ناقش العضو الي بعدك..!!!!

[ابدااع]

يا حلوج يا المسك ويا حلو سؤالج ..

اذا الله اراد لي :

ختمة اربع مرات

قراءة لتفسير القران بتأن ..

واشياااء كثيرة ..

ربي يقدرني عليها ...





السؤااال مميز ..

اوجهه للي بعدي

[غلا الرشايدة]

فعلا. سؤال. مميز. والله. النية. موجوده. وعسى. اختمه. مرتين. ان. شاءالله. سؤالي؛ هل من الممكن. تسامح. شخص. (اذاك) وتبارك. له. في. رمضان. ؟؟؟؟؟

[المسك]

والله نسامح وتبدى صفحات جديده بس خلق مايخلون احد بحاله لازم الطعن ورى الظهر

احسن شى ترفع الجام وتريح عمرك .. شوفي أنا بأجر بسير على ناس بهدف فتح صفحه جديده وإدريس ان هالانسانه ماتطيق شوفتي بس اسمها قريبه

ولها صله بعيالي .. ومني لي بأجر يحلها الف حلال ,,,



والله همن سؤالج عجبني ياغلاوووي والله يجعلكم من عباده الذاكرين انتي وبدونه وكل ربيعنا هنيه ياااارب*

[ابدااع]

سؤالي؛ هل من الممكن. تسامح. شخص. (اذاك) وتبارك. له. في. رمضان. ؟؟؟؟؟

باب يجييك منه ريح سده واسترررريح

فااارقه ..

ابرك لك

ان سلم سلمت وبسسسسسسسس

وعلي الحذر منه

والعقرب دامها عايشه سمها فيهاااا وان اظهرت الوداااعة

[ابدااع]

نفس السؤاااااااال

[المسك]

جاوبت < اللي بعدوه

[غلا الرشايدة]

فديت. خواتي. الله. يهونها. عليج. المسك. ويوفقج. يالغاليه. اما. بدوع. مثلي. العقرب. دامه. حي. سمه. فيه. بس. ودي. هالسنة. اسامح. الكل. اللي. تكلم. عني. واللي. اذاني. كلهم. سامحتهم. واتمنى. اصادفهم. بمكان. علشان. اسلم. عليهم. والله. ماهموني. والله. ولا. اطيقهم. بس. اسمهم. قرايب. !!!!!! عالعموم. بروح. ان. شاءالله. للبيت. العود. اذا. لقيتهم. بسلم. والله. واذا. مالقيتهم. قدرالله. وماشاءفعل. /////. سؤالي::: شنو. شعوركم. بصوم. اول. يوم. من. رمضان؟؟؟(؛

[مطيري]

شعووري عجيب بس لو المسك تغير توقيعا مالي جبد على الفيمتوو هالحزه وخصوصا وهو بارد

:):)


شنو يعني لك الفيمتو بنهار رمضان ؟؟

[ابدااع]

فديت. خواتي. الله. يهونها. عليج. المسك. ويوفقج. يالغاليه. اما. بدوع. مثلي. العقرب. دامه. حي. سمه. فيه. بس. ودي. هالسنة. اسامح. الكل. اللي. تكلم. عني. واللي. اذاني. كلهم. سامحتهم. واتمنى. اصادفهم. بمكان. علشان. اسلم. عليهم. والله. ماهموني. والله. ولا. اطيقهم. بس. اسمهم. قرايب. !!!!!! عالعموم. بروح. ان. شاءالله. للبيت. العود. اذا. لقيتهم. بسلم. والله. واذا. مالقيتهم. قدرالله. وماشاءفعل. /////(؛

ماشاء الله عليج

ربي يكملج بالعقل يا الرااائعة ..

بس انا ... ما اتحمل ابد ...



/. سؤالي::: شنو. شعوركم. بصوم. اول. يوم. من. رمضان؟؟؟(؛

شعوووور طيب يا غلاي ..

الحمد لله ..

مافي اي احساس بالتعب او بالجوع او بالعطش ..

واتوقع الجميع معاي بهالنقطة ( الا المداومين يمكن ) ..

وياريت نتعود كلنا على صيام الثلاث البيض وايام الاثنين والخميس

حتى يصير الصيااام عبادة راائعة ..

بس مع ذلك صيام رمضااااااان والله غييييييير

كله حلا ..

[ابدااع]

ونمرر السؤااال للي بعدي ..

:)

[المسك]

مال الفيمتو ههههههههههه هذا موسؤال يبي يشوف مطيري حنا نصووم والا ..


مالي خلق اسأل هههههههههه

[seniyajw]

والميانة شي ثاني

والاخيرة ما تجي الا بالعشرة والمعرفة الحقيقية بالطرف الاخر

[ابدااع]

سؤال للجميع :

هل انت تختفي من الشبكة ... الان تحديدا لانشغاالك بامور دينية = اجتماعية .... الخ ..

او بسبب ظروف شهر رمضان اللي تستوجب على الانسان يغيب شوي ..

على حد علمي ...

او بسبب او باسباب اخرى خاصة بالاشخااص !!!!

