شنو شعورك ؟؟؟ [الأرشيف] - شبكة المعلم الإلأكترونية

المسك

09-26-2011, 11:36 PM

السلام عليكم ياربعي

شلوونكم وشلون بزارينكم وشلون بزارين شارعكم

اقول يالربع عقب السلام يبدأ الكلام < امشششش بالحكمة تأليف

عااااااااااد اقولكم هذي لعبه من اختراعي طلعت لي من جدر المرق وتفتر تفتر تفتر جدامي وقلت ابي ارصها لكم هنيه

واتمنى تعجبكم

اللعبه هي عباره واحد يقول شنو شعورك لمن تشوف شاذي بالشارع ؟؟

والشخص اللي وراك يقول شعوره ويحط بعد سؤال

عرفيتوااا ألطريقه يالربع

واتمنى تعجبكم تراها من تأليفي وهياطي خخخخخخ

ابي الكل يشارك تكفووووووون لاتفشلوني وجع يوجع الطوفه اللي وراكم خخخخخخخخخخخخ*

المسك

10-01-2011, 06:44 AM

شدعوه محد رد

كلي وفا

10-01-2011, 07:45 PM

شعووري لما اشوف شاذي!!!أكيييد بخااف وانحااااش الله يهداج يالمسك..شنو شعورك لي سمعت ان في شخص تكلم من وراك ظلم؟؟؟

مطيري

10-01-2011, 09:52 PM

شعوري لما احد يتكلم من وراي ظلم :(

اكيد بنصدم وماراح اخليه راح اواجهه واعاااتبه على هالكلام

>>شنو شعورك لما تمسح دمعة يتيم :)

التوأم

10-01-2011, 10:34 PM

اممممممممممم
شعوري اكيد سعيد لاني واثقه بالاجر اللي باخذه
شنو شعورك لما تحس عضو من اعضائك يتوقف عن الحركه ببطئ < يد - رجل - حواس >؟؟

مطيري

10-01-2011, 11:06 PM

الله يكافينا شر الشلل ويشفيه كل مريض يارب

شعوري اكيد شعور رضيع ويرضع من صدر امه وهي ميته جنبه لاهو اللي شبع ولا امه اللي ارضعته (

شنو شعورك لما ينزلك الكادر :)

المسك

10-02-2011, 02:24 PM

يمه مطيري إجابتك عورت قلبي حييييييل

مشكورين يالربع عالتفاعل الحلوووووو

شعوري لمن ينزل الكادر انط من الدريشه من الوناسه

انزين شنو شعورك لمن تكون عايش مع انسان شخصيته ضعيفه جدام اهله

مطيري

10-04-2011, 09:13 PM

هههههههههههههههههه شعوري اكفخه بأكبر ماعندي ويكفيني راتبي اانا وعيالي >> يبي يخرب بيتهاا

شنو شعورك لما تكون معلم وينظر لك معلم آخر بإحتقار

وفجأه تصير عليه مدير مساعد بالفتره المسائيه >> :p بالنسبه لي شعور عجيب فتكت فيه :)

المسك

10-05-2011, 04:00 PM

ههههههههههه شعور يونس حييييلل ههههههههههههههههههههههههههه

شنو شعورك لمن تشوف قدامك كنافه حاره ومسوي ريجيم هاااااااااااااا؟؟؟؟؟؟

التوأم

10-05-2011, 08:21 PM

يم يم يم يمي شعوري لا يمكن اقاوم الكنافه >> طريتيها هالوقت سااااااال اللعاب
شنو شعورك لما تحس انك مجبر تفارق احبابك ؟؟

السعاده

10-05-2011, 08:27 PM

يووووه يا التوام أصعب شعوور تحس بانه نهاية العالم الم في القلب ودمع في العين وغصه بالصدر الله لا يجيب فراق بين الجمييع

شنــــــو شعورك لما تجرح انسان له معزة بكلمة من دون قصد منك مع العلم سامحك لكن اكيد يبقى اثر للجرح ؟؟؟

اسفه ان اخطأت في حق أحد ....!!!!

مطيري

10-05-2011, 09:39 PM

ماينسينا الخطا حب الخشوووووووووم :p

وماراح اسامحج:(269):

شنو شعورك لما تكون قاعد بين ناس ويدق التلفون وتشيله من الطاوله وتكلم اللي متصل فيك وتقوم من بينهم وتمشى وانت تسولف بالتلفون وتكتشف ان التلفون مو لك وتلفونك بمخباتكـ :(201)::(201)::(201):

التوأم

10-07-2011, 11:28 PM

الله يامطيري وش هالطيره اللي فيك بالله مو كافي سرقت باسوورد المسك تطورنا اشوف السالفه صارت تلفونات اجل ديروا بالكم ياجماعه علي لابتوباتكم والله شعوري بيكون محرجه جدا وادري هالشي مايمر عليك وجه بن فهره

المهم
شنو شعورك لما احد يشك فيك وخاصة اذا كان من صديق ؟؟؟

مطيري

10-07-2011, 11:39 PM

والله مالووومهاا تشك فيج

>>والله بفراشي وبنام سبحان الله قلت بتطمن على المنتدى والخوات عسى جايبين طاريي بالخير بهالجمعه المباركه وانصدمت :p

السعاده

10-07-2011, 11:51 PM

مطيري تعال ويينك ما سالت يا الله انا بسال

شنو شعورك ان الله بلاك بسفهاء القوم شلووون تتعامل معاهم هااا مطيري علمنا توك ماخذ دورة ملتووون ومنكم نستفيد ؟؟؟

الصريح

10-07-2011, 11:52 PM

شنو شعورك لما تخدم انسان في امور كثيره بعدها يبي شي منك مو عندك ويهجرك شعور صعب جدا

الصريح

10-07-2011, 11:53 PM

شنو شعورك وانت مسخن وتقاوم بالبندول والفيتامين وودك تقعد والنوم بعيد

التوأم

10-08-2011, 12:00 AM

ههههههههههههههههههههه
السعاده تدرين ليش ماخذ الدورات مو قادر يتعامل مع غيره يحاول بس مايواجه يدري كلامه مردود عليه مطيري ماينفع فيه الله يصلحه بس

الصريح

10-08-2011, 12:22 AM

شنو شعورك اذا صارلك مثل موقف المحشش
محشش خالته جابت ولد بدون "أذآآن"

قالت امه روح بارك لخالتك

بس أنــتـــبـــه لا تجيب طاري للسالفة

"ان ولدها بدون أذان" لا تجرح مشاعرها ولا تقلب عليها المواجع

قال اوكيه

راح المحشش

يوم وصل سلم على خالته وبارك لها

وقالها : اهم شي تكثرون له من عصير الجزر

عشان مايقصر شوفه

قالت له خالته : اذا قصر شوفه نفصل له نظاره

قال : هنا المشكله وين يعلقها ؟؟؟؟

السعاده

10-08-2011, 12:38 PM

الله عليييك يا الصريح عجيييييب هالمحشش بس الصج فالها مراقبنا عسى دوم ما هي يوووم.....

