سمعت صوت رجع الوقت لسنين

[ابدااع]

ساره وحسين ,, حبوا بعض .. بس فرقهم الزمن ..

مرت الأيام والسنين وساره اصبحت معلمه في احدى مدارس الكويت الأبتدائيه ..

والمفاجأه الكبرى انها شافت حبيبها جاي للمدرسه يبغى يسجل بنته وجت ساره قالت قصيده تشكي لصديقتها نوره ...

ويالله اسمعواا وقولوا لي رايكم ...



قالت سااااااره ....


يانوره.. بالله اسمعي لا تصدين
يابنت حر ن مركزه بالصداره
شي جرالي قسم القلب قسمين
وابلا ملامه افهمي للعباره
باول دوام المدرسه يوم الاثنين
معلمه في وجه باب الاداره
وقفت باللجنه على سادس اثنين
مثل المجند ينتظر للاشاره
هذي تنادي وهذي ابله انا وين
زحمه وتو اليوم باول نهاره
اصوت لبنتين وبيدي بنتين
نوره،،مضاوي عايشه،، مي،، يارا
وسمعت صوت رجع الوقت لسنين
صوت الذي اسمه بنقش السواره
" اختي عن اذنج ناقل البنت هالحين
تفضلي الاوراق و الاستماره"
عجزت لا اجاوب ولا ارمش العين//
طول سكوتي وهو طال انتظاره
حسيت كن الدم مثل البراكين
شريان قلبي وصل حد انفجاره
ورفعت راسي وصارت العين بالعين
ولمحت في عينه سواة الشراره
هو،،هو والا واهمه يامسلمين
زوله ورفعة حاجبه مع سماره
لاماتغير فيه ياكود شيين
حف الشنب والشيب زاد بوقاره
اتلا علاقتنا ثلاثه وتسعين
باول حلاة العمر قبل انكساره
الشاهد الله ماحصل بيننا شين
ولا يخدش احساس بنت وعذارا
نعم الحبيب اللي الطيب والزين
ونعم الرفيق اللي حفظ حق جاره
ياللاسف هالحين صرنا غريبين
حكم القدر واصدر علينا قراره
الهم والغربال والفقد والبين
وانا اسيره تنتظر للزياره
ويلي علي لاماك ويلاه ياحسين
يامن يجمعنا واسوق البشاره
ساره!!! قالها لحظة كنها سنين
واقفا واشوفه قلبي وقلبه حيارى!



يا عزاااه يا عيشه ////


‏​‏​شوفو محمد النمران ‏​شُنـُـُﯙ رد 6ـْلًـّے المدرسه اللي شافت حبيبها ({})



‏​اعجبتني قصيدة الابله ساره وحطيت نفسي اني حسين اللي لقته بالمدرسه



هذا ردي على القصيده


يامرحبا ياغايتي يا هلا وين
يابنت عودن فيه طيب ونعاره

لايابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة سنين
ماكان شفتي الشيب زاد بوقاره

لامانسيتك من ثلاثه وتسعين
وشلون ابنسى حب واضح مساره

تدرين شاللي هزني بيوم الاثنين
واللي ذبح قلبي باول نهاره

زولك لمحته يوم كنتي تمشين
بين الصفوف اقبال باب الاداره

وفز الخفوق وقلت ياربي تعين
هي هي ولاهي شبيه لساره

جيتك وقلت ابنقل البنت هالحين
تفضلي الاوراق والاستماره

طول سكاتك والبلا العين بالعين
ضقت واحس بضغط مدري حراره ( يا الله !!! )

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس ثنين
عشان اكثر جيتي بزياره

واليا دخلتي الصف لازم تخشين
اسمي لانه مسجلن بسواره

وامانتك انك عليها تخافين
لحدن يضايقها بايت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي أكيد انك سمعتي بساره


انا سمعت ان اكبر عيالك حسين
وانتي أكيد انك سمعتي بساره // الله اكبر هذا الحب والا بلا //




رااااااااااااقت لي حيل ...