:(

[حور الكويت]

سؤال للجميع :

هل انت تختفي من الشبكة ... الان تحديدا لانشغاالك بامور دينية = اجتماعية .... الخ ..

او بسبب ظروف شهر رمضان اللي تستوجب على الانسان يغيب شوي ..

على حد علمي ...

او بسبب او باسباب اخرى خاصة بالاشخااص !!!!

:(

سبحان الله انا ماكنت اعرف المنتدى هذا كنت اتناقش ويا رفيجتي عن موضوع قريته باحد المنتديات الكويتية
ويمس المعلمين

جان تقولي في شبكة المعلم حاطين صفحة للوزير وجذي
دخلت وسجلت

مع اني متغيبة عن كذا منتدى مشاركتي فيه تتجاوز 5 الاف

كل شيء بحكمة الله وله اسبابه

سؤالي للي بعده

اذا كان وياك بنفس القسم معلم قاعد لك قعدة ويتحرش فيك
من فترة وش تسوي؟

[التوأم]

حبيبتي حور خلينا نشوف مشاركاتج تتجاوز العشر الاف اهني وحياج معانا تفيدينا اكيد بالنسبه للزميلتج اللي تتحرش فيج هذي اكبر مشكله تنفرج من قسمج بصراحه صعبه وانا مريت فيها بسبب اهتمام المديره فبني دبت الغيره والحسد بس والله عاملتهم بالحسني وطنشت كل شي وحياتي تدخلوا بحياتي الشخصيه وطنشت لاني لي سمعتي فالمدرسه مو حلوه يجون تافهين وينزلوني لمستواهم وطلعت من قسمي كله وامر عليهم اسلم واضحك وبس والحقران والصمت يقتل خصمك بكل احوااااله

[ابدااع]

ماذا تفعل مع ناس يضمرون لك الشر ..

ولا تستطيع ان تفارقهم

هم ليسوا اقاربك ....

ارجو ممن يجيب ان يضع حلا مفصلا ...


لانني اريد الاجابة فعلا

[الصريح]

ماذا تفعل مع ناس يضمرون لك الشر ..

ولا تستطيع ان تفارقهم

هم ليسوا اقاربك ....

ارجو ممن يجيب ان يضع حلا مفصلا ...


لانني اريد الاجابة فعلا
1- الاستعانه بالله
2- التحصن بالاذكار
3- العلم بان النفع والمضره من الله ليس من البشر
4- الحيطه منهم
5- قله الخلطه
6- ابداء عدم الخوف او الجزع والتسخط او الشكوى
7- تبيان مظاهر القوه عندك ومعارفك بطريقه غير مباشر
8- اعلامهم في حاله المضره انك منزعج
9- الدعاء

[حور الكويت]

حبيبتي حور خلينا نشوف مشاركاتج تتجاوز العشر الاف اهني وحياج معانا تفيدينا اكيد بالنسبه للزميلتج اللي تتحرش فيج هذي اكبر مشكله تنفرج من قسمج بصراحه صعبه وانا مريت فيها بسبب اهتمام المديره فبني دبت الغيره والحسد بس والله عاملتهم بالحسني وطنشت كل شي وحياتي تدخلوا بحياتي الشخصيه وطنشت لاني لي سمعتي فالمدرسه مو حلوه يجون تافهين وينزلوني لمستواهم وطلعت من قسمي كله وامر عليهم اسلم واضحك وبس والحقران والصمت يقتل خصمك بكل احوااااله

شقول وش اخلي

مالي غير ربي عز وجل يكفي اني قلت حسبي الله عليها وانا بوقت يعلم الله وش سوت فيني وش خلت

التوأم لو اقولج وش سوت وياي وربي تنصدمين اشلون انا ساكته لها كل هالوقت

بس صدقيني والله العلي العظيم ان ربي مرراح يضيع حقي فيها

اهي وكل مالها تمادى مع الكل وتجذب وتظلم
اعرفي ان وصل لهذا المستوى اعرفي انه هالك لامحالة

حتى لو بعد حين من الزمن

[مطيري]

ماكو سؤال ياسوالف :) سؤالي يقول هل تعتقد ان العام المقبل سيكون افضل من اللي يليه بوجود المليفي وزير للتربيه

[مطيري]

احم احم غباااار بهالموضوع من شهر 8 :)

برده مره ثانيه

والسؤال يقول لو يطلع لك المارد من الايفون ويقولك شتبي أذيتناا كل شوي ترعص لين صدعت مخناا شتطلب منه ؟؟ :p :p

[المسك]

اطلب بيت كبير استقر فيه أنا وعيالي

نفس السؤال اوجهه للي وراي

[ابدااع]

اطلب بيت كبير استقر فيه أنا وعيالي



يارب ترزق المسك باللي تتمناه وتبيه وتيسر امورها

اللهم امين


=====================================


الله يجزى مطيري خير

ذكرنا بهالموضوع ...

بس اعتذر من المسك ...


