التوجيه الفني اللغة العربية

**كويتية** · 06-30-2010, 02:24 AM

بخاااطري اكتب شغلة . . .
ع فكرة لما درست صف رابعة ابتدائي درسته وفق استراتيجياتي اناااا واللي اشوفه صح حتى التعبير درست تلمذاتي على الصح وحجي التوجيه وخرابيطه ما طبقته والنتيجة ولله الحمد تلميذاتي كانوا افضل تلميذات في التعبير الكتااابي وكنت اخلي حصة التعبير دااائما الحصة الاخيرة . . .
واما زيارة الموجه قاشرح بطريقتهم اللي يبونها وتحضري وفق ما يبون اما لما اكون بروحي فأنا اشرح وفق ما اشوفه صح . . .من خطوات ومن طرق
ولله الحمد كانوا تلميذاتي من افضل التلميذات في مادة اللغة العربية . . .

**المسك** · 06-30-2010, 07:31 PM

تدرين ياكويتيه انا نفسج مرات مااطبق كلام التوجيه حتى لو اخذهم حصه زياده

خاصه حصه الاملاء يبونا نعطهها البنات اخر خمس دقايق

بالله عليكم شلوووووووووووووووووووون؟؟

علموني

خاصه بنات اولى وثانيه وثالثه اول السنه بطيئا ت البنات

شلوووووووون نضغطهم يعني

تراهم اطفال اول وتالي

ومسويتلهم مذكرات على طريقتي عشان

يستوعبون بسرعه

وشكرا

وانا

ادخل جو المرح

بحصتي وافصل مع البنات

همن لهم طاقه مساكين واذا اخر حصه اخليهم يشربون وياكلون واحنا نكتب

يكون ريجهم ناشف مساكين

**الفارس** · 07-01-2010, 11:43 AM

[SIZE="5"][FONT="Courier New"][[b]color="red"][b]ألى الأخت رئيسة القسم إذا استفدتي من التوجية فهو 1% أما المضرة فهي 99% التوجيه فاشل فاشل لأن من يديره مجموعة من الوافدين يحاربون الكوادر الوطنية وتطفيشهم من المهنة والدليل أنظري إلى الإحصائيات كم معلم لغة عربية كويتي قدم استقالته وكم معلم حول تخصصه وكم معلم حول إلى إداري 78% منهم لغة عربية ويقومون على تصعيب الأختبارات الأشرافية وكأن توجيه اللغة العربية لايصلح للكويتين

**منال** · 07-02-2010, 09:37 PM

توجيه بطيئ في كل شيء
لا يطور
وقليل الاستجابة للمعلمين
ورؤساء الاقسام
خطوة وجود موقع له جاءت متاخرة

**كويتية** · 07-03-2010, 06:32 PM

هلا اختي وردة . . .

نصيحة ان كان عندج خبرة وطرق تدريس مبتكرة ونتائجها مضمونة

طبقيها وخل يتريحون التوجيه

أحنا اهم شي هالجيل اما خرابيطهم اللي كل شغلة وكل يوم قرار خليها ع ورق التحضير بس

هالجيل أمانة بيد المعلم أولا لانه الاقرب لتلاميذه من ناااس قاعدة ع كرسي فرااار تحت تكييف ويتناقشوووون ويقررووون

وهالمعلم آخر من يعلم وعليه يطبق هالقرارات !!

وحلوووة طريقة يااكلون ويشربون آخر الحصة . . .

انا كنت اخذهم لصالة الألعاااب واشتري لهم بريد (ايس كريم )

**الليدي** · 07-04-2010, 05:17 PM

اخواني اخواتي انا معلمة لغة عربية باحدى الدارس الخاصة بالصدفة طبعا خلتني اذهب للقاء التعريفي للمناهج الجديدة مع المشرفات لان اللقاء كان مقتصر على مدرسات الحكومة ومشرفاتهن ومشرفات التعليم الخاص المهم انا لخصت كل شىء دار هناك من توصيف للمناهج اذا رغبتم ساضعه بالمنتدى ولكن الشىء المضحك ان اول الهاربين او الفارين من المناهج الجديدة كانت المعلمات اللواتي كرمن والمعلمات اللواتي لم يحضرن كن من المكرمات ايضا واحد الموجهين المصريين قال اسم درس الافينيوس باللفظ هكذا الافونويوس وايضا هناك موجه مصري اصر وشد على المعلمات وخارج الاحرف وعندما حان دوره قال كسرة الاخطاء وكسرة الانتقادات ولا شعوريا عندها قلت لا فتحة ظهر الصوت عاليا فتدارك الامر وقال كثرة ثم عاد الى اللفظ الخاطىء .

