لا .. للفـراق .. و لا .. لتجديـد الأوجاع

[الصريح]

يا شيـن طبـعٍ فيـك يا زيــن الأطبـاع
......... لولا الرجــاء .. ما كان خلّيته .. يفـوت

سَـنَـع يشـوّه لا تـذكّـرتــه أسـنـاع
........... مثل الحصاة .. اللي وسط عقد ياقــوت

تخـفي هيـامـك وإنت ميـّـت وملـتـاع
.......... ما تـدري إنه في ملامـحـك منـحـوت

ويبخل لسانك وإنت للسمع طمّـاع
............... والبخل في سِلْم المحبيـن ممـقـوت

الحكي .. قوت السمع / وأسامعي جياع
......... ومسامـعي ماتت من الجـوع .. للـقـوت

وحكي الغزل في صدرك أشكال وأنواع
........... لكن صمتك .. حوّل الصـدر .. تـابـوت

إلا طَلَبتـك وصـل .. صعّبـت الأوضـاع
........... مدري .. من اللي درّسـك جعله يمــوت

تصـد .. ما كـنّـك من الصـد .. مـرتـاع
.......... وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع
.............. وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
................ ناسٍ ضعاف عقول / وأشوار / وبخوت

وإلطف بحال اللي نحـل حاله .. و راع ..
................. قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
............... وإنت هالله هالله فيه .. والعمـر موقوت

اسمع أشعاري في الهوى وارخ الأسماع
........... ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
................. ونعم .. نعم للوصل .. لو كان بالصوت


http://www.mbc66.net/upload/upgif1/S2G88387.gif (http://www.mbc66.net/upload/)


(http://forum.te3p.com/newreply.php?do=newreply&p=7210200)

[One DaY]

لا .. للفـراق .. و لا .. لتجديـد الأوجاع
................. ونعم .. نعم للوصل .. لو كان بالصوت




صح الله لســــــــــآن شاعرها ومبدع كـ الـ ع ـآده اخي الصريح

تسلم يابـ ع ـدي ع النقل

[المسك]

انت ملك ملك


ملاااااااااااااااااااك < بس اش ازعجتينا


والله اخنيارك عجيب وتختار كل كلمه بدقه ماشاءالله تبارك الله

والكل بالمنتدى يثني على اختياراتك

تبارك الله


الله يعطيك العافيه وصح لسانك ولاهنت ياولد العم

[الصريح]

صح الله لســــــــــآن شاعرها ومبدع كـ الـ ع ـآده اخي الصريح

تسلم يابـ ع ـدي ع النقل
صح بدنك ونور الموضوع بمرور شخصك الكريم

[الصريح]

انت ملك ملك


ملاااااااااااااااااااك < بس اش ازعجتينا


والله اخنيارك عجيب وتختار كل كلمه بدقه ماشاءالله تبارك الله

والكل بالمنتدى يثني على اختياراتك

تبارك الله


الله يعطيك العافيه وصح لسانك ولاهنت ياولد العم
ياهلا وميه سهله وانت ملكه الرد الجميل ودماثه الاخلاق
عندما يكون المتابع امثالك فلابد من الانتقاء الجيد
نور وتلالا الموضوع بمرورك

[السعاده]

صح الله لسانك
ما هذا الفراق الذي جعل القلوب تخفق ليثور بركان الابداع والجمال من مراقبنا
وجعلنا نذوق طعم الفراق لصدق ما باح من أبيات جعلتنا نعيش معها في جو فراق الأحبة والدعوة لاجتماعهم
مما سالت له الدموع شوقا إلى الوصل
أسأل الله أن يجمع الأحبة على الخير وأن لا يفرق بينهم
صح الله لسانك يالصريح