهم تحت هالمظلات واحنا سياراتنا تتطحن تحت هالشمس موحاسين اقول رحموا من في الارض يرحمكم من في السماء ارد اقول احنا ناس مو مكايين
والطلاب اطفال اطفال اطفال وشمس الكويت ماترحم !!!!!!!!!!!!!!!!!!!!!!


وآسفة على الاطالة والبدليات والله فيني كلام مايخلص بس اقول الله كريم والله يجزينا ان شاء الله

[انا المعلم]

السلام عليكم
ارفض بشدة اطالة اليوم الدراسي لأنه : 1-عير مدروس ويراد منه فقط الاستجابة للضغوط من فئة محددة من المجتمع دون ادنى اعتبار لسلبيات القرار.
2-الظروف الجوية والاجتماعية غير مناسبة لاطالة الدوام.
3- ما1ا عن الاطفال وعدم قدرتهم على مواصلة الدراسة من 7,30 ناهيك عن استيقاظهم من الخامسة والنصف لو يقلدون الاجانب ويبدأ اليوم الدراسي من الثامنة والنصف او التاسعة والنصف اوكي بس اصحاب القرار عندنا ياخذون اللي يعجبهم وطنشون في الاصح.
4- المدرسات ما عندهم بيت يجابلونه او ما يبون يرتاحون شوية عشان يدرسون عيالهم ؟؟؟؟
كثر ما نتكلم ما كو فايدة اهم مخططين من زمان على اشياء معينة وماشيين فيها مثل زيادة نسب القبول والنسب المكافئة وتطبيق مناهج زيادة والكم على حساب الكيف , شنقول غير حسبي الله ونعم الوكيل

[بيداء علي]

بالنسبة لي انا عندنا الدوام يبدأ منذ السابعة وخمس واربعون دقيقة
وينتهي عند الواحدة ظهراً أي بمعدل ست ساعات
واري ان الست ساعات مناسبة جداً للطالب والمعلم والاداري
لتحقيق اهداف العملية التعليمية والتربوية
ويستطيع ان يزاول كل الانشطة وكل ما هو مطلوب من جميع

[aaaa]

السلام عليم
انا من الرافضين بشدة اطالة الدوام ، واللي موافق على اطالت الدوام دايم عذره ان الدوام الاجنبية والمتطوره دوامها طويل ارد عليهم واقولهم هم ماعندهم حياة اسرية واجنماعية مثلنا ولا دينهم مثل دينا تقولون شدخل الدين اقولكم أنا اصوم اثنين والخميس اذا كنت ادام من الصبح للساعة 3 واصل البيت الساعة 4 مو تعب علي وزارة التربية ماتشوف السلبيات واللي مترتبه عليها بس تبي تطبع على طبع امريكا والدول الثانيه مو ماخذ بالاعتبار بيئتنا الصحراوية ولا مجتمعنا الاسلامي ولا الحياة الاسرية والاجتماعية للطالب والمعلم وثلث ترباع الوزارة من النساء اراهن ان اطالة الدواب راح تخلي نسبت الطلاق يزيد مو من المعقول الزوج ينتهي دوامع الساعة 12 أو 2 والزوجة ينتهي دوامها الساعة 3 وتوصل للبيت مع العيال الساعة 4 ترى وجبة الغداء هي الوجبة الوحيدة اللي تجتمع فيها الاسرة في وقتنا الحالي غير ان الطالب بس تصير الساعة 11 يدوخ ولايقعد متابع المعلم شلون ادرس حصة رياضيات الساعة 2 راح تكون مهزله هذا الحصة لا الطالب له خلق للتعلم ولا المعلم له خلق للشرح راح يكون حده تعبان من طول اليوم والحصص اللي قاعد يشرح فيها

((((( يا وزارة التربية خافوا الله ولاتحاولون تطبعون واهتموا بالكيف وليس الكم لايضحكون عليكم ويقولولكم فيه ايجابيات مع هذا الجيل هذا الجوا والتخبط اللي صاير بالمنهج وبالوزارة ما في ايجابيات بل كلها سلبيات بسلبيات ))

[ام فهد 66]

الرفض ان كان الدوام فقط للاطالة من دون فائدة أما الاطالة مع التدريب و حل الواجبات فلا أعتقد أن المعلمات و المعلمين مهيئون لذلك فأين التدريبات و من الذي يحلها كنموذج معتبر به.
و بعدين منو يستوعب المواد في آخر النهار ، ومنو بيغدي العيال الوزارة بخلت على اللابتدائي وجبة فطور هالمرة بيحطون حق قوقش طلبة لهم اول و مالهم اخر... تساؤلات ما لها حل؟؟؟؟