آخـــر الـــمـــشـــاركــــات

مشاهدة تغذيات RSS

واقعيـــه

وبكت أبرار .. وبكيت معها..!

تقييم هذا المقال
دق الجرس معلناً بدء الحصه الثالثه .. حملت كتبي وبطاقاتي وادراتي وتوجهت الى الصف الثامن ..

اليوم سأشرح لهم درس ( الدوله العباسية ) ..



معلمة الحصه الثانيه لازالت بالصف .. انتظرت خارجاً حتى يتسنى لها الخروج .. خرجت ..

آسفه ياابله معلش خدت من وئتك ..


أنا : ( ابتسمت ) لاعادي حبيبتي ...

يللله ياآمنه مسحي السبوره بسرعه ...
السلام عليكم .... وعليكم السلام ورحمة الله وبركاته ...
اليوم درسنا سيكون عن ..
وبدأت بالشرح .. ولاحظت ان ( أبرار) الطالبه المجتهده .. شعله الصف .. في واد آخر ..
اقتربت منها ... وفاجأتها : جاوبي ياأبرار...
هاااا شنو أبله ؟؟!
أعدت السؤال : ................
صمتت ابرار ...........
جاوبي يا دلال ....
اعيدي الاجابه ياأبرار....
انتهى الدرس ولم تنتهي حيرتي من الحال التي وجدت ابرار بها...
ابرار .. نعم ياأبله ... عسى ماشر ؟ حالتج مو عاجبتني ؟ فيج شي حبيبتي؟!
لالالا ياابله مافيني شي .... لكن .... وصمتت
اذا حسيتي انه عندج شي بتقولينه لي بأي وقت تعالي للقسم وابشري باللي تسمع لج ...
ذهبت للقسم ...... وللامانه انشغلت بمهامي واعمالي ونسيت امر ابرار....
بعد يومين ....
ابرار عند باب القسم : ابله لو سمحتي ابي اكلمج دقيقه ..!
هلا ياقلبي ... عسى ماشر ؟؟
ابله بآخذ رايج بشي ...
تفضلي ...
ابله انا اكره ابوي
؟؟؟!!
ليش حبيبتي ؟؟ شصاير؟
ابله والله العظيم أنا " كنت " أحب أبوي حيييييييل ولو يطلب روحي عساها فدوه له بس الحين اكررهه ولا احب حتى اشوفه
ليش ياقلبي ؟؟
سكتت وخنقتها العبره...

تكلمت :
أبله .. وانا بالمدرسه تفاجأت ان ابوي ماخذ اللاب توب مالي وموديه الدوام معاه .. تدرين ليش ياأبله؟؟ عشان يعطيه واحد معاه بالدوام " يجييك " عليه !!!
انا انصدمت .. وسكتت .. وخليتها اتتابع كلامها...
ابله ابوي مايعرف بالكمبيوتر شي ... واخذ اللاب توب مالي لواحد بالدوام رجال غريب وكشفني جدامه .. ليش ؟؟ ليش؟؟؟ حسيت نفسي عريانه جدام رجال غريب ..
صوري ملفاتي اشيائي الخاصه استباحها الغريب بتفويض من أبوي ؟؟!!
والله ياأبله لو سائلني وقايل افتحي اللاب توب جدامي كان ماتأخرت .. بس ليش يتجسس علي بهالطريقه...
الله سبحانه وتعالي قال " ولاتتجسسوا "
وبعدين اهو اللي رباني .. شنو مو واثق من تربيته فيني؟؟؟

أكرهه ياابله أكره ابوي وأحتقره .. احتقره .. وماني قادره اثق فيه أبد .... كسر اشيا كثيره فيني ناحيته من تصرفه هذا ...!!!!

7
7
وبكت أبرار بحرقه ... وبكيت معها ....!



للأسف عقليات فاشله .. لاتدرك انها بتصرفاتها السخيفه بدعوى الحب او الخوف او التربيه انها تهدم ثقه وحب وقدوة كانت في نظر هذه الصغيره التي انتهكت خصوصياتها بشكل سافر واسلوب رخيص ..!
الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية الصريح
    قصه فعلا يستافد منها كثيرا جعلت افكرا كثيرا
    لاتحرمينا من جديدك اختي واقعيه