حضور طابور الصباح

[رنودي]

السلام عليكم
بصراحة فرحت لما شفت ان في منتدى يهتم يقضايانا ومشاكلنا غير جمعية المعلمين
انا عندي كم سؤال وراح احط كل سؤال في موضوع بروحه اذا ممكن
هل في نشرة تقول ان رئيس القسم لازم يحضر طابور الصباح ؟
وشكرا مقدما

[ابدااع]

لامافي نشرة بس هذي عادة لكل المديرات

وعلى فكرة وما احرض احد

مو الا تحضرون

وعين عمار في النار

وعيشوها زي ما تبون ....

انصحكم تشوفون ملف فيه حقوق المعلم وواجباته موجود اعتقد اغلب المدارس يمكن فيه نسخ في مخزن المدرسة..

اذا الله اراد بحاول اجيبة واصورة حتى تكون وثيقة لكل المعلمين والمعلمات اللي منوكلة حقوقكم وهما ما يدرون ...

ربي يوفقكم لكل الخير .. يا رنودي

[مطيري]

حضور رئيس القسم ضروري لمتابعة معلمينه ان كانوا حاضرين للحصص الأولى او لا وهذا يكون بالطابورعشان يحمي نفسه فمن البديهي يتواجد رئيس القسم لمصلحته بالطابور ناس تبي تحميكم ماتبون كيفكم :)

واللي اشوفه حضر او محضر الوجود مثل العدم بالنسبه لي شخصيا >>وجهة نظري الشخصيه
نادر ماتلقى معلم بالطابور يحث طلبته على الإستعداد بالطابور او الإنتباه
انا اقول يقعدون المعلمين بالفصول افضل :)

[غلات_أبوها]

السلام عليكم ورحمة الله وبركاته
أولا رئيس القسم ... وما أدراك ما رئيس القسم ؟ :(312):فهو أول درجات العمل الإداري حيث أنه مسئول عن ومعلمينه وطلابه وإن كان هو لا يعلم مَن مِن معلمينه موجود أو غير موجود في طابور الصباح فمن يدري وبعدين إذا كان رئيس القسم متلل من حضور الطابور فما في شك إن معلمينه كذلك ولا يفوتكم المثل اللي يقول (( إذا كان رب البيت بالدف ضاربا فشيمة أهله الرقص ))
ودمتم سالمين:wink:

[رنودي]

الله يعطيكم العافية
اللي ردوا واللي قروا الموضوع
بس بصراحة رئيس القسم يكون بداية الدوام في الادارة لمعرفة حضور وغياب معلمات قسمها
فشنو فايدة الطابور كله برامج معادة ومكررة وممله ما يصحصحون الا في اليوم الوطني والاستقلال وباقي الايام محد داري عنه

[ابدااع]

اقووووووووووووووووووووووووووووووول

واذا رئيس القسم وجوده وعدمه واحد

يعني اذا المدير والمدير المساعد وحتى معلمينه مو شايفين له اعتبار

واذا المدير نفسه يطلب هالرئيس الا يتدخل في هالامر

تبونه يحضر بعد

عجيييييييييييييييييبه

الا هوس وتعجرف وعصا بس على قلة فايدة

سبحان الله ( عجبني يا غلات ابوها اذا كان رب البيت للدف ضاربا )

طيب وان كان الجد رقاص

كيف بتسوي ؟؟؟؟؟

اقول :

امرحوووا احسن

مو الا تحضروووووون

يا جماعة انا اتحدى احد فيكم يجيب نشرة رسمية معتمدة فيها الزام لرئيس القسم بالحضووووووووووور

افففففففففففففففففففف

ربي يفرجها بس

[قيثارة]

حبيبتي ..موكل شي نسويه لازم يكون وراه نشرة..
من مهام رئيس القسم متابعة معلميه والتزامهم بحضور الحصص ولاسيما طابور الصباح..كما ان لحضور طابور الصباح أهمية في اقامة علاقات مع معلمات المدرسة والاطلاع على أنشطة الأقسام الأخرى وتواجدي يسعد معلماتي عند القيام ببرنامج اذاعي وهو نوع من التشجيع لعملهن وأدائهن..كما أن تواجد رئيسات الأقسام مع مديرة المدرسة خلال طابور الصباح يوحي بالجدية ويجبر كثير من المعلمات على الالتزام بحضور طابور الصباح..
ابداااااع لاتخربين المره ترى امبين عليها على اطريف مالها خلق اتحضر الطابور..ترى باجر تحطها براسج..

[ابدااع]

مو انا اتكلم بلسااااااااااان الواااااقع

مو الاحلام

لاااااااااااااااااا


مو لازم تحضرين ولا تحضرين وانا اكرر واعيد

من لا يحشمك لا تحشمه وخل يسوي اللي يبي

تعبنا

موااااااافقون موافقون

وبعدين وش حصلنا

ولا شي

اللي ملزمة فيه اسويه غيره لا

مافي احد يستاهل

ولا تقولين اجر ومدري ايش

الحمد لله محللين معاشنا وزيادة وشي ماهو مطلوب منا

رسميااااااااااااااااااااااااااااااااااااااااااااا

ماراح نسويه

والشي اللي تقولينه يا قلبي انتي

هذا مع الناس العاقلة فقط

وبجد وحسب ثقافتي ومعرفتي بالمديرات

قليل منهي تقدر العمل الزاااااااااااااائد

...

الا نهم وماراح تشبع

وفوقها ....

بس خلني ساكته

[رنودي]

ابداع صج اسم على مسمى
تدرين ييتي على الجرح
اذا كنت مدخلة بيانات ورئيسة الكنترول ورئيسة جناح وماسكه الجدول الالكتروني وقسمي ما يغييب وداقين القسم دق احتياط غير احصائية غياب المعلمات
من ويين اييب وقت حق التدريس والا متابعة معلماتي*

[المسك]

الله يعينج يارنودي