ألف مبروك إقرار الكادر .

[مشعل المطيري]

السلام عليكم ورحمة الله وبركاته ..

أحب أبارك للمعلمين والمعلمات الموافقه على كادر المعلمين ..

بالمداولة الأولى ب 43 صوت ..

على أن يتم طرحها في مداولة ثانية بعد إسبوعين على أرجح الأقوال ..

وأحب أشكر الحضور الحاشد والكبير من قبل المعليمن والمعلمات ، كل الشكر .



تحياتي
@mishaal305

[ابدااع]

يعطيك العافية مشعل

ما شفت موضوعك

( لاني نزلت موضوع بنفس المحتوى ) مع اضافات من نوع اخر

او شكلنا كتبنا الموضوع في نفس الوقت

عموما الف مبروك للجميع

والخاتمة يارب الافضل

[الصريح]

الف مبروووووك
ونسال الله ان يوفق ويتمم هذا الامر بخير ويبعد عنا عين كل حاسد ومغرض
والحمد لله على السلامه وعيدك مبارك ههههههههههههه

[السعاده]

ألف مبروك ..

ونسأل الله تعالى أن يوفق الجميع
ويكون بداية خير وبركة لحصول المعلم على كافة حقوقه

ولا ننسى أن نشكر الجميع دون استثناء
لجهودهم المبذولة في إقرار كادر المعلم

ونشكر أخونا مشعل على هالخبر وعسى الله يبشرك بالجنة

[مطيري]

بيض والله وجه كل من سعى بالتصويت وترجيح الكفه

وبيض الله كل من تابع وحث غيره على الحضور

وبيض الله كل من قال عليهم بالعافيه

وبيض الله وجه كل من قال يستاهل الكادر

وبيض الله وجه كل من مر على هالصفحه يهني :)

وسود الله وجه كل حااسد

[بسمة]

والله من صجتكم

مصدقين بيصرفونه !!!!

انتوا شوفوا الاعمال الممتازة

كلها 200 مو رااضين يصرفونها تبون كادر بعد

اقول لو يفكونا من الاعمال الادارية

وخلونا على قد معاشنا نشتغل .. يعني بس ندرس .. بس

رااضين

انا ليما الحين مادري شنو وظيفتي

هل مقاوله .. لاني صبغت جم طوفه بالمدرسة

او اشتغل بشركة تنظيف .. خميت المدرسة يوم العاصفه وغسلت

او .. منفذة .. لأنهم يبوني اسجل غياب البنات

وامسك مناوبة .. حتى مناوبه باصات

او انا امينه مخزن لأني سجلت البنات بالباصات اول السنة ..

واستلمت كتبهم وحطيتهم باكياس وبعدين وزعت عليهم كتبهم


عن نفسي . مابي كااااااااادر

ادري رااااح يطلعونه من عيوني

اشوي ويطالبوني بأن.. اسرح شعر البنات بسبه هالكادر :(


ما اقول إلا ربي يرزقني الجنه

وبس


اعتذر للانفعال بس هذي الحقيقة

[مطيري]

والله من صجتكم

مصدقين بيصرفونه !!!!

انتوا شوفوا الاعمال الممتازة

كلها 200 مو رااضين يصرفونها تبون كادر بعد

اقول لو يفكونا من الاعمال الادارية

وخلونا على قد معاشنا نشتغل .. يعني بس ندرس .. بس

رااضين

انا ليما الحين مادري شنو وظيفتي

هل مقاوله .. لاني صبغت جم طوفه بالمدرسة

او اشتغل بشركة تنظيف .. خميت المدرسة يوم العاصفه وغسلت

او .. منفذة .. لأنهم يبوني اسجل غياب البنات

وامسك مناوبة .. حتى مناوبه باصات

او انا امينه مخزن لأني سجلت البنات بالباصات اول السنة ..

واستلمت كتبهم وحطيتهم باكياس وبعدين وزعت عليهم كتبهم


عن نفسي . مابي كااااااااادر

ادري رااااح يطلعونه من عيوني

اشوي ويطالبوني بأن.. اسرح شعر البنات بسبه هالكادر :(


ما اقول إلا ربي يرزقني الجنه

وبس


اعتذر للانفعال بس هذي الحقيقة

بسمه ههههههههههههههههههههههههه لاتلومني وانا اضحك الحال من بعضه

بس شنسوي لاصار قلوبنا على الطلبه وهذيله عيالنا ونتحمل كل شي عشانهم :)

وانا اخوج سوي كل شي واحتسبي عند الله الأجر بارك الله فيج :)

وابشري بالخير وهالمره صج انشاءالله عسى لايخيب تعب من سعى فيه ودعى له

[مشعل المطيري]

إختي بسمه ..

أولاً عساج على القوة .. وإحتسبي الأجر ..

ثانياً: إقرار الكادر ما هو إلا بداية للرقي بمهنة التعليم ..

اليوم كادر بكره إن شاء الله توصيف مهنة المعلم وتندرج من الأعمال الشاقه والخير قدام بإذن الله ..



تستاهلون كل خير .

[فهد البراك]

نبارك لانفسنا هذا الاستحقاق المادي الذي لا ينازعنا فيه عاقل، وبالنسبة لحقوقنا الادبية والوظيفية فتأكدوا أن ما يضيع حق وراه مطالب ، ومثل ما كنا يد وحده بالكادر راح نكون أقوى وأقوى في مطالبتنا بحقوقنا الادبية والوظيفية ولما شفت الجموع الطيبه بمجلس الامه عرفت أن عهد الخنوع والخضوع راح ، مثل ما قال أخوي الغالي خالد العتيبي رصيد الخضوع والذل قد نفذ من بطاقاتنا الائتمانية

[المسك]

الله يبارك بعمرك ياابو مشاري

[المعلمة المتميزة]

الله يبارك فيك ... ويكتب فيه الخير للجميع
http://forum.moalem.net/ (http://www.q8ow.com/up/)