ماراح اجاوب على نفس السؤال اللي جاوبتي عليه

لاني ما اقتنعت فيه :)





بحط سؤال ...

قدامك بحر والبحر مليان صخر والارصاد تقولك باذن الله فيه غبار ورياح قوية وسفينتك ماش شراعها سهل تحطيمه ...

وقدامك بر ما تدري عنه يطلع لك اسد يطلع لك مليون حيوان مفترس يطلعك ايش ما تدري ...

ايش تختار ؟؟؟؟؟

[الصريح]

اختار البر لان محتمل النجاه اما البحر فمعدوم فيه النجاه

[الصريح]

اذا كان ودك بشي يرهقك ماديا والنفس تتوق اليه تاخذ الشي والرزق بيد الله وحلاه العمر اوله
والا تصبر لين تزين الامور

[ابدااع]

ليت الامور كلها بس مادة

لا يا الطيب ...

الامر اكبر من ذلك

كلا الامرين خطر ...

وان كنت اميل الي اختيارك ...

لانه ممكن تطلعلي ناقة مثلا ...

فديت زولها ...

مشكور يا الصريح للمشاركة ...


منو وده يحط سؤال ....


ارشح السعادة ...


واللي تجاوب عليه التوام

:)

[ابدااع]

راح اطرح سؤال ....

دام خواتي اللي رشحتهم ما انتبهوا :(


كيف تقتل ظنونك اللي تخنقك ....؟؟؟؟؟؟؟؟؟؟؟؟؟؟؟؟؟؟؟؟

[التوأم]

والله ياابداااع نطرت السعاده تسال عشان اجاوب بس مادخلت يمكن
يالله اجاوبج من منظوري
الظنون هي من وحي خيال واحداث تتراكم في البال ويتم ربطهاا ببعض وتتكون فكره سلبيه او ايجابيه
وكيف ابعادها بحسن النيه للشخص حتى يثبت العكس لي
السؤال,,,,
اممممممممممممم
هل تحب تقديم مسئوليات غيرك علي مسئولياتك >>> امشششش

[كلي وفا]

طبعاا لاااا..



كيف تقضي ع الرووتين الممل؟؟

[ابدااع]

بالاعمال المتجددة ...

ابتكري حاجة واشغلي وقتج فيها

[بسمة]

مساااؤوووووو

كيفكن يا حلوين ؟؟

شو اخباركن ؟؟

وحشتوني .. كتير كتير كتيرات :$

وبث


إلقفوا هالسؤال على الطاير :p

متى تفقد أعصابك ..و تزعل .. ويصعب أرضاؤك ؟؟!!

[المسك]

يااااااقلبي قلبج بدوعه الله يونسج مثل ماونستيني بهالدعووووه ياااغاليه على قلب مسووووكه


وعسااانااا محبوبين محنااااا بمكروهين. ياااااارب


*امممممممممم حلو سؤالج بسومتي


أنا افقد أعصابي بسرعه < بالطب النفسي

بس بسرعه اطخ لو انج مسويتلي مصايب الدنيا بكلمه حلوه منج خلااااااص انسى كل شي

واحمد ربي على نعمه النسيان ولاني مدمغه حيل بس احس ان الله يسندني لأني مدري شنو أنا هههههههههههههههههه


انزين ابي اسأل سؤال محدن أسألوووووه اممممممممممممممم


هل تتذكر الاعضاء في يومك المعتاد ؟؟؟ < رووووووح يالسؤال

[مطيري]

هههههههه اي والله اتذكر البعض فيهم في مواقف قد تكون مشابهه لمواقفنا في المنتدى ولاتخلوو من عياارتج يالمسك ودعاالة التوأم والسعاده يعني هالثنتين الله يخليهم لبعض يطرون في بالي دايم بس ودي اناجرهم :p

سؤالي يقوول ؟

وين ناوي تقضي اجازه العيد ؟

[المسك]

ههههههههه مطيري ابي اقضيهااا


ياربي وين ادج ؟؟؟


وين اولي ؟؟؟



ابي اقضيهاااا بفرنسا صوب الصمان عند الحفر

ونشب النار والحطب ونشوي اصابع كتكاات حق الريجيم تعرف يعننني ذربه بفرنساااا هههههههه


السؤال هو شنو لون تلفونك وشنو احسن لون لك ؟؟ وكم عمرك وشنو مهنتك ؟؟؟ < المحقق كونان

[كلي وفا]

ههههههههه مطيري ابي اقضيهااا


ياربي وين ادج ؟؟؟


وين اولي ؟؟؟



ابي اقضيهاااا بفرنسا صوب الصمان عند الحفر

ونشب النار والحطب ونشوي اصابع كتكاات حق الريجيم تعرف يعننني ذربه بفرنساااا هههههههه


السؤال هو شنو لون تلفونك وشنو احسن لون لك ؟؟ وكم عمرك وشنو مهنتك ؟؟؟ < المحقق كونان


اســــــــــــــــــــــــــود

البنفسجي

دااشين 30

ههه اكيييد ابلة..

[كلي وفا]

نفس السؤاال >>>> عااجبني..

