كم عدد الوجوه ؟؟؟؟ [الأرشيف] - شبكة المعلم الإلأكترونية

السعاده

01-29-2011, 11:58 PM

858

اليوم عندي اختبار دقة ملاحظة لأعضاء شبكة المعلم

ولازم نفحص النظر

و نشوف منو نظره 6x6 ومنو 1x6 ياللة نبــدأ

شوفوا هالصورة

::::::::::

::::::::

::::::

:::::

::::

:::

::

:

كـــــم عدد الوجـــوه في الصــورة ..؟؟

859

قيثارة

01-30-2011, 12:06 AM

مساااالأنوار يالسعادة...
الله يسعدك يالغالية اطلعت اعيوني وأنا أعد الوجيه..الي طلع لي لحد الحين 10؟؟؟
بصراحة الي رسمها فنااااان ...

السعاده

01-30-2011, 12:19 AM

حياج قيثاره ...

سلامة عيونج يا الغاليه ...

لا يصير فيج وتقولين من السعاده...اسم الله عليج...

قيثارة

01-30-2011, 12:23 AM

حياج قيثاره ...

سلامة عيونج يا الغاليه ...

لا يصير فيج وتقولين من السعاده...اسم الله عليج...

لااااااااااا أبشرك الأمور كلها تمااااام :(226):

التوأم

01-30-2011, 12:30 AM

هلااااااااااااا بالسعاده .. اللي طلع لي 11 ياقيثاره عدستج مو شي غيريها ,, كل الشكر لج يالغلا

السعاده

01-30-2011, 11:55 PM

هلااااااااااااا بالسعاده .. اللي طلع لي 11 ياقيثاره عدستج مو شي غيريها ,, كل الشكر لج يالغلا

هلآآآآآ بالتوأم ....
هلآآآآآآآآآ بزرقاء اليمامه ...
وين هالوجه رقم 11
الصراحة أنا كل ما عديتهم مره يطلع 10 ومره 19 واخر مره طلعوا 6

شلون ما أدري

حيآآآآآج يا الغاليه..

.

التوأم

01-31-2011, 01:21 AM

يابنت الحلال انا شفت واحد من قفاااااه مدري وش يطلع ,,, المهم انا دورنا وعدينا وماكو جوائز هذا ومعطينك ألف بعد وزيادة راتب ,,, كل الشكر يالغلا

السعاده

02-01-2011, 02:17 AM

يابنت الحلال انا شفت واحد من قفاااااه مدري وش يطلع ,,, المهم انا دورنا وعدينا وماكو جوائز هذا ومعطينك ألف بعد وزيادة راتب ,,, كل الشكر يالغلا

هلآآآآآ بالغالية .. التوأأأم

ابشري بالخير .. ادارة المنتدى عليها الجائزة ( دبسناهم فيها ..)

خبرج مع المنحة الأسعار طارت وما بقى عندي فلوس ...( ما كو فايده فينا ..)

وبعدين شريت عانية لعرس المشعل خروف ...

على سعره ودج طالعين فيه ما تذبحينا

864

التوأم

02-01-2011, 02:22 AM

السعاده

02-01-2011, 02:31 AM

هلاااااا وغلاااا بالسعادة ... افا اجل ماكو جوائز دام حطيتيها براس الاداره وبعدين ادارتنا مو فاضيه ايدورون ضبان للغداء باجر عتبان ومطران وش الحيله عالعموم المشاركه الجايه حطي جوائز جايتج زياده 100 دينار احسبي حسابج قبل ايطيرن

هلآآآ وغلآآآآ بالتوأأم ...
لا تستعجلين على رزقج ... دام فيها ضبان ..وصلنا خير ... لج ضب عود من الادارة
والجاية محسوبه ... أفا عليج وانا بنت وايل ...

بس خليني اشوف من الفايز((( شكله ما في الا انتي .. وقيثاره المركز الثاني ))

.

التوأم

02-01-2011, 02:35 AM

لاااااااا يابنت وايل تكفين عن الضبان خليها لاهلها والله لاطلع من المنتدى كله دام هذي جوائزكم انا ابي جربوع دام الناس بالبر

السعاده

02-01-2011, 02:41 AM

جنج معانا .. عندنا جربوع بالمخيم ... جننننا ..واستخدمنا كل الاسلحه وما كو فايدة... بس باجر متحلفين فيه ..
أخوي يقول حرام عليكم هذا بيته وانتم اعتديتم عليه ( وين حقوق الحيوان عنكم )

بس دامج تبينه .. تعالى واللي يعافيج خلصينا منه .. قبل ما تجينا حقوق الحيوان...

