البارحــه ...

[البندر]

السلام عليكم


ابيات جديده اتمنى ان تنال على اعجابكم

وهي ابيات في والدي اطال الله في عمره بعد خروجه من المستشفى



أنا البارحه واليوم جفني جفاه النوم ،،،
ليا من قضا همّ ٍ بدا الآخر بـ زامه ...!

أهوجس طوال الليل وأسري كما المنجوم ،،،
ويظربّي الهوجاس في كل دوّامه ...!

على الشايب اللي مامشا في طريق اللوم ،،،
ولا غير ربّه نزّل الراس والهامه ...!

ألين أنجلت عنا وجدد فرحنا يوم ،،،
أشوفه بعيني جعلها تزهر أيّامه ...!

معافا وطيّب يا عسى عافيتك تدوم ،،،
وتلبس لباس العافيه لبست الخامه ...!

وأنا بحمدالله وأشكر الخالق القيّوم ،،،
عليه الفضل في بداية الأمر وختامه ...!

هو الشافي الخلاّق باللي حصل معلوم ،،،
تمر الليالي والصواديـف حكّــامه ...!

البندر :×

[الصريح]

جعلها سلامه دايمه ويرزقك بره ويجعله اخر امراضه ويمد في عمره على طاعته وتمتع عيونك في مشاهدته والاستمتاع معه في كل وقت
راااااااااائعه فعلا كرووووووعه من كتبتها

[السعاده]

الحمدالله على سلامة الوالد وعسى ربي ما يحرم عيونك من شوفته بصحة وعافيه


و الله يسعد قلبك بالايمان وطاعة الرحمن وبرك لوالدينك


يعجز اللسان عن الكلام امام هذه المشاعر الجياشه

صح الله لسانك يا شاعرنا

[ابدااع]

الف سلامة وما يشوف شر يارب

كلمات طيبة فيها وفاااااااااااء كثير

ربي يحفظك انت ومن تحب

[مشعل المطيري]

ما يشوف شر ..

وأسأل الله أن يسلبه لباس الصحة والعافية ..

وصح لسانك .. شاعر ما يحتاج ..

[البندر]

الصريح ...


شاكرلك والله يجزاك خير


السعاده ...

تسلمين ماقصرتي وصح ابدنك


ابداااع

تسلمين والله يجزاك خير



مشعل المطيري ...

صح ابدنك وشاكر تواجدك

تحيااتي لكم جميعا ً

[المسك]

وانا بعد دوري ماخلصنا :(175):< تبي تصكهم وحده

ابي اقول رايي:victory:


الف لاباس على الشايب

وطهور ان شاءالله

وشاعر من ظهر شاعر ..

وصح لسانك ..


















وبس انت يالبندر:amazed:

[البندر]

هههههههههههه


صح ابدنك


وتسلمين

وبس :/

[غروري ضروري]

آلف سلامة عليه..
مايشووف شرر الوالد ان شاءالله... آخر الامراااض يآآرب..
يبا زووجووه وبيطيب على ضمانتي..:p
صح الله لسانك ..:):)

[البندر]

هلا بغرووري ضرووري

الشر ما يجييك


وصراحه فكره حلوه راح نعرضها ونشوف :)


تحيااتي