[مطيري]

لون تلفوني ابيض واحسن لون عندي الازرق الفاتح والذهبيوالعمر 16 سنه*+15 سنه يطلع عمري بالضبط 19:)معلم تربيه بدنيه

[السعاده]

هههههههه اي والله اتذكر البعض فيهم في مواقف قد تكون مشابهه لمواقفنا في المنتدى ولاتخلوو من عياارتج يالمسك ودعاالة التوأم والسعاده يعني هالثنتين الله يخليهم لبعض يطرون في بالي دايم بس ودي اناجرهم :p



جزاك الله خير وذكر فان الذكرى تنفع المؤمنين يمكن تذكر اللي تسويه فينا و شلون انتحملك ونصبر ونقول ما عليه باجر يركد ويا طول باجر عموما الحمدالله انا والتوام ذكرنا ياصل حد المجرات من فضل ربي


سؤالي يقول هل تعتقد ان الزمن تغير وان النفوس في السابق كانت صافيه وأكثر نقاءا بعكس الناس الحين ؟؟؟

[بسمة]

سؤالي يقول هل تعتقد ان الزمن تغير وان النفوس في السابق كانت صافيه وأكثر نقاءا بعكس الناس الحين ؟؟؟

نعم

هذا اللي صاير

سبحان الله زاد الحسد والحقد و سوء الظن

ويمكن حياتنا اليومية ما تخلى من هالنوعيه من البشر


الله يهدي الجميع


ألقفوا هـ السوعال .. اللولبي :p

لو قدر لك أن تغرس خصله واحده بجسد البشرية .. فما هي ؟!!

ولماذا ؟؟

[مطيري]

حلوه اللولبي ذكرتيني برجلة عنابه وابريجها :p

اغرس خصلة الرحمه

[fatma22]

ليش سجلتوا بالمنتدى ؟ و ليش لحد الحين التواصل بالمنتدى ؟

أنا عن نفسي بجواب السؤال الثاني عشان العلم الموجود فوق المنتدى عساه دوم عالي و عشان أسم المنتدى شبكة المعلم يعني وضيفتنا

أكرر نفس السؤال للي بعدي و شكرا لكم


((سبحان الله و بحمده سبحان الله العظيم ))

(( اللهم لا مانع لما أعطيت و لا معطي لما منعت و لا ينفع ذا الجد منك الجد ))
(( اللهم لك الحمد حتى ترضى و لك الحمد إذا رضيت و لك الحمد بعد الرضى ))
(( يارب لك الحمد كما ينبغي لجلال وجهك و عظيم سلطانك ))

[ابدااع]

لو قدر لك أن تغرس خصله واحده بجسد البشرية .. فما هي ؟!!
ولماذا ؟؟

فديييتج يا بسوووومتي

مدري سؤال يحير ....

بس الاكيد : خصلة الخير

ولماذا ... حتى نفتك من شرورهم ....


السؤال :


هل سبق لك ان اقدمت على عمل او مشروع وكدت تبدأ فيه ثم تراجعت .... ولماذا ؟؟؟؟

[كلي وفا]

اناا اقوولج ابدااع ..

كنت بسوي درس ريادي لجميع المدارس لكن غيرت رأيي بسبب الضغوط اللي مو ملزومة المعلمة تعملهااا مجرد شكلياات تكلف فوق 100 ديناار..

يعني المعااش اللي حاسدينا عليه ماتهنيناا فيه!!





ما أكبر غلطة سويتهاا بحياتك؟؟؟

[الصريح]

مشروع شراء بيت في احد البلدان المجاورة ولم اقم به لقوة القسط واردت تاخيرها للوقت المناسب
هل تظن العلاقه الاسريه اذا اصبحت بعيده عن التشره الزايد تصبح جميله

[الصريح]

اكبر غلطه سويتها بحياتي اني ماكملت الماجستير والدكتوراه وانا تقديري امتياز

[ابدااع]

هل تظن العلاقه الاسريه اذا اصبحت بعيده عن التشره الزايد تصبح جميله

اكيييييييييييييييد ....

وتكبير الراس هنيه مطلوووووووووووووب ...

[ابدااع]

شنو ببالك تعليق حق الخرافي عقب موقفه اليوم ؟؟؟

[الصريح]

تعليقي هو :
ناصر اخوك مات ما احد درى عنه خل لك بصمه ترى الموت يجي بغته خل الناس تذكرك بالخير

[ابدااع]

ماذا تتوقع ؟؟؟؟؟؟

هل ستكون نسبة غياب المعلمين والمعلمات غدا باذن الله كبيرة ؟؟؟؟

وهل سيكون الحضوووووووووووور مؤثرااااااااااا ؟؟؟؟؟؟؟؟؟

[كلي وفا]

ان شالله يكون مؤثر..



شنو اهم شي عندك الكادر والزيادة؟؟

ولا تخفيف الأعباء والطلبات من غير كادر؟!!!!

[ابدااع]

والله الاثنين مهمين ...........

