اذا الوزيره تشوف منتدانا ((نبي حقوق معلم اللغه العربيه ))

[المسك]

السلام عليكم

شلونكم ؟؟

عن جد هالمنتدى ريحنا وخلانا نفضفض ونقول الحجي اللي نبي

بقول شغله ..

بما ان المطالب تخص المعلمين ككل ..

انا اشوف ومن وجهه نظري الخاصه ان اللغه العربيه اهم ماده

لانه عليها يقدر الطالب يقرأ كل شى ويركز بدراسته

وحتى يقدر يقرأ امتحاناته ..

...........

انا بتكلم بعد خبرتي الحمدالله بالتدريس اللهم ديمها علينا نعمه يارب ياكريم ..

انه دائما أولياء الامور ..خاصه اذا كانوا من الاهل ..
الخوات والاخوان دايما يركزون على معلم العربي
وينقدون على تدريسه ..مع انه العيب مو بتدريسنا ولابوسائلنا

العيب هو في توزيع تحضير اللغه العربيه
يعني بالحصه الواحده نعطي تلميذه اكثر من مهارة

يعني .. قراءة وكتابة ومهاره هجائيه وثروه لغويه

وتعبير واملاء ..

تذكرون قبل مناهجنالاتقولون قبل غير والحين غير ..

لا ..حرام عليكم الطالب والطالبه انضغطوا بمواد مالها داعي

صار ولي الامر يلتفت للمواد هذي قبل لايشوف المواد الثانيه

يعني ابتدائي ..ليش زياده المواد لهم ..

حاسوب وتربيه حياتيه وتربيه وطنيه ومدري شنو

اول ثلاث سنين يكتفون بمواد الرسم والالعاب كترفيه لهم ..
عشان يتم التركيز على المواد الاساسيه اللي اهي العربي والانجليزي والرياضيات

..

قبل جان تذكرون كان المدرس يعطي مجال للطالب ..

حصه املاء منقول واملاء اختباري

وحصه تعبير ..

يعني حصه كامله ياخذ الطالب راحته ويقدر يستوعب ..

هذا طفل وله قدره معينه

ضغط المناهج ماله اي فائده ..

وشوي شوي زيدوا المواد ..

وزيدوا المهارات ..

يعني هالسنه الصف الثالث ابتدائي اخذوا جمله اسميه

وجمله فعليه ..

طفل عمره 8 او 9 سنين ..

بصراحه ضغط المناهج وعدم التركيز على المواد الاساسيه هو سبب فشل مخرجات

التعليم ..

اقسم تطق جبدي لمن تجيني طالبه شكبرها برابع والا خامس ماتعرف الحروف

لييييييييييييش ؟؟ قهر عن جد ؟؟

قيسوها على عيالكم ترضونها ؟؟ طبعا لاااااااااااااااااااااا

انا اتكلم جذيه من حر قلبي على عيالنا

غصب بيوم وليله ..نبيهم فلاسفه مايصير ياعالم ..




....................

وننتقل لمعلم اللغه العربيه اهو اكثر معلم يشوفون فرته طلابه باليوم ..

يعني لو يخصصله صف ويبدع فيه مو احسن ماتضغطونه بصفين

ومناوبه واحتياط ..وبرنامج اذاعي < مو مشكله البرنامج

بس خلوه شوي يبدع لطلبته ..

لانهاااااا اهم لغة وهي الاساس لكل المواد

ياناس التفتوا لمناهجنا

واولياء الامور يحطون كل العيب بالمعلمين..

ااوف تعبت من الحجي .. :(282):

بس اتمنى عن جد ان الوزيره تركز عدل بالقرارات

ويركزون عدل بالنتائج ..

مو يزيدون الطلبه بالدرجات ويقولون المخرجات مافيهااااااا شى









ابي ارائكم لو سمحتوا ..
وابيها بدون تكلف رجاءا

[المسك]

اكتب واحتر واخرتها فشوش

مافي تفاعل

ماقصرتوا يالربع

الشرهه علي انزل مواضيع والله

[مطيري]

ههههههههههههههههه الله يسامح هالبنت شفيها زعوووله وراناا دوامات يامره :p

وعقبها نرد عليج بارك الله فيج


طبعا نجي ونتكلم شوي بصراحه كوني معلم بدنية

اكثر معلم اشوفه على ضغط ونصاب معلم اللغه العربيه وتحضيره يومي يعني 5 مرات يحضر الدرس غير الوسائل التعليمية

واذا عنده مرحلتين مختلفات راح فيها صار عليه 10 دروس اسبوعيه بمعدل درسين كل يوم غير النصاب اللي يفوق 18 حصه

وغير توزيع المنهج مثل ماتفضلت اخت مسك يعني انا اقول هالفئه هذي من المعلمين صراحه مظلوومه جداا جداا

مو الرياضيات انصفوهم وعطوهم تخصص نادر ومايمسكون حصص اخير عشتوواا :p

نجي للبدنية اللي ماكلها ولعه بالمدرسه علاقات وهبة ريح ومريح باله ويبي زيااده والله نتعب احنا بالبدنية شمس علينا بالطابور وبالملاعب

[كلي وفا]

اي والله صااجه اختي مسك.. المفرووض لنا تخصص ناااادر,,

اللغة العربية مادة مغضووووب عليهااا

صراحة اعاني من الحصص الاخيرة ..

بالاسبوع عندي 3 حصص اخيرة مالوووووم البنااات مايفهموون ومالهم خلق,,

ماقووول الا الشكوى لله..

[غلا الرشايدة]

المسك امسي عليج
الله يوفقج وينصرج ويصلح حالج قولوا امين

حبيبتي شرحتي ظروفنا اجمل شرح
انا احس بالظلم لما اقوم بتحضير 12 درس في الاسبوع لصفحتين مع تصغير الفراغات علشان ماتصير 3 صفحات

وغيري تحضيرهم اسبوعي يعني 1

وفوق هذا كل شي مكلفين فيه

الله يعيننا ويبارك بعملنا
لان المعاش وااااااااااااااااااااحد

لويرد فيني الزمن جان صرت فنية او ديكور استفيد لحياتي

بس الحمد لله اني مدرسة لغة عربية وان شا الله نستفيد لما نفيد الطالبات في لغة القرآن الكريم

يارب اجعل اعمالنا لوجهك ووفقنا

تدرين

انا اطمح بأن يشيلون مننا الاعمال الادارية كلها
حتى لويخلون النصاب مثل ماهو بس اهم شي لااشراف ولامريات ولا احتياط

اشرايج؟؟؟

[المسك]

الكتومه وغلا ومطيري كل الشكر لكم

بس هم اردد واقول لاحياة لمن تنادي