المساعد الشخصي الرقمي

مشاهدة النسخة كاملة : 1800 دينار في حسابات المعلمين نهاية الشهر الحالي



الصريح
07-20-2011, 03:39 PM
(http://alshahed.net/images/image/w13(501).jpg)كتب محسن الهيلم:
علمت »الشاهد« من مصدر مطلع ان قطاع الشؤون الادارية في وزارة التربية اعد كشوف المعلمين والاداريين المستحقين زيادة الـ50 ديناراً بأثر رجعي من اغسطس 2008 ورفعها إلى قطاع الشؤون المالية الذي سيحول المبالغ الى حسابات المستفيدين خلال الشهر الحالي.
وفي السياق نفسه انتهى قطاع الشؤون المالية من اجراءات صرف كادر المعلمين الذي اقره ديوان الخدمة المدنية ومجلس الوزراء مؤخراً بما في ذلك الكادر الخاص بالمعلمين الوافدين الذي يضم 90 ديناراً إلى بدل السكن وزيادة سنوية 10 دنانير وسيتم الصرف مع راتب سبتمبر وبأثر رجعي اعتباراً من اول ابريل الماضي.
من جهه اخرى كشفت مصادر تربوية مطلعة ان البونص الذي تقدم به وزير التربية وزير التعليم العالي احمد المليفي مؤخراً لارضاء المعلمين للنهوض بالعملية التعليمية بالبلاد استبعد فيه المعلم الوافد مشيرة إلى ان المخاطبات بين التربية ومجلس الخدمة المدنية حددت ان البدلات والمكافآت للهيئة التعليمية الكويتية من دون الاشارة إلى المعلم الوافد في اي منها. ولفتت المصادر إلى ان مجلس الخدمة المدنية طلب تحديد ضوابط و معايير لطريقة الصرف وابلاغ ديوان الخدمة المدنية بذلك وسيعمل بهذا النظام اعتباراً من العام الدراسي 2012/1011.
وتساءلت عن الاجتماعات المتكررة لمسؤولي وزارة التربية لتحديد الضوابط والمعايير من دون معرفة الآلية الاساسية بهذا الصدد والتي منها ادراج المعلمين الوافدين من عدمه فضلا عن معرفة اعداد المستحقين لهذه المكافآت. واوضحت ان بعض قياديي الوزارة ابدوا اعتراضهم على هذه الآلية وابعاد الوافد عن مكافآت البونص، مؤكدين ضرورة اعادة النظر في الضوابط.
كل الشكر للعضو اسمي معلم الذي اخبرنا عن الخبر ونقلناه من الصحيفه نفسها

مطيري
07-21-2011, 02:03 AM
ياجماعه ركزوا على اخبار الفلووس ترى مهمه هاليومين :)

المسك
07-21-2011, 08:24 AM
يارب الله يرزقنا من فضله .. يعطيك العافيه ابو الصراحه

مطيري اكيد بنركز على هالشى والا شلون بنشتري فيمتو ؟؟ ههههههههههههه

الصريح
07-25-2011, 02:15 PM
ماكوووووووووووووووو
وزارتنا وزاره فضايح انشر اسم المعلم ونقعه حتى شهر 9 فقط حنا
قلنا ليييييييييييه ؟ قال السستم مايقبل !!! علينا !!! السستم منو اللي يفتحه ومنو اللي يسكره .
يعني رمضان . عيد . مدارس . ماعليهم مو شغلنا نبي نربح البنوووك .
هذي مو فلوسنا وحاجزينها ليه جذيه .
وزاره تبط الكبد

البروق
07-25-2011, 06:54 PM
مساء الخير للجميع ابى اتاكد هل راح تنزل 1800 شهر سبعة ولا ثمانية مع الشكر الجزيل:(202):

الصريح
07-26-2011, 12:35 AM
اختي بروق انت معلمه يعني لازم تتعبين ولا تفرحين مثل الناس
مااااااكو شي انطري شهر 9 حتى المتقاعد واستثنائيه الضباط شهر 8
المعلم في نظر الوزاره اخر من يفكر حسبالهم معاشات الاربع شهور من جيبهم يقولون تو معطينهم
اخاف بس من اوقاف الوزاره معطينا
حسبي الله على صاحب القرار اللي منع تمتعنا فيها بوقتها

المسك
07-26-2011, 11:58 PM
ياربي منك يالصريح طلعت علومك ماااش يقولون مالنا شي إيه انت والايباد قصيتوا ورفيجك مطيري < تقط قنبله عليهم وتهج

الصريح
07-27-2011, 12:42 AM
والله ياالمسك مالنا طريق بعد الله الا نشتغل تويتر وماقالات اخاف الوزير يحن قبل هالشهر الفضيل ويعطينا حلالنا
يتحلل قبل رمضاان حتى العجزه والمعاقين اخذوا حقهم الا المعلم .
يعني اضعف عنصر في المجتمع هو المعلم المعاق والشايب نزلت لهم الا حنا يالمعلمين
نبي نبيع الايباد والايفون وجهاز الابتوب والسبه انا عملنا حساب على ال 1800

بسمة
07-27-2011, 02:42 AM
ما شاء الله تبارك الله

تتهنون فيها يااارب

وان شاء الله تنزل الحين او بعد شهر ..

الله يرزقكم

طبعا هذي مو لي :)

انا توني يديده بقراطيسي :p

اخذتها من زمااااان مع اول رااتب

بس مادري نزلوا الاسماء بمحافظتنا

واختي نزل اسمها

انا اللي بشرتها خخخخخخخخخخ

ان شاء الله تعطيني الحلاوة 1000 والباجي لها خخخخخخخ

شكرأأ لناقل الخبر

طبعا انا قريت الخبر من قبل وبشرت اختي

:)

الصريح
07-27-2011, 02:44 AM
ابشري بالخير
يمكن الله يهدي المليفي وينزلها قبل رمضان
نور الموضوع بمرورك