المساعد الشخصي الرقمي

مشاهدة النسخة كاملة : دعوة لحضور حصة نموذجية عن الضوء المتقطع فى مدرسة ابن القيم



ahmed1159
12-18-2012, 10:57 PM
السلام عليكم
ادعو الاخوة المدرسين الذين ستصلهم الدعوة الحضور وعدم الكسل لان الحصة تستاهل الحضور وفيها حاجات هتعجبكم جدا..ام الهيمان بعيدة انا عارف بس الدرس يستاهل التعب
يوم الاتنين 24/12 الحصة الثانية والثالثة

Eng .malak
12-23-2012, 06:58 PM
بالتوفيق استاذ احمد كلي ثقة ان الحصة ستكون ممتعه وبها اساليب جديده للشرح

مهندسة الأحمدي
12-23-2012, 08:05 PM
مع أطيب التمنيات بالتوفيق

ahmed1159
12-24-2012, 12:24 AM
شكرا جزيلا ياجماعة

الحلواني
12-24-2012, 07:13 AM
اطيب الامنيات بالتوفيق

ahmed1159
12-24-2012, 04:08 PM
توفيق مين ياعم يابتاع التوفيق .......هههههههه
بعد ماطلع عين اللى خلفونى فى عمل وسائل وتجهيز الورشة وباور بوينت وشغل على برنامج سيركت ويزرد وشراء حاجات على حسابى علاوة على وجبة كنتاكى للطلبة وبالمرة دينارين للواد ينظف الورشة ويمسحها ويروقها ...ورص الكراسى وتجهيزات وجاكت بدلة جديدة ههههههه ...كل ده وتخيل ياعزيزى لورد الطريقة الاحمدية ..لم يحضر احد ..ههههههههه
تعرف انا اول مرة احس بحكمة شر البلية مايضحك...
تعرف بعد دوخة واستغراب وسؤال واستفسار ايه السبب يارجالة ..ياعم يارئيس القسم حصل ايه
اتارى التوجيه عندكم فى الاحمدى بيمنع حضور الحصص النموذجية باستثناء المدارس المجاورة فقط...تصدق بالله حتى المدرسة المجاورة لم يحضر منها ااحد...الظاهر فعلا مادتنا مادة مالهاش قيمة وانا اللى تاعب نفسى وعاملها قيمة ...
هقول ايه الله يرحم ايام الجهراء لما كانت الحصة النموذجية دى كانها عرس يتلاقى فيه المدرسين لتبادل الخبرات وتنشيط المادة ورفع الروح المعنوية للمدرسين النشطاء
على العموم اهو درس اتعلمت منه انى امشى جنب الحيط واريح نفسى لكن للاسف مش بقدر اتحمل احساس انى اكون مدرس روتينى لدرجة الملل

الحلواني
12-30-2012, 12:44 AM
معلش يا هندسة انا بعتزر لك بالنيابه عن منطقة الاحمدي كلها الحقيقة العام الماضي كان فيه زميل عامل حصة ودعي حبايبة والناس راحت وحضرت بعدها صدر التعليمات ان الحصص يتم حضورها بتكليف من التوجيه مش علي الكيف والمجاملات والسبب المعلن ان توجه الدعوه الي من سيستفيد من الحصه فقط . المهم انا كنت ناوي احضر فعلا لكن اللي حصل زيارة من السيد الموجه للمدرسة الحصة الاولي وانا كنت مستاذن علشان اجيب طبية للبنت المهم بعد الاتصال ومعرفتي بوجود الموجه عندنا خلصت مشواري ورجعت علي المدرسة مع بداية الحصة الثانية وبالتالي راح عليا موعد حصتك . فتقبل اعتذاري ولك جزيل الشكر

ahmed1159
12-30-2012, 04:44 PM
حصل خير ياحج ممدوح..خيرها فى غيرها
الف شكر على اهتمامك بالرد