للي ماخذين امتياز .... شلون خذيتوه؟؟؟

[أ.الهاجري]

بسم الله الرحمن الرحيم


انا شفت تقويم الكفاءه تبعي .... وحاشني احباط وظيفي :(
ورحت بقدم استقالتي من قوه الصدمه بس قلت خل اسال الناظره والمراقب وكل من يعينه او لايعتني بالامر


واجابة الناظره رفعت

قالت ( سوي اكثر)!!!




انا بسال زميلاتي وزملائي شلون خذيتوا الامتياز؟؟؟


وشنو معنى كلامها سوي اكثر؟؟





1- انا من 3 سنين مسويه موقع فيه صفحه تواصل مع الطالبات وصفحه قواعد وصفحه نتائج وصفحه العاب على قواعد و3 صفحات مسابقات اسويها شهريا لكل مرحله


2- انا يوميا احضر بوربوينت وشاريه داتا شو من 3 سنين


3- اراقب اناوب احتياط واذاعه وكل الخزعبلات اللي مو من مسؤليه المعلم اسويها ( وعلى وشك اعترض عليها قريبا عقب الظلم اللي تعرضت له)


4- ع المستوى الشخصي انا اكمل ماجستير في مجال تخصصي وانا اكتثر وحده بالقسم خذت دورات في اخر خمس سنوات واكثر وحده تحضر ورش ودروس خارج المدرسه


5- مسويه دوره محادثه وورشه عمل بالمدرسه

6- طلبوا من قسمنا يسوون ملف الجوده الشامله انا لحالي سويته ووثقته بالصور وخذى مني اسبوعين و15 شريحه ببنود الجوده وفعاليات مدرستنا


7- اذا سووا رحلات كل المعلمات يرفضون وانا وديت الطالبات 5 رحلات وفي كل رحله مالايقل عن 70 طالبه حتى طالبات المكتبه وديتهم مع المفروض ابله المكتبه


8- سويت مسرحيه+ رقصه استعراضيه واعرضوها الطالبات جدام الفريق الطبي اللي زارنا واعجبتهم وطلبوا نسخه من الفيديو


9- كل الورش اللي بالدرسه احضرها


10- بخصوص الاساليب التربوية انا حيل مع الدكاتره التربوييين ( عادل الزايد وابراهيم الخليفي ومصطفى ابوالسعد) لان بالصيف اشارك معاهم فاتبع اساليبهم بالتعامل وحيل نجحت معاي

11- بخصوص الطالبات حيل يحبوني وبدون مجامله انا المعلمه الاكثر شعبيه وبشهاده الكل

12- واشرفت ع نشاط المجله الالكترونيه وانتوا تدرون ان ايام النشاط تصير مهزله والمدرسه سايبه وانا الوحيده بالقسم اللي ماخذه طالباتي ورايحه اسويي نشاطي !! وكاتبه ايامي زميلاتي معاي واهم قاعدين ع المكتب !! ووحده فيهم خذت امتياز!!




فسرولي شقصدها سويي اكثرررر!!!



وليش تقييمي العام واول العام (جيد)!!!


وزميلتين لي امتياز مع الكمبيوتر مايعرفون يشغلونه!! ولاعمرهم سووا درس بوربوينت ويصارخون ع الطالبات ولاحتى عندهم ثقه بالنفس او افكار جديده!!



مانحسد بس من باب العدالة نسال!!

[fatma22]

أهم شيء يكون غيابج أقل من 15 يوم شرحج في الحصه أثناء زيارة التوجيه يكون عاجبهم و أهتمامج بالضعاف من أوراق عمل و متابعه لهم و سائلج في الحصص و لازم تستخدمين دفتر المتابعه في الحصص و كتب التلاميذ و الكراسات مصلحتهم بالكامل والله يوفقج



((سبحان الله و بحمده سبحان الله العظيم ))

(( اللهم لا مانع لما أعطيت و لا معطي لما منعت و لا ينفع ذا الجد منك الجد ))

(( اللهم لك الحمد حتى ترضى و لك الحمد إذا رضيت و لك الحمد بعد الرضى ))

((اللهم لك الحمد حمدا كثيرا طيبا مباركا ملئ السموات و الأرض و ما بينهما و ما شئت لبيك و سعديك و الخير كله بيدك ))

[ابدااع]