شنـــو شعورك

لما تفتح قلبك لانسان تتحدث معه ويملك روحك و بعد ذلك يتخلى عنك وانت محتاج له ....؟؟

الصريح

10-08-2011, 10:14 PM

على من يجد من يقدره ويحبه ويملك روحه ان لايدعه ان الحب والتقدير صعب ينال فمن وجد قلب مخلص فلايرخصه ويهجره

الصريح

10-08-2011, 10:14 PM

شنو شعورك عندما يقول لك زميل في العمل انت اخ لم تلده امي

السعاده

10-08-2011, 10:21 PM

انت اخ لم تلده امي أجمل شعور فهو نادر في زماننا يجب علينا ان نتمسك به فالاخوه من اجمل الروابط في حياتنا

شنو شعورك عندما تضيع نفسك في امور الحياة فلا تعلم تصدق من قلبك ام عقلك ؟؟؟

الصريح

10-08-2011, 10:36 PM

شعور ساير الحياه فانها عجيبه ولا تكثر التفكير فان الحياه سريعه عش يومك تسعد واترك الماضفي فقد انتهى والماضي بيد الله فعش ليومك
شنو شعورك عندما تجد نفسك في مجال عمل غير عملك وتريد التغيير ولكن تقول الخدمه طويله

ابدااع

10-09-2011, 04:11 PM

التغيير يكون في اي وقت ...

ومتى ما حبيت اغير عملي ...

ان كنت املك قرار نفسي اغيره من لحظة التفكير في ذلك ان كان هناك ما يدعمه من خبرات ومواهب وقدرات لدى من يريد تغيير عمله ..

ولا يهم في ذلك مضي عمر ولو كان امدا بعيدا !!!!!!!!!!!!!!

شنو شعورك ...؟؟؟

عندما تعرف يقينا تواطؤ من حولك ولا تملك ادنى قدرة على مواجهتهم او التصدي لهم او حتى الابتعاد عن محيطهم ...؟؟؟؟

همس الرووح

10-15-2011, 04:30 PM

يعطيج العافية
المسك فكرة لكسر روتين المنتدى

شعوري ياابداع انه ادعي في
ظهر الغيب عليهم والله يحكم بالعدل
شنو شعوركم حينما ترون المتسلقين في العمل
ولاتستطيعوا التغيير في ادارتكم

****

ابدااع

10-15-2011, 11:27 PM

حياج يا همس ..

نورتي الموضوع ...

شعوري يا همس ...

هي التجاهل ... وكانهم غير موجودين طبعا ان استطعت..

ولنتيقن ان الرزق بيد رب الارزاق ...

وان تسلقوا والا طلعوا كمان في اعلى الكراسي ...

اسوي شغلي بما يرضي رب العالمين فقط ...

والمتسلق او حتى الظالم اتركه لله فهو العادل سبحانه ...

ابدااع

10-15-2011, 11:36 PM

شنو شعورك عندما تلتقي بانسان عزيز عليك بعد غياااااااااااااب

الصريح

10-15-2011, 11:56 PM

شعوري انه فرح عظيم وفرصه طيبه للنفس انت ترى من تود بعد طول غياب
شنو شعورك عندما يقول لك قريب انت حققت لي امور عجز عنها الاخرين

الصريح

10-16-2011, 12:26 AM

شنو شعورك عندما تسال صديق عزيز عليك عده ساله ثم يبدا بالتطنيش وعدم الاجابه وانت تجهل السبب !!!

كلي وفا

10-16-2011, 07:59 PM

في البداية استغرب بس بالاخير اطنشه مثل ماهو مطنشني..شنوشعورك لي عرفت ان هناك شخص مازال يصر بضرورة وجودك في حياته؟؟؟؟؟؟

الصريح

10-16-2011, 10:58 PM

على حسب هذا التواجد اذا كان للخير وللمحبه وفيه نفع اتواصل معه اما اذا هذا الامر فيه شر لي ومضره بل ازداد بعد عن بعدي .
شنو شعورك عنمدا تكون صادقا لشخص وتجد ان هذه الثقه ليست في محلها

مطيري

10-16-2011, 11:49 PM

والله ياخوك اكيد بزعل واخذ بخاطري وبلوم نفسي بس بالنهايه هذا طبع بالانسانانه مايعرف غير الصدق ورابي عليه شنو شعورك لما تحس انك مضغوط وماعندك وقت وتحاول انك تتواصل مع ناس تحبهم ويعلق النت او اللابتوب وتروح للايفون ويعور عيونك:(

الصريح

10-17-2011, 12:03 AM

شعوري اريح بالي وانااام اهم شي العين

السعاده

10-17-2011, 05:32 PM

شنو شعورك عندما تسال صديق عزيز عليك عده ساله ثم يبدا بالتطنيش وعدم الاجابه وانت تجهل السبب !!!

أنت قلتها الصريح شخص عزيز ومن تغليه النفس نلتمس له الف عذر لانه يستحق ذلك فالتمس العذر له لعل هناك ما يشغله ا وان تكون في اجابة الاسئله ما يضيق صدر من نحب فنتهرب منها

شنو شعــورك عندما تغيب وترجع فتجد قلوب اناس احببتهم قد تغيرت ولا تعلم ما هو السبب ؟؟

السعاده

10-17-2011, 05:34 PM

شنو شعورك لما تحس انك مضغوط وماعندك وقت وتحاول انك تتواصل مع ناس تحبهم ويعلق النت او اللابتوب وتروح للايفون ويعور عيونك:(

من اجل من احببت اتحمل وعيون تعورني اليوم افضل من عيون تبكي دوم لفراقهم لا تسمع نصيحة الصريح كن معهم فالحياة قصيره والاحوال تتغير وتتبدل سريعا

مطيري

10-17-2011, 05:59 PM

الله يكافينا شرج تبكيناا عااد عااد صاير على طريف هالاياام :( ابشرج بكون وياهم وقريب منهم وعسى الله يقدرني واسعدهم اللي هم اعضاء هالمنتدى واولهم الصريح :)

كلي وفا

10-17-2011, 09:15 PM

شنو شعورك لما استرجعت حدث قد مات وانتهى منذ اربع سنوات في وقت الشباب والعنفوان ويعود مرة اخرى ليحيا وانت وصلت مرحلة قد لايمكن فيها التراجع والرفض؟؟؟؟؟

الاستبرق الموعود

10-18-2011, 09:50 PM

دام الحدث مات ، الأفضل نسيانه لأن قد يجلب لنا الألم مرة أخرى
شنو شعورك وانت كل يوم ترد البيت ، وانت في قمة التعب والارهاق من المدرسة وشغلها إلي ما ينتهي

كلي وفا

10-18-2011, 10:07 PM

اصبر لان الله خلقني معلمة.. وهذا قدر مكتوووب.. والله يكون في عونا يابنت عمي..

شنو شعورك

باجر الاربعااء؟؟؟

الاستبرق الموعود

10-18-2011, 10:12 PM

شعور أي معلمة يومها مليان بين تدريس واجتماع ولقاء تنويري وطابور
وفي نهاية اليوم تكتبين قصيدة تتغنين فيها بباب المدرسة وفرحت انتهاء الدوام وشقاه

ابدااع

10-18-2011, 11:28 PM

شنو شعورك ان كان لك حلم مدته اكثر من عشر سنين وتحقق ولله الحمد والمنة

الاستبرق الموعود

10-18-2011, 11:31 PM

أتدكو دائما وأبدا أن بالحمد تدوم النعم

ابدااع

10-18-2011, 11:42 PM

الله يجزااااااااااج خير يا حلوة ...