.

السعاده

02-02-2011, 01:45 AM

التوأأأم ... وينج

ما قلتلج لا تستعجلين على رزقج ....الادارة ما قصروا شدوا حيلهم .... وحصلوا

جائزة المسابقة....

ويانا الخير يانا

865

قيثارة

02-02-2011, 01:56 AM

هههههههههه السعادة الله يبشرك بالخير..الجوائز اطلعت ضبان..اسمحي لي يالغالية اتنازل عن جائزتي لصاحبة المركز الأول التوأأأأأم..كونها بعد غالية علي..اخذي يالتوأم جائزتي بكل فخر..مدي يمينك الله لايهينك
v

v

v

v

v

v

v

v

v

v

v

v

v

v

v

v

v

http://forum.moalem.net/file/2011/02/3.jpg

السعاده

02-02-2011, 02:06 AM

هلآآآ بالغالية قيثاره ....

اله يهداج شالضب... زقاير و بايسن ...( اسمحي لي هذا يبيله حجز وطق سنه بساعه )

السعاده

02-02-2011, 02:08 AM

قيثاره ..
ضب اللي حطينا جائزة يركض ورياضي محافظ على الصحة مو ضبج رأس أسود من التدخين ....

قيثارة

02-02-2011, 02:30 AM

هلآآآ بالغالية قيثاره ....

اله يهداج شالضب... زقاير و بايسن ...( اسمحي لي هذا يبيله حجز وطق سنه بساعه )
لاحوووووول ..انت والزمن عليه!!!!!
بعدين وش له تحجزينه!!!وش مسوي المسكين؟؟
وان كانه حااارررك و تبين تأدبينه..تكفين لاتحجزينه بالداخلية وتكسبين خطاه وخطانا..مالنا خلق نسمع بتعذيب تشمئز له النفس..

قيثارة

02-02-2011, 02:40 AM

قيثاره ..
ضب اللي حطينا جائزة يركض ورياضي محافظ على الصحة مو ضبج رأس أسود من التدخين ....

هههههه رضينابالجوائز ضبان..هم بعد ماسلمنا..
يعني رضينا بالهم والهم مارضا فينا..
صدقيني هذا نفسه ضبك الرياضي الي يطمر الحفر..
بس صار جذي مابعد مااعتزل الرياضة

السعاده

02-02-2011, 02:43 AM

لاحوووووول ..انت والزمن عليه!!!!!
بعدين وش له تحجزينه!!!وش مسوي المسكين؟؟
وان كانه حااارررك و تبين تأدبينه..تكفين لاتحجزينه بالداخلية وتكسبين خطاه وخطانا..مالنا خلق نسمع بتعذيب تشمئز له النفس..

لالالالا تحاتين هذا عليه توصيه ... ما راح ننسى انه ضب شبكة المعلم ...

وبعدين عندي حل يرضي جميع الاطراف ..
انت تبين تلغين التأنيث بالابتدائي ... وش رايك نحط التأنيث بالداخلية ....

ها خوش حل ... حريمنا ما فيهم شده عالطق .. بس عليهم لسان.. لا توصين حريص ...

.

قيثارة

02-02-2011, 02:57 AM

حلووو حلووو...حريم بالداخلية!!!
ياعزتي لحال الي بيمسكنه..المسكين بيموت والسبب>>>>> التقرص..
تعذيب نفسي أكثر من كونه جسدي...
والا الي يقطنه بالنظارة ..بيحطن اسمه بدور القهوة وحطت الريوق..
أنا أقول خل يستريحن بالتربية....أبرك

التوأم

02-02-2011, 11:42 PM

السعاده شكرا عالجائزه هذا وانا رافضتها بعد هذا وجهي اذا دخلت معاج مسابقات
وانت ياقيثاره هم شكرا عالجائزه تنازلي لي عن الالف اول شي اذا كنت غاليه بس تبون الصج راح اخذ جائزتي وجائزة قيثاره واسويهم كبسه لكم وش عندي اغلى من قيثاره والسعاده

السعاده

02-03-2011, 12:00 AM

لالا يا التوأأأم ...