بس الاولوية حق الاعباااااااااااء

بس ان كانوا بيقرنون الاعفاااااء من الاعباء الادارية بالتقدير


لا طبعا خلنا على اعبائنا بس زيدوا رواتبناااااااااااااااااااا

[بسمة]

شنو اهم شي عندك الكادر والزيادة؟؟

ولا تخفيف الأعباء والطلبات من غير كادر؟!!!!

والله ما يهمني الكادر

كثر ما يهمني الأعباء اللي مجهدتني

أنا مكروفه كرف بالمدرسة أداوم بنفسية طفل بأولى ابتدائي .. مو كاتب الواجب وخايف يداوم

ولو رفضت حطوا على ونسوا أي شي سويته قبل

الله يعين .. الفرصة ما أقدر أرتاح فيها يا بالصف أصلح للبنات

أو مناوبة .. مرات يكون عندي أربع حصص وهم مناوبة أخر الدوام وأرد 3 العصر

نصابي 18 حصة .. وراح يعطوني نشاط .. قلت دام فيها نشاط على الأقل آخذ تقوية لبنات أصفوفي

وفوق هذا شكاوي اولياء الأمور .. اعيالهم ما يكتبون النشاط المنزلي وقوات عين.. لا تعاقبون .. وما أسلم من رئيسة القسم لما تفتش وراي

ليش ما تعطين واجب ؟!

والطالبة تكاسر بالعين فيج خير عاقبيني .. لا صلاحيات ولا شي

تدرون .. يوم الخميس كل أسبوع يكون .. عيد عندي .. ما تتخيلون الفرحة لما تصير الهدة

وكله اطيع نايمة بدون ما أشعر باللي حولي .. كله قاعده ومدده اريولي ما أقوم

وربي ما أبالغ

انا بجد كرهت التدريس ... ومع هذا قاعده أدرس بضمير

بس بحلل هالمعاش .. بس على أحساب نفسيتي وصحتي

لما ما يكون عندي حصة اخيرة .. ما أقدر أقعد بالمدرسة دقيقة وحده تصير فيني اغلقه

يا ليتني كملت دراستي وما توظفت

و الله يلعن اليوم اللي اخترت فيه التربية وظيفه لي :(

[ابدااع]

قلبي معاااااج يا الغاااالية ...


السؤال للكل ....


ودكم تداومون الاحد ؟؟؟؟

هناك نداءات تطالبنا ان اردنا كادرنا بعدم الدوام الاحد القادم ان شاء الله تعالى ؟؟؟؟

[بسمة]

على ما اذكر .. العتيبي طالب بتأجيل الأضراب حتى 15 نوفمبر موعد الجلسه

وإذا لم تكن هناك نتيجه .. يكون إضراب شامل يبدأ من 16 نوفمبر


شنو رايك .. بنظام التقوويم الحالي

واللي حرم المعلم من التأثير بنتيجه الطالب

بـ الأيجابية أو السلبية ؟؟

[السعاده]

نظام فاشل وهذا مو شئ جديد على التربية فقراراتها دائما فاشله والاصعب انها لا تتراجع عن هذا القرار بعد التاكد من فشله ابد ... الحين الطالبات يعرفون توزيع الدرجات ما في سيطره عليهم واعتمادهم على اختبار ما تعرف شنو ظروووفه الله يعينا على وزارة تحكمها عقول نائمه


سؤالي

لو حصلت لك سفره بعطلة العيد وين تسافر و ما صفات البلد اللي بتسافر له ؟؟؟

عني انا ودي اروح الطايف في مكان هادي بعيد عن الناس و الدوام وعن النت وكل وسائل الاتصال الله يا حلوووها تطلع الجبل والجو بااارد هذا السفره صج

[ابدااع]

والله يا السعادة ..

اتمنى تتحققين اللي في نفسج ...

وتسافرين وتستانسين ..


اما انا فاشووووف ان :

الجو في هالعيد حلووووووووو ..

واحلى شي القعدة في الكويت

وان قدرتي اطلعي طلعة حلوة مع الاهل في البر واستمتعي !!!!

الهواااااء ينعنش ....

يفز قلبي ان رحت عمرة وشفت لوحة كويتية ...

فدييييييييييييييييت عيونها هالديرة ....

[ابدااع]

شلون تحقق حلم انت منت قادر عليه ..

بمعنى مو بيدك ؟؟؟

بس انت تبيه .....

[fatma22]

للأسف سؤالي ماله إجابه عندكم

حلو سؤالج أختي ابداع

شلون تحقق حلم انت منت قادر عليه ..

بمعنى مو بيدك ؟؟؟

بس انت تبيه .....

ياليت نرد كما كنا في عام 2001
اللي راح راح اكرر سؤال أختي ابداع للي بعدي و شكرا لكم


((سبحان الله و بحمده سبحان الله العظيم ))

(( اللهم لا مانع لما أعطيت و لا معطي لما منعت و لا ينفع ذا الجد منك الجد ))

(( اللهم لك الحمد حتى ترضى و لك الحمد إذا رضيت و لك الحمد بعد الرضى )

[الصريح]

فاطمه هاتي سؤالك
اختي ابدااع حاولي وارسمي خطته وادعي الله باذن الله يتحقق

[ابدااع]

اختي ابدااع حاولي وارسمي خطته وادعي الله باذن الله يتحقق

تسلم يا الصريح ...

