المساعد الشخصي الرقمي

مشاهدة النسخة كاملة : لماذا احتكار الوافدين الاشرااف والتوجييه خصوصا في اللغة الانجليزية منطقة الجهراء التعليمية !!!



اريام
06-02-2011, 09:15 PM
الي وزير التربية ارجو توجييه سؤال الي موجهة اللغة الانجليزية لماذا احتكار الوافدين الاشرااف والتوجييه خصوصا في اللغة الانجليزية في منطقة الجهراء التعليمية !!! ( ترا اذبحوونا ) ليش وين الكويتيين وين اهل البلد ؟. ولا احنا الكويتيين مو خرج إشراف و توجييه. !!!!!!!!!ولا مو كفوا.!!!!!!!! وولا اهي محصوورة علي الوافدين ودي اعرف ليش الموجهه محاطة دائماً بالوافدين يعني يشتغلووون اكثر ؟؟؟!!!!! ترا الكويتيين فيه منهم دكاترة و مهندسين ومحاميين , احنا الكويتيين كلنا ابداااع ولكن دفنا تحت رماااد الوافدييين . *

المسك
06-02-2011, 10:14 PM
الله يعينكم يااريام

starsat
06-05-2011, 09:12 PM
الله يساعدكم و يسهل امركم ان شاء الله

والمطلوب عملية احلال للوافدين في وزارة التربية
وخصوصا مع تزايد المواطنين المؤهلين للاشراف والتوجية

مس انجلش
06-23-2011, 12:33 AM
انا اقولكم ليش..لان الوافدين يشتغلون لهم شغلهم الخاص ويقعدون يترززون فيه جدام التوجيه العام
كل شي يسوون لهم حتى الفئات ومراجعةالامتحانات هم يسوونهم لهم والكويتين مثلي ومثلكم اللي يمشون سيدة مالهم نصيب

معلمة E
06-28-2011, 08:57 PM
ما تشوفين غير وافدين لانهم ما ينجحون الكويتيين في المقابله الخاصه للوظائف الاشرافيه عشان بتوع الدروس الخصوصيه ياخذون راحتهم بالبلد

معلمة E
09-09-2011, 06:28 AM
رفع

Turquoiseya
09-21-2011, 11:50 PM
عصابة
مادري متى راح نفتك منها

Sakina ramadan
10-01-2011, 11:25 PM
والله يا أريام احنا الكويتيين مظلومين بتوجيه الانجليزي ما يطلعون الا المنافقين ومساحين الجوخ لكن اللي ما يرضى بالظلم والغلط ويناقش بالقرارات اللي ما لها معنى يقولون له استريح !!! ولا يا مسلمين أقول حق طالب ثانوي الاجابه الصح حطلها تبرير مثلها مثل الاجابه الخاطئه؟؟؟ لا وكله كوم وطرشو كل أسبوع لولي الأمر مع الطالب خطة؟؟؟ يعني تقسيم المنهج اللي محطوط أول الكتاب حق منو!!! وأي طالب ثانوي في أي مادة يعطونه المعلمين خطه أسبوعيه!!!! وبعدين احنا وايد فاظين علشان بعد اختبار الفترات نكتب درجة كل طالب بالفصل بكل فرع يعني كل أفرع الورقة الأولى وكل أفرع الورقة الثانية؟؟؟ انتي اللي قلبج تحسنين مستوى الطلبه قومي ركبي سيارتج ودشي المدارس بشكل عشوائي وحضري الحصص بدال ما تتسمعين حق جم موجه هادين التدريس من سنة الطواعين. وخففي من كم المنهج وشدي على معلمات الابتدائي والمتوسط علشان يكثفون تدريب للطلبه لما يجون الثانوي الا فعلا الطلبة ممتازين بالماده. لكن اذا بتسمعين بس حق هالجم دايخ ودايخه اللي حواليج وتصدرين قرارات فرعونية وغير عقلانيه أقول عليه العوض بعيالي وحسبي الله عليج