احذروا عيون العضوة / السعادة !

[التويمي]

لم اكن أتصور عندما عرضت مشاهد من طبخ شاهد
ان العين سوف تصيبه .. كنت أتفاخر بطريقة عمله للقصدير :)
ولم أنتبه أن عيون السعاده سوف تحرمنا من شاهد للأبد

البداية كانت باتصال من أحد الربع بالمخيم

المتصل : ابو طلال ترى شاهد تأخر !
التويمي : شاهد رايح عنده مراجعة بالسفاره وموعد في المستشفى وأكيد الحين هو بالمخيم
المتصل : الحين الساعة 6 المغرب وأنا الحين بالمخيم وشاهد مو موجود
التويمي : معقوله .؟؟
المتصل : أي والله يا ابو طلال

وهنا ركبت سيارتي البرادو واتجهت للمخيم .. كانت الرحلة بين البيت والمخيم حوالي ربع ساعه .. وأنا في الطريق اتصل علي واحد من الربع غير اللي قبل شوي

المتصل 1 : ابو طلال وينك ؟
التويمي : أنا بالطريق رايح المخيم
المتصل 1 : عرفت شصار ؟
التويمي : اي عرفت .. وان شاء الله خير (( وهنا سرحت قليلا وقلت بنفسي
لا تكون عين السعادة سدحته .. وتعوذت من الشيطان ))
المتصل 1 : ابو طلال اشفيك ساكت
التويمي : لا ما فيه شئ
المتصل 1 : خلااص انا جايكم بالمخيم
التويمي : على على خير ان شاء الله

وهنا اتصلت على شاهد .. واذا جهازه مغلق .. قلت يمكن ما فيه شحن .. مو معقوله ينحاش .. لان شاهد صار له عندنا 5 سنوات وخوش رجال ..
بينما كنت افكر تذكرت شئ مهم .. اننا بالمخيم من ثقتنا بشاهد وقبل ثلاث شهور وبداوعي الكسل ولاننا كبرنا وصرنا شيبان .. اوكلنا الامور المالية لشاهد .. بمعنى اننا نعطيه القطية وهو يتكفل بمصاريف المخيم (( القطية لغير الناطقين بالكويتية تعني مبلغ شهري متفق عليه متساوي بين اعضاء المخيم ويتم منه الصرف على امور المخيم ))
قلت لا مو معقوله .. شاهد عارفينه عدل واكيد ما راح يسويها
بس المبلغ مو سهل تقريبا 450 دينار ..

وأثناء تفكيري بهالشئ .. رن هاتفي ..
المتصل 2 : ابو طلال شاهد متسلف من حارس المخيم اللي جنبنا 50 دينار
التويمي : من صجك .. الظاهر ان تفكيري في محله .
المتصل 2 : وشنو تفكيرك ؟
التويمي : ان شاهد اخذ الفلوس وانحاش
المتصل 2 : هذا ما حصل فعلا
التويمي : من صجك ؟
المتصل 2 : اي والله تونا شيكنا عليه بالمنافذ وطلع مغادر الكويت الساعه 4 العصر
التويمي : اذن الله يستر على منتدانا من عيون السعاده
المتصل 2 : منتداكم والسعاده .. هذا لغز ؟
التويمي : لا والله مو لغز .. الا حقيقة



انتهى الحوار ... طبعاً الحقائق ثابته أما ما دار من حوار فقد كان من تأليفي





السعادة .. أتمنى أن تاخذين الموضوع من باب الغشمرة ...

[مطيري]

السعااااااااااده >>>>>>>>> وين شااهد يالسعااده :(214):

نعنبوو دارج خمس سنين صارله عند الرجال يشتغل وماكو احسن منه :(307):

والله يالتويمي شقوولك ان اعن نفسي اتوقعها تسويهاا لان كسرتها بيزه هالمره :(284):

تدري انا عندي شيخ راح يجي بعد خمس ايام :(204):
وشيخ هذا صبي عندي هو سايس خيل هو طباخ هو معلم فطاير هو كل شي يسويه:(204): يعرض روحه لك بيجي من نقاهه عند اهله :z039:

وهذا عوضنا لك مكان شاهد :P :redface:

اما السعاده هذي :(223):>>>>>انا اقول نطردها من المنتدى ابرك :(284):

[التويمي]

السعااااااااااده >>>>>>>>> وين شااهد يالسعااده :(214):

نعنبوو دارج خمس سنين صارله عند الرجال يشتغل وماكو احسن منه :(307):

والله يالتويمي شقوولك ان اعن نفسي اتوقعها تسويهاا لان كسرتها بيزه هالمره :(284):

تدري انا عندي شيخ راح يجي بعد خمس ايام :(204):
وشيخ هذا صبي عندي هو سايس خيل هو طباخ هو معلم فطاير هو كل شي يسويه:(204): يعرض روحه لك بيجي من نقاهه عند اهله :z039:

وهذا عوضنا لك مكان شاهد :P :redface:

اما السعاده هذي :(223):>>>>>انا اقول نطردها من المنتدى ابرك :(284):



والنعم في شيخ .. بس ما اعتقد يعوضني بشاهد :)
لازم اقدم طلب للانتربول علشان يرجعون شاهد
بصراااحة اشتقنا لقصديره :)

[السعاده]

آآآفا يا التويمي .. هذا جزاتي . وين المظاهرات ؟؟ وين اللي يتستر عليك من فعايلك مع شاهد هالمسكين ... لكن الحين أقدر أبط الجربه ..