بس الخطة للي نقدر عليه احنا .. او في ايدينا ...

بس هالامر موب حولنا ...

ما بيدنا اي شي له ...

الا الدعااااء ونعم فيه ...

[ابدااع]

شنو شعورك ...

وانت تستذكر شيخنا وحبيبنا وامير قلوبنا / جابر الاحمد الصباح رحمه الله رحمة واسعة واسكنه فسيح جناته

[بسمة]

ماكو سوعال .. أنا قت ادش يمكن في سوعال بس مافي


انا ودي اسعل :p

محتار باتخاذ قرار .. ولا بد من اتخاذه ..وانت تعلم انك لا تريد اتخاذه .. يعني ( مزتر ) :p

شو راح تعمل ؟؟!!

[ابدااع]

مزتر



:::؟؟؟

اول مرة اسمعها

سؤالج حلو يا بسومتي

لا تترددين في قرار نتيجته تكون مرضية لك او على الاقل ليست سيئة ...

يعني في النهاية ...


اتخذيه وانتي مغمضة في حال كان هالقرار كويس لج حتى لو ما كنتي تبينه

[ابدااع]

سؤالي ...

للي بعدي ........

ماذا ستفعل ان عندما تكتشف ان من صنع فيك امالا واحلاما طموحا بلا حدود ....


فص ملح وذاااااااااااب !!!!!!!!!!!

[بسمة]

تسلمين حبي .. ادري انه من صالحي .. بس خايفه من النتيجه .. ذبحني التردد

مزتر <<< مضطر .. بس من الدلع خخخخخخ تبدلت الحروف خخخخخ


سؤالي ...

للي بعدي ........

ماذا ستفعل ان عندما تكتشف ان من صنع فيك امالا واحلاما طموحا بلا حدود ....


فص ملح وذاااااااااااب !!!!!!!!!!!


:(

الشكوى لله

احول السؤال للي بعدي .. يمكن فيه هَل ْ :(

[مطيري]

على وجهه دام الله موجود شعندي اشحذ النااس واسطتهم ودعمهم والله موجود :)


سؤالي يقول ؟؟

انت عضو بالمنتدى شنو قدمت عشان الكل يستفيد منك ؟

>> عن نفسي :( لحد الحين مو ماسويت شي له اثر طيب في المنتدى ودي اسوي شي بس مشكلتي بالتوقيت ماخدمني

[بسمة]

ثؤال ممتاذ


عن نفسي أنا مبتدئة وقاعده استفيد .. وما أفيد بشي خخخخخخخخخخخ

ان شاء الله بكون اليوم اللي بفيدكم فيه

ووديكم ورا الشمس خخخخخخخخ


نفث .. الثوعال .. عذبني

[ابدااع]

للحين ما قدمنا شي ...

بس سؤال يخلي الواحد يفكر انه يحط له بصمة حتى ينذكر بخير ..





سؤالي :


ما هو اول مشروووع فكرتم فيه بعد الكادر ؟؟؟

[بسمة]

اشتري بنتلي خخخخخخخخخخخخخخخ


نفث الثوعال :)

[ابدااع]

بما اني انا صاحبة هالسؤال ...

بغيره :)

سؤالي :

شلون تتصرف مع ناس تغليهم وتغيرت قناعاتهم معك !!!!

[ابدااع]

للرفع !!!!!

اذا ممكن :)

[بسمة]

لو عطوكـ غرفه فاااضية ف البيت وقالوو سوي فيها اللي تبي ويش بتسوووي فيها؟؟

[ابدااع]

ابدأ بترتيبها واضافة الاثاث اللي على مزاجي

واجعلها واحة للقراءة والتأمل والخلوة مع الله

[ابدااع]

شخص وعدك بشي ..

يخص عملك ...

وغلب عليك الظن انه ناسي

هل تذكره ................

ام تتناسى ما وعدك ؟؟؟؟

حتى لا تحرجه :)

[بسمة]

لا تلاقيني .. اتميلح عنده .. رايحه .. راده عليه

واتبوسم بعد خخخ


ليما يتذكر غصب خخخخخخخخخخخ

ــــــــــــــــــــــــــــــــــــــــــــــــــ ــ

اشخاص اخطأوا بحقك !!

ومع هذا لا يخجلون من طلب الخدمات منك في مجال عملك

لعلمهم .. باتقانك لهذا العمل

فكيف تتصرف .. تقدم المساعه او ترفض ؟؟!!

مع العلم لو قدمت المساعده لن يشكروك :)

[كلي وفا]

ماعند الناس زائل وماعند الله باق..

وان عملت لا انتظر منهم جزاء ولاشكورا.. أهم شي ارضي الله عز وجل بهذا العمل والخدمة لعل وعسى يحقق الله لي ما أريد بسبب نيتي الطيبه!

