السلام عليكم ورحمته الله وبركاته

[حور الكويت]

اول الامر مبارك عليكم مابقى من رمضان وعسى ربي يتقبل منا ومنكم صالح الاعمال والدعاء

اخواني وخواتي

من عطلنا من المدرسة وانا احاتي وغيري من المعلمات المضطهدات والمظلومات

منو يقدر يفيدنا متى يبن النقل الرسمي

لان اقسم بالله العلي العظيم قاعدين على اعصابنا والسبة ناظرتنا

حسبي الله عليها ونعم الوكيل

تكفون اللي يقدر يفيدنا بمعلومة خل يقول

وعسى الله يحرم وجهه وجه والدينه عن النار

[التوأم]

وعليكم السلام حياج ياحووور اولا الله يفرج عليج يارب وييسر امرج باذن الله والله النقل راح تلقينه موجود في التنسيق فوق الدور الاول وراح يبين لج بس تعطينها الرقم المدني بس يمكن لهم تاريخ معين ينزل فالجرايد اخر اغسطس بس اذا رحتي المبني الاول وسالتيهم بيعطونج الخبر باذن الله بس الاكيد بتقولج انطري الجريده. بالتاريخ اللي تقوله وعليها حطي اسبوع بعد لانهم خواره بس اكيد عندهم بالكمبيوتر وعسي ربي يعطيج خير هالنقل ويكفيج شر مديرتج حياااااج يالغاليه واتمني اشوف مشاركاتج

[حور الكويت]

تسلمين

وياعل ربي مايحطج بدين ظالم

التؤام لي بمدرستي 7 سنين

جاتنا ناظرة قشرة بكل ماتعنيه الكلمة

والله انها ماحصلت خير من الدعاوي
فرقت المدرسة
المدرسة اغلبيتها مقدمة نقل
عسى الله يرد كيدها بنحرها
التنسيق تقصدين الوزارة؟

[التوأم]

الله يجزاج خير وعسي ربي يفرجها عليكم باذن الواحد الاحد انت الجهرا صح روحي مبني 1 الدور الاول علي يمينج الدرج اول دخولج المبني راح تلقين تقسيمات واجد علي حسب المناطق اسالي عن طلبات النقل اكيد بيدلونج بالوزاره طبعا وحياج ياروحي

[حور الكويت]

لاحرمتي الاجر ان شاء الله

[السعاده]

هلا اختي حور حيااج معانا والتوام ما قصرت في ردها لج لكن يكفي السؤال عن النقل بالمنطقه

التعليميه من كم يوم عرفت ان نتائج النقل بيكون في اواخر شهر 8 واول شهر 9

وبالتوفيق للجميع وربي يعوضج بمدرسه احسن منها

[التوأم]

السعاده تذكري اني تربيه خاصه مانتعامل مع منطقه تعليميه شغلنا وزاااااره يختج لو تبين تكحين روحي الوزاره خبرتي اكثر فيها بس اعتقد التعليميه يكون عندها في اخر 8 لكن التنسيق قبلها والبنت متحطمه كافي قاعده علي اعصابها اي مو منج من مطيري علمج تحشريني بالزاويه الله يسلطه عليج

[السعاده]

شوفي يا بنت مطيري يعتبرج اخت له يعزج ويقدرج وانا شرحتها لج وانت شاوري نفسج

وبعدين الوزارة والمنطقه اثنينهم ما تقدرين تحصلين منهم شئ الله من النفسيه بس النقل في

المنطقه التعليميه انا كاتبه نقل وابخص بسوالفه وسالت وقالوا باخر 8

عموما اختنا حور تستاهل الله يفرح ويريحها

[التوأم]

والله اخاف اصدق وانقط علي صخر بتاخذين بثارج مني >>>> يابنت حنا علامنا حايسين المنتدي بكل موضوع نفرش فرشتنا ونقعد نسولف

[حور الكويت]

السعادة وتوام ربي يعتق رقابكن من النار

ويتقبل الله صيامكم وقيامكم

وعادي اختي التوأم اخذي راحتج بالعكس خليتيني اضحك

اضحك الله سنج

[الصريح]

اختي حور مري مراقب التعليم اللي انت تابعه له وكلمي السكرتاريه راح يبين لك اذا انت طالبه نقل داخلي
اذا خارجي راح يبين في التنسيق
الله يسهل امرك

[حور الكويت]

اختي حور مري مراقب التعليم اللي انت تابعه له وكلمي السكرتاريه راح يبين لك اذا انت طالبه نقل داخلي
اذا خارجي راح يبين في التنسيق
الله يسهل امرك

الله يجزاك خير وان شاء الله بشوفهم

[حور الكويت]

Do you have any idea about protect your identity

حياج الله

[مطيري]

انشاء الله وفقت التوأم بتوصيل المعلومه بس نصيحه كل شي عند التنسسيق ومسألة المراقب هذي بعد النقل في حال ماعجبج المكان

[moalem]

انشاء الله وفقت التوأم بتوصيل المعلومه بس نصيحه كل شي عند التنسسيق ومسألة المراقب هذي بعد النقل في حال ماعجبج المكان

هل النقل الداخلي يبين عند التنسيق؟

لأن اعرفه ولاني متأكد من صحته النقل الداخلي اللي يبت فيه المراقب والتنسيق يختص بالنقل الخارجي

[غلا الرشايدة]

وعليكم. السلام. ياحبي. يالحووور. والله. اعلم. نهاية. شهر. ثمانيه. انا. مثلج. مقدمة. والله. يوفقني. ويوفقج.

[السعاده]

كلام الصريح والعتيبي صح النقل الداخلي يكون عند المراقب في المنطقه التعليميه

اما النقل الخارجي فهو بالتنسيق وتنزل الاسماء بالجرايد وهذا اكيد