----------------------------


اي والله راقت لي

بس بتصرف /////

[السعاده]

ساااره يووووه فديت هالاسم يا زينه والله >>> ابداع يا بعد عين وروح ومعاليق ساره الله عليج يا بنت بدعت صح الله لسااانج

[التوأم]

السعاده من زين ساره عاد
ابداع كل الشكر لج عشنا الوضع ياحرام

[السعاده]

افااا يا التوام ابج ساره الحلا والملح كله >>> هذا والله من حرة الحريم ما يحبون احد يمدح غيرهن

[التوأم]

هههههههههههههههههههه صدقت الملح كله ابج ماتعرفينها هبالها اكثر من عقلها استريحي بس

[السعاده]

هههههههههه التوام هبالها عاااجب الناس انت وشعليج وينه حسين بس ..... الله يهداها ابداع وين هيضتنا تالي الليل

[التوأم]

ههههههههههههههههههههههههههههههه
هههههههههههههههههههههههه السعاده والله ان ماعقلتي بطلع

[ابدااع]

السعااااااااادة

نورتي

وزينتي الموضوع

لبى قلبج

[ابدااع]

الوام

يا الغالية

يا الله حيها

وشلونج وكيف احوالج

يا مرحبا يا مرحبا




ع طاري

سارة الزين كله

ومخلوط بحلا طيب مرة ----- :)

فديت سارة وحلاها ........

[السعاده]

ابداع فديت عينج يا بعد عين ساره ابج انت الحلا كله والتوام روح وغلا السعاده فديتها >>>> بس شوفيها تحرش فيني وانا ساكته

[كلي وفا]

رووووعة ياابعدهم ياابدووعه هيضت المكنوووون .

تسلميين مليوووون عالقصيدة الموجعه..

[ابدااع]

يا هلا يالسعادة مرتن ثانية

حياج الرحمن حبيبة عيني

[ابدااع]

يا هلا وغلا بكلي وفااااا


احممممم

فديييييتج

لا تفكرين ..

ايام وتعدي فديت قلبج ..

[غلا الرشايدة]

السلام. وشلووووونكم. ياعرب. قصيدة. رائعه. لانها. من. الرائعه. بدوووووووع. فديييييييتجوفديت. السعادة. والتوام. منورين. بس. مالي بالرومانسيه. ههههههههههتخيلوا احساس. مرته. ؛،،،،(

[السعاده]

هلااااا بغلااا فديت عينج.... تعالي يا بنت وينج ابج من يوم تهاوشوا عيالنا ما عاد شفناج الله يصلحج ورعان مجنن هم رافقوا الاتد وحنا ما عينننننا خيرررر تعوذي من ابليس ننطرج >>>> افااااا الا الرومانسية تعالي ودنا نعلمج

[البندر]

صح السانك


قصيدة رائعه

لك التحيه

[ابدااع]

السلام. وشلووووونكم. ياعرب. قصيدة. رائعه. لانها. من. الرائعه. بدوووووووع. فديييييييتج وفديت. السعادة. والتوام. منورين. بس. مالي بالرومانسيه. ههههههههههتخيلوا احساس. مرته. ؛،،،،(

يا هلا وغلا

بالغالية غلاوي

حياج يا قلبي انتي

فديت اللي وقع هنيه علشاني





اما احساس زوجته


اممممم

عادي

بتزعل شوي

وبتسااامحه

ان كانت تحبه بصدق واخلاص

اما كانت تحبه بشكل اناني

فهي اتوقع بتاكله ... اسفة الا بتقتله

علشان جذيه زين يسوي فيها



خخخخ

[ابدااع]

صح السانك


قصيدة رائعه

لك التحيه



صح بدنك

يا شييييخ

يا حياااك الله

الحمد على السلامة

ومنور منتداك

فرحت كثيييير بتوقيعك

مشكووور يا البندر ...

[همس الرووح]

يعطيك العافية ع الجهد الطيب
بارك الله فيك
دمت بألف خير
****

[ابدااع]

فديتج يا همس

ربي يسعدج

خليتيني استذكر تعليقات حبايبنا

تعالي يا غلا


حياااااااااج يا السعادة

وربي اشتقت