المساعد الشخصي الرقمي

مشاهدة النسخة كاملة : توجيه الانجليزي تعدى حدوده 00 لماذا معلمات الانجليزي دائما في حهنم 00 ارجوك انقذنا



Turquoiseya
05-28-2011, 02:20 PM
السلام عليكم ورحمة الله وبركاته
اشكر الوزير المليفي لفتحه باب الحوار والسماع لنا نحن المعلمين والمعلمات

وارغب بطرح مشكلة اصبحت منفرا وطاردا لنا نحن معلمين هذي اللغة الجميلة
ساكتب عن نفسي واعلم ان كثيرا من المعلمات يوافقوني بل منهم من استقال واتجه للعمل الاداري بسبب القرارات العنجهية التي لاتصب في مصلحة المعلم ولا الطالب.

اولا: لماذا نحن بالتحضير اليومي المفصل وغيرنا يحضر مرة بالاسبوع ممايؤدي الى اخذنا لدفاتر التحضير ووسائلنا الكثيرة الى منازلنا بعد انتهاء الدوام حتى لايقع لفت نظر بحقنا: مثال تكون لدينا حصة اخيرة واليوم الذي بعده حصة اولى وتدخل الناظرة علينا او الموجه او رئيسة القسم مع علمهم ان في اليوم المسبق لدي حصة اخيرة
لماذا لاينتهي عملي مع جرس نهاية الدوام، لماذا انا مطالبة بالتحضير المنزلي لان مادتي تتطلب التحضير اليومي وغيري لا؟ انا لم اوقع على ورقة وزارية عند التوظيف ان عملي يتطلب اخذي لاغراضي واكمالها في المنزل في وقت راحتي

ثانيا: لماذا نقوم بعمل تدريبات مكثفة على كل وحدة دراسية بالاضافة الى تدريبات الفصول المساندة لثلاث فئات بالاضافة الى تدريبات الطالبات الضعيفات بالاضافة الى تدريبات او مسابقات للطالبات الفائقات00 ناهيك عن اوراق اضافية نعملها للطلبة وتتذمر الادارات من تصويرها للطالبات ومطالبتنا بتوفير ميزانية اضافية من مصروفنا الخاص

ثالثا:معلم اللغة العربية يدرس الفصل حصتين يتفرغ فيها للطالب بتقويته في القراءة والكتابة والتحدث باللغة الفصحى في حين يطلب من معلم اللغة الانجليزية نفس الطلبات لكن في حصة واحدة مع عدم المراعاة ان الجهد يكون مضاعف كون اللغة الاجليزية لغة اجنبية لايتقنها الكثير كلغة الام 00 يجب ان يدرس معلم اللغة الانجليزية فصلا واحد بنصاب حصتين اسوة بمعلم اللغة العربية

رابعا: لقد اثبت توجيه الانجليزي تخبطه حين وضع سؤالا في احدى السنوات في امتحان الفترة الفصلية او النهائية سؤالا فيه ثلاث اختيارات يجب ان تكون واحدة فيها صحيحة لكن الذي حدث هو العكس اذا تضمن السؤال اجابتين صحيحتين وواحدة خاطئة
وعند مخاطبة احد الموجهين قال بانه نختار اجابة واحدة والباقي خطأ حتى لوكانت صحيحة فكان ذلك سببا في نقص الطالبات درجات في مجموعهن النهائي

خامسا:لماذا طلب منا اعادة صياغة اهداف كتاب المعلم للصف الاول الابتدائي من بدايته الى نهايته؟ هل هذا عملنا ام عمل التوجيه وتم القاءه علينا 00 ام نحن لدينا فراغ زائد كالذي لديهم

سادسا: نحن في نهاية هذي السنة الدراسية وقد طلب منا عمل اختبارات للصفين الخامس والرابع للفترة الثانية للسنة القادمة ! هل من تفسير لذلك

سابعا: لقد ابتدع توجيهنا خطة اثقلتنا بالاوراق اللي اصبحت ملقاة بكل مكان بدون اخذ رأينا وهي بلافائدة باجماعنا نحن المعلمات وهي كالاتي:
خطة تشمل شرحا لما سيتم تدريسه في الفصل الدراسي.
خطة لما سيتم تدريسه في الفترة الدراسية
خطة للاسبوع الاول من الدراسة مع وجود تمارين متنوعةومتعددة يعملها المعلم
خطة اسبوعية يتم الاتفاق عليها والاجتماع عليها بواقع حصة لكل مرحلة دراسية يتم فيها التقرير لما سيتم شرحه اسبوعيا وعدم الخروج عليه
واذا حصل للمعلمة ظرف طبي فينبغي عليها ايجاد حصة في نفس الاسبوع كتعويض000او يثقل زميله بتدريس حصته بدلا عنه فوق نصابه
اضف اليها الخطة الاسبوعية الخاصة بالطلبة00 وهذه الخطط يجب تسليمها بوقت واحد
السؤال لماذا هي مطبقة علينا فقط؟ هل نحن لانعرف ندير عملنا؟ فليديره الموجهين اذا ولنرى كيف يطبقون ما يبتدعونه

ثامنا: كون منهج اللغة الانجليزية منهج دسم وطويل جدا بدون مراعاة التدريبات المنهكة بدون مراعاة النصاب وما المطلوب من المعلم انجازه اضف الى ذلك العمل الاداري00 يضطر معلم اللغة الانجليزية لاخذ حصص خارج نصابه لانجاز ماهو مطلوب ومقرر وليس ماطافه او سبقه زملاءه

تاسعا: نحن نقوم بتصليح عدة دفاتر واذا حصل تاخير في صفحة او صفحتين فيكتب كسلبية في تقارير الزيارات اضف الى ذلك نصاب المعلم ثلاث فصول بكثافة 25 طالب بواقع 15 حصة في الاسبوع
وهذه الدفاتر والكتب هي:
كتاب الطالب
كتاب الطالب للتمارين
كتاب الخط بصفاحاته الكثيرة
دفتر الفصول المساندة
دفتر التمارين والتدريبات
دفتر الصف للكلمات والشرح
دفتر الضعيفات
بالاضافة الى ملف الضعيفات الخاص بنا نحن المعلمات