التويمي يبي يأكلنا حاشي وأنت ضبان ...لا واللي يعافيكم ؟؟؟

شفيه الفتوش والتبوله وورق العنب ... اكلات خفيفه وصحيه ... (مولوده بالبنان )

ومبرووك يا التوام ..... يقولون قيثاره تنازلت عن الالف ... تستاهلين يا التوأم ..( من باب وهقهم !!!! )

.

قيثارة

02-03-2011, 12:09 AM

هااااا؟؟!!
ياجماعة الخير...تراني غ.ك
يعني مالكم أمل..
ودام جذي بتوهقوني..حتى الضب ماراح اتنازل عنه..صاار غالي

التوأم

02-03-2011, 12:25 AM

الله ايبارك فيج يالسعاده اجل كل يوم عندي كبسه لكم وشكر ياقيثاره عالالف بس انت بنت كويتيه وراح يعطونكم ... وناسه صاروا الفين

السعاده

02-03-2011, 12:35 AM

مبروكين .. يا جماعه توني دريت ان الكرم عنوانكم

قيثاره.. التوأم من بيت كرم وطيب فتقول انه الف قيثاره لها وفوقها الفين ....

ما عليه يا جماعة انا استأذن الحين لانه وراي شيلة برد الديره ... لانه البرد ذبحنا ...

قيثارة

02-03-2011, 12:44 AM

أشهد ان التوأم تستاهل...يابعد عيني عينها..
السعاده الله يحفظكم يالغاليةويردكم بالسلامة..

التوأم

02-03-2011, 12:59 AM

ياعيون الغلا انت خلاص اعفينا عن الفك لانك غ ك بس عشان خاطر امج الكويتيه ياروحي... السعاده كلج حلااااا والله الله يعينكم عالبران والبروده تبي تنور الديره ياهلاااااا ومرحبااااا

السعاده

02-04-2011, 12:35 AM

الحلول المتوقعة لعدد الوجوه في الصورة كما وردت في الموقع الصيني ... هي كالتالي ....

اذا تستطيع رؤية : من 0 الى 5 وجوه فأنت كسول

اذا تستطيع رؤية : من 6 الى 7 وجوه فأنت شخص طبيعي

اذا تسطيع رؤية : من 8 الى 9 وجوه فأنت شخص اكثر من طبيعي

اذا تستطيع رؤية : من 10 الى 11 وجوه فأنت شخص ذكي

اذا تستطيع رؤية : من 12 الى 13 وجوه فأنت عبقري

.

السعاده

02-04-2011, 12:42 AM

أمـا الفائز بالجائزة .. وهي من اكتشفت 11 وجها في الصورة .. فهي ذكية لذلك استحقت الفوز..فائزتنا هي

التوأأأأأأأأأأأأم

والجائزة ...

http://www5.0zz0.com/2011/02/03/21/201559429.jpg (http://www.0zz0.com)

ألـــــــف مبرررروك ... وتصرفينه بالعافية
.

التوأم

02-04-2011, 12:45 AM

وااااااااااااااااااااااااااااااااااااااااااااااااا ااااااااااااااااااااااااااااااااااااااااو السعادة بطير من السعاده جت في وقتها واشوه طلعت ذكيه

السعاده

02-04-2011, 12:52 AM

جـــائــزة المركز الثاني فهي من نصيب ( اللي يسمعني يقول يااا كثر اللي جاوبوا على المسابقة؟؟؟؟)

المركز الثاني ...للذكية

قيــثااااارة

والجائزة

قامت أحد معارض السيارات الكبرى في ألمانيا بعرض أول سيارة في العالم لا يمكن لأحد شراؤها أو قيادتها.. السيارة Mercedes SL مرصعة من الخارج بالكامل بالماس ويكسو كراسيها فرو طبيعي.. وقد أكد صاحب المعرض أن فكرة تصنيع هذه السيارة التي
قاربت تكلفتها المليوني يورو "حوالي 1.4 مليون جنيه" جاءت في إطار حملة للدعاية للمعرض. وإنها كانت بالفعل فكرة ناجحة للغاية وأن المعرض شهد إقبالا غير مسبوق.
فمئات الأشخاص جاءوا ليروا أغلي سيارة في العالم.

http://www5.0zz0.com/2011/02/03/21/576296955.jpg (http://www.0zz0.com)

خلي بلج من المخالفات .. والسرعة .. ولا نشوفج بالمسيرة يوم العيد الوطني

.

