سؤال مهم جداً جداً ؟ ابي مساعدتكم

[أنفال^_^]

بسم الله الرحمن الرحيم

عطانا الدكتور سؤال وابي مساعدتكم في حله ....

سؤال : هب انكي استدعيتي من قبل مؤلفين كتاب المناهج لاضافة اس خامس على اسس المنهج الاربعه وعنصر سابع على عناصر المنهج السته ما العنصر والاس الذي سوف تختارينه مع الاقناع بأهميته والشرح ؟؟؟؟

ابي مساعدتكم لان الاجابات لازم نسلمها باجر

مع العلم ان اسس المنهج هي : البيئه -المجتمع -الخبرات التربوية - التلميذ

عناصر المنهج هي : الانشطه - الوسائل - المحتوى - الاهداف - طرق التدريس -التقويم

[أنفال^_^]

تكفووون ابي مساعدتكم ضرورير

[أميرة الورد]

هلا وغلا بأنفال

وحياج الرحمن معانا

بالنسبة لي لو سألوني راح أضيف المعلم كأساس من أسس المنهج والسبب هو بإعتبار التلميذ أساس للمنهج بقدراته وفروقه الفرديه وخبراته السابقة ... الخ من الإعتبارات فأنا أضم المعلم كأساس للمنهج ومثال على هالشي ...
بالنسبة لتحديث مناهج الرياضيات للصفوف الإبتدائية تم إضافة معايير معينه لتدريس المادة بدون أي مراعاة للأداه اللي راح تقوم بشرح هالمنهج ولهالسبب نلاقي أن حتى معلمي الرياضيات مشوشين بسبب المناهج الجديده عليهم فما بالكم بالطالب ...
ومثال ثاني وهو تحديث مناهج الإقتصاد المنزلي وتغيير مسماه لعلوم الأسرة والمستهلك وإضافة وحدات غريبة عجيبة ما درسناها بالكليه ومن كل تخصص عطونا شي أتوقع كان الأولى على مطوري المناهج أنهم يراعون أن المعلم غير كفؤ أحيانا بتدريس نوع معين من الخبرات ..
هذا بالنسبة للأسس ...
أما بالنسبة لعناصر المنهج راح أضيف بعد المعلم لأنه الوحيد اللي راح يقوم بالنشاط وطريقة التدريس والتقويم ويشرح المحتوى ويعرض الوسيلة ويحقق الهدف وعلشان هالشي لازم نراعي وجوده ولا نهمل قدراته ...

هذا رايي الشخصي

وأتمنى يكون مفيد

وأسعدتني المشاركة معاج

تقبلي مروري

[أنفال^_^]

مشكوره اميرة الورد على مرورج الكريم ويعطيج الف عافيه ^_^