تاسعا: على الرغم من عملنا الغير منتهي تقوم الادارات بارهاقنا بالمناوبة بواقع مرتين بالاسبوع + مربية الفصل او الاشراف الاداري والاذاعة والاحتياطات ووالوقوف على الطالبات لمدة عشر دقائق في الفرصة لتناول الوجبة على الرغم من تواجد مشرفات التغذية

عاشرا: المطالبة بالقراءة الحرة مع عدم تخصيص حصة مكتبية ثابتة لها ومطالبة معلم اللغة الانجليزية بعمل امين المكتبة من خلال كتابة اسماء الطلبة الذين استعاروا القصص في ورقة مخصصة والمطالبة بتلخيص القصة وسؤال الطلبة عما قرؤه 00 كل ذلك اجباري بدون تخصيص حصة ثابتة لها غير خارجة عن النصاب اسوة بمعلمين اللغة العربية

احدى عشر: يوفر التوجيه وسائل محدودة، فعندنا يكتفي بها المعلم بالشرح يتم نقده على عدم تنويعه للوسائل وتكتب سلبية في التقارير ضده، هل المعلم مطالب بصرف معاشه على الوسائل؟ على الرغم ان هذا المعاش اصبح للعيادات اللي تعالج القولون واورام الغدة والهبوط وتخطيط القلب التي تصيب المعلم المواد الاساسية او بما يسمى مثلث السقوط: الانجليزي، العربي، الرياضيات

ااثنى عشر: يعتبر تخصص اللغة الانجليزية تخصصا نادرا بالنسبة للذكور
اما الاناث فلا لكثرة الكويتيات فيه، اذن لماذا مدرسات الاوائل الكويتيات قلة جدا وبالكاد معدومين؟ اين الكويتيات اذا كان عددنا لايجعلنا تخصصا نادرا؟ بينما نجد جنسية معينة تكتسح هذا المنصب على الرغم من افتقار بعضهم للطلاقه اللغوية في الانجليزي

الثالث عشر: على الرغم من هذا الكم الهائل من العمل يتم مساواتنا بمعلمين المواد الغير اساسية بالراتب 00 هل هذا عدل؟ بل اذا غبنا في يوم تقوم الادارة بمعاقبتنا بحصص يتم فيها التدريس اجباريا حتى لو زميلاتنا درسوا بدلنا لاننا مواد اساسية بينما المواد الغير اساسية لايطلب منهم ذلك وفي النهاية المعاش نفس الشيء00 هل هذا يعقل!


ارجو منك رجاءا خاصا الالتقاء بنا نحن المعلمات والاستماع الى شكاوينا من توجيهنا ووضع حد لاستيراد الافكار من الخارج وتطبيقها علينا
والالتقاء بمعلمات اللغة الانجليزية اللواتي استقالن او حولن الى اداريات بسبب تعدي هذي المهنة على صحتنا النفسية والاجتماعية واصبحت صحتنا في الحضيض


وزيرنا الغالي : نحن لانتذمر من مهنة التدريس وتواصلنا مع الطلبة
نحن نشتكي من توجيه وعمل اداري هدفه كيف يبقي معلم اللغة الانجليزية غير قادرا حتى على شرب الماء اثناء اليوم الدراسي

لقد قررت ان التحق بركب من هرب من بطش توجيه الانجليزي فلقد كتبت قراري بالتجويل الاداري ولارجوع في ذلك
لاني اصبحت معلمة بالاسم واما فعليا فانا عبارة عن كائن تستنزف طاقته هدرا وتمتهن كرامته

ارجو منك عمل احصائية على عدد معلمات اللغة الانجليزية اللواتي استقلن من المهنة او حولن اداري ومحاسبة المسؤلين الذين تسببوا في ذلك

وشكرا جزيلا لك وقواك الله واعذرني على الاطالة فماذكرته هو غيض من فيض

جنى الجنتين888
05-28-2011, 10:19 PM
جزاج الله خير عن كل حرف كتبتيه
كفيتي ووفيتي ومعاج حق في كل اللي كتبتيه
أنا بضيف شي بخصوص المديرات بعد..
أولا: لازم يكون هناك تقويم آخر السنة باشراف مراقب المنطقة نقيم فيه مديرة المدرسة مثل اللي يعطونا إياه أيام الجامعة نقيم فيه الدكتور.
ثانيا: زيادة ميزانية القسم والسبب الاوراق اللي زادت علينا وعلى الطلبه.
ثالثا: وجود قانون يحمي المعلمة ويصون كرامتها من المديره أو الوكيله.( الإحترام = يعني مو من حقهم يرفعون صوتهم أو يصارخون على المعلم اللي مفروض يكون قدوة للطلبة باختصار * الإحترام* )
وسلامتكم

A Teacher
05-29-2011, 12:55 PM
شكرا لك يا Turqoisiya على كلامك اللي لمس الجروح و ليس جرح .جرح عمييييق يزداد سوءا يوما بعد يوم نبتدي منين الحكاية : الانجليزي وما أدراك ما الانجليزي هل نبدأ : دعواتي أن نجد مستمع صاغي محب للكويت و ينظر لموضوع معلمي اللغه الانجليزية نظرة إنسانيه . فعلى مر السنوات لم نجد من يصغي و يتفهم . لن أطيل في المقدمة وإليك يا أستاذ أحمد همومنا أبدأها بالاولويات وهي اختبارات الفترة الرابعة
أولا : اختبارات الفترتين الثانيه و الرابعه تم وضع الورقتين الأولى و الثانية في يوم واحد و اليك تصور العمل للمعلم في يوم الاختبار وهو وصوله من الساعه 7.30 صباحا مراقبه بدون مراعاه ان لديك اختبار ستقوم بتصحيحه . فترة أولى و تليها فترة ثانية تنتهي اللجنة في الساعه الواحدة . يبدأ التصحيح ولا ينتهي قبل التاسعه مساءًا و من حسن حظ معلمي منطقة الفروانيه ان الاختبارات في أربع أيام متتاليه يعن المعلمه لمدة أربعة أيام تذهب من الصباح و تعود في المساء. ولا يوجد معلم في المدرسه يعمل طوال هذه المدة.يعني المعلمة التي لديها أبناء في الابتدائي و المتوسط (لهم الله)ترجع لهم اذا فيها حيل راجعت معاهم واذا مسكينه منهكه (يتصرفون عيالها). لا أحد يهتم التوجيه يقول عادي فترة امتحانات تحملوها (موتوا عادي) وثاني يوم ينتظرك جدول المراقبة وهلم جرا.