**كويتية** · 07-04-2010, 07:10 PM

والله ياريت يا اختي الليدي خل نشوف الي اي حد وصلوا في الابداع والانقاز =(الإنجاز)
لو الله يفكنا من فطاحلة مصر اللي متشبثين بهالكراسي جان احنا بخير . . .
مير الشكوى لله كلن يبي مصلحته ويمشي ع هواهم !!

**المسك** · 07-05-2010, 05:14 AM

ههههههههههههههههههههههه كويتيه عجبتني الانقاز

ههههههههههههههههههههههههههههههههههههههههه

لا شوفيهم لي تحجوا انجليزي

لووووول

حدس ولاحرق

(حدث ولاحرج)

لووووووووول

والله ماكو ياعمري

طريقتي بسيطه

عن طريق الهدايا وتشجيع

سج اعصب مرات بس اقلبها لمرح

لاني مااشوف التدريس بس تلقين معلومات بالصف واطلع

لاااااااااااااا

والف لااااااااااااااااااااااا

التعليم لازم نعلم اطفالنا شلون يتعلمون

اقولج مره دشوا على طالبات التربيه العمليه

يقولون لي بحصتج وناسه وكل البنات مشدودات لج

يعني وانا اشرح امسح على شعر بنت

العب بقلم وحده من البنات

او اتحرش بوحده والعب بقناصيعها يوووووووووووووووووووووووه

يستانسون حييييييييييييييييييييييييييييييييييييييييل

تشوفينهم كلهم عيونهم لج

وبعدين علمتهم وربيتهم ان الواحد لازم لازم تكون روحه رياضيه

اقعد

جدامهم امثلهم مواقف وانزل لمستواهم الذهني والفكري

مع انه مرات في بنات يصدموني بكلمات بس اتداركها

ومرات اعصب < الجذب خيبه

تشوفين حصتج من اول شي لي اخر شي واهما معاج

واهتم بسراحه بالضعيفات حييل

واشدد عليهم انهم مايغيبون ............

واتمنى نستفيد بعد من بعض

بس انا عندي المرح ضرووووووووووووووري

عشان ماتكون الحصه ممله

**أبلة عيشه نحوي** · 11-18-2010, 01:20 AM

السلام عليكم
أدري الموضوع شوي قديم بس صراحة ودي أشارك من حر ما فيني
توجيه العربي ميت ، وفي منطقة الجهراء التعليمية استبشرنا خير بصلاح دبشه بس صراحة ل شي زاد عن حده ، تخيلوا شيبون منا كمرحلة ثانوية :
1. وقفة علاجية
2. أسئلة الجهد الذاتي لا وآخذها من لسان الطالبة وتجاوب الثانية منها .
3. بعد كل سؤال للجهد الذاتي في تنمية الجهد وهذا متعودين عليه بس نكتبه على السبورة وتحلة الطالبات وين الوقت .
4. التقويم
5. قراءة الدرس .
6. أسئلة الجهد الذاتي للحصة القادمة .
بذمتكم وين الوقت ، وين التعلم الذاتي اللي يقولون عنه شلون نطلع من الجمود اللي حطونه فيه ، مو حرام فوق ما الطلبة وأهلهم يكرهون العربي نكرهم فيه أكثر ، حصتهم كلها كتابة
وااااااااااااااااااااااي الحجي كثير ويرفع الضغط ، بس آنا صراحة كاشته بالأمة العربية واللي بيحضرلي يحضر ، بسوي اللي يرضي ضميري وربي وأعلم البنات صح
يعني شنو هدف ينصاغ صح شالفايدة وشنو أهميته بذمتكم شي ومكتبوب بس ماله معنى ، لأن البنات ما يسوعبون من كثر الكتابة
آنا طلعت اللي بقلبي لأني معلمة متميزة وبكل فخر ، وأتمنى من إللي يعترض على استهزائي بالأهداف يفكر شنو سوتله الأهداف وشلون حققها .

**مجموعة ورود** · 01-03-2011, 09:00 PM

السلام عليكم ... انا معاكم في كل ما قلتوه وانا ذقت الامرين من التوجيه والسبب موجهه للاسف كويتيه ..... بدل ما تشجعنا تكسر مجاديفناوكل همها لا تحطون ميك اب ... شكو ما ادري ؟ وحاربتنا عشان خلاف شخصي مع رئيسة القسم
وقبل لاتروح قالت لرئيسة القسم الجديده ... فلانه انظلمت مع العلم انها تدعي الدين ... الله يسامحج يا فوزيه الزامل .