فكرة رائعة لجذب انتباه الطلاب

[ahmed1159]

السلام عليكم
الاخوة الزملاء مدرسى ومدرسات الالكترونات اليكم فكرة رائعة لجذب انتباه الطالب وتسهيل تنفيذ التمرين
بدلا من شراء داتا شو بملغ كبير سنقوم باستبدالها بشاشة بلازما 42 بوصة او شاشة احدث ال اى دى حيث تقوم بعرض الدرس باور بوينت كل حصة بالاستعانة بعروض الباور بوينت التى قمت بتنزيلها على الموقع علاوة على استخدام مقاطع فيديو من على اليوتيوب تخدم فكرة الدرس
يعنى كانك تقوم بدرس نموذجى كل حصة
هتسال وهتقول لى هو انا هصرف على الوزارة؟
هرد عليم ياخفيف وهقولك ده مبلغ تافه لو كنتم اتنين فى كل ورشة كل واحد فيكم 45 دينار لان ثمن الشاشة 90 دينار ومتخفش الفلوس مش هتروح عليك لانى عارف انك بخيل لو مشيت من المدرسة بيعطيك المدرس الجديد فلوسك او القديم بخصم استهلاك يعنى كلها 10 دنانير هتخسرها فى السنة فى مقابل العشرة دنانير احسب مكسبك انت هترتاح جدا من دوشة الطلبة اثناء الحصة لان الشاشة عامل جذاب جدا للطلبة علاوة على توفير مجهود كبير من جهدك فى توصيل المعلومة الباور بوينت هيسهله لك علاوة على رضا الادارة والتوجيه عن طريقتك الجديدة فى شرح الدرس علاوة على انك ممكن بسهولة تاخد امتياز
يعنى من جميع النواحى انت الكسبان
طبعا هيعترض كل كسلان عاوز يقضي الحصة مناكفة مع الاولاد وبس
مستنى رايكم

[ahmed1159]

السلام عليكم
حبيت ازف اليكم خبر حلو عن موضوع الشاشة
لما مدير المدرسة عرف بموضوع الشاشة واننا نوينا نشترى واحدة فى الاول على حسابنا كانت المفاجاة ان مدير المدرسة قال انه هيساهم بشاشة للورشة الثانية
ان شاء الله نازلين نشترى شاشتين خلال الاسبوع ده وعقبالكم
طبعا نسيت احكي لكم عن المحبطين واللى بيقفووا ضد اى شيئ ايجابى ..طبعا عارفينهم وعارفين كلامهم ..انت هتصرف على الوزارة والكلام اياه..خلى اتنين من ضمن المدرسين يرفضوا الاشتراك لكن طبعا الاربعة الباقيين موافقين...الفكرة ياجماعة ان مادة الدراسات العملية محتاجة تقنيات حديثة لتوصيل المعلومة للطالب وكمان لان الطالب غير مهتم بها لانها مادة غير اساسية فلازم تكون حصتك غير تقليدية حتى تجذبه للمادة..
هذه اول خطوة فى طريق النجاح هنا فى الاحمدى ..ويبقى انى اعمل باور بوينت للحقيبة الجديدة 200* 1 ويكون المشروع متكامل
والله الموفق

[ahmed1159]

السلام عليكم
اهلا حاجه مها
خير فعلتى بشراء شاشة للورشة بصراحة فرق شاسع جدا قبل وبعد الشاشة
بالنسبة لموضوعك انا مش خبير اوى بس اللى انا عارفه ان المفروض الشاشة بها وصلة اسمها rgb اللى هى الوصلة العادية المربوطة بين اى شاشة والكاسة نفسها فى الكمبيوتر العادى بيكون اسم الكابل كابل الداتا المربوط فى الشاشة ده تركبيه على اللاب توب والطرف التانى على الشاشة
هتلاقيه فى الغانم ب 3.5 دينار طوله خمسة متر
يعنى كده الشاشة كانها شاشة كمبيوتر مكتبى بس الفرق الوحيد كبر الحجم فقط
المهم انا بعمل باور بوينت للحقيبة 200 وايضا الحقيبة القديمة بعمل للباور بوينت تعديل بشرط تكون القطع اكبر حتى يراها كل الطلاب وهى فوق السبورة
لو عندك باور بوينت نزليه خلينا نستفاد من افكارك

[ahmed1159]