شنو شعوركم ان شفتم الاستبرق تزين الشبكة

ابدااع

10-18-2011, 11:44 PM

ابدأ انا ....

افرح واستانس حدي ...

واشوف كل الخير بحضورها ...

واحس اني راح استمتع بالدقايق اللي بقضيها معها

الصريح

10-18-2011, 11:52 PM

شنو شعوركم عندما تجد انك تحتاج الى سفر ومكان هادي للجلوس مع النفس ولكن ظروفك لاتسمح

السعاده

10-19-2011, 01:02 AM

احس اني مقيد ولاني قادر اسوي شئ السفر احلى شئ بالدنيا راحه تجديد نشاط شعور عجيييب بس الجمعه مع الاهل احلى منه

شنووو شعورك لما تنطر نتايج لشئ معين ولا ودك تعرفها وتحاول انك تتهرب منها باي وسيله ؟؟؟؟

كلي وفا

10-19-2011, 11:31 PM

شعوري اني مطنش!!

وهذا الحل الافضل..

شنوو شعورك لي شفت انجازك يكتب باسم غيرك؟؟

الاستبرق الموعود

10-20-2011, 12:02 AM

شعوري راح انقض عليه ، وحقوقي ليست أمر أتساهل فيه مع الآخرين

شنو شعورك وانت تقع في نفس الخطأ عدة مرات ، وتحاسب نفسك حساب عسير ولكن نقع
فماهو السبب ؟؟ سؤال لا تملك اجابته

مطيري

10-20-2011, 09:54 AM

السبب واضح هو حب الوقووع فيه بلاشك بمعنى الممنوع مرغوب :)شنو شعورك لو تحصل سفره بعطلة العيد لاي دوله بالعالم وانت في حيرة باختيارك والفلوس زاهبه

بسمة

10-20-2011, 06:55 PM

شنو شعوري ؟؟!!

موافقه موافقه موافقه بالثلاث

ولا .. أبشرك مو محتارة بالاختياااار

ابي مدينة ميلانو الايطالية

واقعد وقت الغروب باحد المقاهي على الشارع واشرب كابتشينو

واحط ريل على ريل وألبس فستان تايغر حرير بلاسيه وعليه جاكين من الحرير أخضر

وشنطتي لويس فيتون ونظارتي من شانيل

و سكارفي واسوارتي ..من فان كليف

وساعتي
بلو بالون من كارتير << ساعتي الحالية عشان ما تقولون بطرانه راح البسها مع انه صار لها 3 سنوات

وبس :)

و لي وصلت الساعه 3 الفير ارد البيت خلاص :p

...

سعالي لكم

شنو شعوركم

لو يت مسج من البنك بحسابك مليون دينار .. إلا .. ربع دينار .. حقك مقك :)

المسك

10-20-2011, 10:16 PM

الله سؤالج يونس بسمه بس توصيفج شي تخيلتج نجوى كرم الكويت خخخخخخخخخخخ

امممممممممم أموت من الوناسه مااصدق كلش ماراح اصدق

الأربع عااااااااد عطيني الربع انتي < وقفت عالربع صج بنت فقر خخخخخخخخخخخ

اول شي اشتري بيت واسدد سيارتي واسافر لكل مكان بنفسي واشتري بيت بره الكويت

بدوله بارده

انزين شنو شعورك لمن يقولولك شكلك اصغر من عمرك الصجي ؟؟؟؟؟

وشنو شعورك لمن

تستغفر واجد ؟؟؟ ابي الصج عفيه

السعاده

10-22-2011, 03:17 AM

يووووه المسك حتى اسالتج غريبه شعوري اكيد بفرح دايما الانسان يحب يكون مظهر زين في كل شئ شلووون لو كان يبين اصغر من عمره بعد
اما الاستغفار فهذا راحة للقلب واللسان

شنووو شعورك :

لو عرفت انه فيك مرض وسويت التحاليل وتنطر النتايج وانت في كل الاحوال مفوض امرك لله تحس بالخوف والا شئ عادي ؟؟؟

مطيري

10-22-2011, 01:25 PM

بسمة

10-24-2011, 03:56 PM

بكون متطمن على الآخر وراضي بقضاء الله وقدره ومايرد القضاء الا الدعاء والصدقه ان كنتي حاسه ان فيه شي ادعي الله ومايخيب رجاج ان شاء الله وتصدقي ترى الصدقه تنفع واثرهاا عظيم وعسى الله يبعد عنج وعن كل مسلم كل مكرووه ويشفي كل مريض ويرجع كل غايب ويرحم كل ميت ويغقر لكل حي ..

شنو شعور لو ظنوا الناس ظن ماهو فيك. :(

أولا .. أمييييييييييييين

ثانيا .. اتضايق أشوية .. بس بعدين بصير شي عادي

لأنهم أكيد راح يعرفون انهم ظلموني بـ هالظن :)

شنو .. شعورك

عند سماعك كلمة شكر من شخص .. ما كان على بالك يشكرك .. ولا توقعته؟؟

مطيري

10-24-2011, 10:34 PM

اكيد بنصدم اذا كان هالشخص غير متوقع انه تطلع منه الكلمه الطيبه

ويمكن اعطيه بو لابس :)

شنو شعورك لما تشوف الفقير وانت الله منعم عليك ؟

كلي وفا

10-24-2011, 11:13 PM

شعور اي شخص يحب الخير لغيره

شعور الحمد الااامتناهي اللهم زد وباارك..

شنو شعورك ألحين؟؟؟

ابدااع

10-24-2011, 11:34 PM

مشاعر مضطربة ....

الم لواقعنا السياسي ... حزن للمحيط الخليجي الحاضر ....

حنق من تعامل الادارة معاي ...راحة لنيل امور كنت اطمح لها ....

تاهب وترقب للمستقبل ... فرح للاحلام والامال التي نفكر بها ...

يعني بالنهاية ...

كما بدات ...

مشاعر مختلطة .....

ابدااع

10-24-2011, 11:41 PM

شنو شعورك ...

وانت مقبل على عمل ... وانت تكاد تجزم بانه بلا فائدة ولكنك ملزم فيه ؟؟؟؟

كلي وفا

10-24-2011, 11:44 PM

التوكل والصبر..

شنو شعورك لي قلت كلمة عاادية لشخص زعل منك من سبتهااا؟؟؟!!

ابدااع

10-24-2011, 11:50 PM

استمر اراضيه حتى يرضى عني

هذا ان كان امره يهمني فقط !!!!

بسمة

10-28-2011, 03:38 PM

يا كثر ما تصير معاي .. بسبة صراحتي

عاد انا مستحيل أعتذر :(

ابرر له وإذا ما رضا ما يشوف شر :p

شنو شعورك اليوم جمعه وبكره السبت

وعطله العيد 9 أيام .. فرحان مثلي ؟؟!!