التوأم

02-04-2011, 01:17 AM

اقول انا معترضه ماابي الفج خلاص

السعاده

02-04-2011, 01:21 AM

اقول انا معترضه ماابي الفج خلاص

ليييه .. عسى ما شر ؟؟؟؟؟؟

لا يكون علشان السيارة ؟؟؟؟

.

التوأم

02-04-2011, 01:26 AM

الحين الجائزه الاولى الف والثانيه سيارة الماس اتسكتيني يعني خلاص انا ماشفت ولا وجه ,,, عطيني السياره قبل لاتجي قيثاره >>> تبي تخمطها مو جنها رفيجتها

السعاده

02-04-2011, 01:41 AM

الله يهداج ... قيثارة أخت عزيزة وغاليه .. وتستاهل ..

وبعدين السيارة صج غالية بس فيج شده تدفعين فلوس حمايتها ... وتصليحها .. لا؟؟

وتقدرين تسوقينها .. والله ما يخلونج الهنودفي الشوارع.. إلا يدعمونها لج من كل

مكان ... وفي النهاية .. راح تصير أرخص سيارة في العالم وقيثارة تدور من

يشتريها ..ولا أحد يقول بكم ؟؟؟ ( تحليل منطقي ... صح @@@@@@)

((( إلا تخطيط يهودي )))

.

التوأم

02-04-2011, 01:48 AM

لااااااااااا مالي شغل ابيها واعطي قيثاره اي شي يطيح منا وهي تبيع

قيثارة

02-04-2011, 01:55 AM

وهييييييييييييياااااااااااا...وش هالزين يالسعادة..بصراحة جااائزة يعجز اللسان عن شكرك
التوأم..أفااا ياذا العلم..السالفة صار فيها امخامط من ورااي ..اييييه..لاخاب ظنك بالرفيق الموالي!!! بعد روحي هذي أرزاااق..وأنا اختك القناعة كنز لايفنى وجعله مايفنى..وابشري انت أول من تركب السيارة..أمرك انت والسعادة ونروح فيها مسيرة ..حتى ان بغيتي تروحين عرس أعطيك الدعامية تكشخين فيهاتبرقين..انت بس آآآمري يالغلا..
السعادة نبي لغز ثاني ...إن شاءالله أفوز بفيلا

السعاده

02-04-2011, 01:55 AM

يا ماما ... يا حبيبتي ...عفيه على بنيتي الشاطره

خلي أختج وسيارتها ... مسكينه زين حصلت

عليها ..
وبعدين بألفج تقدرين تشترين أكثر من سيارة ....ها وش قلتي ؟؟؟؟

.

السعاده

02-04-2011, 02:00 AM

قيثارة

02-04-2011, 02:12 AM

صدقتي يالسعاده ..الجزر الأندونيسية الي قال عنهاالأخ الفاضل مبارك البذالي في مقابلته مع خالد عبدالجليل!!!!
يابنت الحلال لاتقلعينا هناك ..يجينا تسونامي مايغشمر..
خلينا حول السيارات الالماس والفلل<<<قنوووعة

السعاده

02-04-2011, 02:19 AM

أنا عني بشتري وحده .. على الأقل عندي مكان أسافر له .. بعد ما انوخذت الدول العربية ...والدول الاجنبية بيني وبينج ما أحبها ...

وأخرتها موته .. فأموت شهيده بتسونامي ولا أموت بالطق بحجر ولا بدوس بالسيارة ...

قيثارة ... بقولج سر ... لا يكون التوأم زعلت ؟؟؟
ترى ما أقدر على زعلها ....

قيثارة

02-04-2011, 02:54 AM

التوأأأم...تزعل..!!!!
يافديت عينها ...الزعل خليه لغير التوأم..
أصلا لو التوأم تزعل أنا أزعل معها..<<<اقلبت عليك.
خلاص خلاص..انا باخذ الألف ...وعطي جائزة السيارة للتوأم..وعساكم تبلشون بتصليحها..واتوهقون بقطع غيارها.. :(280):

مشعل المطيري

02-04-2011, 11:32 PM

محكمة :(188):

في قضية على كل من ( السعادة و التوأم وقيثارة ) ..