فى برنامج بيسجل اى شيئ يحدث على الشاشة اسمه camtasia studio
ده بيحول الباور بوينت الى فيديو او اى شيئ ممكن تشغليه على الكمبيوتر وهو يقوم بتصوير الشاشة
وعموما ماتنسيش استخدام برامج رسم الدوائر وخصوصا سيركت ويزرد لشرح الترانزستور ورسم الدوائر عليه

[ahmed1159]

طريقة تسجيل الباور بوينت على برنامج كامتاسيا
بتفتحى برنامج camtasia studio وبتختارى تسجيل باور بوينت من القائمة على الشمال هيفتح لك مستطيل لتحديد درس الباور بوينت المطلوب تسجيله واللى انتى عملتيه على الكمبيوتر هيفتحه عادى كانه باور بوينت
هتروحى على شريط القوائم فى الباور بوينت المفتوح ده وهتختارى اخر قائمة اسمها الوظائف الاضافية
دوسى عليها هتفتح لك قائمة اختارى كلمة تسجيل وهى دائرة حمراء
وابدئى فى تشغيل درس الباور بوينت ملئ الشاشة وطبعا حسب راحتك فى التشغيل سريع او بطيئ انت بتشغلى الباور بوينت حسب دوستك على الفاره كانك بتشغلى الباور بوينت عادى خالص وكل الذى يفعله برنامج كامتاسيا انه بيسجل لك الشاشة فقط
بعد ماتنتهى من الدرس هيطلب منك حفظه هتحفظيه بامتداد HD
بعدها هتختارى انتاج مقطع الفيديو وتختارى نفس الامتداد ونصيحة اتفرجى على شرح برنامج camtasia studio من على اليوتيوب
وهذا درس المؤقت باور بوينت حولته فيديو

http://www.youtube.com/watch?v=z_n_OEKwBrg&feature=youtu.be


بس فى نقطة مهمة اعتبرها عيب فى طريقة الفيديو ان عرض الباور بونت هيكون مستمر على طول ولا اقدر اوقف الصورة عند لقطة معينة

[ahmed1159]

والله انتى رايقة اوى ههههههه

بالنسبة لللتاخير الزمنى لمصباح 100 واط بتستخدمى كما قلتى انتى نفس الدائرة ولكن بدل من الليد بتستخدمى ريلاى يعمل كمقتاح لدائرة 240 فولت التى تغذى المصباح
بالنسبة لفكرة مصباح البنت اللى خلصت التمرين الاول طبعا هتستخدمى ليد ودائرة بترانزستور واحد ابسط واسهل مثل التى فى درس الباور بوينت للمؤقت بتتكون من ترانزستور واحد وليد ومقاومة 470 اوم على المجمع وطبعا الليد على المجمع ومقاومة 100 كيلو على القاعدة والمكثف بين القاعدة وسالب البطارية
المشكلة فى المفتاح لاننا عاوزين مفتاح بثلاث اطراف بوش بوتوم يعنى اول مادوس البنت المفتاح يشحن المكثف بسرعة واول ماترفع ايدها من عليه يقوم بتوصيل تلقائى بين البطارية ومجمع الترانزستور ويفصل عن المكثف وبكده المكثف يتحكم فى اضاءة الليد مدة بسيطة
لو لم تجدى هذا المفتاح استعملى مفتاح ثلاثى عادى يباع فى الارتى سى بس تفهمى البنت انها لازم تنقله مرتين مرة سفلى لشحن المكثف ومرة علوى لتشغيل الليد
واخيرا يابختكم يامدرسات لانكم بتلاقوا حد عاوز يتعلم الكترونات هههههههه

[ahmed1159]

الخشب قال للمسمار حرام عليك كفاية .....رد المسمار وقال للخشب لو شفت الدق اللى فوق دماغى هتعذرنى
وبالمثل بالنسبة للبنات زى الاولاد اللى عند بالظبط ميتخيروش عنهم
انا اللى عايزة اتعلم والله بحس انى بعمل كدة علشان نفسيتى بس والله
ههههههههههه
حلو اوى المثل ده فعلا بيعبر عن واقعنا
ربنا يعينك ويعينا

[ahmed1159]

على فكرة ياحاجه مها الشاشة بتاعتنا ركبناها على ستاند حديد متحرك
لان لما كانت فوق السبورة كانت بعيدة
وعاملين لها لوح بلاستيك شفاف لحماية الشاشة من اى قذيفة موجهة او طائشة
وطبعا فرق شاسع لما تكون الشاشة قريبة من الطلبة بيكون الباور بوينت واضح والعناصر واضحة جدا