ثانيا : التوجيه الموقر, يطلب نوعين من تحليل الدرجات وهو العادي يتضمن نسب النجاح و الفئات و الثاني (المبتدع من قبل التوجيه) تحليل الاختبار ورقه ورقه و سؤال سؤال لجميع المراحل ولا أعرف الجدوى منه في أول العام حتى يطلب في اخره.


ثالثا: توجيه اللغه الانجليزيه هو التوجيه الوحيد الذي يطلب اختبار العام المقبل في هذا الشهر لجميع المراحل و الدور الثاني ليتم وضعه بالأدراج و يبدأوا العمل به في أكتوبر أو نوفمبر . ولن أقبل أي رأي يدعي أن جميع التواجيه تطلب لأنه في كل عام نسأل رئيسات أقسام جميع المواد و نتحسر على وضعنا البائس .

رابعا : معلم اللغه الانجليزيه ال Full Option ال heavy duty كما نطلقه على أنفسنا مثقل طوال العام فالماده دسمه تتطلب الكثير من الجهد و تحضير محاسب عليه وتدريس جميع المهارات في الحصه الواحدة بدون أي تركيز على مهاره واحده .مطالب بتوفير و تجهيز وسائل (غير متوفر منها الا الاشرطه من الوزاره) صور و بور بوينت و أوراق عمل والجدير بالذكر ولا ننسى للوزارة أنها وفرت ميزانيه 250 دينار للأوراق وأقلام السبورة والفلين و نشكرهم كثيرا على الفلين (الوسيله الحديثه في التدريس)ولا يحق لك أن تشتري حبر أو اله طابعه (ممنوع) اذن ما الفائده من 250 دينار نشتري بها ورق وفلين وأقلام سبورة !!!!! أوراق بيضاء شنسوي فيها من غير حبر !!؟؟؟؟


خامسا : متابعة الضعيفات و عمل ملف خاص لكل طالبة ضعيفه لدرجاتها و الأعمال و التمارين لرفع من مستواها ! اذا كان نصاب المعلم 18 حصه في المتوسط و منهج ثقيل وتصحيح يومي لكتاب التمارين و دفتر الصف و الواجب و طبعا بما أن الطالب يكتب بشكل يومي في هذه الدفاتر فانظر لتصحيح هذه الكمية .. اذا أخذنا في اعتبارنا أن معلم الرياضيات يصحح بشكل يومي فهو يصحح دفتر واحد في الفصل بعد شرح الدرس .و العلوم 3 حصص لكل فصل في الأسبوع و الاجتماعيات الخ .....فكيف سيتسنى للمعلم السوبر أن يصحح و يتابع الطلبه الضعاف في الوقت المتبقى لديه ..يذكر أن المتابعه المطلوبه خارج الحصه أن تأتي كل بكل طالب و تشرح له و تعطيه تمارين يحلها في المنزل و تصححها !!!


سادسا" : اذا افترضنا جدلا أن المعلم سيقوم بمتابعة الطالب المسكين الضعيف لرفع مستواه فلنأخذ المنهج في المرحله المتوسطه مثلا ..بالنظر الى دروس الأربع مراحل نجد أن 50% من الطلبه لاتستطيع قراءة الدروس (نظرا لصعوبتها ) أو أن يكتب فقرة من 3 جمل بشكل صحيح .رجاءا لا نريد أن نبرئ المعلم من تردي مستوى الطلبه (لا نعمم ) و لكن هذا الطالب ما المطلوب من المعلم أن يؤسسه بدأ" من الأحرف حتى يستطيع أن يصل لمستوى باقي الطلبه ؟ هل دور معلم اللغه الانجليزي يعمل تقويه للطلبه الضعاف بين الحصص ؟؟ بأي منطق و أي و قت و ما هي الاليه ...لا شيء متابعة ضعاف يعني متابعة ضعاف Ok


سابعا" : الاختبار التشخيصي الذي يتم اجراءه في بداية العام الدراسي منذ سنين طويله ما الهدف منه ؟؟ التعرف على مستوى الضعف و نقاط الضعف في كل مهارة ؟ كلام حلو كيف تم الاستفاده منه ؟؟ بإيجاد ووضع مناهج جديده لا ننكر مستواها العالي و لكن هل تتناسب هذه المناهج و مستوى الطلبه بناءا" على الاختبارات التشخيصيه أو تحليل أوراق الاختبارات في كل فترة دراسية ؟؟ لأ هو مجرد روتين وإلا ماذا يفسر المنهج الصعب الجديد ؟؟


