فكرة البونص جيدة أدخل لترى ذلك
السلام عليكم و رحمة الله و بركاته
أول شي بوريكم شنو اللي راح تحصلون عليه من البونص يا معلمين
1- معلم هـ إذا كان تقييمه 100% ياخذ 600 و إذا أخذ أدنى مستوى في التقييم و هو 55% ياخذ 330
2- معلم د إذا كان تقييمه 100% ياخذ 1380 و إذا أخذ أدنى مستوى في التقييم و هو 55% ياخذ 759
3- معلم ج إذا كان تقييمه 100% ياخذ 2400 و إذا أخذ أدنى مستوى في التقييم و هو 55% ياخذ 1320
4- معلم ب إذا كان تقييمه 100% ياخذ 3360 و إذا أخذ أدنى مستوى في التقييم و هو 55% ياخذ 1848
5- معلم أ إذا كان تقييمه 100% ياخخذ 4200 و إذا أخذ أدنى مستوى في التقييم و هو 55% ياخذ 2310
6 - معلم متخصص ب إذا كان تقييمه 100% ياخذ 5460 و إذا أخذ أدنى مستوى في التقييم و هو 55% ياخذ 3003
7- معلم متخصص أ إذا كان تقييمه 100% ياخذ 6600 و إذا أخذ أدنى مستوى في التقييم و هو 55% ياخذ 3630
فإذن لا تحاتون البونص جيد و الكل راح يحصل فكر معاي
إذا كنت معلم ب و كان عندك شوية أيام غياب إضطراري و عندك إستئذانات و نصابك طبيعي مو وايد و تقديرك جيد جدا
فيمكن يكون تقييمك 80%
فجذي يكون البونص مالك 2688 دينار يعني لو قسمتها على الأشهر جان صارت 224 يعني كأنه زايدينك 224 دينار
فبالعكس لا تحاتون حتى لو كان التطبيق في واسطات و لعب و ماكو إمتياز بس البونص جيد و يكون التقييم سنة بسنة
و لا تنسون كل هذا فوق الراتب يعني نعمة
يعني بالعربي (( كل المعلمين راح ياخذون بونص من 330 دينار إلى 6600 دينار بالسنة )) مو بس 330 و 6600 مثل ما قلنا بالمثال بمعلم ب
يعني
330 / 12 = 27.5
6600 / 12 = 550
يعني في ناس راح تحصل كأنه زيادة شهرية 27.5
و في ناس راح تحصل كأنه زيادة شهرية 550 دينار
أحسن من كادر جمعية المعلمين اللي يمكن يزيدك 250 بس
و لا تنسا في كادر قديم مال موضي اللي راح ينزل مع هالشهر
هذا سنة خير على المعلمين مبروك لي و لكم البونص أو كادر جمعية المعلمين
مع إني كنت مع الكادر بس لمه شفت المعايير و البونص غيرت رايي
و شفت إنه البونص أفيد لأنه يحرك المعلمين شوي و يحرك اللي ما يشتغلون و ماديا مجزي
عكس الكادر اللي ما راح يحرك المعلمين و يفيد ماديا بس مو مثل البونص
و بخصوص الواسطة لا تنسون إنه رئيس القسم و الموجه و المدير المساعد و المدير ما صاروا بمكانهم إلا بواسطة
و إحنا المعلمين راح نستعمل الواسطة إذا حسينا إنه في ظلم للوصول لهذه المناصب فلا تنسون هالشي
و بالعافية علي و عليكم هالزيادات
مع تحيات الأستاذ عبدالله
