استفسااااااااا ر

[همامة]

السلام عليكم و رحمة الله و بركاته
ندي استفسار و يا ليت احد معلوماته دقيقة يفيدني راجعت المنطقة التعليمية حولوني على الوزارة و رحت الوزارة طلبوا مني متابعة الموضوع مع المنطقة التعليمية و لا أخذت لا حق و لا باطل

أنا معلمة لغة عربية ( رئيسة قسم )
تاريخ التعيين : 2004
جامعية تربوية

هل المفروض أكون معلم ج أو معلم ب ؟؟

في بياناتي بالوزارة أنا معلم ج و المفروض إذا معلم جامعي تربوي سنوات الخبرة 5 سنوات يصير معلم ب

هل حسابي غلط و الا صح ؟؟؟

ووين أراجع بالضبط ؟؟
صعبة استأذن كل يوم و أترك طالباتي و معلماتي عشان أراجع الوزارة و إلا المنطقة:(307):

يا ليت أهل الخبرة يفيدوني

[ابدااع]

وعليكم السلام ورحمة الله وبركاته



راجعت المنطقة التعليمية حولوني على الوزارة و رحت الوزارة طلبوا مني متابعة الموضوع مع المنطقة التعليمية و لا أخذت لا حق و لا باطل


هذي هي مشكلتنا

موظفين ما لهم خلق يشتغلون ويلعبون في اعصاب المراجعين

وما يدرون ان المعلم او المعلمة طلعت روحها عشان تطلع بعد استجواب وتحقيق مستمر كلما ارادت الخروج حتى ولو لم يكن لديها حصص اصلا وقت استئذانها

الله يهديهم ويصلح حالهم يارب


بالنسبة لسؤالج :

مو شرط يا قلبي انتي تكونين ب

شوفي تقديرج اول ..

اخر سنتين ............ هل كان امتياز ؟؟!!!

اذا مو امتياز ....

الكادر مالج ما يرتفع لو عندج خبرة عشرين سنة

اسالي مجرب ولا تسال طبيب !!!

الحمد لله على كل حال ///

راجعي الوزارة ترى الموظف له حق يشوف تقديره في السنوات السابقة

والقنوات كثيرة / اقصد كثير من الاقسام والادارات بالوزارة تقدرين تشوفينها وتستفسرين

الشئون الادارية - الرواتب - الكادر - مراقبة المرحلة اللي تتبعين لها



صعبة استأذن كل يوم و أترك طالباتي و معلماتي عشان أراجع الوزارة و إلا المنطقة:(307):


أحيي اخلاصج يا الغالية ...

بس هم روحي

هذا حقج ولازم تعرفين ..

واتمنى التوفيق لج

[همامة]

شاكرتلج ابداع

انا و لله الحمد السنوات الاخيره كلها امتياز استحق عليه الاعمال الممتازة


زهقوني و الله

[السعاده]

هلاااابج اختي همامه انت نفس اللي صار معاي شوفي اذا انت اخر سنتين تقديرج امتياز فانت على درجة ب >>> كلامي مؤكد ميه بالميه

ولازم تروحين تراجعين المنطقه او الوزارة لتحديث بياناتج ومو ضروري انت اللي تروحين اي احد مكانج يسد وبالتوفيق لج

[همامة]

تسلمين اختي السعادة

اذا الله كتب و سهل باجر بإذن الله راح اراجعهم

مشكورين

[غلا الرشايدة]

ادعو. لك. بالتوفيق. اختي. همامة


،،،

بدوع. والسعادة. ماقصرن. هذا العشم. فيهن