ثامنا : بعد عناء هذا المنهج الثقيل الذي لا يتناسب و مستوى الطلبه ما هي مخرجاته في جميع المراحل ابتدائي و متوسط و ثانوي ؟ هل 50% من الطلبه لهم القدرة على كتابه فقرة قصيرة سليمه لغويا أو إجراء حوار قصير ؟؟ لا لماذا لأن التركيز دائما على الكم ثم الكم ثم الكم والا ما نفسر هذا الكم الهائل من المفردات في كل درس ..و المعلومات العلميه المراد من الطالب حفظها كأسئله set book وأنا أشفق على طلبة المرحله الثانويه للكميه الهائله من المفردات و كأنهم في الجامعه لدراسة تخصص علمي ؟؟؟ أين المنطق في ذلك ؟ هل المطلوب من الطالب أن يتخرج بمفردات كثيرة يحفظها أم أن يتخرج و لديه المهارة لاستخدام اللغه المبسطه للتحدث و الكتابه و الفهم ..حرام ما يحدث لطلبتنا خصوصا لمرحلتي المتوسط و الثانوي .. المواد التمهيديه التي درسناها في الجامعه لا تصل لمستوى الكتب في الثانوي ...ها هذا هو التطوير ؟


تاسعا " : سيقوم التوجيه الفني جريا على عادته بتطوير (تدمير ) الطلبه و المعلمين بتغيير نمط الاسئله التي هي ليست في صالح الطالب للتحصيل الدراسي لن أشرحه و لكن إضافه فرع جديد و هو اسئله القصص التي هي تعتبر جانب ترفيهي للطالب وذلك انتقاما من بعض المعلمين الذين لا يولون هذا الجزء اهتماما و وضعه كسؤال رئيسي في الاختبار (قواكم الله ).

و أخيرا و ليس اخرا معلم الانجليزي السوبر لايوجد مستمع لديه لأن التوجيه الفني نظامه دكتاتوري اذا اشتكيت اتتك التهمه بالتقصير و عدم الإخلاص و وووو
على إيه يوجد الكثير ممن يقول حاضر و انتوا صح وكل حاجه تمام و تمشي الأمور ....
ملحوظه و تساؤل و دعوة للمسواه : رئيس القسم لديه نصاب و يقوم بجميع الأعمال الإداريه و الفنيه ومتابعة فصله في وقت واحد و يجاهد في أعماله كل جهه تشده و تناديه من ناحيه (ما يدري منو طقاقه ) ادارة توجيه فني توجيه عام طلبه متابعه معلمين تقارير و قائمه طويله ..السؤال هل مهام رئيس قسم الابتدائي أكثر أو أهم من مهام رئيس قسم المتوسط والثانوي مجرد سؤال والا كيف يتم تفريغه و عدم اعطاءه فصول للتدريس (مع تأكيدي لضرورة تفرغه لأعماله و ما قصر في التدريس طوال سنينه السابقه )؟؟؟؟؟؟؟؟؟؟


هموم تحتاج الى وقفه جاده لمعالجتها حتى تكون هناك عداله في وزارة التربيه و الحد من وسائل التطفيش التي يمارسها التوجيه الفني ؟؟

المسك
05-29-2011, 01:29 PM
الله يعينكم ويحققون مطالبكم يارب يارحيم

مطيري
05-31-2011, 12:29 AM
اجل انا شقول اسكت احسن :p
كان الله بعونكم انشاءالله

Turquoiseya
06-06-2011, 11:00 PM
اشكر كل من رد على الموضوع
وفعلا محتاجين وقفة صارمة ضد اللي قاعدين على مكاتب ويصدرون قرارات مالها اول ولا تالي

المطيري:
اتمنى منك انك تكتب عن ماتراه من ظلم بدلا من الاكتفاء بالسكوت
مافي شيء خلى حالنا من سيء الى اسوء إلا عبارة: انا شاقول، خلني اسكت احسن
ليش مانوقف ضد التوجيه او اي توجيه متعسف
ليش نسكت؟ احنا متعاقدين مع وزارة بشهادة بكالوريوس وماجستير
موجايبينا من مكاتب خدم
خل التربية اتعدل تصرفاتها مع المعلمين ويصيرون اوادم نفس الوزارات بكل دول العالم اللي تقدر المعلم وتحترمه

على العموم اشكر مرورك ومرور كل الاخوة والاخوات

((معلمه))
06-19-2011, 11:46 AM
يعطيج العافيه على الشكوى الوافيه
وإللي اعرفه ان في معلمه ارسلتها لخدمة المواطن بالوزارة وبعد اسبوع اظن
طلبت الموجهه استدعائها للمنطقه التعليمية
(( الظاهر في سياسه تكميم افواه و نسوا ان ديرتنا ديرة ديموقراطيه ))

Turquoiseya
06-20-2011, 03:38 PM
الله يعطيها الف عافية اللي وصلت الشكوى وعسى هالشكوى تروح للوزير ويسوي تحقيق ويشرشح توجيه الانجليزي عدل
بعدين ليش تستدعيها الموجهة الاولى؟ موهذا شغل التوجيه اللي كل يوم ملوعين جبدنا فيه 00 ولا مستحين من قراراتهم اللي خلتنا انقدم الاستقالة او نحول اداري 00 خل الموجهين ينحالون للتحقيق بالذات الجنسية اللي ماتدري وين الله قاطها ومحتلة التوجيه وشانين علينا حرب احنا الكويتيين والكويتيات
ماعمرنا سمعنا بموجه انجليزي كويتي! ليش حشى مافي مدرس كويتي واحد يدرس انجليزي بالكويت كلها

اقولها بالفم المليان توجيه الانجليزي كله وافدين ويعملون على تكسير والاستخفاف بالمعلمة الكويتية بل انهم ورى سقوط العديد من المعلمات الكويتيات الكفاءة في المقابلات الاشرافية ونجاح النطيحة والمتردية من نفس جنسيتهم

بودي اشوف هالموجهين يطبقون البدع اللي ذابحينا فيها
حنشوف شطارتهم بل اقصد فشلهم وانا متاكدة انهم مايقدرون يشتغلون ربع اللي الشغل اللي اقروه علينا
افكار جايبينها لنا من برة 00 ويطبقونها علينا !!