[ابدااع]

احسنتي يا كلي

وابشري بالسعادة بالدارين باذن الله

تستاهلين الطيب يا الغلا ...

[ابدااع]

ماذا تفعل ان لم ترغب بالعمل غدا

وانت مجبر عليه تقريبا هذا الاسبووووع

[كلي وفا]

يابعدهم يابدوعتي ولج مثله يااااااارب

افوض امري لله شسوي مادام مجبوورة داومي وتوكلي على الله..


هل المعلم يكتفي بتقرير الراتب ليكتشف هو من اي درجة؟؟ ولا يروح المنطقة احسن ويتأكد؟؟؟واللي عنده احد هونيك يساعدني؟؟

[ابدااع]

روحي الوزارة فديت قلبج

وانشبي بحلقوهم لانهم بيتشرونج

انا استغبى واسوي نفسي مو فاهمة الين احصل اللي ابي

:)

جد

!!!!

[كلي وفا]

الحكومة استقالت؟؟ وحلوا المجلس!!!!

يعني الكادر ح يوقفونه؟! ولا !!!!

[ابدااع]

عسا ما يرجع من باق منهم ونهب

ويهديهم ويثبت على الحق

استقالت طاحت -اقيييييييييلت - خخخخ -

الكادر جااايج جاااايج شهر مارس

وكل عام وانتي بخير

الله ياااهي بترتفع الاسعاااااااااااااااار

عليج بالعافية وانطري

من ورا خشووومهم

البعض منهم ...

[ابدااع]

ليش هالموضوع

تم الغاء الدخول عليه

من الاغلبية

فديتكم كلكم

شاركوني حتى لا استااااااحش

[ابدااع]

ببجي ..

وبعد البكا ببجي

اهي اهي اهي اهي

ليش ما تحطون اسئلة هنيه

اهي اهي اهي

[ابدااع]

ليش ما تزورون هالموضوع

ليش يعني محاربينه ؟؟؟

[مطيري]

سؤوالي يقول ؟

ليش بالمدارس جرت العاده السيئه ان المعلمين يغششون الطلبه بالأمتحانات ؟ :( :(

وصار اعتماد الطلبه على المعلمين اكثر من انهم يدرسون

[كلي وفا]

هذي مشكلة بعض المعلمين الله يهديهم معلمين عيالنا الكسل والرباادة..والبعض يلجأ للتغشبش عشان يريح باله بالتصحيح ويفتك من الغثا..
ناسين من غشنا فليس منا..

شلون تقضي ع الخجل؟!>> مشكلتي اذا سولفت مع احد ما اعرفه ولأول مرة اقعد معاه يعطي وجهي الوان!! ويمكن اقط جم بدليه...

[ابدااع]

بالثقة بالنفس يا كلي

واذا قصدج بالسؤال ما هو اسلوب التعامل

اقولج حاضرين :

- افترض ان هالشخص انسان عادي جدا .
- اتخيل اني اعرفه من زمان واتصرف على هالاساس .
- اظهر له شيء من الاهتمام ، بمعنى ابين انه اهو انسان مهم .
- افتح موضوع مشترك بيننا .

وفيه اشياء كثيرة

ما دورت بالنت

اكيد فيه اساليب اكثر وافضل

هذا اللي طلع براسي وقت قريت سؤالج ...

فدييييتج

وفديت سؤالج حبيبتي ....

[ابدااع]

عجبني سؤال مطيري:




سؤوالي يقول ؟

ليش بالمدارس جرت العاده السيئه ان المعلمين يغششون الطلبه بالأمتحانات ؟ :( :(

وصار اعتماد الطلبه على المعلمين اكثر من انهم يدرسون

واجاوب عليه

لان الادارة هي من تسمح بذلك

على افتراض ادارة حازمة بمنع الغش

ما تلاقي معلم يغشش الطلبة

ولا تلاقي طالب يتجرأ على الغش

الله يهدي الجميع بس ...

[ابدااع]

سؤالي :

هل التجاهل مقبووول عموما ؟؟؟

ام هي عدم القدرة على المواجهه ؟؟؟!!!

[كلي وفا]

قد يكوون التجاااهل اتقاااء لشر بعض النااس..

أو اليقين بأن الأموور قد تكوون نتيجتها سلبيه فالتجاهل والتغااضي هو الحل الافضل..

وفي بعض الاحيان قد يكوون ضعف بالمواجهة وهذا يعتمد عالشخصية..




هل ترضين بالزوااج من شخص اصغر منج بسنة او سنتين؟؟

هل ترضى بالزواج من هي اكبر منك بستنين؟؟؟؟؟

[ابدااع]

عادي

حبيبتي

الحياة تغيرت

والظروف فرص

ولازم الوحدة ترضى بالطيب حتى وان اصغر منها

ولازم الواحد يرضى بالكبيرة حتى تعينه على التربية الصح ( هذا ان كان فيها عيال ) :)



صدق يا كلي

اخاف يقولون كثرت خطابها ثم بارت

ترضى وتتوكل على رب العالمين ...



