اهدي بيتين شعر للي بعدك !

[moalma]

فكرة تجدها في مئات المنتديات . .
.آنا عني حابتها لحبي للشعر في الأساس ...

وهي ان العضو اللي يدش اهني يهدي بيتين شعر للي بعده ...
على فكرة مو شرط بيتين ...كيفكم اللي تبغونه ومو شرط تكون من كناباتك .
.لك الحرية في الاقتباس من اي الشعر الموجود ....

ما راح أطيل عليكم ...

خليني ابتدي مع هالبيتين وأهديهم للي بعدي :

اياك تشكي للمخاليق بالواك...
شكوى لغير الله عيب ومذلة...
أحد يفرح لا سمع منك شكواك...
حتى قريبك صرت له حكوة له...

[وسم*]

يالله كلمات بمنتهى الروعه يالغالية

وللبعدي هذه الأبيات:

يكفيك شر انشغال البال
وين أنت ياشاغل بالي

حالي بلاك انت ماهو حال
غليت دنياي ياغالي

سعود بن بندر

[الاحساس]

احلى اهداء حبيبتي كانك تدرين ان بالي مشغول!!
وانا باهدي اللي بعدي هالقصيدة :

أبنسحب من حياة الظلم وجنـــونك
ما دام ذنبي وفيت ولك بكت عيني

حلفت لي لو يطول العمر ماخونــك
حلفت مهما حصل لي ما تخلينــي

منهو الجديد بحياتك صار مجنونك ؟؟
منهو الجديد اللي من شانه تخليني !!

عزّاه .. ما كني اللي كنت بعيونك
إنسان فارق عن العالم وتغلينــي

تسرف بجرحي عبث واتحمل طعونك
واحد مكانك "رحم" لو مايدانيني!!


عزّاه .. يا قلب وافي كيف ينسونك
نسى قسى راح و أبعد وينه وويني؟


ياليتها اليوم بيدي وأعرف أخونك
وأخون قلبٍ على بعدك يـعزيني

[moalma]

شكرا حبيبتي الإحساس ...

إهداء للي بعدي

كيف درب الحب يهنالك تعيقه...........ماسرابك جرح لكنه سرا بي
عقب مازان الضوى تطفى بريقه........ روح دام الجرح بسبابك لجابي
لكن اسمع ماجرى وأخذ الحقيقه........ من عرفتك مالقيت الا عذابي

[وسم*]

هلا فيكم حبايبي عساكم على القوة

تعبت من المجامل بالصراحة
ولقيت الناس مرضاهم عسيري

دريت إن عمري المقبل كفاحه
يبي مني بذل جهد كثيري

[moalma]

الله يا وسم ....جميلة اختياراتك ...

يـنـدمل جرح قلب ماتت احلامـة
بس ماضن يبرا جرح الاحـساسي
يـوم صارت مابيـن القـلب والهامة
ويش ابـي بالحـياة اليا انـحـنى راسي
^.^.^.^.^.^.^.^.

[وسم*]

هلا بشمسنا ذوقج هو اللي حلو:

أعزف على أوتار حبك أماني
وآمووووت بأحضان الأمل حين ذكراك

لاشك واجب لك أقدم تهاني
وأكتم عزاية حيث مقسوم دنياك

[moalma]

ما همني هرج القفـا و أغتيابـي ,,,,,, مثل الجبل ما زعزعته العجاجــــه

و لا دنست بعض التهايـم ثيابـي,,,,,, و لا أثر بفكري بعض فكر الخواجه

عن حضرته مبدا شموخي رقابـي ,,,,,, مجد السمو المعتلي بـرج عاجـه

لا ما يطوله من يسـن الجنابـي ,,,,,, راع الردا ما هـو بقـد المواجــــــه

[مشاري]

ما شاء الله عليكم

كل مشاركاتكم حلوة

الواحد ما يدري شيقول

بس أقول للي بعدي ...:

قل لمن مل هوانا ,,, و تولّى ونسانا

كنت بالأمس حزينا ,,, مفجعا ألا ترانا

مالك اليوم برخص ,,, بعتنا تبغي عدانا

فسيأتيك زمان ,,, تبتغي فيه رضانا

يومها لو كنت ميتا ,,, لن تجد منا عوانا

مشكورين

[عبير الورد]

أراك عصي الدمع شيمتك الصبر
أما للهوى نهي عليك ولا أمر