أولاً: التهم الموجهه للسعادة << ملك ثروات مالية ضخمه في أيام قليله ..
والأدلة على ذلك كثيرة ( السيارة ) وكذلك غسيل أموال والدليل موجود ( ألف ورقة وحده) !!

ثانياً : التهم الموجهه للتوأم التعاون مع السعادة في غسيل الأموال والدليل هو قبولج للألف .. وكذلك تهمه موجه من حقوق رعاية الجرابيع ..

ثالثاً : التهم الموجه لقيثارة .. توزيع السجائر على من هو أقل من 18 سنه
والتهمه موجهه من حقوق حماية أطفال الضبان ..

وجاري إحضار الشهود ..

محكمة .. :(274):

جاري إحضاار المتهمين >> :(182)::(182)::(182):

السعاده

02-04-2011, 11:42 PM

برئ... برئ .. والله يا سيادة القاضي ...

ده أنا مظلوم ..و مسكينه على أدي حالي ... وماليش في غسيل الأموال ... ولا الغسالات اللي في الدنيا دي كلها ...

بعدين يا سيادة القاضي ..

السيارة ونوط الألف .. هذا كله من ألفي اللي من الحكومة ... الله يعز الحكومة ويخلليهنا ( وهقناك ...)

لي رجعه مع المحامي ...

التوأم

02-05-2011, 02:51 AM

بو
مشااااري
جيت من رحلتك وجايب لنا قضايا معاك الله يصلحك خوفت السعاده وبتصرف الالف على المحامي وبعدين انا مالي شغل انا من الجمهور شوفوا السعاده هي قالت لي اخذي النوط بو الف>>> مالي امان مرضعتني ام مشعل
المهم انه الالف صرفته وقيثاره بعد السعاده عطتها السياره وتنازلت لي عنها وش رايك نعطيك السياره تكشخ فيها عند العروس الجديده وتسحب قضيتك >>> فكر بالعرض >>> جبنا طاري العروس واندهن سيره يابنات جانا الفرج

قيثارة

02-05-2011, 12:41 PM

محكمة :(188):

في قضية على كل من ( السعادة و التوأم وقيثارة ) ..

ثالثاً : التهم الموجه لقيثارة .. توزيع السجائر على من هو أقل من 18 سنه
والتهمه موجهه من حقوق حماية أطفال الضبان ..

وجاري إحضار الشهود ..

وجااااري احضار الشهوود..
v

v

v

v

v

v

v

v

v

http://forum.moalem.net/file/2011/02/17.jpg

كبسة أعضاء جمعية حقوق الضبان..
على فكرة ترا الغدا له طعم غير على الجريدة..

التوأم يالغلا عليك بجمعية حقوق الجرابيع..
والسيارة خليها عندك نطلع فيها مسيرة مع السعادة.. بس غطيها والا جلديها عشان الرغوة
وحركات الورعان..

السعادة اسمحي لي يالغلا قضيتك جااايدة وباين ان كل الادله ضدك..يعني دربك خضر للمركزي..
بس ابشري من فترة لفترة ازورك مع التوأم اجيب لك جقاااير وبايسن<<<تصبيرة

http://forum.moalem.net/file/2011/02/18.jpg

السعاده

02-05-2011, 02:47 PM

أفاااااا يا التوأم .... تخليتي عني .... هذا وأنا أحاتيج لا تكونين زعلت ....

وقيثارة ... هاتي السيارة .... بأخذها منج

و المحامي يقول قضيتج خسرانه .... واللي يقدر يطلعج منها.... تدرون منو ؟؟؟؟؟

ضب قيثارة اللي تضحكون عليه

بس عندي الحل !!!!!!!!!!

أبحرق الألف .... ( كلام بس والله احرق نفسي ولا احرق الألف )

وأعلن مظاهرات يوم الغضب ....

ونعم للتغيير ... التغيير ... ( باجر مطرودة من المنتدى )

لا تفهموني غلط ( حدي خوافه )

نعم للتغيير أقصد ملكية السيارة

... تصير لا أبو مشاااااااري

بس يتنازل عن القضية ...

.:.

..

.

قيثارة

02-05-2011, 02:58 PM

أمونة

02-05-2011, 04:05 PM

مرحبا بصراحه حبيت اشوف كيف النظر عندي بس مافتح معي اي ملف

السعاده

02-06-2011, 12:25 AM

مرحبا بصراحه حبيت اشوف كيف النظر عندي بس مافتح معي اي ملف

هلا .. أختي أمونه ...

