المساعد الشخصي الرقمي

مشاهدة النسخة كاملة : منو يردع ظلم الناظرات؟



karazz
06-16-2011, 07:52 PM
معالي الوزير
تعبنا وحنا نرفع كتب تظلم الكتب تتنقل من مكتب لي مكتب وبالنهايه حقنا ضايع والله انا عيزنا واحنا نقابل بدرية الخالدي تقولنا وايد تيينا شكاوي علا هالناظرة( بنفيسة بنت الحسن بصباح السالم) بس عندنا نقص مانقدر نسوي شي

والله ظلم والله ظلم يامامدرسات ماتو من الحرة والناظرة تامر وتنهي

ابدااع
06-16-2011, 08:13 PM
موبس هذي

فيه كثيييييييير غيرها

ولا يعلمن بان عين الله ترقب ما يفعلن

ويكفي بربي عليهن حسييييبا

يا الطيبة

لا تنفخين في جربة مشقوقة

رفعنا تظلمات وعلى تجاوزات خطيرة ووصلناها لابعد مستوى في الوزارة

وعمك اصمخ

شلة وصولين ماسكة الوزارة

ايش بنقول حنا

خليها على الله

وما القادم بافضل حالا من السابقين

خلني ساكتة لا تطلع بره وتجرح

وكلي امرج لله حبيبتي فيها وفي غيرها





ويلك ايها الظالم!!

أبظلم الناس تهنأَُ..

اما علمت ؟؟

بان المظلوم يرفع اكفه

وربه الله يرى و يسمعٌُ

المسك
06-16-2011, 11:57 PM
الله يعينكم وينصركم على كل ظالم يارب

karazz
06-17-2011, 12:47 AM
ياجماعه الله يحفظكم ويكفيكم شر المرض انا توني بالعشرينات وياني الضغط والقلب من القهر والحرة
وين الخوف من الله وين القانون ولا بس احنا يل مدرسات لو غلطنا يااااااويلنا تحقيق ولفت نظر وافادة لااااا ويكون سبب تافه جدا
حسبي الله ونعم الوكيل

المسك
06-17-2011, 10:46 AM
تحسبي ربج وربج راح ينصرج عاجلا والا اجلا واطلبي نقل وخليها تولي

سلطانة الحرف
06-17-2011, 11:09 AM
مثلها
ناظرة القبلية في مبارك الكبير
حسبنا الله ربي فيها ونعم الوكيل

karazz
06-18-2011, 12:19 AM
حسبي الله ونعم الوكيل فيهم

اليوسفيه
06-18-2011, 12:26 PM
لو كل مدير مدرسه يشعر بمراقبة الله له وان فيه من يحاسبه بالوزاره يمكن يقل الظلم اللي نشوفه بمدارس الحريم وطبعا هالشي مانشوفه بمدارس الرياييل لان فيه خير مدير المدرسه يكلم اي استاذ ويظلمه !!!!

وكلي امرج لله وربج ماينسى عباده*

مملكة العطور
06-18-2011, 06:42 PM
الله المستعان كثير مانسمع اختي عن الظلم من قبل الادارات المدرسية ولكن لو لم يتم ذكر اسماء حتى لانشهر .
غاليتي اعرف من انتقلت من منطقة تعليمية لمنطقة اخرى بسبب ظلم الناظرة وتقول حتى لو انتقل لمدرسة ثانية تطلع من معارفها
وانتقلت من المنطقة باكملها .
شوفي يالغاليه الحق مايضيع مادام وراه مطالب واذا كان لج حق راح تأخذينه بس بالدليل وليس كلام وارفعي ايدج لربج والله مايضيع حقج
.
احيانا تكمن المشكله والخلل وصول البعض الغير مستحقين بالواسطه ومثل مافي معلمات يحتاجن لاعادته تأهيلهن من جديد كذلك بعض الادارات للاسف.
ارجو من الجميع عدم تحديد الاسماء

ناظرة مدرسة
06-30-2011, 07:18 PM
حسبى الله ونعم الوكيل كل ظالم يظلم..
أقول لكل ناظره خافى ربج بمعلماتج واستشعرى مراقبة الله عليج

ابدااع
07-01-2011, 12:29 AM
حسبى الله ونعم الوكيل كل ظالم يظلم..
أقول لكل ناظره خافى ربج بمعلماتج واستشعرى مراقبة الله عليج



ان كان في البلد مثلج

ابشري يا كويت بالعز وكل الخير

يارب كثر من امثالج

كلام ذهب من مسؤول

احسنتي عزيزتي

karazz
07-04-2011, 04:56 PM
اي والله ياريت لو كل الناظرات نفسج كثر الله من امثالج
بس والله ياخواتي اذا كانت الناظرة ماتخاف ربها وتدري بنفس الوقت انه مافي قانون يردعها طبيعي راح تظلم بحكم سلطتها
حسبي الله ونعم الوكيل ولاحول ولا قوة الا بالله
والله ياجمااعه تخيلو عشان رفضت اقولها اسم معلمه غلطت عليها بقسمي حطت حرتها بالتقرير
لانها تمووووت علا النميمه والقيل والقال والكلام بأعراض الناس
هذي شلون صارت ناظرة؟؟؟