Turquoiseya
06-20-2011, 05:38 PM
وهذي شكوى معلمة انجليزي للمرحلة المتوسطة ، انقلها بناء على طلبها عساس الكل يشوف القهر اللي عايشينه احنا ابلات الانجليزي:
وهذا دليل ان مهما اختلفت المراحل اللي اندرسها ، إلا ان الشكوى وحدة ضد توجيه الانجليزي


لا حول ولا قوة الا بالله العلي العظيم

موضوع قي الصميم وعلى الجرح تركوازيه .. جزاج الله خير

توجيه الانجليزي كانهم جايين من كوكب آخر مايعرفون عن واقع التدريس والمدرس
شي ..... يطالبون بأشياء خرافيه بدون رحمة للمعلم او تقدير للوقت والمجهود اللي
يبذله ...... يعني احنا نشتغل بشكل مبالغ فيه وفوق هذا يضغطونا بطلبات التوجيه !!

انا ادرس صفين ثامن وتاسع .. اللغة صعبه عليهم .. المنهج دسم .. بالدرس الواحد
من 12- 18 كلمة جديدة + المواضيع صعبة + القواعد كثيره + الــ Fun + Setbook
بالموت تكفيني الحصص وبالنسبه لــ 9 مستحيل تكفيني الحصه الوحده للدرس الواحد
ودااايم اخذ حصص اضافيه .. اصحح دفاتر الصف + الورك بوك + كتاب الطالب
اخذ احتياط يوميا بحكم انه نصابي قليل ! .. اناوب اسبوعيا بحكم انه المناوبه للجميع !
اشرف على فصل بحك انه قريب من مكتبي http://forum.moalem.net/file/2011/06/15.gif .. اسوي اذاعه ودرس نموذجي على مستوى
القسم كل فصل .. كل هذا وماعليه ماقلنا شي .. عيل وين المشكله ؟؟؟؟؟

المشكله في توجيهنا العزيز وناظراتنا القديرات ( اكبر تحيه لهم http://forum.moalem.net/file/2011/06/15.gif )

التوجيه يطالبونا بعمل امتحانات لكل المراحل لكل الفترات وبالاخير ماياخذونها
ويجيبون لنا امتحاناتهم اللي كلها اخطاء .. والله العظيم امتحاني اللي اسويه
وانا مالي الا سنتين ونص مدرسه احسن من كل امتحاناتهم .. وهالشي يدل على
انهم مايطلون اصلا في الامتحانات ولا يقرونها .. زين ليش نسوي كل المراحل ؟؟
وليش كل الفترات ؟؟ يا إما نسوي فتره لكل المراحل او مرحله لكل الفترات
على الاقل نسوي امتحان مره بالسنه مو كل شهر نسوي امتحان زهقنا والله !!
يعني هم مايدرون انه بهالطريقه يخففون على المعلمات ويوزعون الشغل بشكل افضل
ويحصلون على مردود افضل .. بدال خمسين الف امتحان خرابيط واي كلام
يصير عندهم يمكن خمسين امتحان محترم يقدرون يختارون منهم .. وماراح اتكلم هنيه
عن الاخطاء في الامتحانات لانه كلنا عارفينها وواااضحه .
لكن المعلمين ومن واقع اشوفه وبسبب الضغط وكل يوم يسوون امتحان صاروا يحطونه
اي كلام ويسلمونه .. ليش انزين ؟ اطلبوا مني امتحان واحد يجيكم على اكمل وجه وخلصنا !

الشي الثانيه التوجيه يطلب منا نسوي رصد لدرجات كل فئه من كل امتحان لكل طالبه
يعني ( يعطوني ورقه اكتب فيها اسامي الطالبات وجدام كل اسم امتحان الورقة الاولى
بفروعه الكلمات+ القواعد+ السيت بوك + الوظائف + الترجمه .. واكتب كل طالبه جم
جابت بكل فرع بعدين الورقة الثانيه وفيها الموضوع + القطعه + الإملاء
وارجع اكتب كل طالبه جم جابت بكل فرع بعدين اطلع الاجمالي واطلع النسبه لكل فئه
لحالهااا .. انتم متخيلين هالشي اسويه لخمسين طالبه ؟؟؟؟؟ امانه هذا شي منطقي او
عقلاني او له داعي وأساس ؟؟؟ يعني شالفايده من هالتحليل ومستوى الطالبات والمعلمات
يختلف وما اشوفهم استفادوا منه شي وحسنوا او غيروا بالمنهج على اساسه ؟؟؟
انزين شي ثاني ( الامتحان التحصيلي ) اللي نسويه للطالبات بداية السنة علشان نعرف
تحصيلهم العام .. البنات اول الايام يجونا فرش ناسين كل شي بعد جم يوم يالله يسترجعون
معلوماتهم .. صراحه امتحان ماله داعي غير ضغط ولود وحمل على المدرس بدون فايده

وشي ثالث بعد ليش حاطين امتحانات نهاية العام ورا بعض ؟؟ يعني نقعد نصحح 3 ايام
ورا بعض من الصبح للمغرب ليش ؟ خلوا يوم وترك بيصير عليكم شي ؟؟

وشي رابع دااايم حصصنا الاخيره ليش بننحاش يعني !! واذا صارت مدرسة الانجليزي
اللي كلكم تدرون انه مادتها صعبه ومهمه ماعندها الاخيره .. وطلعت بيتهم ..بتموتون ؟؟
واذا ماعندي اخيره عطوني ياها احتياط .. زين ارحموني يوم بطلع مبجر نص ساعه مايصير ؟
وانا هنيه اتكلم عن راحة المعلم وفائدة الطالبه .. يعني الحصه الاخيره امانه اشرح فيها
قواعد والا درس جديد ؟ والله هالسنه لانه اغلب حصص فصل عندي الاخيره صرت اضطر
اشرح لهم قواعد بالحصه الاخيره .. الله يسامحني بس
التوجيه بكل بساطه يقدرون يطلبون انه الانجليزي مايصير اخيره والله مايتخيلون الفرق
اللي بيسونه اذا سسو هالحركه .. في مستوى الطالبات وأداء المعلمات


وبالنسبه للناظرات الله يهديهم تشوفينا نصحح لي المغرب وتعطينا مراقبه كل يوم !!!
ليش يا ماما ماتخافين ربج !! مابقلبج رحمه !! ماعندج احساس !! انا والله يشهد علي
كنت اراقب وارجع اصحح ماكو فجه بينهم لين انقطع قلبي .. وفوق هذا تقولي تعالي
احنا حاطينج مدققة فصل يعني بعد التصحيح والمراقبه اشتغل شغل الكنترول بالتدقيق
يعني أمانه مدرسات الاقسام الثانيه مع احترامي لهم يصححون ورقة وحده ومن يأذن
الظهر وهم ببيوتهم ليش مايدققون ؟ تقولي ( العــــــدل ) مو العدل يا ناظره انج تقارنين
مدرسة تصحح ورقتين لمادة اساسيه وصعبة ولغة اجنبيه بمدرسة تصحح ورقة وحده !

