لاصحاب الشعر القديم " مرقب ياعل وبل السيل مايزي جنابه

[الصريح]

مرقـب ياعـل وبـل السـيـل مايـزي جنـابـه

حيـث ذكرنـي زمانـي والليـال اللـي مظـنـي

ونتي ونة صويـب قـام يشكـي مـن صوابـه

مايـذوق النـوم ليـلـه مــع نـهـاره مايـونـي

أو وجود اللي يشوف أخوه طايح بالضبابه

هاش دونه لين صابه بأبهره رمح المطني

أو وجـود غليّـم حظـه مـن الـقـدره رمـابـه

عنـد عـمـاتٍ عسـاهـن للتـلـف مايرحمـنـي

أو وجود اللي حزم كلاب والمحمـل غدابـه


دش في بحر الظـلام اللـي غريقـه مايونـي

منك ياراعـي ثمـان مثـل غـزلان السحابـه

أو تشـاد القحويـان البيـض يـوم يوصفـنـي

أنـت خليـت الضمايـر مثـل وديــان خـرابـه

لا تشـح بوصلـكـم ياسـيـد الخـفـرات عـنـي

وانت بيحت العزا اللي قبلكم مااحـد درابـه


يالطـيـف الــروح مامثـلـك يبـيـح مستكـنـي

[الاستبرق الموعود]

يا وجودي كل ما هبّ نسناس الشمال
وجد من حدّه زمانه على اللي ما يبيه

و يا وجودي كلما اضحيت ثم مال الظلال
لا غفت عيني و لا ذقت شي ٍ مشتهيه

وجد من قفّى و هْو في رجا كلمة تعال
و إلتفت من عقب ماْ اقفى ولا أحد ٍ لدّ فيه

و يا عذابي لا دنا الليل من روس الجبال
وانتهى يوم ٍ من العمر ما عاد أرتجيه

و انتي أبعد من سما الحلم و وصالك محال
يا بعد من هلّ دمعي ضحى الفرقا عليه

يا غناتي لا تحسبين دمعي يوم سال
ضعف و لاّ خوف و لاّ كذا و لاّ كذيه

و الله إني من رجال ٍ يضدّون الرجال
لكن الحظ ّالردي ساق دمعي كل أبيه

و الله إني كلما دار حوليك الجدال
قمت كنّ الموت يشّر على قبرى بديه

و الله ان قد لي و انا اصّد لاجالك مجال
صدّة اللي لا تضايق تذكّر قبر أخيه

و من سألني قلت مدري و إذا عاد السؤال
قلت له تكفى سؤالك ترى ما هو وجيه

وش تبيني اقول عن من ترى ذبحي حلال ؟
و الخطا منها عليّ صرت أحبه و أهتويه

عذرها لو ماْ تْعذّرمثل و اضرب مثال
واحد ٍ ما يعرف الحرّ الاشقر يشتويه

[الصريح]

الاستبرق كل الشكر على المرور والاضافه

[السعاده]

أبيات كانت بالأمس ساكنة
أما اليوم فهي يقضه تسامرنا
تسكن فينا فتناجينا
تنادينا فنثور كأمواج البحر فتزيد نبضات قلوبنا
شوقا لسماع المزيد من الشعر القديم
الذي يصبح بين يديك ذو ذائقة جديدة تسمع لأول مرة ..
فلا أعلم ما الذي يكتب به الصريح
حروف من ذهب ..أو
قلم من الألماس ...أو
إحساس مرهف ...أو
عبارات كالسحر بعذوبتها
صح الله لسانك

[الصريح]

أبيات كانت بالأمس ساكنة
أما اليوم فهي يقضه تسامرنا
تسكن فينا فتناجينا
تنادينا فنثور كأمواج البحر فتزيد نبضات قلوبنا
شوقا لسماع المزيد من الشعر القديم
الذي يصبح بين يديك ذو ذائقة جديدة تسمع لأول مرة ..
فلا أعلم ما الذي يكتب به الصريح
حروف من ذهب ..أو
قلم من الألماس ...أو
إحساس مرهف ...أو
عبارات كالسحر بعذوبتها
صح الله لسانك
صح بدنك
عندما يكون القراء امثالك فلابد ان نختار الجميل لان ذوقكم صعب لا يرضى الا بكل جميل
كل الشكر لك