بحط الصورة .. بس ترى ما في جوائز....

خلاص وزعنا ..وابتلشنا ...

[]http://forum.moalem.net/file/2011/02/19.jpg (http://www.0zz0.com)[/]

السعاده

02-06-2011, 12:30 AM

هههههههههههههه ياخوااافة..
الحل عند ضبي؟؟!!<<<<أمحق
يابنت ضبي بلطجي مايتفاهم الا بالعجرة!!!
عزالله خذيتها مؤبد ..الظاهر انتي الي بتجيبين لي بايسن وجقااااير..
والسيارة لو يصير فيها قبااايل..محد ياخذها مني<<<بتروح مسيرة يعني بتروح

السعادة..يقولك ناطح صياح بصياح تسلم..
نبي نوجه قضية للمطيري ونلبسه تهمه :(269):
انه منتحل صفة رجال القانون وهوية مزورة<<<راح فيها

أنت متأكدة إنكم معلمات في وزارة التربية ... أخاف غلطانين ... محامين وقضايا ..
والسيارة أخذها يعني أخذها ... يا قيثارة ترى هي الحل الوحيد لمشكلتي ...

خلينا نعطيها للمشعل ويسكت ..

و بالنسبة للقضية ..لا تخافين المطيري يطلع منها .... عنده واسطة ... بعدين لا تقولين شي عنه .. لا يطردونا مراقبينا من المنتدى ...

والمطران ما في مثلهم

مطران وان عدو فعول القبايل ** صغيرهم عـدّوه فارس قبيلة
وان قلت مية بيت ماني بقايل ** في مدحهم عيّت توفّي الجزيلة

قيثارة

02-06-2011, 12:43 AM

عطيييييه السيارة...خلااااااص مابيها...لكم الله ياللي ماعندكم بالمجلس ولا عضووو..
بسسسسسسسسسسسس ثاني مره ماراح احل ولا لغز اتحطينه<<<كلش عاد يالحل
ناشبتوني بالجائزة ..طلعتوها من عيوني..هذا واحد مار على الموضوع عطاني عين وهو ماااشي..

أمونه احنا متاكدين ان الملف فاتح..بس انتي متاكده ان النظر عندك 6/6 ؟؟

مشعل المطيري

02-06-2011, 01:02 AM

إحم إحم ..

محكمة ..

بعد الإطلاع على مجريات القضية والإستماع للمتهمين ..

تم إسقاااط جميع التهم .. وإعطاء المتهمين إنذار بعدم التكرار ..

وين السيارة ؟؟ <<< ول ول حده ما يقبل رشاوي :)

بس تعرفون معرس ومايرد لي طلب ..

السعاده

02-06-2011, 05:07 PM

ربعـي بنـي وايل بوقت المعـاسير

لو قصـرت يمنـى حـديـهم بتـرهـــا

أبشري بعزج يا قيثارة .. ما راح أقصر بشئ

[]http://www9.0zz0.com/2011/02/06/13/667793424.jpg (http://www.0zz0.com)[/]

[]http://www9.0zz0.com/2011/02/06/13/241919498.jpg (http://www.0zz0.com)[/]

شفتي السيارة ..
.. تراها أحسن من سيارة معرسنا ...من الذهب الخالص...و رقمها مميز. وذهبي

بس في شرط ..راح تكون مشتركة بينا ... وبنسوي جدول نحط دور كل

وحده متى تأخذ السيارة

وبعدين راح نسافر لقرية العليا نزبن أهلها ... يمكن يردون سيارتنا من

أبو مشاري ...

يقولون (( ما أخذ بالقوة لا يسترد إلا ... بالواسطة ))
وش هالمقوله ؟؟؟؟؟

أمونة

02-06-2011, 07:34 PM

روعه
انا ما بدور ع الجائزه بس كنت حابه اشوف على ايش المنافسه

قيثارة

02-07-2011, 01:48 AM

ربعـي بنـي وايل بوقت المعـاسير

لو قصـرت يمنـى حـديـهم بتـرهـــا

أبشري بعزج يا قيثارة .. ما راح أقصر بشئ

[]http://forum.moalem.net/ (http://www.0zz0.com)[/]

[]http://forum.moalem.net/ (http://www.0zz0.com)[/]

شفتي السيارة ..
.. تراها أحسن من سيارة معرسنا ...من الذهب الخالص...و رقمها مميز. وذهبي

بس في شرط ..راح تكون مشتركة بينا ... وبنسوي جدول نحط دور كل

وحده متى تأخذ السيارة

وبعدين راح نسافر لقرية العليا نزبن أهلها ... يمكن يردون سيارتنا من

أبو مشاري ...