مو عدل انه ابلات الرياضيات حصصهم قبل الخامسه والانجليزي كله الاخيره !
والله مره طالباتي تاسع يضحكون يقولون لي الألعاب الأولى والانجليزي الاخيره !!

مو عدل انج تساويني بالمناوبه مع ابلات ........................ مع احترامي للكل
لكن انا عندي حصتين وثلاث باليوم وأناوب وهي ماعندها الا حصة وحده بس !
شيلي عنا المناوبه الله لا يهينج تكسبين فينا اجر وبصحتنا اجر وبالطالبات اجر

مو عدل انج تعطيني الاخيره 4 ايام بالاسبوع ولي شكيت قلتي ( الخميس ) ماتنحسب
سابعه او اخيره !! ولي طلبت تبديل الحصه الاخيره بأحد الايام لظروفي الخاصه تخليني
اوقع على ورقة طلب رسمي للتبديل وانها تنشال عني وتالي تعطوني ياها يوم ثاني !!
يوم انج بتغيرين اليوم ليش تخليني اوق ع طلب رسمي !! والا علشان اتوب اطلب !!!

ويااااكثر الظلم واللي ( مو عدل ) بحق معلم الانجليزي خاصه والمعلم بشكل عام
لكن هذا اللي يحضرني حاليا واللي ابي اوصله بكل هالكلام انه وضع مدرس الانجليزي
وللأمانه الرياضيات والعلوم والعربي خاص شوي ولازم التوجيه والادارات يخففون عنا
الشغل الاداري وشغل الورق شوي علشان نتفرغ للتدريس ونقدر نعطي فيه بدون ما
يشغل مخنا الف شي ثاني .. ياااتوجيه ارحمونا من الورق وشغل الورق والفناتق
انتم الله يصلحكم قاعدين بمكاتبكم وكل يوم طالعين لنا بفنتق واحنا ماندري نلحق على
طلباتكم والا طلبات ادارتنا والا تدريس طالباتنا واقولها بكل وضوووووح وأمااااااانه
وكلام احاسب عليه يوم الدين .. وهو كلام موجع ومؤلم لكنه واقع اتمنى احد يسمعه
ويحرك عنده الاحساس والأمانه والغيره على الاجيال ومستقبها (((( اصبح هم
المعلم ارضاء ادارته وتوجيهه وآآآآآآآآآخر شي طلابه ,, اصبح التعليم للأسف
آآآخر هم المعلم .. ليس تقصيرا او تهاون منه لكن لأنه يحاسب على اشياء اخرى
صارت اهم من العلم والتعليم والمدرس يركض ورا رضا الاداره وتحقيق مطالبها
ورضا التوجيه وتحقيق مطالبه واذا بقى عنده وقت ومخ وعقل اعطى الدرس بللي
يطلع معاه )))))) طبعا هالكلام مايهم المعلم المهمل وهم ان شاء الله قله لكنه يعذب
المعلم المهتم لانه من الصعب جداااا ان يغطي كل هذة الطلبات ويوازن بينها ويدرس
بذمة وضمير ..... ارحمونا يرحمكم الله وتكسبون اجر الاجيال القادمه والتعليم الجيد
يخلق مجتمع جيد وبالتالي بيئه جيده تساعد على نمو المجتمع بشكل صحي ومتوازن

اللهم اني بلغت .. اللهم فإشهد

معلم-فنية
06-20-2011, 07:30 PM
ما اقول
الا
الى الان وهرم الوزير احمد الربعي لم يتعدل
مقلوب مقلوب يا ولدي

الله يعينكم
عايش وشايف
شنو يصير بالمواد العلميه

معلمة E
06-21-2011, 03:52 PM
يقولون ليش الدروس الخصوصيه زادت حتى المرحله الابتدائيه صاروا يجيبون مدرس خصوصي وما الومهم بصراحه انتوا شايفين انه المعلم متفرغ للعطاء في مادته مثل المعلم قبل كم سنه !!
طبعا لا الحين كل شي على راس معلمين المواد الاساسيه مناوبه مرتين بالاسبوع خلال الفرصتين واحتمال تكون بين حصصنا يعني تطلعين من الحصه على المناوبه تالي على حصتج اللي بعدها مهدود حيلج مو قادره توقفين ويا ويلج اذا تاخرتي عن حصتج لو دقيقه وما ننسى الاحتياطات اللي اكثر من مره بالاسبوع تقولين لهم ما اقدر اخذ اليوم عندي شغل الدنيا فوق راسي يردون عادي اخذي شغلج معاج الاحتياط يعني اراقب البنات في الصف ولا اركز في شغلي غير شغل مربيات الصفوف المرهق جدا اللي هو اساسا من عمل شؤون طلبه أو المواد الغير أساسيه اذا ماني غلطانه وتوزيع الشهادات في نهاية العام يعني يمصوون دمنا الى اخر يوم.