او عادي :)

الصريح

10-28-2011, 05:01 PM

اكيد فرحان نسال البركه بس لو كان فيها اقرار كادر كان هياااااااااااا
شنو راح تسوي اذا ما اقر الكادر

بسمة

10-28-2011, 06:15 PM

إذا تم إقرار الكادر ..امممممممم

المفروض ما اقول .. بس ودي اكفل لي طالب علم بأي دولة .. ويمكن بالكويت

او أي عمل خير .. الله يسر الأمور .. ما قررت حزتها شنو راح أسوي

وإذا لم يقر .. ما راح أزعل بس راح أتضايق لأنه راح يكون فيه أستهانه بمكانه المعلم

شنو شعورك لو

يتك منحه دراسية لتخصص انته تبيه ؟؟؟؟؟؟؟؟؟

الصريح

10-28-2011, 06:40 PM

اذا جتني منحه استخير واشاور من اثق به واستعين بالله واعزم
شنو شعوراذا اصبحت لديك رغبه شديده الى وحده بعدما كنت اكثر الناس خلطه

السعاده

10-28-2011, 09:54 PM

الصريح

10-28-2011, 11:00 PM

شعور من اصعب اللحظات واشدها على النفس كم منا يحتاج لها في بعض الاوقات ولكن احاول ان لا استسلم لها اخالط من اثق بهم ومن احتاج لهم في حياتي عندك هالعطله فرصه حلووووه للسفر مع الاهل الله يسعد قلوب الجميع

شنو شعورك ان وجدت من يستمع لحديثك وودك تقول اللي في خاطرك بس ما تطلع تغص فيها شنو الحل مو بس شعورك ؟؟؟
الحل هات اللي في خاطرك وكلمه تستحي منها بدها مثل ماقالوا ليا متى وانا اغص لين اشرق بريقي

شنو شعورك اذا تخلى عنك اعز صديق دون ابداء الاسباب تتصل مايرد ويرد عليك بعد شهر ويقول والله مشغول شخص لايعوض وكنت عنده صفوة اصحابه

التوأم

10-28-2011, 11:16 PM

انا اقول من عافنا عفناااااااااااااه لو كان غالي ويبقي له شوق بالقلب لكن من مابغاني والله مابيه
شنو شعورك لما تحس اللي حوالينك فرحانين فيك ودهم يعطونك عمر غير عمرك ,,,, راااااااااااااااائع ان تشعر بحب الاخرين لك

السعاده

10-28-2011, 11:25 PM

الحب اجمل شئ بالحياة يجدد لك حياتج وتغير كل امورج واهني من توفق بحياته بوجود من يحبونه من حوله يسعدون بشوفته وهو يسعد بوجودهم يا جعل ربي يكتب لج السعاده دوووم

شنو شعورك وانت تحس ان الكل يطالع لك بخوف وهم حاسين انهم بيفقدونك على طول؟؟؟

التوأم

10-28-2011, 11:30 PM

السعاااااااااااااااااااااده عادي شعور الكل يحس فيه لان الموت ماله وقت وخاصة موت الفجاه >>>> ياربي يالنحاسه علمها مطيري من عاشر القوم
شنو شعورك وانت نازل لك الكادر الله يابعض الناس بترتفع اسهمهم والكل يخمط

السعاده

10-28-2011, 11:34 PM

يووووه الكادر طار من زمااان والكل اخذ نصيبه وبعدها تكتشف انه مالك شئ منه الله يفرح قلوب المعلمين بالكادر الجاي ويهدي مليفي >>>> والله اني اشك

شنو شعورك لو كنت صادق في كلامك لدرجة انك تجرح به من تغليه ؟؟

الصريح

10-28-2011, 11:41 PM

شعوري من اغلي اتجنب ما يجرحه الا اذا كان هذا الامر لابد من قوله لكي ينجو
شنو شعورك اذا بغيت تغير الموتر والقسط كبير تبيعها والا تهون

السعاده

10-28-2011, 11:53 PM

الا ابيعها واشتري اللي بخاطري الفلوس تروح وتجي والحياة وحده اشتر الموتر اللي تبيه وعيش حياتك ولا تخلي شئ بخاطرك

شنو شعورك في وجود شخص بحياتك تجد سعادتك معه ولكن لا يحاول ان يسعدك >> عالاقل بالرد سمعتي ؟؟؟

التوأم

10-28-2011, 11:59 PM

واذا كان اللي يرد عليه مايقتنع بكلامه ولا يصدق شي منه وش يسوي لازم يقتنع بكلام من اعتبره صديق ولا تفرضين احساسج علي غيرج ولا كل احساس لج صادق
شنو شعورك ............. ستووووووب

الصريح

10-29-2011, 12:05 AM

شعوري شعور اي مواطن خليجي مايفرق بين الستوب وعصير سان توب
شنو شعورك لما تبلش تفصل شتوي والا صيفي والعيد قرب

السعاده

10-29-2011, 12:05 AM

ليييه انت تقولين الاحساس شئ مو صعب اجل ليييه نتضايق منه بالعكس اللي يقول لي شعوره واحساسه بصدق مهما كان اتقبله بسعاده لاني عرفت الصج ولا ازعل ابد

شنو شعورك .....>>>>> السؤال عندج جاوبي عليه بس بصراحه مهما كانت ؟؟

بسمة

10-29-2011, 01:40 AM

ابدااع

10-29-2011, 06:15 AM

شعوري شعور وحدة مو فاهمة السوعال .. وتقول فيه اختيارات :p

شنو شعورك .. الموجه بدش عليك يوم الأحد .. وبلاعيمك مورمه .. وفيك خمول وما استعديت

ومافي مجال للتراجع لأنهم حطوك بالخطة :( <<< تبي تبجي إلا بجيت :(201):

اذا انتي تعبانة

لا تداومين ..

منتي ملزووووووومة ....

ترى التقدير هم يحطونه بالنظر وحسب ان كنت انا يا المديرة احبج وطبعا اغلب الموجهين ما يقدرون على زعلى ست المديرة ويمشون وراها عميانذ

ربي لا يعمي بصيرتنا ...

بسمة عيوني انتي

انتي تعبانة غيبي حقج من رب العالمين مو من احد ولا تدارين احد على حساااااااااااااااب صحتج

ترى مامن فوووود ومامن احد يستاهل ....

اما اذا انتي متعافية ...

حضري درسج ووسائلج واعتبري كان مافي احد ....

واشرحي مع بناتج بالطريقة العادية اللي انتي متعودة عليها ....

يا بسمة احلى مافي التربية وقت الحصة مع بنياتج

لا تضيعينها بسبة س - ص ع ... ان شاء الله ياء في اخر القائمة ..

بس ارد عليج واقول اهم شي صحتج

لا تداومين ان كنتي تعبانة ..

فهمتيني يا الغالية ؟؟؟؟

ابدااع

10-29-2011, 06:18 AM

شنو شعورك ...

اذا انت مو لاقي اللي يفهمك ...