اختي الغاااااالية

تبين نصيحتي

غيري عتبة بابج

اقصد

غيري مدرستج وفارقيهم كلهم

لا القسم ولا ادارتهم

بعد اللي سردتيه فوق

شباقي اكثر يا مديرة

شباقي

الباقي تمسح جوخج وتسوي طلباتج الشخصية

عزيزتي انتي غلطاااانة

تدرين ليش

شنو انتي اللي ربي يحاسبج عليه

شرحج للمادة ومتابعتج لبناتج

فقط لا غير

لا ورش ولا رحلات

منتي مكلفة

عزيزتي

من ما سره جبينه ما سره جنينه على قوله اهلنا

قدمي نقل وروحي لمدرسة تكون الناظرة وادري انهم قليييييييييييييييييييييييييل

تخاف ربها وتقيم معلماتها على اساس شغلهم مو على اساس شي ثاني

انتقلي

واستخيري الله في ذلك

انا سويت استخارة قبل زمن ... وكنت متازمة حدي

وقلت يارب كان في قعدتي في هالمدرسة خير لي فيسرها لي وطبعا تكملة دعاء الاستخارة تعرفينه

وان كان في قعدتي شر لي فاصرفها عني وسهل لي نقل ارتاح فيه

وربي يسرها لي ولله الحمد

يارب ادمها نعمة علي وعلى الجميع

ومو سالفة امتياز .. لاني مو متاكدة اني راح اخذه

اصبح عندي قناعة مو كل اللي يشتغلون ياخذون امتياز

مو كل اللي متميزين بمادتهم ياخذون

مو كل اللي تحبها بناتها تاخذ امتياز

لا يا الطيبة

مو شرط !!!!

صدقيني : ماعاد الامتياز يهمني

قلت بسوي شغلي وربي هو المطلع

وراح ياخذ حقي من الجميع واحد واحد

قصر الزمن او بعد

وهذي نصيحتي لج

ابعدي عنها وعن هالمدرسة

وروحي مكان ثاني واستخيري الله واعيدي الاستخارة مرات ومرات

لا تملين فديتج

وحدة بعد كل هالاعمال الرائعة وبكل هالجوانب ما تنعطى امتياز

شسالفة ؟؟؟؟

انتقلي

وهذي نصيحتي لج

ويارب تاخذين امتياز

بس لا تفكرين فيه ابد

اجعلي الله امامك فقط

وصدقيني ان ما سخرهم لج

راح يقتص منهم قريب والا بعيد

[fatma22]

المعلمه أولا يتم تقيمها بالدرجه الأولى على أدائهاوتمكنها من مادتها في الحصه و متابعتها للتلاميذ و بعدين الأشياء الثانويه والله يوفقج



((سبحان الله و بحمده سبحان الله العظيم ))

(( اللهم لا مانع لما أعطيت و لا معطي لما منعت و لا ينفع ذا الجد منك الجد ))

(( اللهم لك الحمد حتى ترضى و لك الحمد إذا رضيت و لك الحمد بعد الرضى ))

((اللهم لك الحمد حمدا كثيرا طيبا مباركا ملئ السموات و الأرض و ما بينهما و ما شئت لبيك و سعديك و الخير كله بيدك ))

[بسمة]

الله يعينج

بس عشان ما تحبطين من تقديرج

خل اقولج على امثله عايشتها وشفتها

التقدير مو على شغل وتعب التقدير على مزااااااااج المديرة

المثال الاول .. معلمة خبرة 20 سنة تدرس لغة عربية

بعد ما كان تقديرها امتياز 94 نزلته المديرة اليديدة إلى 90 بعد 20 سنة

لا همها رأي الموجهين اللي قبل ولا المشرفات ولا شي

وحطتها براس موجهه ما تخاف الله شهادتها نفس شهادة المعلمة وخبرتها اقل

وهالمدرسة بالرغم من ان العربي يدرسون مرحله وحده .. تدرس مرحلتين اولى و رابع ابتدائي

و نصابها 18 حصه

وشايله الاذاعه بروحها

ولا عاجبهم بعد

والمثال الـ2

معلمة طلبت من المديرة اجازة خاصة لظروف صعبه رفضت المديرة

وبالرغم من غياب هالمعلمة وبمعرفه المديرة للظروف ما عطتها امتياز

لكن بنفس المدرسة معلمة كانت تغيب كثير وبفصل كامل ماداومت كلش

وعطتها امتياز ؟؟!!

هذا مويقهر ؟؟

والمثال الاخير

معلمة راائعة بكل ما تحمل الكلمة من معنى

حريصة على التدريس و مستواها وتمكنها من مادتها شي خيالي

من يومين راوتني رسالة عن تقديرها بالوزارة

90 تخيلي ؟؟!!

