دموعك ياعثمان ماتهون

[غلا الرشايدة]

السلام

اشلونكم اخواني وخواتي
امس اقلب بالقنوات الفضائيه
شد انتباهي هذا الحوار

الوالد :ولدي تعبان مايقدر يمشي
المذيع:شنو تبي ياعثمان؟
عثمان مستلقي على جانبه بعمر الزهور يجيب ببراءه:
ابي امشي
ابي قاري
الله يرحم والديكم ابي قاري
وهنا يتحدث الاب عن معاناته مع العلاج بالخارج
ويتأثر ويبكي
فيصرخ الطفل
بابا
بابا
مابي قاري خلاص
مابي امشي بابا

منظر يقطع القلب
وتهفو القلوب الاماراتيه علي عثمان وتتكفل بعلاجه
ولكن الله جعل في الكويتين الخير الكثير
فتابى قلوب محسني الكويت الا وان يتم علاجه باموالهم
الله اكبر

تدمع عيناي
يصرخ لساني
ويلهج
الحمدلله الذي عافانا
الله يرحم حالً حبيبي عثمان
دمووووعك ماتهون
وان شاء الله نفرح ببشرى علاج العميري الشيبه الطيب وابنته المصابين بالجلطه وترتاح الام الحنون ام ابراهيم
الله قادر على كل شي

والان لنحارب اي واسطه تسفر ناس على احساب الدوله وتمنع المحتاجين

اسفه ان موضوعي قاسي ولكن في المقهى احب اقول اللي بخاطري

[الصريح]

مشاعر جياشه من شخصيه مبدعه
لا اراك الله اي مكروه في عزيز

[ابدااع]

احسنتي يا غلا

دعوة طيبة من شخصية طيبة تبي الخير وتحرص عليه

ربي يحفظج من كل شر انتي وكل مسلم ومسلمة

[مطيري]

حسبي الله على كل مسؤول يجلس في برج عاج ويترفع عن خمال إدارته

ياخي اتقوا الله جم عثمان بالكويت جم حاله تخجل من الظهور بالعلن وتتعفف عن السؤال ياخي افتحوا ابوباكم وسعوا على الناس انا بالنسبه لي شفت المشهد شلون الاب يرفع ولده ويحذفه بالارض يقول هذا ولدي لايمثل ولاشي جدامكم مو عارف يقعد ولا يوقف ولايتحرك >الحمدالله اللذي عافانا وابتلى كثيرا من خلقه

الكويت بلد خير ونعمه واهل فيهم خير بس عيبنا من نمسك المنصب مانبي نتحرك منه ولانبي ننجز ونترك بصمه نبي نمسك هالكرسي ونعصر امتيازاته عصااار وناخذ كل اللي فيه ووننفع اللي حوالينا لين ماننطرد او نتقاعد غصب"


ياجماعه الخير الله وسعها عليكم فوق سبحانه وسعوها على خلقه تحت وترى يوسعها لكم يوم القيامه

والدنيا زواله وقدموا شي لآخرتكم موقف مثل هذا قال فيه الرسول عليه الصلاة والسلام : من فرج عن مسلم كربه فرج الله عنه كربه من كرب يوم القيامه "


وبهالمناسبه نشكر الاعلامي خالد عبدالجليل واهل الكويت اللي فزعوا لعثمان والده ونشكر كل من سعى في ادخال البسمه على هالبيت الكويتي والشارع الكويتي

[غلا الرشايدة]

الصريح. بدوووعه. المطيري

احلى مرور شرفتو الموضوع

عساكم ماتذوقون حرة المظلوم في بلد الخير

والله يجعل ايامكم كلها سعاده امين

[المسك]

وانتي اسعد ياغلانا

اشكرج لانج التفتي للهفئه .. والله عندي انسانه قريبه همن تعاني بنتها ..

والله يجزاج الجنه ياغلاااااااااااااا

[السعاده]

تدمع العين لرؤيا شخص يتألم
فكيف لو كان هذا الشخص طفل لا حول له ولا قوة
لم أستطع أن أكمل تلك الحلقة فالقصة يتقطع لها القلب وتذكرنا بحال وزارة الصحة لدينا
وأن الواسطة وصلت بنا إلى حياة البشر
الله يرفع عنه ويشفيه
ولكن ديرتنا الى الان بها من الخير ما يفرح القلب كفرحتي اليوم بوجود غلا بيننا
بارك الله فيك

[غلا الرشايدة]

بعد عمري يالسعااادة من زمان ماشفتج
الحمدلله اننا بلد كله خير
الله ينصر المظلوومين في كل مكان

المسك ياقلبي فديت ايدج اللي تخط احلي العبارات
جزاك الله كل خير

[كلي وفا]

الله يباارك بالنااااااس الطيبة امثاااالج يااغلااا ويكثر من القلوووب الرحيمة..