طرّاااااااااااااااد

[البندر]

السلام عليكم ...


أسعد الله أيامكم ...

هذي قصّه صارتلي قبل كم سنه ..

كان عندي طير ... وكنت متولع فيه إلى حد ما .. وهو هديّه من شخص عزيز

المهم كنا طالعين في رحلة قنص .. وكان ذلك اليوم صايد الطير صايد حبارى :( ..

وكنت مطلعه برّا الخيمه فالليل حتى يصرّف عشاه وكان الجو بارد ...

المهم بينما حنا فالخيمه مرّنا واحد من الشباب الله يجزاه خير وسوالف وعلوم وقصيد ..
ولمّا طلعت أبي أشوف <طرّاد> أسم الطير ..

إلا هو تحت تاير الجيب ..

ميّت دهسا ً :(


من صاحبنا تعرفون ليل ولا شافه :(


وهاضت القريحه في هذي الأبيات ..

وللمعلوميه ماقصرّ راعي الجيب حلف علي بطير غيره لكن أنا حلفت لأني عفت الطيور عقبه :(

أقووول ...




لا والله إلا راح عوق الحباري ،،،
وأنا رضيت بحكم علاّم الأسـرار ...!

ليته مقفـّي مع طيور الخباري ،،،
أخير من شوفه على الأرض منهار ...! :(

جيته وهو من تحت جيب ٍ سفاري ،،،
أدعيه لكن ما تلفّــت ولا دار ...!

يا طير جاوبني وردّ إعتباري ،،،
أنا رفيقك يومها برد وأخطار ...!

يا طير كم من ليلة ٍ فالغداري ،،،
وأنته خويّ إللّي ليا شبّت النار ...!

يا طير منّك متعبتنا المساري ،،،
وياكم غبشنا بعد تهليل الأذكار ...!

يا طير ما ارخصتك على كل شاري ،،،
ولا نيب بايع لو يزيدون الأسعار ...!

يا طير كم لوّحت لك فالعصاري ،،،
ثم جيتني كنّك معي طالب ٍ ثار ...!

واليوم تذري من عليك الذواري ،،،
وأنا عقب فرقاك يا طير صبّار ...!

بس : البندر :×

[المسك]

يمه تعور القلب قصتك والله خاصه انك متعلق فيه ..

بس جمله بينما حنا في الخيمه << مكس عربي صحفي




يا طير كم من ليلة ٍ فالغداري ،،،
وأنته خويّ إللّي ليا شبّت النار ...!

يا طير منّك متعبتنا المساري ،،،
وياكم غبشنا بعد تهليل الأذكار ...!

يا طير ما ارخصتك على كل شاري ،،،
ولا نيب بايع لو يزيدون الأسعار ...!



اكيد اكيد


كلمات وصفت الحدث < يعنني

صح لسانك يالبندر وسلام انت ..

[المسك]

صحفي = فصحي < الله يفشلج

مالي خلق ادش واضبط وشسمه

عاد لصقت شسوي

[البندر]

هههههههههههههههههههههههههههههههههههههههه


صح ابدنك يالمسك :)


وإذا على الجمله لو على كيفي ماجت لكن سقطت سهوا ً :)

تحياتي

وسلام :×

[المسك]

انزين قللي منوره شى مني مناك اجبر بخاطري ياملا العافيه

وتمون ويمونون كل الربع هنيه اخوان واعز من اخوان والله


وسلام لك وللي وراك

[البندر]

المشكله اني قاعد في مكان منوّر

فـ نورك ضاع مع نور المكان ... :×


حاولي تركبين كشــّافات المره الجايه

:)


سلام :)

[المسك]

جنيه مو مره

اي انزين

سلام سلام الله عليكم كلكم

[ابدااع]

اول شي ...

احسن الله عزااائك بطيرك

وثاني شي

صح لسااااانك

ابيات معبرة بصدق

بس انا مستغربة حاجة .....

الحين طير!!!!

ويموت دهس ؟؟؟؟؟

كيييييييييييييف

ليه ما طار ..

لهالدرجة ما حس بالسيارة

او انه هااايم او ناااايم

او كان وده يحلم انه يطير بحرية ...

مسكين تبخر هو قبل يتبخر حلمه

...


اكرر ..

ابيات حلوة...

تحياتي لك

[كلي وفا]

سلمت عالابياات الجزلة اخي البندر

رااقت لي كثيير لواقعيتهاااااا..

[السعاده]

http://forum.moalem.net/file/2011/04/47.jpg (http://www.0zz0.com)


القنص والطير هواية تملك قلوب عشاقها ..

وفقد الطير ليس بالسهل على قلوبهم ..

فكيف لو كان هذا القلب هو لشاعر يملك

من الأحاسيس والمشاعر ما جعله يصيغها في قصيدة

جعلت قلوبنا تدمع قبل عيوننا

فالبندر فعلا شاعر يستحق أن تقف كلماتي وحروفي

احتراما وتقديرا لشاعريته التي أمتعنا بها

يا شاعر الخليج

الله يعوضك بطير أطيب منه

صح الله لسانك

[البندر]

اول شي ...

احسن الله عزااائك بطيرك

وثاني شي

صح لسااااانك

ابيات معبرة بصدق

بس انا مستغربة حاجة .....

الحين طير!!!!

ويموت دهس ؟؟؟؟؟

كيييييييييييييف

ليه ما طار ..

لهالدرجة ما حس بالسيارة

او انه هااايم او ناااايم

او كان وده يحلم انه يطير بحرية ...

مسكين تبخر هو قبل يتبخر حلمه

...


اكرر ..

ابيات حلوة...

تحياتي لك




صح ابدنك ابدااع

وشاكر لك الاطراء الجميل


اما بالنسبه للطير فلا يخفيك ان الطير على وكر ومبرقع ولو يكفخ ماراح يسمع ليل وخير وبرد
وقدر الله وماشاء فعل

تحياتي

[البندر]

سلمت عالابياات الجزلة اخي البندر

رااقت لي كثيير لواقعيتهاااااا..



الكتومه

شاكرلك

اهم شي انها راقت لك :)

تحيتي

[البندر]

http://forum.moalem.net/file/2011/04/47.jpg (http://www.0zz0.com)


القنص والطير هواية تملك قلوب عشاقها ..

وفقد الطير ليس بالسهل على قلوبهم ..

فكيف لو كان هذا القلب هو لشاعر يملك

من الأحاسيس والمشاعر ما جعله يصيغها في قصيدة

جعلت قلوبنا تدمع قبل عيوننا

فالبندر فعلا شاعر يستحق أن تقف كلماتي وحروفي

احتراما وتقديرا لشاعريته التي أمتعنا بها

يا شاعر الخليج

الله يعوضك بطير أطيب منه

صح الله لسانك




هلا وغلا


شاكرلك هالاطراء الجميل

وبالغتي كثير :×

لكن اكرر شكري لك فتواجدك اسعدني :)


تحيتي :)