الى كل من يريد اجتياز التوفل
السلام عليكم انا عضو جديد واتمنى ان موضوعي الاول يلقى اعجابكم
موضوعي عن اختبار التوفل وكيفية اجتيازه
باختصار التوفل هو نظام امريكي يبين قدرة الطالب في فهم اللغة الانجليزية
والاختبار اغلبه سواء الreeding او الstructure او ال listining كلهم تكون مواضيعهم عن الثقافة الامريكية او تاريخ امريكا او الاقتصاد الامريكي او كندا والدرجة العليا مالته 677
مع هذا يجيبون اشياء ثانية عامة ومنوعه
باختصار شديد الاختبار التوفل ينقسم الى قسمين
1 - الاختبار الدولي : طبعا ميزته انه مقبول في كل الجامعات لكنه اكثر صعوبة وهو على كمبيوتر وينقسم الى 4 أقسام وهم :
أ - reading : وهو عدة قطع وعليها اسئلة
ب - structure : القواعد او النحو وهو معقد قليلا
ج - listining : الاستماع للحوارات ثم الاجابة عليها وتنقسم الى 3 اقسام ايضا : ( محادثة قصيرة ، أطول قليلا ، محاضرة ) .
د - writing : وهو التعبير
النوع الثاني :
2 - التوفل المحلي : وهو مقبول بالجامعات المحلية ويمكن ينقبل بالجامعات الخليجية ماادري ويكون اسهل من التوفل الدولي طبعا ويكون على ورق الامتحان وهو النظام القديم .وينقسم الى 3 اقسام فقط وهي :
أ - reading :
ب - structure :
ج - listining :
طبعا الامتحان صعب كان بالبداية لدرجة اني ظنيت ان من المستحيل اجتياز هذا الاختبار لكن صدقوني سهالات
بالاخير انصحكم اذا تفكرون تجتازون الاختبار بهذي النصايح :
1 - اقروا اي شي بالانجليزي سواء كتب اخبار بالجريدة كتاب قصة لان هالشي راح يقوي القواعد عندكم ويعطيكم ثروة لغوية .
2 - طالعوا افلام انجليزية وحاولوا ماتقرون الترجمة او اشتروا الفلم بدون ترجمة
3 - انصحكم اذا بتاخذون دورة توفل لاتاخذونها الا بمركز اللغات بجامعة الكويت لان المدرسين حق القواعد ومهارة الاستماع من احسن الدكاترة اللي يدخلون المعلومة براسكم غصب ودورتهم صج قوية حيل وفلوسها فيها انا اول مادشيت كان مستواي 410 وبعد 4 اسابيع من الدورة ارتفع مستواي الى 480 مع العلم اني ماادرس كلش بس اداوم وبس يعني لو درست جان يبت اكثر . ورسومها حيل رمزية 180 دينار و 90 ساعة تدريس
رقم مركز اللغات : 24988100
في بعد معهد قوي ثاني اسمه ايميديست بس ماجربته صراحة وهذا تلفونهم : 25750670
بالنهاية اتمنى ان موضوعي حاز على رضاكم
رد مع اقتباس
مواقع النشر (المفضلة)