نصابها 18 حصه

بعد اربع سنوات خبرة وداشة بالخامسة

المصيبة .. بنفس مدرستها

فيه اللي اقل منها مستوى بس

اقدم منها .. تدشين حصصهم ما تستفيدين شي

ولا ماخذين اي تكليف ونصابهم 9 حصص وتقاديرهم 98

ولا سووا اي درس نموذجي ولا اي نشاط

ـــــــــــــــ

يباااا لا تتعبين قلبج

دام المديرة مو مشتهيه ما راح تشوفين اي تقدير

نقلي وخليها تعرف قيمتج

[أ.الهاجري]

يوو ياكثر بدلياتي
ماعليه اعذروني اول مره اشارك بمنتدى عن طريق ايباد



زين انا ابي حقي؟؟


برايكم ارفع تظلم؟؟


لان اشوف الامتياز عطته المعلمات الخبره

يعني قاعده تظلم وانا مابي شغلي هدر؟؟


احد جرب يرفع تظلم؟؟

[أ.الهاجري]

اي صح نسيت اشكركم ع تفاعلكم


شكرا كل على حده

[dark-77]

السلام عليكم
انا صادفتني نفس المشكلة بس انتقلت مدرسة ثانية وللحمد الله توفقت بالادارة و الناظر حقاني والحين قمت اخذ 95 و96
بس ما ادري عنكم انتوا المعلمات
لان ادارات الحريم عندكم فيهم تسلط عجيب، والناظرات يطلعون عقدهم ومشاكلهم الي بالبيت على المعلمات المساكين
الحمدلله ادارات الرجال بالمدارس اغلبها حقانيه وتتفهم الظروف

[أ.الهاجري]

اي الله يشافيهم
عقبالي

شكرا ع تفاعلكم





واحب اقولكم رفعت تظلم


شرايكم وتوقعون شنو بيصير

[غلا الرشايدة]

السلام. عليكم. حبيبتي. انتي. كتبتي. قصة. حياتي. بالتفصيل. وانا. نفس. مستواج. العلمي. تقريبا. 4 سنين. واحضر. ماجستير. ونفس. حيااتج. بالضبط احس. اني. معاج. في. نفس. السالفه. ماقصروا. الاعضاء. بس. بقولج. عقب. الخبرة. اللي. قلتيها. وظلمهم. لي. قلت. خيرة. ونفس. تقكيرج. قلت. ابي. ارفض. وفعلا. رفضت. وارتحت. والعام. محطوا لي. امتياز. وافوض. امري. الى. الله. صبرا. جميل. على. ماتصون. والله. المستعان. اشوف. المديرة. ومساعدتها. وكل. من وقف. ضدي. بالتقيييم. ظلام. وعفوت. عنهم. في. داخلي. وربي. اشفق. عليهم. من. الذنوب. ربي. يهديهم. لنفسهم. اذا. فعلا. هذا. انجازج. فانا. عشت. التجربه. تذبح. من. قلب. وتسهرج. الليل. وتقتل. فيج. روح. المبادرة. وتمحي. عندج. جمال. االعمل،،، حسبي. الله. ونعم. الوكيل. الزمي. الاستغفار. واستعيني. بالصبر. والصلاة.. واذا كنتي. مستمتعه. باللي. تسوينه. استمري. فيه. واذا. كنتي. مضغوطه. ارفضي. واتركي. المبادرات. اللي. مالها. لزمة. اختج. غلويه

[بسمة]

اي الله يشافيهم
عقبالي

شكرا ع تفاعلكم





واحب اقولكم رفعت تظلم


شرايكم وتوقعون شنو بيصير


اتوقع رااح يكثفون عليج الزيارات


المديرة راح تبرر انخفاض تقديرج بتدني مستواج المهني

عندنا وحدة بالمدرسة ما عطوها امتياز

ارفعت تظلم

تقريبا .. كل اسبوع زيارة موجه .. ورئيسة القسم

بحجه تدني مستواها وتحتاج متابعه

مع انها والشهادة لله .. انا حضرت لها درس والله تقديمها حلو


وافكارها احلى


الله يوفقج .. ويرد لج حقج

ننتظر تقولين لنا شنو صار

[moalma]

شخصيتك في الفصل فقط هي الفاصل في أحقيتك للامتياز من عدمه ...

ثقي في ذلك

[همس الرووح]

كونج مميزة لا تخافين الله يرد ع الظالم بحجم ظلمه وأكثر

مميزة ومادتج العلمية إنتِ قوية فيها

تعاملج مع الطالبات على اكمل وجه

الله يعلم بنواياج من هنا أقول معظم المديرات

تكلف المعلمات المميزات والقديرات

وذات كفاءة بمهام لا تتناسب معهن فلذا

حاولي التجاهل ولا توقعين او تكتبي اسمج

حينما لا تعطين امتياز فالتي تأخذ امتياز

مب أحسن منج اسمعي كلامي لا توقعي على أدائج المهني

في نهاية العام وسترين ردة فعلهم ،،،،،

موفقة زميلتي وأختي لا تحزني ...


****