لمن يريد عمل اى دائرة الكترونية بنفس قطع الحقيبة
[FONT="Arial"][SIZE="4"][COLOR="Blue"]اخوانى الغائبين
حبيت انقل لكم تجربتى عن عمل شبيه للحقيبة الالكترونية اللى الطلبة بينفذوا عليها التمارين
على اساس لو حبيت تعمل وسيلة او تزود عدد الحقائب يعنى اسهاما منك فى تقدم التعليم الالكترونى:(298):
ياسيدى الحقيبة مكونة من :
1-مقاومة ضوئية -وشاشة عرض سفن سجمنت - وليدات --ومقاومة متغيرة 50 كيلو اوم
ومفاتيح ضغط عادية ومفتاح ثلاثى وسماعة --وملف هوائى --ومكثف متغير --واللوحة الصغيرة لوضع القطع عليها ( bread board) كل ده فى محلات ار تى سى اما فى حولى -شارع بجوار السنترال او الكويت/ شرق/ مجمع الاوقاف الدور الارضى
اما بالنسبة للسبرنج (سوسته بالمصرى) بتباع فى محلات بن نصف فى الشويخ المتر ب 2.250
اتنين دينار وربع
الاسعار عشان ماينضحك عليك
مقاومة ضوئية احجام اكبر حجم 400 فلس والمتوسط 200 فلس
الليدات 50 فلس
سفن سحمنت (شاشة الارقام ) 500فلس بس خد بالك هات كومن كاثود لانها نوعين كومن كاثود وكومن انود
المقاومة المتغيرة ب 500فلس
اى مقاومة عادية ب 20 فلس القطعة
مفتاح عادى ب 150 فلس
المفتاح الثلاثى ب 250 دينار
السماعة وملف الهوائى والمكثف بصراحة مش عارف اسعارهم لانى اشتريتهم من الحراج وموجودين فى اى راديو قديم بربع دينار
لوحة التجارب ب 1.250 وبتقسمها اتنين بمنشار لانها كبيرة
نيجى بقى لاهم شئ وهو المحول لانى دوخت عليه
هو رقمه LT 700 وهو محول صوت لو لقيته فى المحل يبقى حظك حلو لو مالاقيته تروح لاى محل او لوازم العائلة هتلاقى نوع معين من جرس الكنارى اسمه رويال هتفتحه الاول وتتاكد ان المحول بحمس اطراف وتشترى الجرس وعوضك على الله فى دينار هتدفعه تمن الجرس كله
هتعمل الوسيلة طبعا على لوح بلاستيك صغير بحجم الحقيبة
ربنا يوفقك لو دخلت هنا وقريت كلامى:(298):[/COLOR][/SIZE][/FONT]
