المساعد الشخصي الرقمي

مشاهدة النسخة كاملة : درس نموذجي ومدرسة غير شكل



مربي أجيال
11-06-2007, 05:46 PM
لأني ما ادش الانترنت الا قليل وشفت رساله تخبرني عن الجديد بالموقع حبيت اشاركم في هالي صار في مدرسة ......

قبل فتره رحنا حق مدرسة بالمنطقه العاشرة عندنا درس نموذجي نبي نشوفه ، وطبعا تكودنا جم مدرس ولاني مو من طبعي اجتماعي فما اعرف أحد منهم . شغلتي اسمع سوالف المدرسين ، بس عاد كل شي الا اني اسمع مدرس يقول حق مدرس ثاني لما ساله عن مدرسته اللي انقوله لها ، ابشرك مدرستي ولا حسن مدرستي ولا اروع ( تذكرت المهرج : داود حسين لما كان يقلد المعلق .... ) قال ليش : تدرين ان الزقاير عادي نشربها بأي مكان شلون : ولا بالساحة يشرب زقاير
بالممرات كل مكان الا مكانين ، وين بغرفة الناظر وبالصف ولو تبي تشرب بالصف محد درى فيك.

كلمات بصراحة ضيقت خلقي ، يعني انت مدرس توصل فيك المرحلة للمستوى هذا من التفكير.

ومنا لكم

مها
11-06-2007, 05:52 PM
يا حسافة يا عيالنا اللي انت مثل هالمدير

أصلا فيه قوانين بس مو قاعدين يفعلونها ان التدخين بأماكن العمل والعامة ممنوع

moalma
11-06-2007, 08:03 PM
الصراحة آنا لو بـ محلّك احط لي ملاحظة صغيرة في ورقة وأحطها عند المدير دون ما يشعر ..

للأسف هذا معلم وسعيد بانه الزقاير مسموحة له أجل كيف يكون قدوة ؟؟!!


رباااااااااه أنقذنا !!!



مربي اجيال

نشكر لك غيرتك واخلاصك في العمل


همسة

أتمنى ما تسكت عن الموضوع !!

ابو بدر
11-07-2007, 12:01 AM
فعلا أمر مزعج ومكدر
ومع ذلك فهو غير مستغرب
للأسف بعض المعلمين واجد عليهم سباكين !!
لا واللي يحز بالنفس أن منهم غير كويتيين
يعني الكويتي ... أبتلشنا فيه ,,, والله يعينا عليه
طيب شنو اللي يقصبنا على تحمل الغير كويتي
أخي مربي أجيال تقبل تحيتي

كويتية
11-07-2007, 12:41 AM
تذكرت موقف حصل لي فى بانكوك :

كان زوجي بيده زقارته وكنا نمشي بالشارع العام وكانت بنتي الصغيرة يمي تمشي

قربت عجوز تايلندية وخمطت الزقارة من إيد زوجي واشرت على بنتي طبعا زفتنا زفة تايلندية راقية

شارع عاااااااام ومع ذلك ممنوع فى الزقاير

فما بالك فى مدرسة وأمام تلاميذ

كل على همه سرى

أهم ( المعلمون ) همهم زقايرهم

واحنا المعلمات همنا المديرة قشرة وإلا حبوبة

moalem
11-07-2007, 01:26 AM
هو مثل ما تفضلت الاخت مها فيه قوانين لازم يتم تفعيلها سواء في المدارس او غيرها

وهالظاهره مشاهدة حتى في المدارس اللي فيها حزم ، فالمدرس ياخذ اريحيته بس اذا حس ان احد جاي ما يمون عليه قط الزقارة وكأن شيئا لم يكن.

العهدة على الراوي
11-08-2007, 10:28 PM
كل اناء بما فيه بنضح

هذا مثال سيء للمدرس