؟؟؟

بسمة

10-29-2011, 03:18 PM

شعور طالب ما حل بالاختبار .. مولازم يفهمني المهم يوقف يمي :(

شنو شعورك

اذا سويت شي وانته تدري انه موغلط بس هه غليطه سعنونه

وامك متحلفه فيك .. وانته منخش بالغرفه يعني نايم :p

وميت يوع تبي غدا :(

كلي وفا

10-29-2011, 10:24 PM

شعوري شعور اي مواطن خليجي مايفرق بين الستوب وعصير سان توب
شنو شعورك لما تبلش تفصل شتوي والا صيفي والعيد قرب

ليش ابتلش افصل صيفي واتوكل على الله .. الا خايفين المقاس يتغيروتمتنوووووووووووون؟؟؟!!!

شنو شعورك لي دشيت اشياء مسيفها عالدسك توب ولاحظت ماكو مجال للتغيير والاضافة؟؟؟؟؟؟

الصريح

10-29-2011, 10:43 PM

شعوري سيده دليييييييييييت اذا ما قدرت اغير

كلي وفا

10-29-2011, 10:45 PM

شعوري سيده دليييييييييييت اذا ما قدرت اغير

لاا لااا لااااااااااااااااااااااااااااااا لاتقول جي الصريح

شغلي هذا سويته درس رياادي وتعبت عليه وتبيه الموجهة..

هو مسيف وشحلاته بس ما اقدر اغير الخط ولا تنسيق ولا اضااافة..

..

حدي طفشاااااااااااااااااااااااااااااااااااانه

الصريح

10-29-2011, 10:49 PM

سوي قص له وافتحي ملف جديد
راح يصير ملف عادي وغير عليه

كلي وفا

10-29-2011, 11:00 PM

ماااااااااكو خيارات حتى للقص..

عيين ماصلت عالنبي..

شنو شعورك يوم يكون تعاملك راقي مع شخص وفجأة يتغير!!

التوأم

10-29-2011, 11:05 PM

امممممممممممم صج المزاج مصيبه >>>> والله يالغاليه لاتعليق اللي بعدي يجاوووووووووووب

الصريح

10-29-2011, 11:07 PM

كلي وفا شوفي اما الملف انت حاطه رقم سري او الملف عطلان
شعوري عادي دام ان ماجا مني خطا ماعلي منه الزمان كفيل بان يرجع

كلي وفا

10-29-2011, 11:12 PM

لا يطلعلي مربع ادخل رقم سري بس أنا ما أدخل كل مرة ادش واغير الا هالمرررة..

عالعمووم تسلم الصريح اتعبناكم معانا..

شنو شعوورك لي شفت هالوجيه الطيبة كلها شابكة وانت جاك النووم؟؟؟؟؟؟؟؟؟؟

الصريح

10-29-2011, 11:16 PM

شعوري اقوم اغسل وجهي ولا اتهاوش مع واحد منهم يطير النوم والا اروح اسدح المخده وانام
شنو شعورك اذا اقر الكادر شنو راح تسوي

التوأم

10-29-2011, 11:19 PM

اممممممممممم
امممممممممممممم
سيدااااااااااااااا بدووووون تفكير رنج مع عافيه جديده شي الله لايغير علينا بس
السؤال عند السعاااااااااااااده >>> السعاده من طقج علميني عليه

كلي وفا

10-29-2011, 11:20 PM

صرااحة ان كان لنا كادر احنااا.....

بشتري سياارة..

واشياء كثيررة..

شنو شعورك لي حسيت انك مقصر احيانا تجاه الله ؟؟

الصريح

10-29-2011, 11:22 PM

السعاده الظاهر ان قطاوة الشارع خارعينها
شنو شعورك اذا لقيت برصيدك مليوون دينار

السعاده

10-29-2011, 11:23 PM

اممممم منووووو استبرق شوفيها طقتني وقاعده ولا كانها سوت شئ وكلي وفااا تحاجز عنها والاداره غثوني ما منعوهاااا شوفي التوام بطواا راسي

شنو شعورك وانت غايب باجر عن الدوام >>>>> احلى شئ

السعاده

10-29-2011, 11:24 PM

يووووووه كل العرب سمعوا كلام الصريح وغسلواااا الوجه وبدوااا يتحرشون

كلي وفا

10-29-2011, 11:28 PM

ردوا ابي شعوركم بعد سؤالي..

الصريح

10-29-2011, 11:30 PM

كلي وفا شعوري هذا شعور اي مسلم يحاسب نفسه يكثر الطاعات في هذه الايام المباركه ويستغفر ويكثر الطاعات

الصريح

10-29-2011, 11:32 PM

شعوري طبعا مستانس سهر ونوم للظهر و ش احلا منها غياب اول ايام الاسبوع

كلي وفا

10-29-2011, 11:32 PM

كلي وفا شعوري هذا شعور اي مسلم يحاسب نفسه يكثر الطاعات في هذه الايام المباركه ويستغفر ويكثر الطاعات

اي والله مايحتااج

اقوول الانفلونزاا لاعبه دوور باستيعابي وشعووري لوووووووووول

الصريح

10-29-2011, 11:32 PM

كلن يغسل وجهه ويدور الهوش يطير النوم

ابدااع

10-31-2011, 12:05 AM

شنو شعورك ..............

وانت تستذكر شيخنا وحبيبنا وامير قلوبنا / جابر الاحمد الصباح رحمه الله رحمة واسعة واسكنه فسيح جناته

الصريح

10-31-2011, 12:28 AM

شعوري اقول الله يرحمه ويبقى لنا الشيخ صباح
شنو شعورك اذا اذا رايت في مكان عام امراه تؤشر للجميع باشارات خادشه

الاستبرق الموعود

10-31-2011, 12:37 AM

شعوري أتذكر نعمة الله علي إلي حماني أن أكون في وضعها
بالشكر تدوم النعم

ابدااع

10-31-2011, 12:39 AM

اسال الله العافية ...

واسال لها الشفاء والهداية فهي جاهلة

واحمد الله انني عافاني من مثل هذه النماذج

بسمة

10-31-2011, 12:45 AM

شعوري اقول الله يرحمه ويبقى لنا الشيخ صباح
شنو شعورك اذا اذا رايت في مكان عام امراه تؤشر للجميع باشارات خادشه

امبيييييييييييييييييييي

مو صج :(

الصريح

10-31-2011, 12:52 PM

اخت بسمة والله صحيح شي عجيب غريب وتاشر للناس كلها في الكوت اما مريضه او فيها شي
شي غريب عجيب
شنو شعورك اذا لم يقر الكادر هل تبقى في الوزاره او ترحل

بسمة

10-31-2011, 02:32 PM

اخت بسمة والله صحيح شي عجيب غريب وتاشر للناس كلها في الكوت اما مريضه او فيها شي
شي غريب عجيب

الحمد لله الذي عافانا مما ابتلاها فيه وفضلنا على خلقه

الله يشفيها ويرفع عنها .

شنو شعورك اذا لم يقر الكادر هل تبقى في الوزاره او ترحل

ودي اترك الوزارة .. واشلوف لي وظيفه ثانية

اي وظيفه .. اداوم لها جنطة أيدي .. بس

ولما يخلص دوامي الظهر .. انساها وعيش حياتي
لا تصحيح اوراق ولا دفاتر وزيارة مشرفه ولا موجه
ولا ولي امر ما يقدر
ولا درجات ولا معاش اصرفه بالمكتبه .

