فديت رمش للمعاليق بتار

[مطيري]

باادلعك حتى الدلع منك يغار


من مشيتك من وقفتك من سكونك
وبكتب بك ابيات بها واهج النار
من شوق بقلبي لنظرة عيونك
فديت رمش للمعاليق بتار
وفديت خشم ذايب به ولونك
وفديت خد للقاء صار تذكار
وفديت خالين ن بهم يذكرونك
وجبينك اللي يحتوي كل الاقمار
وليل تنثر واختفن به متونك
وحاجب مثل قوس الربابه الى جار
وشفايفك ومعنقك مع سنونك
والضحكه اللي تشبه البرق لاثار
والنظره اللي يحتويها جنونك
وجيد كما البرحي الى صار جمار
حماك رب الكون لا يحسدونك
فديت كلك ياالغلا سر واجهار
فديت انفاسك وظلك وكونك
يااجمل من الجوري مسافات واعمار
خوفي عليك من الغلط يزرعونك

[السعاده]

الله عليك يا مطيري وعلى روعة ما طرحت

ما اجمل تلك الصورة التي رسمتها لنا

بكل هدوء وابداع وسحر حروف

لتهطل علينا من جمالها مطرا تفرح به قلوبنا

و تتميز به صفحاتك لنكتشف ذائقة شعرية رائعة

صح الله لسسسسسااااانك

[الصريح]

الله عليك يامطيري
بس تكفي توقع في الابيات الجايه في الوصف لا تخلي الشيبان تبلش بعمرها توقع
وانا اخوك مو لطفا بالقوارير بل لطفا بالشيبان
كل الشكر لك

[البندر]

صح ألســـــــــــــــــــــــانك

[كلي وفا]

حماك رب الكون لا يحسدونك
فديت كلك ياالغلا سر واجهار
فديت انفاسك وظلك وكونك
يااجمل من الجوري مسافات واعمار
خوفي عليك من الغلط يزرعونك


تسسسسلم مطييري..

صرااحة اضحكني رد اللي فووووووووق.. ههههه

[مطيري]

السعااده >> الله يسلمج واسعدني مرورج واخووج متذوق للشعر يعني يطلع مني :p

الصريح>> اجل بترفق بالشيبان :)

البندر >> تشرفت بمرورك الله يحفظك يارب

الكتومه > عساها دووم هالضحكه :)

[ابدااع]

اللللللللللللللللللللللللللللللللللللللله ...

صح لسانك ولا تكفي

اختيار مميــــــــــــــــز *****

يسلمو يا مطيري ...