اليوم .. توني أشرب قهوتي إلا صوت الآيفون ..منو معاي..؟؟؟

شاهد : ألو ماما .. هذا أنا شاهد
السعادة : وينك .الله يهديك ؟؟؟ التويمي يدورك ومتهمنا فيك ..

شاهد :: والله ماما هذا تويمي واجد مشكل

السعادة : لالالا يا شاهد التويمي يمدح فيك ( حسن نية مني )

شاهد : لالا ..أنا يشتغل خمس سنا وما يشوف معاش أنا يجي كويت يبي فلوس و بابا ما يعطي

السعادة: خمس سنين وما تأخذ معاش .. قول غيرها علشان أصدق

شاهد : أي ماما .. أنا يجي كويت .ودين أنا بوذي ويجيب معاي بوذا علشان يسوي عباده. بابا يأخذ بوذا ويبيع حق نفر ساني ( يعني ثاني ) ويأخذ فلوس .. وبعدين يقول روح تسلف من صديق أنت علشان يسوي هذا كصدير

السعاده : يا حول يا شاهد .. يا عوذا حتى بوذا ما سلم منه

شاهد : بابا تويمي .. يقول تعال شاهد يودي أنت طبيب وبعدين .. هذا بابا يأخذ كلية أنا يتبرع ويأخذ هذا فلوس وما يعطي أنا .. هذا مو حرام ماما


السعاده : الله يهدا هالتويمي .. وين يودي هالفلوس ؟؟

شاهد : ما ما انا يقول .. بس انا في خوف ماما

السعادة ) تدور علوم ) قول يا شاهد ما عليك لا تخاف..

شاهد هذا بابا تويمي!!! مدمن

السعادة : استغفر الله يكفينا الشر مدمن .. أنا أقول يغط وما يبين ..

شاهد : لالا ما ما هذا بابا مدمن قصدير .. يصدق ماما .. هذا ريوق قصدير ، غداء وعشاء كله سوي قصدير .... هذا تويمي خربوطي حتى قهوة يسوي قدوع قصدير

السعادة : الله يغربل إبليسك يا شاهد .. وأنا رحت بعيد . طلع مدمن قصدير ..زين أنت ليش ما يشتكي..

شاهد : ما يقدر ماما .. أنا يفكر ينحاش ..لان بابا تويمي يقول تعال شاهد أنا يبي يذبح أنت ويسوي موت .. بعدين يقول سعادة هي يموت شاهد ويأخذ فلوس منك

السعادة : بينت نواياه الشينه .. ما عليك أنا بجتمع مع أعضاء مجلس الساحة .. اللي ما شفت منهم من يدافع عن المقروده السعاده ..ونشوف لك حل معاه ..



استلم : يا التويمي .. ( أقل شئ مؤبد ... هذا إذا مو إعدام ..)

الله يعينك على شاهد ..هذرة واجد ( قلب لساني ؟؟)

[التوأم]

السعاده لاتخافين كلمت مشعل يجيب دورياته ويمسك المدمن مانبي ادماااان في منتدانا
:(182)::(182)::(182)::(274)::(274):

[الصريح]

السعاده حاضر ترى القرايه موجوده يمكن مسحور واذا فيه فري نصبخ عليه من صبخه عجوز اعرفها والا مسمار ام عواد بس نشوف العله

[السعاده]

السعاده لاتخافين كلمت مشعل يجيب دورياته ويمسك المدمن مانبي ادماااان في منتدانا


السعاده حاضر ترى القرايه موجوده يمكن مسحور واذا فيه فري نصبخ عليه من صبخه عجوز اعرفها والا مسمار ام عواد بس نشوف العله




يا عيني عينج يا التوأم .. خلي المشعل اليوم عيد ميلاده وما نبي نغثه في هالمواضيع ..


والصريح .. قول وفعل يا ولد عمي .. وأم عواد مقامها عالي .. ما تطلع لأي أحد ... ولا تستقبل أي كان ..

والموضوع قفلناه يا التويمي ..وعيون السعاده .. تصيب ؟؟؟ بس مو بالعين الحاره

[الصريح]

ام عواد تدور زبائن تراها بالجهراء عجوز طيبه

[مطيري]

طبعا السعاده تحاشت الرد علي لايكون زعلتي ترى نتغشمر ولاعادت غشمره

[التويمي]

ههههههههه السعادة
خلااااص رفعت الرأية البيضاء >> يخاف من الحريم
وتوبه ما عاد أتحرش بحواء مرة ثانية

[المسك]

ام عواد تدور زبائن تراها بالجهراء عجوز طيبه

انا اوصلها لكم بالمنطقه العاشره بددسن

خخخخخخخخخخخخخخخخخخخخخخخخخخخخخ





















انزح وراك يالتويمي وماعاد تكررها


ياويلكم مني ويلاه

< جتها الحميه

[غلا الرشايدة]

منوووووووووووو يقدر يتهم السعاااااااادة

اصلن لقيت شاهد

بجاخور عمي مستانس بين الخرفان