او .. افتح مكتبه .. واربح من المعلمين .. الوسائل والبطاقات .. أياباه شي

هه شهر شهرين أنا مليونيرة من معاشات المعلمين ..

اللي يبي يدش شراكه .. يقدم طلب عندي .. ترا عندي افكار استثمارية رووعه

يا ويل اللي يبوق فكرتي .. ادعي عليه .. بمدير اقشر و مساعد مدير ملسون :p

السعاده

11-12-2011, 04:51 PM

يا حلووووج بسمة عاد الا مدير اقشر ومساعد مدير ملسووون لا يا بنت لا يحوووشك بس كلهم حلوين لا تحاتين و انا اول من يشارك بالمشرووع دام فيها بس جنطة يد ابشري والله خلينا بالاول نشوف جلسة الكادر وبعدها يصير خير

شنو شعورك لما تحتاج انك تتكلم مع شخص اقصى ما تريد منه ان يسمعك فقط فتفرح بوجوده بس هالفرحه ما تتم لازم تتهاوشون صج مجنن بس والله ان قلبهم ابيض ما من مثله وادري ان الحياة مالها معنى دونهم بس ليتهم يفهمون ؟؟؟؟>>>> والا شرايج التوام معاي حق والا شنو

التوأم

11-12-2011, 07:57 PM

السعاده الجنون احسن من العقل والمجنون لاتواخذينه علي اي شي خاصة اذا كان معاه حراره يفصل عن الخدمة انا هذا رايي وانت تبين الراي

السعاده

11-12-2011, 08:17 PM

التوام انت ادري منو السعاده و مره ثانيه لا تطقين وتنحاشين مسمووووووووووووجه يا الغلاااا وانت بعد اسمحي لنا ما راح تنعاد >>>> يووووه يا الشماته الحين

مطيري

11-12-2011, 09:39 PM

هههههههههههههههههه. حط حيلهم بينهن يالله لاتسلط عليهم :)

امحق لعب

التوأم

11-12-2011, 09:46 PM

مطيري لا يروح ظنك بعيد حنا ولا تفرح واجد
بس السعاده تحلف وانا احلف من يدفع لك الدينارين لك وعصبت عليها حرمت الا تدفعهم وانا حرمت ونبي احد يفتي لنا شلون ياجماعه علي دينارين مطيري

السعاده

11-12-2011, 10:51 PM

التوام تعالي مطيري شفيه اخاف ناقص عليه فلوس ذبحنا بالدينارين لا عادت هالسالفه والله الخوف انه لعب بفلوسه بالشوبنق وغيرها وقعد على الحديده واخرتها اشتغل مدرب نورس يبي يطلع فلوس التذكره
تعالي خلينا نشوف بنات عمه الله يصلحهن ودنا نسوي له حطه نفك عوزته ونخليه يرد باجر دوام والمسكين ما رد يخصمون عليه التربيه ويفلس من الكادر
بس انت رد وابشر بالخير الصريح ما قصر جاب لك بضاعة مساويك بسط فيها وطلع فلوس السفره

التوأم

11-12-2011, 10:55 PM

ههههههههههههههههههه
شنو شعور مطيري والدوامات باجر والخصم جايه وشنو شعورك مبسط بالمساويك ؟؟؟ مو هذا موضوع شنو شعورك

الاستبرق الموعود

11-12-2011, 11:25 PM

هلا والله بالغالين
بنات عم المطيري احضروا
شنو شعورج لما تدخل الاستبرق المنتدى

السعاده

11-12-2011, 11:31 PM

يوووه استبرق وينج حياج تعالي الحقي على ولد عمج ضاقت عليه الدنيا بديرة الاجانب ابد شعوري شعور مطيري يوم يحصل الدينارين اللي تفلفل قلبه عليهن

بس انت شنو شعورج لي شفتي السعاده والتوام >>>> ودنا نلعب شرايج كم بيض الحمام ؟؟؟

التوأم

11-12-2011, 11:35 PM

ههههههههههههههههههههههه
السعاده كنا بنعطيه الدينارين بس اللحين حامض علي بوزه عمت عليه بنت عمه ادري فيهم يخونون في بعض عاد ادافعين عن تأبط شراً يااستبرق روحي طقي فره وتعالي تكفين
شنو شعورج وانت تحب تجاااكر الاعضاااااء >>>> استمتاااع عني انا

الاستبرق الموعود

11-12-2011, 11:35 PM

والله ما تضيق عليه الدنيا وربعه مطير
وبعدين خليه يستانس في لندن لاحق على الدوام وهمه
وشنو شعوري شعور وحده شافت خوات غالين ولهم مدة غايبين عنها

التوأم

11-12-2011, 11:39 PM

عني انا يااستبرق شعوري شعور القذافي وهو مستانس يوم يعدم الناس
يابنت شوفتج حلااااا >>>> اللي يقول داشه اليزابيث ويا كبوسها انتغشمر يابنت

الاستبرق الموعود

11-12-2011, 11:43 PM

ههههههههه

والله إني ابرك منها
على الأقل أنا من أمة محمد صلى الله عليه وسلم
وثانيا من بنات مطير

بسمة

11-13-2011, 02:40 PM

وهذا حالي تل مره احت ثؤال واذاوب عليه ؟؟!!

ثنو ثعورك .. راد البيت يوعان حدك :(

ولا تلادي عدا ماتحب تاتله ؟؟!!

:(213):

الصريح

11-13-2011, 04:53 PM

شعوري ادور لي تمر سكري والا خلاص ولبن مراعي واشربه وانا مغمض عيني بسرعه وسيده نوم واحلم باني اكلت مطبق سمك ومفطح نعيمي ولحمه حاشي وبعدها سفن اب وعصير برتقال واخر شي باسكن روبنز .
شنو شعورك وانت مسخن ومعزوم وغصب تجي لان العشاء لك ؟

ابدااع

11-16-2011, 04:01 AM

اذا اقدر اتحمل واطلع ................ اروح بدون تردد ..

اما اذا غلب علي التعب ..

ابعث برسالة اعتذار بالجوال لتجنب الاحراج المحتمل ..

شنو شعورك وانت زايد وزنك ؟؟؟؟؟؟؟؟؟؟؟؟؟؟؟

السعاده

11-16-2011, 10:22 AM

الله ابداع احلي شي عيشي الحياة ما دام ما ياثر علي الصحة بعدين انت الحين عندج كادر ما في احد يكلمج يوووووه يا هالكادر

شنو شعورك وانت قاعد بروحك وتشعر بملل ؟*

مطيري

11-16-2011, 10:28 AM

صح شدراج. الحين سبع ونص وقاعد مبجر

ومطر وبريد شوي وناطر المحلات تفتح بروح اتمشى فيهاا

شعوري ودي يمشي الوقت بسرعه برد للكويت طلعت من جبدي لندن 

شنو شعورك عقب الكادر 

ابدااع

11-19-2011, 07:55 AM

الحمد لله ..

شعور الرااااحة ...