نفس السؤال عجبني :)

[بسمة]

الرسول عليه الصلاة والسلام

افضل الخلق و قدوتنا

تزوج من هي اكبر منه

ردي على السؤال !!

يعتمد على الشخص

فيه شي مميز يخليني اتزوجه واتغاضى عن كونه اصغر مني

كاخلاقه ودينه

وربما مستواه العلمي

يمكن يكون العمر لا يقاس برجاحه عقله وثقافته

وشخصيته :)

ــــــــــــــــــــــــــــــــــــــــــــــــــ ـــــــــــــ

كيف تتصرف حياااال شخص

مناافق .. يقول جدامك كلام وراك كلام

وان واجهته بكلامه ما راح تخلص منه

ومن شره ؟؟؟

[Queen]

( اذا اصبعك وارم لاتعالجه ، اقطعه)

علاقتي مع شخص منافق .. ضرر اجتماعي ونفسي مومستعدة اتقبله او اتحمله في حياتي

اقطع هالعلاقة وانهيها وأدور على شخص ثاني يستحقني


هل المستحيل بالفعل موجود ؟ أما الانسان خلق المستحيل ؟

[ابدااع]

افففففففففف

سؤال منطق وفلسفة

اللي اشوفه

ان الانسان له علاقة اكيد في صنع المستحيل

وبالتالي فهو موجود


وعلى كلن حبيبتي


يتوقف حق ايش هي نظرتج للمستحيل

يعني ايش هو تعريف المستحيل عندج ؟؟؟

وعلى ضوئها اتوقع بتصير سهلة الاجابة على سؤالج

[ابدااع]

هل تقدم على فعل شيء جريء ؟؟؟؟


طبعا اذا بنظرك ماعاد فيه حل مادي ....

[المسك]

مثل شنو بدوعه ؟؟


اي اقدم اذا كان هالشي مهو بحرام ولاهو عيب اقدم وارفس الباب بعد

اعجبج

هياط تايم 

نسيت السؤال

ليش كثر الظلم وسوء الظن وقلت المرجله والشهامه ؟؟؟هااااا

ولعيونكم اجل


شهامه تايم 

[ابدااع]

عجبتني سالفة

..... تايم

جديدة

وحلوة

فديتج يا حلوة

كثر الظلم "

لان الدين اصبح عند الناس

صلاة وصيام ... فقط

ولكن :

معاملات لااااا

اخلاق لااااا

تخلق واقتداء بالنبي الكريم - صلى الله عليه وسلم - لااااااااا

طبيعي بيزيد الظلم ومع الظلم تهقين بيكون فيه شهامة او مواقف رجولية صارمة وشجاعة ؟؟!!!

ما ظنيته ...

[ابدااع]

هل تشاهد مقاطع يوتيوب لبعض العمليات اللي مفكر انت تسويها ... ؟؟؟؟

وهل تقتنع بما تشاهده وقتها ... ؟؟؟

[ابدااع]

للرفع :)

[غلا الرشايدة]

الحمدلله. ماافكر. اسوي. عمليااااات. بس. هههههه. احب. اشوف. بعض. العمليات. علشان. اتأكد. ان. وراء. انف. او. جسم. جميل. وصناعي. >>. عملية. قبيحة. جدا.




،،،،.


طبعا. هالكلام. لمحبي. تغيير. خلقة. ربي. سبحانه.




ولا اعني. بها. من. يحتاجها. فعلا





(؛





سعالي






شهادة. المتوسط. الفترة. الثانيه. من. جم ؟؟.


من ٦٠. والا. ١٠٠

[بسمة]

اي دوت نو ؟

بت اي ثنك .. 100

يو مست اسك انذر ون .. تو تل يو ابوت ذس

اند .. بث

:)

اعجبج بالعنجليزي خخخ


ماي كوزشن ..

اف يو مِس ون بيرسن

اند هي دونت نو ابوت يور فيلنغ

هاو يو كان تل هِم ذات.. ؟؟





وبث

[بسمة]

لماذا و لما و كيف و ما هو السبب

هروووب العضاء من المنتدى ؟؟!!

[كلي وفا]

اي دوت نو ؟

بت اي ثنك .. 100

يو مست اسك انذر ون .. تو تل يو ابوت ذس

اند .. بث

:)

اعجبج بالعنجليزي خخخ


ماي كوزشن ..

اف يو مِس ون بيرسن

اند هي دونت نو ابوت يور فيلنغ

هاو يو كان تل هِم ذات.. ؟؟





وبث

ايزي كووول هم اند سااي اي مسد يووو سوو مووتش..

اي لووف يوووو هههع

[كلي وفا]

لماذا و لما و كيف و ما هو السبب

هروووب العضاء من المنتدى ؟؟!!


الكل يتطنز علي ويقوول من صجج ليلحين تدشين منتدى!!!!

الحين الكل يغرد وانا معااهم بس هالشي مامنعني ادش لمنتداااي الحلو اللي جمعني بنااس طيبة..




نااوي تترك المنتدى؟؟؟؟