وبعدين توجيه الانجليزي اللي كل سنه يبونا نسوي لهم اختبارات لجميع الفترات ويجمعون بالاوراق من جميع المدارس وغير شغل الفئات اللي ما يخلص من اول السنه الى نهايتها وتالي يطلعون لنا بقرارات ما يستفيد منها الطالب غير تضييع الوقت وتعالي يا معلمه اخذي حصص اضافيه عشان تقدرين تغطين المنهج اللي فوق مستوى الطالب بالمرحلة الابتدائيه خاصه ثالث ورابع وخامس تمر علينا دروس فيها أكثر من سبع كلمات غير القواعد والتعبير والخط والاملاء يعني خففوا المنهج عنهم عشان يطلعون بفايده اكبر والمعلمه تقدر تراجع معاهم وتعطي كل طالبه حقها من الشرح لا تنسوون ترى الصف الواحد أحيانا يكون فيه اكثر من 24 طالبه وكل طالبه لها أكثر من كتاب ودفتر يبيلهم تصحيح اول باول واغلب معلمات الانجليزي شايلين 3 صفوف من وين الطاقه اللي تتحمل كل هذا
وكله بصوب والخطط الاسبوعيه اللي طالبها التوجيه حق السنه الجايه اللي في علم الغيب اللي ما يندرى هل راح تتغير المناهج أو لا هل راح نعيش او نموت أقول حق الادارات المدرسيه وتوجيه الانجليزي بالذات خافوا ربكم بالاجيال اللي بتطلع في رب بحاسبكم على كل شي تسوونه فينا

مس انجلش
06-21-2011, 08:01 PM
لكل معلم انجليزي سواء ابتدائي متوسط ثانوي,,,,,
لكل رئيسة قسم ..

http://forum.moalem.net/file/2011/06/16.gif


لكل معلم يعاني من طلبات توجيهنا الظالم اللي ما يرحم,,

http://forum.moalem.net/file/2011/06/17.gif

لكل معلم عنده اعتراض عالمناهج الصعبة..

لكل معلم او معلمة تندب حظها يوم تعيتن كمعلمة انجليزي وتفكر تستقيل اويحول وزارة ثانية او ادارية بالمنطقة,,,

http://forum.moalem.net/file/2011/06/18.gif
لكل معلم انجليزي هلك من كثر التصحيح من دفتر صف لي دفترواجب لي كتاب ووركبوك لي كويز درجته 40 و 20 ونقسمهم يطلع 2 او 4 وغير جذي تصحيح كتاب الخط وتلخيص القصص وملف الضعيفات واملاء وخطة اسبوعية فاشلة للمتوسط بس هدر للورق البنات ياخذونها ويقطونها بالزبالة الله يعزكم مو نفس الابتدائي يستفيدون منها اولياء الامور


http://forum.moalem.net/file/2011/06/19.gif


لكل ابلة تحاتي مستقبل عيالنا الطلبة من صعوبه الامتحانات الجاية من استنتاج واستنباط على قولتهم وما يبون عيالنا يحفظون الست بووك! يبونهم يحللون قصص وينتقدون بالانجليزي..حيييييل صعبة..وباجر بالانجليزي النتيجة لم ينجح احد!! واللوم علينا اكيد

http://forum.moalem.net/file/2011/06/20.gif

لكل ابلة تعبت وهي تعبي فئئات الاسئلة سؤال سؤال من كلمات لي قواعد لة ست بوك لي تعبير...والمشكلة انهم يعرفون المشكلة الازلية ماراح تتغير وهي صعوبة القواعد والتعبير حتى الامريكان واهل اللغة عليهم صعب ويبون عيالنا يتفوقون فيها!!

http://forum.moalem.net/file/2011/06/21.gif


لكل ابلة تشرف وتناوب وتدقق درجات ومربية وتاخذ احتياط بالاضافة لشغلها من تصحيح وتحضير غثيث كل شوي يغيرونا لنا الموجهين ولا موجه يعجبه شي
http://forum.moalem.net/file/2011/06/17.gif
لكل ابلة تأخرت بتصحيح الورقتين بيوم واحد واحنا اخر قسم نطلع من التصحيح على حساب عيالنا وبيوتنا بسبه توجيهنا بيسويه يوم واحد عشان الطلبة..اذ الطلبة نفسهم تعبوا وودهم يدرسون التعبير والاملاء بروح عشان يركزون عدل..ما لاحظتو انه الاملاء راسبين فيه شكثر وسببه انه دمجوه مع الورقة الاولى بيوم واحد!!! الطلبة اهملوا دراسة ليست الكلمات الطويل
http://forum.moalem.net/file/2011/06/22.gif
لكل رئيسة قسم ماتلقي وقت ببيتها عشان ترضي التوجيه وتلبي طلباته بدون معنى وغير جذي مطالبة تزور 14 معلمة وتحضر صفها وتحضر دروسها وتصحح دفاتر بناتها وتشوف طلبات الادارة وتسوي تقارير وخطط ويالله تلقى وقت تشرب جاي خلال كل هالوقت المزحوم


http://forum.moalem.net/file/2011/06/23.gif
رئيس قسم الانجليزي لازم يعفى من التدريس لانه مو حق انه رئيس قسم انجليزي يتساوي مع اسلامية او بدنية او حتر رياضيات! انا عندي 15 معلمة لازم ازورهم يوميا والبدنية والفنية عندهم 4 معلمات
انا عندي 6 حصص بالاسبوع وغيري عنده 4 او 2 بالاسبوع


لكل ولكل ولكل


لازم نوصل صوتنا لوزير التربية ..
http://forum.moalem.net/file/2011/06/24.gifhttp://forum.moalem.net/file/2011/06/24.gifhttp://forum.moalem.net/file/2011/06/24.gifhttp://forum.moalem.net/file/2011/06/24.gifhttp://forum.moalem.net/file/2011/06/24.gif

حيلكم بنات ...عشان يخفون الضغط علينا,ويفكونا من عقدهم هالموجهين!
,,لازم نتحرك لي متى ساكتين على توجيها الظالم!!!!
http://forum.moalem.net/file/2011/06/20.gif

وزير التربية المليفي الله يسخره لنا يارب ويريحنا..والله اني مسوية اوراقي للنقل بس قلت انطر اشوف شنو ممكن يساعدنا فيه هالوزير الطيب!