يقولون (( ما أخذ بالقوة لا يسترد إلا ... بالواسطة ))
وش هالمقوله ؟؟؟؟؟
كفوووووووو ...قول وفعل..
بس ودي اعرف شلون تطيحين على هالسيارات؟؟
ماشاءالله شي؟؟
والحقيقة ابومشاري يستاهل السيارة..خليه يكشخ شوي ع العروس..يحقله معرس جديد..
وتأكدي دام نيتنا سليمة ونسعى للخير بإذن الله نعوض بأحسن من السيارة الي رااحت..
واذا ع الجدول فأنا ولله الحمد قنوووعه وماني أنانية..آخذ السيارة أيام العطل ونص الاسبوع واليوم الاول والاخير من الاسبوع بسسسسسسسسس

السعاده

02-07-2011, 01:51 AM

لالالا صج قنوعه .. بس هالايام .. ما نسيتي شئ ؟؟؟

السعاده

02-07-2011, 02:01 AM

روعه
انا ما بدور ع الجائزه بس كنت حابه اشوف على ايش المنافسه

هلآآآ وغلآآآ بأمونه

الجائزة والله هو وجودج بينا ...

كل الشكر لمرورك على منافستنا ...ولا تحاتين والبقاء للأقوى وللأطول نفسا ..

التوأم

02-07-2011, 02:07 AM

السعاده مراقبنا قام ايتشيحط شاف حاله وش لنا بمطير والعتبان نزبنهم اسحبي وانا اختج السياره والا نهد عليه امن الدوله

السعاده

02-07-2011, 02:12 AM

والله وأنا أختج يخوفون ... الظهر مسنود ...

وبيدهم كل شئ ... خلينا ناخذهم بالحيله ...والسياسة

عندي لهم فوق السياسة سياسة على قولة عبدالله علوش

قيثارة

02-07-2011, 02:18 AM

السعاده مراقبنا قام ايتشيحط شاف حاله وش لنا بمطير والعتبان نزبنهم اسحبي وانا اختج السياره والا نهد عليه امن الدوله
أخلي مسئوليتي من هالكلام... وتأكد عزيزي القارئ ان هذا الكلام يمثل التوأم ولايمثل المنتدى ولااعضاء المنتدى....يعني بالعربي قبه قبه

التوأم

02-07-2011, 02:24 AM

افا قبت انا بنتك يابوي وانا والله صاجه ماعليج بو عابد ماعنده تعصب قبلي بس مشعل مايندرى
قيثاره انت اللي قلتيلي قولي جذي>>> ماكو فايده خونه
ياسلام بس المطيري يجيب دورياته لنا

السعاده

02-07-2011, 02:34 AM

هدوا يا بنات ... شفيكم ؟؟؟ عدو مصر عندنا في المنتدى ...يا ويلنا ... باجر نسجل دخول للمنتدى ... راح يقول الاسم الذي ادخلته غير صحيح ....

قيثارة

02-07-2011, 02:35 AM

افا قبت انا بنتك يابوي وانا والله صاجه ماعليج بو عابد ماعنده تعصب قبلي بس مشعل مايندرى
قيثاره انت اللي قلتيلي قولي جذي>>> ماكو فايده خونه
ياسلام بس المطيري يجيب دورياته لنا
فضحتيناقصري حسسسسسسسسك..قلت لك حطي عليهم بس ماقلت خربيها<<<يعني كحلتها
يابعدقلبي عيني خير ...جت الدوريات وقلنا لهم خلاص مانعودها ..ورااحو...بلله شفتي أحلى من هالدوريات؟؟بلله وين التعصب...صج انهم قالو لنا احلفوا..وحلفنا ومشوووووو..بسسسسسسس

السعاده

02-07-2011, 02:37 AM

بنات أقول لكم على شئ يضحك... اليوم بسجل الدخول بدل ما اكتب السعاده كتبت السيارة .. ويقولي خطأ وانااقول المنتدى اليوم دايخ .... (والله انا اللي دايخه ))

