و ياراكب اللي ما اركبـوه المعانيـن *** أهل الديـون المجحفـه والمذلـه ..

[الصريح]

البيت شديتـه وجبـت العناويـن *** واليـا نظمتـه ناظـره فالمجلـه ..





أتعب عليه أيام وشهـور وسنيـن *** حتى يجي بيـن القصايـد محلـه ..





والشعر له عندي سلـوم وقوانيـن *** ومنقحه عـن كـل ميلـه وزلـه ..





و ياراكب اللي ما اركبـوه المعانيـن *** أهل الديـون المجحفـه والمذلـه ..





مركب شيوخ المجتمع والسلاطيـن *** اللـي لهـم هيبـة وعـزة وملـه ..





في إكس آر تسعه بعد ماصـدر ألفيـن *** اميـزاتـه تشلـعـه للأهـلـه ..





ما سامه اللي يمسك المال يا حسيـن *** خوفٍ تجي لـه فالمقابيـل خلـه ..





اليا اشتغل يجرح قلوب الحسودين *** ماكنـه إلا يقـول خـلـه لعـلـه ..





واليا نزل والبايكه فـوق متريـن *** مثـل العـروس بليلـةًٍ مسفهـلـه ..





تنزل وتنظر للعرب في طرف عين *** في موقفٍ واللي حضرهـا يجلـه ..





كن انتلاته تـشر لصاحبه وين *** يـوم إن سواقـه تواسـى وتلـه ..





بين المواتر يظهر شـوي ويبيـن *** كـن المظلـي يندفـع بالمظـلـه ..





وإلا يقول لصاحبه بينه لبين *** وش تنتظر يالله توكل على الله ..





ولا شع طبلونه يشكك بناسين *** بدر طلع في غير وقته وحله ..





ياخذ على خطه صكوك وبراهين *** ما نافسه في طرقته غير ظله ..





إليا نطحته كنه الدمع في العين *** فعيون من عيت عيونه تهله ..





يطري علي اسطبه يسار ويمين *** إليا قفيته والنظر ما يزله ..





شيخ عقد لمواطنيه الحجاجين *** من عقب طيبه للعرب جاه زله ..





ويا ناقد الألوان بهديك لونين *** خذ ماتبي وإللي تخليه خله ..





عبد اللطيف أول وبكره وذا الحين *** مورده للشرق دقه وجله ..

[البندر]

ياسلالالام يالصريح



قصيده كاايفه من شخص كايف :)


لك الشكر ولاهنت على هالأبيات الرائعه ..

سلااام

[الصريح]

ياهلا وميه سهلا وجعل السلامه لباسك والخير كله حواليك