المساعد الشخصي الرقمي

مشاهدة النسخة كاملة : نصائح يجب نصح الطالب بها قبل تنفيذ التمرين



ahmed1159
12-27-2012, 08:34 PM
السلام عليكم
هناك عدة امور يجب ملاحظتها والتنبيه على الطالب قبل بدء تنفيذ التمرين

1- يجب التقليل بقدر المستطاع فى عدد الاسلاك المستخدمة فى الدائرة

2- يجب ربط العناصر كالمقاومات او المكثفات مباشرة الى الترانزستور او مصدر الجهد او سالب البطارية وعدم توصيلها بسلك

3- يجب اختيار طول السلك المناسب وعدم وضع اسلاك طولها زائد حتى لاتسبب اعاقة عند وضع عناصر اخرى او اهتزازها نتيجة للحركة وعدم التوصيل

4- يجب اختيار مساحة عمل واسعة اى ان يكون هناك متسع فى المساحة امام الطالب لكى يضع العناصر فلايسبب وضع عنصر فى تحريك عنصر اخر مربوط واهتزازه وعدم توصيله

5- عند وضع الترانزستور من نوع npn يجب وضعه بحيث تكون قاعدته لاعلى ومشعه لاسفل لان المشع سالب وعليه سيكون ربطه اسهل الى سالب البطارية القريب منه اما اذا كان الترانزسنور من النوع المخالف pnp فيجب ان يكون قاعدته لاسفل لنفس السبب لانها سالبة

6- يجب ان تكون اخر خطوة فى توصيل التمرين هى توصيل سالب البطارية حتى لايحدث تلف للعناصر اثناء التوصيل والدائرة شغالة

7- عند استخدام ليدات فى الدائرة يجب تحذير الطالب بعدم التوصيل بدون مقاومة ولفحص الليد يجب فحصه على الجهد 3 فولت فقط وليس اكثر

8-يجب قص المقاومات من احد اطرافها ويكون هذا الطرف القصير هو الذى سيوضع ناحية الترانزستور لان عدم قصه ووجود طول كبير لسلك المقاومة سيجعل هناك احتمال كبير لحدوث التماس بين المقاومات او عناصر اخرى فى المساحة الضيقة حول الترانزستو
ر
9 عند وضع اى سلك يجب الضغط عليه ووضعه جانبا وليس معلقا فى الهواء حتى لايهتز نتيجة لحركة اليد

10- عند الانتهاء من التمرين وعدم عمل الدائرة يجب فحص الجهد اولا ثم التاكد من تثبيت العناصر جيدا ثم تتبع نقاط وصول الجهد نقطة نقطة بوضع سالب الافوميتر على سالب بطارية الحقيبة والفحص نقطة نقطة بموجب الافوميتر عن الجهد الموجب حتى تحصل على نقطة القطع قبل العنصر وبعد العنصر حتى تحصل عليه

11- واخيرا اهم نصيحة وهى شائعة جدا خصوصا فى مدارس البنات يجب عدم وضع ارقام العناصر فى الحقيبة على للدائرة خصوصا فى الحقيبة 200 حتى لاتعود الطالب على التوصيل الاعمى والنتيجة عدم استفادته فليس الهدف هو تشغيل الدائرة ولكن الهدف تعليمه كيفية قراءة وتنفيذ اى مخطط لدائرة الكترونية
ا

الحلواني
01-05-2013, 12:18 PM
بارك الله فيك يا هندسة مجموعة نصائح هامه بالفعل شكرا واسمح لي اطبعها ويمكن اعملها وسيله في الورش

ahmed1159
01-07-2013, 09:07 PM
بارك الله فيك يا هندسة مجموعة نصائح هامه بالفعل شكرا واسمح لي اطبعها ويمكن اعملها وسيله في الورش



شكرا ياحج ممدوح على ذوقك وتشجيعك

ahmed1159
01-07-2013, 09:21 PM
بارك الله فيك فعلا احنا فى مدارس البنات بنعتمد على الارقام.
ليا سؤال عندكم.
عملت دائرة كاشف المعادن بس بتشتغل لما المعدن يكون قريب جدا من الملف .
عايزاه يلقط على مسافة اكبر شوية لو حتى 10 سم . يعنى الدائرة متكونشى لازقة فى المعدن علشان تطلع السفارة اعمل اية؟؟؟
للعلم الدائرة مش دائرة الكتاب انا شارياها ووصلتها انا.

تصدقى اول ماقريت كلامك ضحكت لانى افتكرت واحد زميلنا اسمه محمد جوده الله يمسيه بالخير كان عملها واتقدم بيها فى مسابقة احسن وسيلة السنة اللى فاتت
انا سالته قلت له انت عامل ايه ياحمام قالى دائرة كاشف معادن
بينى وبينك انا اتخضيت قلت اكيد محمد هيكسب وهياخد المركز الاول
انتظرنا يوم تقديم الوسائل وكنت حاطط ايدى على قلبى من وسيلة محمد ..وانتظرت دخوله الورشة عندنا لان المسابقة كانت عندنا فى الشملان ..ودخل محمد ومفيش معاه وسائل
قلت يمكن هيعمل مفاجاة اتقدم محمد ناحية الموجهين عشان يعرض وسيلته ..وكانت المفاجاة انه طلع علبه من جيبه زى الساحر هههههههههههه
ساله الموجه قال له ايه ده
رد محمد : ده جهاز كاشف معادن
تبسم الموجه وانشكحت اسارير وجهه وصمتت القاعة وطلب الموجه تشغيل الجهاز
عمنا محمد شغل الجهاز واكشف ياجهازنا عن المعادن اللى فى الورشة وهى مليانه
محمد متعبش نفسه وقام مطلع مسمار من جيبه وشممه للجهاز اللى اد علبة الكبريت
الجهاز طلع صفارة جميلة فرحا ببوسة المسمار هههههههههههههه
انا مت على نفسى من الضحك لان الجهاز مش بيشتغل الا على بوسة هههههههههههه
ومش اى بوسة لازم تكون من مسمار او معدن حديد
دى حكاية كاشف المعادن بتاع النصابين ارتى سى وغيرهم
اما ازاى تزودى قدرته من بوسة الى تخليه يشم حتى ههههههههههههه فدى محتاجة شوية مذاكرة ومحتاجة تنزلى الدائرة بتاعه
وان شاء الله انا ههتم بالموضوع وهبحث بعدين ارد عليك
ونصيحة يامها يابنتى بلاش تعملى دوائر جاهزة من المحلات لانها اولا بتكون تعبانه ثانيا بتكون معروفة لكل الناس ثالثا وده الاهم انك لاتتعلمى منها شيئ ولكن بتنفيذ دوائر الانترنت بتخدى خبرة كويسة من دراسة الدائرة ومذاكرتها وتجهيز العناصر بنفسك