قيثارة

02-07-2011, 02:48 AM

بنات أقول لكم على شئ يضحك... اليوم بسجل الدخول بدل ما اكتب السعاده كتبت السيارة .. ويقولي خطأ وانااقول المنتدى اليوم دايخ .... (والله انا اللي دايخه ))

ههههههههه اتهقين أنا بكتب سيثارة..اسكتي يالسعادة لاتسمع التوأم هالسالفة...بعد اشوي بتدخل باسم السيارة...وان ماسمحو لها بالدخول بتفجر بوابة المنتدى :(170):

مشعل المطيري

02-07-2011, 10:14 PM

:(274):

السعاده

02-08-2011, 12:43 AM

شنو هذا ؟؟؟ اللي فهمته يا أبو مشاري ...

إنه إعلان الحرب ... يعني قامت بينا ... لازم نستدعي الحزب ...( لالا مو حزب الله ) هذا حزب من نوع ثاني مكون أفراده ( اللي ما لهم أمان ...) من التوأأم وقيثااااارة

قيثارة

02-08-2011, 01:22 AM

:(274):

ههههههههههه شنو هذا؟؟؟
ابومشاري صار ارهابي ياجماعة الخير...<<<ناويه ناويه تلبسه تهمه

السعاده

02-08-2011, 01:28 AM

ههههههههههه شنو هذا؟؟؟
ابومشاري صار ارهابي ياجماعة الخير...<<<ناويه ناويه تلبسه تهمه

لالالالا يا قيثارة ... الرجال وراه عرس .. علشان المراة لا تتهمين هالتهمة الباطله ....

الا ابو مشاري ..... يحرض على الانقلاب على ادارةالمنتدى ... راح فيها ...

قيثارة

02-08-2011, 01:38 AM

لالالالا يا قيثارة ... الرجال وراه عرس .. علشان المراة لا تتهمين هالتهمة الباطله ....

الا ابو مشاري ..... يحرض على الانقلاب على ادارةالمنتدى ... راح فيها ...

ههههههه عاش كيد النساااااا...
مقروود الي يتولنه الحرييييييم..
لك الله يابومشاري,., انطر التوأأم والتهمة الي خاشتها لك

السعاده

02-08-2011, 01:50 AM

ههههههه عاش كيد النساااااا...
مقروود الي يتولنه الحرييييييم..
لك الله يابومشاري,., انطر التوأأم والتهمة الي خاشتها لك

ههههه ان كيدهن عظيم.... كاسر خاطري ...هالمشعل .. الله يستر عليه

في هالحاله .. ما تنفعه الواسطات والظهر المسنود ...

مشعل المطيري

02-08-2011, 10:43 PM

الله الله الله !!

يا جماعة الخير الشدة ما فيها خير <<< كلمة إرهابي حاسته حوووس

الهدو الهدو .. إرهاب وإنقلاب .. خلاااص هذي سيارتكم ما نبيها ..

وخلوني على سيارتي

:(293):

:(293):

:(293):

http://forum.moalem.net/file/2011/02/54.jpg (http://www.l22l.com)

السعاده

02-08-2011, 11:16 PM

أنا ما شفت سيارتك الصورة موطالعه ...

بس الحمدالله سيارتنا ردت ...

يقولون ما يضيع حق وراه مطالب ...

بس لحظة !!! لحظة ... جنى السيارة مدعومه ... والدعامية وينها ؟؟؟

ما لنا شغل يا المطيري نبي تعويض ...او انك تصلح السيارة ....

الله يستر .. ما يجي عرسك الا انت على الحديده من ورا مطالبنا .

صلح السيارة وبعدين يصير خير ... يمكن نرفع

قضية ازعاج السلطات ...

بالدوريات والمحاكم اللي رفعته علينا

مشعل المطيري

02-08-2011, 11:51 PM

السعاده

02-08-2011, 11:57 PM

تم التعديل ..

وبعدين السيارة كانت محجوزة في سكراب ميناء عبدالله ..

لأنها كانت مجهولة الهوية .. وعليها تهم كثييرة ..

وبعد واسطة تم التنازل عنها لصاحبها الأول ..

والله يعينج على التحقيق ...

ويقولون بالأحمدي ... هههههههههه ..

ما فيكم حيله يا المطران ..

الحمدالله أنا عندي واسطة .. يلحقون علي ...

الدور على التوأم وقيثارة ..