مطيري
06-21-2011, 11:31 PM
اذا حااسين بالظلم اتمنى يتكنسل شي اسمه توجيه ويصير لكل رئيس قسم صلاحية موجه من خلال الزيارات ويرفعه للمدير والمدير يرفعه بدوره للتوجيه ويكون فيه توصيات بالتركيز على المعلم من عدمه في حال ضعف مستواه العلمي او أدائه الفني ونكون من خلال ذلك خففنا الضغط على المعلمين والمعلمات وهنيه عاد التوجيه يبدأزياراته للمعلم بناء على طلب الناظر ويراقب ادائه بالحصه ويقيمه ويوجهه وهذا المفروض يكون على اول خمس سنوات تعيين بس وعقبه يصبح المعلم حر لا لو يكون عقب ثلاث سنوات افضل بعد ويكتفي المعلم من التوجيه الا في حال قل أدائه

والحين شنو فايده التوجيه والله مامنه فايده تذكر الا ضحك على الذقون ومجاملات وقلة حيى بعد استغلوا المعلمين والمعلمات في اداء ادوار غير مطلوبه فنيا ومهنياا وعسى الله يفكنا منهم وانا مع الخوات في استمرار احتكار الوظائف الإشرافيه لجنسيه معينه وعمل اسواار منيعه حول هالتواجيه بحيث ماتتكوت لو شنووو عشان يحافظون على خمالهم وعلى اماكنهم عسى الله يكفنا منهم

مس انجلش
06-23-2011, 12:12 AM
رفع رفع
لازم المليفي يعرف عن سوالف توجيه الانجليزي!!

وسالفة ثانية اللي هي التفاوت بين الشفوي والتحريري لازم ما يكون فرق فوق ال20 بالمية
يعني لازم نسقط البنات بالشفوي لانهم بالتحريري مو ناجحين!!
والله حرام
فيه بنات شطار بالشفوي ودفاترهم كاملة بس بالامتحان يخبصون ومايكتبون عدل!! ونقعد نسقطها بالشفوي ونتفاجأ فيها فترة من الفترات تنجح بالامتحان وهي ساقطة اصلا بالشفوي(لان لازم نرصد الشفوي اول قبل التحريري وممنوع نغير بعد الامتحانات!!)

وصلت فيههم انه يفتشون ورانا دفاتر متابعة الطالبات مالوتنا ويقعدون يسقطون الطالبات بالشفوي ليش انهم مو ناجحين بالاختبار القصير!!

تنكربل
08-10-2011, 05:44 PM
تركوازية يعطيج الف الف الف عافية على كل حرف كتبتيه صج نفستي عن اللي بقلبي ...ضغوطات مهولة يمارسها التوجيه الوافد علينا عشان يزيد العفن بوزارة التربية ....وياخذون راحتهم بتسريب الامتحانات حق عيالهم اللي كل سنة اهم الاوائل مع ان عيالنا يذبحون نفسهم بالدراسة بس الجريدة لمن تكتب اسامي اوائل الطلبة بالكويت الغالبية العظمى وافدين ومن جنسية محددة ..ليش وشلون ؟ اهاليهم بالتوجيه والرشاوي شغالة والامتحان هوم ديليفري !! وعيالنا دراسة وكرف وسهر وتعب وبالاخير ماكو مكان لهم بالجامعة ولا حتى بالوظيفة !!! ماكلين علينا الخضر واليابس افواه وارانب !!! تكفة تكفة يا بو انس نخييتك نخييييييتك كوت وزارة التربية كلها خل المعلمين والمدرسين الاوائل والتوجيه و كل شي بهالوزارة كويتي 100% تكفه يرحم والدين والدينك يعل ربي يفتحهها بويهك ويفرحك بعيالك انت مقروص وحاس فينا تكفه اسمع صوتنا وانتشلنا من انيابهم اذبحونا بهالمخدر ( الدروس الخصوصية ) ما يعلمون بضمير وعيني عينيك يقول تبي تنجح اطلبني دروس خصوصية !!!! احنا لي وين وصلنا؟ !!! يا بو انس انت الرجل الصحيح في المكان الصحيح وما يطلع منك الا الصحيح والله يوفقك بكل خطوة يا رب .

خوش معلم
08-12-2011, 07:52 PM
يات على معلمين الانجليزي اهي؟ كل المواد فيها شغلات نفس اللي ذكرتيها مالها تفسير ولا منطق

معلمة E
09-09-2011, 06:52 AM
رفع للافاده

Turquoiseya
09-21-2011, 11:42 PM
يعطيكم الف عافية على مروركم ورفعكم للموضوع
وهالموضوع لنا كلنا احنا مدرسين ومدرسات هاللغة الجميلة المقرودة بتوجيه سيء جدا

خوش معلم :
والله اللي نشوفه ان احنا مظلومين بزود وخصوصا ان كودرنا الوطنية قاعد تطلع من التدريس وانا منهم

وبودي اعرف شنو المادة اللي ادرسها :)

معلمة E
09-30-2011, 10:46 AM
لا اله الا الله

أ.الهاجري
12-04-2011, 09:22 PM
اي والله صاجه وازيدكم من الشعر بيت


انا ادرس تاسع وسابع ..... جات الموجهه وفتحت معاها موضوع المنهج انه واجد ومايكفي المده الزمنيه
تخيلوا عدد الحصص المطلوبه لتدريس المنهج 80 حصه وعدد حصص الكورس 80!!!



زين الله عرفناه بالعقل .... شلون يساوون الكميه بالفتره!!


يعني انا ضاعت مني 10 حصص لحد الان 3 عطل ويوم طفت كهربا ويوم حفله يوم المعلم و3 ايام امتحانات


يعني عندي منهج يبيله 80 حصه والمده اللي عندي 70!!!



وفوق هذا تبيني اسوي اوراق مراجعه!!!




اي خير ان شاء الله......