شنو شعوركم ؟؟

لما يكون ودكم تقولون بللي بخاطركم بس ما تقدرووون ؟؟؟؟؟؟؟؟؟ !!!!!!!!!!!

الصريح

11-19-2011, 01:00 PM

شعوري اذا كان فيه مجال للكلام ومن تريد مخاطبته مستعد للسماع ويعجبه ماتتحدثين به فلما السكوت وان كان العكس فكتم الكلام خير من اخراجه
شنو شعورك اذا مرت بك مناسبه جميله ولم يبارك لك شخص عزير

السعاده

11-19-2011, 01:40 PM

اكيد راح يخيب ظني فيه بس دامه عزيز التمس له العذر يمكن عنده ظروف

شنو شعورك وانت تحاول تزرع البسمه في عيون من تحب وتخفي الآلم اللي بداخلك ؟؟

كلي وفا

11-19-2011, 09:21 PM

احلى شعوووور وهذا يسييير لي داايم لأني احب مووت اللي ازرع له الابتسامة حتى لو كان اللي اخفيه عكس اللي اظهره..

شنو شعورك اذا اكتشفت ان مخططاتك اللي تخططها مومن صالحك؟!

الصريح

11-19-2011, 10:44 PM

شعوري اعرف ان الله قد اعطاني رؤيه طيبه بحيث رايت ان مخططي يسير في غير صالحي واعرف ان من يسنري هو الهوى وليس العقل فاتركه جانبا شنو شعورك عندما تجد ان طموجاتك اكبر من قدراتك

الاستبرق الموعود

11-19-2011, 11:02 PM

قدرات الانسان ليس لها حدود ،ولكن حسن استغلالها في الوقت المناسب
والطموح دافع يدفع الانسان إلى المسير وتحمل المشاق

شنوشعورك وانت متذبذب بين أمرين؟؟؟

الصريح

11-19-2011, 11:23 PM

يختار احدهما ويستخير ويعزم الامر

المسك

11-20-2011, 06:36 PM

ياهلا بربعي والله

شنو شعورك بناس يحطون لك شخصية مهي لك ويركبونها غصب عليك

اتمنى الكل فاهم مقصدي هاااا

ابدااع

11-25-2011, 07:28 AM

ما اهتم لهم ابد ..

لابد الصدق يبااااااان ..

فديت طلتج يا بعدهم كلهم

ابدااع

11-25-2011, 07:30 AM

شنو شعور لحظة نزول المطر

بسمة

11-25-2011, 08:24 AM

شعور لا يوصف

احب افرفر بالسيارة لي نزل المطر

اتذكر مرة وانا صغيرة

أياام التسعينات يمكن 95 او 94

كنت طالعه مع اختي الكبيرة بسيارتها رايحين الشويخ

والمطر نازل وااااااااااااااااااااااااااو كل مانزل مطر تذكرت هاليوم

حده وناسة

....................

شنو شعورك

لو وصل لك هدية من شخص مااا كنت تتوقع او مو على بالك ؟

السعاده

11-25-2011, 03:06 PM

اكييد بفرح بس شوفي بسمه ان كنت توقعين مطيري يجيب هدايا فاغسلي ايدج وانا اختج ما وراه هدايا ولا شئ الرجال جاي ويدور سلف ....

ابدااع

11-27-2011, 02:35 PM

وين سؤااااااااااااالج يا السعادة

:)

ابدااع

11-27-2011, 02:38 PM

شنو شعووورك لما تمر اجازة عليك و انطلب منك شغل ككثير تنجزه

وما عملته

مع ان عندك وقت - طبعا وقت اجازة -

؟؟؟؟؟؟؟؟؟؟؟

بسمة

11-27-2011, 09:10 PM

شعور كبير بـ التعاسة :(

ياا ربي حتى الإجازة .. محرومين منها .. ومو من حقنا

حااسة بشعورج .. بدوعه .. لأني ما استانست بالإجازة

اصحح وارصد درجات ..

وما انكر اني ما بديت فيهم إلا امس

الصراحة ... الخميس .. كنت نايمه :( وكسلانة ..

واليمعه .. كنت هايته .. :p

ــــــــــــــــــــــــــــــــ

سوعالي

شنو شعورك .. درجات البنات مرتفعه .. وتقريبا فل مارك

عكس التوقع

:p

يحليلهم بناتي .. دارسين خخخخخخخخخخ صج :p

ابدااع

11-29-2011, 02:38 AM

افرح واجدد الثقة بنفسي

ابدااع

11-29-2011, 02:39 AM

شنو شعورك انت ودك تنام ومش قادر

كلي وفا

11-29-2011, 08:32 AM

حاااااااااااسة فيج ياابدوعه خاصة اذا امر يشغلج حيييييبل..احس فيني بجية!!!! الله يعيناااا وياج..بس

شنوو شعورك لي جيت المدرسة ومبدلين حصصك وانت موتدري؟؟

الصريح

11-29-2011, 10:05 PM

شعوري اسال رئيس القسم لماذا بدلتوا الحصص دون علمي لعل هناك مصلحه تقتضي هذا التبديل وان لم تكن هناك مصلحه علي ان ابين لهم وجهه نظري لرئيسه القسم ان لو اخبرت لكان افضل ولا اجعل هذا الامر حجر عثره في التعامل مع ملاء القسم لان هؤلاء دائمي الجلوس معي .
شنو شعورك تجد ان الاحلام التي بينتها تتجه الى صعوبه التحقيق

ابدااع

11-29-2011, 10:36 PM

اتناسها ان لقيتها صعبة ..

وابني غيرها بقدرات متوفرة فيني

ببساطة

:)

كلي وفا

11-30-2011, 10:23 AM

عجبني سؤال اخوي الصريح..

مشكلة الناس وانا منهم اذا لفينا صعوبة في تحقيق مانريد بالواقع نلجأ الى الاحلام لان اغلب ٩٥٪ من احلامنا مستحيببببل تتحقق و٥٪ ممكن تتحقق لا لسهولة تحقيقها ولكن بالتفكير والتخطيط تتحقق..!!

طبعا شعوري لا يأس مع الحياة ولا حياة مع اليأس..

وقد تكوون هناك اموور لاتستحق ان افكر فيها بتاتا لانها قد تتعبني سواء الحياة الاجتماعبة اوالماديه!!

ابدااع

11-30-2011, 11:00 PM

شنو شعورك

ومع نجاحاتك الى ان النظرة وليست النظارة السودااء ما زالت تعتلي اناس لا يعرفونك جيدا

التوأم

12-01-2011, 01:52 AM

ليش اهتم بالناس مصيرهم مع الوقت بيعرفوني
شنو شعورك وانت فيك حساسيه وصرت شاطر بتسوي عشا وحكيت عينك وايدك فلفل يااوادم انعدمت الملامح تكفون جربوها بس عقب سجلوا شعوركم

ابدااع

12-02-2011, 06:36 AM

جربناه يا التوام

يووووووووه

الله لا يعيدها ساعة

ان اتذكرت وعيني قامت تدمع

واشتغلت الحساسية

...

شنو شعورك

وانت قاعد مبجر

وصخًة وهدوووووء

يعم البيت ..

