المساعد الشخصي الرقمي

مشاهدة النسخة كاملة : يا وزارة.. أين عاملوا النظافة في المدارس ؟



عبير الورد
09-21-2007, 03:57 PM
غريب أمر هذه الوزارة ..استغرب فعلا من طريقة تفكيرهم
تصرف الآلاف على حفلات ما منها فايدة وعلى لجان مالها داعي
لكن صرف المبالغ للاهتمام بنظافة المرافق التعليمية أمر غير مهم
قبل أكثر من سنة رضينا بواقع أن كل مدرسة فيها 9 فراشات
وقالوا لنا هذه سياسة ورضينا بالسياسة وقلنا الحكومة أبخص :(290):
هالسنة قلصوا العدد إلى 6 عاملات لكل مدرسة !!!!!!!!
سألنا وقلنا ليش يالطيبيين ؟!!
قالوا لأن صارت مشكلة مع شركة النظافة وقامت الشركة وألغت العقد في حركة مفاجئة !!

يعني ما أدري شقول الصراحه ...
.حتى اللي ما يفهم يعرف هناك بند جزائي وعقوبات تفرض على المتعاقدين حين الإخلال بشروط العقد وكل اللي سوته الوزارة انها سحبت من بقية المدارس العاملين لتسد النقص في منطقتي العاصمة ومبارك الكبير.

الشي اللي متأكدة منه أنهم تعودوا علينا نسكت في الأزمات ..عشان جذي أبشركم أن الوضع سيبقى على ما هو عليه .

سؤال
ألا يوجد شركات تنظيف في البلد غير تلك الشركة ..؟!!!
والا خايفين على زعل الشركة وناطرينها ترد وتوافق على التعامل مرة ثانية مع الوزارة ؟
والا في إنّ في السالفة وخايفين تنكشف ؟

عندي اقتراح جدا وجيه
أشرايكم كإجراء استثنائي أن تقوم الوزارة بسحب العاملين في المناطق التعليمية والوزارة وتحطهم في المدارس ونشوف ساعتها المسئولين شيصير فيهم ؟:z050:

يا جماعة
حرام عليكم صار فينا ربو من كثر الغبرة في الغرف صرنا نشحذ من العاملات عشان ينظفون لنا غرفنا والممرات....... حتى الفصول مغبرة !!:(237):
صرنا نتعامل بالفلوس على كل شغلة نبيها وصاروا عصابات ما يهمهم حتى المديرة
وهذا شي طبيعي 6 شيلحقون على غبار الكويت
بس الشرهة مو عليهم ...
الشرهة على الوزارة اللي ما تهتم بمدارسها اللي هي اساس وجودها

على فكرة ..قولوها بصراحة ....أنتو تبونا حنا والطالبات نغسل المدرسة ؟!!
عموما ناطرين هالظرف اللي يزعمون انه استثنائي أن ينتهي ....مع أن المكتوب مبين من عنوانه .

وأخيرا......إذا ما نهمكم وهو اللي متأكدين منه
راعونا على الأقل عشان حديث الرسول صلى الله عليه وسلم :"النظافة من الإيمان "

moalma
09-21-2007, 10:01 PM
يا هلا عبير

جيتي على الجرح والله

هذا اللي نعانيه فعلا هذا العام

يعني بذمتكم 5 شغالات فقط لكل مدرسة هذي وين تصير

وفي بلد الخير ؟؟؟!!


مشاكل كثيرة حصلت والسبة عدم قدرة العمالة من التنظيفالسريع لكل الفصول او الروضة

هذا غير المتطلبات الخرى

ولما نخاطبهم يقول حطوا لكم شغالات من الصندوق المالي عندكم


يا دي الصندوق اللي مو عارفين شيبي يلحق عليه



شفيكم يا وزارة ؟؟؟ شصاير في هالبلد

اسامه
09-22-2007, 02:15 PM
يا جماعه انتو ما تدرون ان حتى الترشيد صار في عمال النظافه و يبون التطوير في العمليه التربوي و كل شي جاهز اشفيكم للعام الدراسي الجديد