قصه متينه لقت الفرج !!!!!

[الصريح]

كل احد يعايرني بسمنتي بس يقولون لي يالدباااااااا دبيبا دبدوبه الفيله كرهت العالم والناس كرهت اروح للمناسبات من النقد اللي اشوفه من اهلي واخواني واقربائي وصديقاتي حتى خالي لي شهر ماشفته اروح اسلم عليه يقول انتي وشبك ماتخففين من الاكل بس ام ام ام خففي جتني حالتي اسوي رجيم ماينفع المهم سمعت هالقصيدة اعطتني ثقة بنفسي والحين احس اني اجمل دبدوبه بالعالم قصيدة حمد السعيد(المتينة السمينة):

عينٍ ومبس***للزين قالوا من قديمٍ علامات
م والجسم والرشاقة

لكن كسر هالقاعدة هالمتينات
من واقعٍ ماهو كلام وبلاغة
***
اللي محليهن ولو هن ثقيلات
دايم خفاف الدم وفيهن لباغة
***
الله ياهن يا جماعة لطيفات
وعلى الكلام الحلو فيهن طلاقة
***
ماهو ضروي بالرشاقة رشيقات
وزود الوزن ماهو بيعني إعاقة
***
صحيح بعض اللبس يعني إهانات
الوزن بالضيق عديم العلاقة
***
بس مو ضروري يلبسن سترجات
يا زينهن واللبس واسع نطاقه
***
لا بارك الله فيك يالضيق بالذات
ترى السعة مرات تعطي أناقة
***
قالوا الرجيم اليوم هم البنيات
قلت الرجيم أدري يبيله فراقة
***
وقالوا رياضة قلت ما هن مريضات
للسكري لا مامعاهن بطاقة
***
قابلهن الله بلا رجيم ورياضات
بهديلهن مني من الورد باقة
***
هن دفئ هذا المجتمع هالرقيقات
هن ملحٍ هن سكر لذيذٍ مذاقه
***

[الاستبرق الموعود]

عندي قناعة أن كل مرأة جميلة , وبأي وضع كانت
الجمال يبنبع من الداخل وليس من الخارج , وهذا لا يعني أن تهمل المرأة نفسها لأنها جبلت على التزين
وفي النهاية محد راضي على نفسه

[الصريح]

عندي قناعة أن كل مرأة جميلة , وبأي وضع كانت
الجمال يبنبع من الداخل وليس من الخارج , وهذا لا يعني أن تهمل المرأة نفسها لأنها جبلت على التزين
وفي النهاية محد راضي على نفسه

اكيد كلامك وجيه بس البعض يخرع ما ينعرف وجه الغضي من مقفاه المفروض الواحد يهتم بنفسه مو اخر شي سصير بالونه هيليوم ويطير وين نلقاه بعدين
كل الشكر على المرور والتعليق الوافي

[الاستبرق الموعود]

يا الصريح
لا تضحك إلا بصايم ومصلي , الله لا يبلاك بالمتن , عاد مطوع متين يكون شي عجيب

[السعاده]

الصريح هدي وانا اختك الحريم ما يحتاجن قصيد فيهن حاليهن ربي بكل حال المهم العقل يوزن بلد وانت وشفيك على المتينات احد شاكي لك الحال ؟؟؟
صح لسانك وترى القصيده ينطبق على الرياجيل لا تكون انت منهم ؟؟

[الصريح]

ما ضحكت وهذا الكلام حقيقه
بعدين الحمد لله كل المطاوعه متان عمرك شفت مطوع ضعيف الكل ميتن الا واحد فيه فقر دم والا زمانه لاويه والا ذابحه الهوى يلوحه
ماضحكت على احد بس خلاص ودي يضعفن الحريم خربن المصاعد واسرفن فينا ههههههه
كل الشكر على المرور

[الصريح]

الصريح هدي وانا اختك الحريم ما يحتاجن قصيد فيهن حاليهن ربي بكل حال المهم العقل يوزن بلد وانت وشفيك على المتينات احد شاكي لك الحال ؟؟؟
صح لسانك وترى القصيده ينطبق على الرياجيل لا تكون انت منهم ؟؟
يوووه بالك ماشفتي اللي شفت
ايه شاكين والا ليه جبت الموضوع حتى المنظمه العالميه للغذاء تصيح ولا كو فايده
لا الرجاجيل متنهم شجاعه وقوه وحلا
انا حول الدعوى بس توكلني المعزبه تقول لا تضعف خايفه علي من العين ههههههههه
انت وش مزعلك زين انت من ربعهن كان انت منهن ونسناك وشجعناك وشدينا من ازرك وكان انت ما انت منهن احمدي ربك واشكري وديري بالك تمتنييييييين
كل الشكر على المرور

[الاستبرق الموعود]

لا والله ماني منهن , إلا حالي كل ماله يضعف ، وأتمنى زيادة الوزن مرضاة لأمي
ومن قال كل المتن شين ؟!

[الصريح]

لا والله ماني منهن , إلا حالي كل ماله يضعف ، وأتمنى زيادة الوزن مرضاة لأمي
ومن قال كل المتن شين ؟!


الله يجعلك من المرضيين
ابد فيه متن وفيه سمنه وهي المقصد
كل الشكر على المرور

[الاستبرق الموعود]

شكلك يا الصريح راح تزرع فتيل الحرب بينا وبينك , تعوذ من إبليس وترك متن الحريم
وإلا أنتم يا الرجال ماشاء الله عليكم أكل مفطحات وعيوش والكرش مترين جدام
بس على قولت البدوان (( البعير ما يشوف اعوجت رقبته ))

[السعاده]

يووه يا الاستبرق وش هالمثل عجيب ههههههههه

الصريح انا منهن عندك حل والا منظمتك الغذائيه ما عندها شئ ودي اضعف يا اخوك قومتي وقعدتي لازم بونش

[الصريح]

الاستبرق ابد حنا نجيب اللي يشجع الاخوات بس

[الصريح]

السعاده الحل هو انت تقومين بالمدرسه مشرفه وبائعه مقصف ومراسله وكفاله ما تطولين حدك شهر

[كلي وفا]

الحمدلله.الذي.عافانا.حمدا.كثيرااا.اي.ثقة!! احنا.الحين.في.زمن.الفضائيات.اللي.خربت.عقولنا.وعقول .شبابناا.لاأنصحها.تسوي.رجيم.بغض.النظرعن.جمال.القوا م!!الرشاقه.صحةوعافية..تسلم.الصريح.عالقصيدة.الثقة„„

[الصريح]

اختي كلي وفا
الامتان لهن سوق رائج
كل الشكر لك

[كلي وفا]

هذاااا..أياام..قبل..!!!

[الصريح]

هلا كلي وفا كل بضاعه لها زبائنها فالامتان غالبا يطلبون الامتان حتى لاتحدث جريمه قتل ههههكل الشكر للمرور