ابدااع

12-02-2011, 10:57 PM

شنو شعورك وانت قاعد تنتظر ؟؟؟؟

ابدااع

12-05-2011, 03:34 PM

شنو شعورك

وانت قاعد تحقق انجازات :)

مطيري

12-06-2011, 09:29 PM

التوأم والله من العجله اللي مامنا فايده >> بعض النفعه بليااهااا :p

شنو شعورك لاصرت تفكر بالناس والناس كلن يفكر بنفسه :)

السعاده

12-07-2011, 11:58 PM

مطيري شئ طبيعي لاننا في وقت الكل يقول اللهم نفسي لا تفكر باحد يا ابن الحلال تتعب

شنو شعورك لو انك فقدت الثقه باغلى الناس عندك ؟

ابدااع

12-09-2011, 08:21 AM

اتناساهم

او ان كانوا يمونون

اعطيهم فرصة اخرى

ابدااع

12-09-2011, 08:22 AM

شنو شعورك

وانت ذابحك ضرسك ؟؟؟؟

المسك

01-07-2012, 07:46 AM

ووواااي عاد ضرس العقل توه طلع لي

قلللوووش هههههه

شعور يعور اي 

شنو شعورك لمن محد فاهمك ولا احد حاس فيك ليما طابت نفسك

وهم مستمرين بالبرود والطناش (مالت) اااه قهر



مغثه تايم

ابدااع

01-08-2012, 12:11 AM

شنو شعورك لمن محد فاهمك ولا احد حاس فيك ليما طابت نفسك
وهم مستمرين بالبرود والطناش (مالت) اااه قهر

اطنش زيهم ..

اداوي نفسي بنفس الداء اللي حاسته انا

اطنشهم ولا بيهمني

زي ما انا مسويه حاليااااا

خخخخخ

اقصد أخ أخ أخ أخ

:)

ابدااع

01-08-2012, 12:13 AM

شنو شعورك

وانت مجروح من اقرب الناس لك

ناس تاكل وتشرب معهم

مو جديد جرحك

لا مبطي

بس قاعد انت تتناساه

؟؟؟؟؟؟؟؟؟؟

Mr.

01-10-2012, 11:51 AM

شعور حزين ومؤلم صرآحه , بالنسبة لي لاجاني هالشعور, أروح اصلي ركعتين وأدعوا الله أن ينظف قلبي من الأحزان والجروح وأدعيه وانا ساجد وبكل خشوع أن يقويني لأن نحن نستمد القّوة من الله, بعد ماراح تسلم وتخلص الركعتين راح تحس بشعور ارتيااح غير طبيعي وتنسى الجرح اللي صار يلازمك كل يوم ,,

شنو شعورك لما يجيك إنسان محتاج حاجة ضرورية لمساعدة ليست مساعدة ماليه ولكن خدمة, وأنت مابيدك شي نهائياً...!!؟

ابدااع

01-10-2012, 11:59 PM

شنو شعورك لما يجيك إنسان محتاج حاجة ضرورية لمساعدة ليست مساعدة ماليه ولكن خدمة, وأنت مابيدك شي نهائياً...!!؟

احاول قد ما اقدر ادور على شخص او اشخاص بيدهم الحل حتى اساعده ...

والسعي في حاجة الناس حتى تقضيها بمنزلة الجهاد في سبيل الله

او كما اخبر رسول الله صلى الله عليه وسلم

ابدااع

01-11-2012, 12:00 AM

شنو شعورك ...

وباجر ان شاء الله اول يوم اختبارات والدوام بيكون مبجر :(

ابدااع

01-16-2012, 11:40 AM

شنو شعورك وانت تحس انك مو لاقي من يفهمك ...

في البيت في الدوام .....

بسمة

01-16-2012, 08:08 PM

شعور قوي بالاحبااااااااااااااااااااااااط

:(

نفس السوعال

ابدااع

02-02-2012, 12:33 AM

شنو شعورك

وانت

ودك بشي // وانت تقدر عليه /// بس فيه موانع اكبر منك !!!!!!!

ابدااع

02-02-2012, 12:44 AM

شنو شعورك

وانت تشوف الاعضاء اللي /

غااابت

امتنعت

عارضت

كادر المعلمين ومكافاة الطلبة

اذا خسروا

شخصيا /// بكون في قمة سعادتي ...

ابدااع

02-03-2012, 09:59 PM

خخخخخخخ

خسروا بالجملة

الحمد لله الذي تتم بنعمته الصالحات

ابدااع

02-03-2012, 09:59 PM

شنو شعورك ...

وانت قاعد تنتظر ع الفاضي :(

ابدااع

02-07-2012, 01:02 AM

شنو شعورك

اذا احسست بعدم الاكتراث بك ممن يحيط بك

يعني وجودك وعدمك واحد في نظرهم ؟؟؟؟؟؟

غلا الرشايدة

02-12-2012, 02:42 AM

اجاوب.

بسم. الله.

عدم. الاكتراث. لشخصي. من. قبل. الناس. نابع. من. شيئين. الاول. نفسي. وهو. تهيوءات. بعدم. اهتمامهم. بي.

وذلك. بسبب. نقص. بالثقة. بالنفس. او. فعلا. قد. اهتموا. بي. سابقا. ولكن. لم. اجدد حياتي. فظلت. احاديثي. ملولة. وظلت. شكواي. متكررة. فابتعد. الناس. ولم. يأبهوا. لوجودي.

السبب. النفسي. فيما. سبق. لابد. من. جلسة. مع. الذات. سواء. التهيؤات. او. بعد. الناس. من. مللي. وضجري.

لابد. من قلب. لما. في. صدري. وتجديد. مالدي

اما
السبب الاخر. الذي. يجعلهم. لايبالون. بي.

قد. يكون. في. ذاتهم. مثل. الغيرة. او. الحقد. في. دواخلهم

يجعلهم. يمثلون. ويتقنون. فن. اللامبالاة.

وهنا. يجب. علينا. ان. نبادلهم. عدم. اكثراهم. ونزيد. من حبنا. لانفسنا. ونصادق. ونتعرف. على. ناس جدد

الان. الاجابه. ههههه

في. الحالة. الاولى جلسة. مع. الذات. تنفع

في. الحالة. الثانيه. التطنيش. بهم. افضل

والله. اعلم

استغفر. الله. واتوب. اليه

غلا الرشايدة

02-12-2012, 02:45 AM

شنو. شعورك. وانت. بداوم. في. مدرسه. مظلوم. فيها. وزايدين. ظلمهم. ظلم. بان. يعطونك. اكثر. من. نصاب. زملائك. بالقسم

بسمة

02-19-2012, 12:44 AM

شنو. شعورك. وانت. بداوم. في. مدرسه. مظلوم. فيها. وزايدين. ظلمهم. ظلم. بان. يعطونك. اكثر. من. نصاب. زملائك. بالقسم

:(

انا جي

شعوري .. بكون محبطه و فيني بجيه :(

ــــــــــــــــــــــــــــــــــــــــــــــــــ ــــــــــــــــــــــــــ
شنو شعورك اذا سجلت دخول بالمنتدى

وما كو أحد ؟؟