المساعد الشخصي الرقمي

مشاهدة النسخة كاملة : تغيير الزي المدرسي للبنات في 2007\2008



معلمة انجليزي
07-16-2007, 07:41 PM
عمم وكيل وزارة التربية المساعد للتعليم العام محمد الكندري نشرة على جميع المدارس في المراحل التعليمية الثلاث ورياضة الاطفال بشأن تغيير الزي المدرسي.
وحسب النشرة سيبدأ العمل بتطبيق قرار تغيير الزي الرسمي مع بداية العام الدراسي المقبل 2007 - 2008 بصورة تدريجية واجبارية في المراحل التعليمية الثلاث للبنين والبنات.
ويبدأ التطبيق في العام المقبل بالصفين الاول والثاني من المرحلة الابتدائية والصف السادس من المرحلة المتوسطة والصف العاشر من المرحلة الثانوية.
اما باقي الصفوف فسيتم التغيير في العام التالي 2008 - 2009.
وسيكون اللون الوردي هو المميز لزي البنات في الابتدائية والبنفسجي في المتوسط والبنفسجي مع البني في الثانوية.



http://forum.moalem.net/file/2007/07/11.jpg


الخبر نقلا عن القبس .. والصوره من العالم اليوم




سؤال طرا على بالي ... اي مدارس اللي عممو عليها الخبر ..؟؟ منو استلم ؟ الحارس؟:(170):
و البنين شنو اللي تغير عندهم ؟
و لييييييييش الصفوف الاولى من كل مرحله ؟؟

ماراح تصير المدرسه مرقعه ؟؟

عموما احلى لون .. لون الابتدائي .. و الثانوي ما ادري مو متخيله شكله ..

انتم شرايكم ؟؟ :)

محمد العنزي
07-16-2007, 11:03 PM
يعني للأمانة...ماراح يبتلش إلا أبو البنات...

وأنا أحدهم...

ثم سؤال آخر...هل سوف نجد ملابس جاهزة...أم ندوخ في البلوكات...ومذركير..بحثا..عن الخام...

ومن ثم عن الخياييط...

بصراحة...أنا أشوف القرار...للدلع...وللتنفيع...وللأزعاج....!!

عبير الورد
07-17-2007, 12:55 AM
القرار أظنه صدر العام الماضي
ووزعت النشرة على المدارس وذكر فيها أن تطبيق القرار سيكون في الأعوام المقبلة ..
بصراحه استغرب التغيير
وما الفائدة المرجوة منه ..أظنه كما قال من سبقني تنفيع ليس إلا .

بس يا ريت نعرف منو المستفيد حتى نبارك له بهالقرار العجيب .

كويتية
07-18-2007, 01:28 AM
التربية حلت جميع مشاكلها . . .

وعدلت الهرم المقلوب . . .

غلقة ماكو شغل . . .

قالوا خل نغيير الزي المدرسي . . .

توهقوا أصحاب المحلات والأسواق الشعبية بالكمية الهائلة من الملابس المدرسية السابقة . . .

ياريت يصدر قرار يمنع ارتداء العباءة السوداء في داخل المدارس كآبة على هالصبح . . .

moalma
07-18-2007, 02:04 AM
والروضة معلمة انجليزي مو هو مغيرينه ...ولا مالهم رب الروضة ...

أنا أعترض :(

معلمة انجليزي
07-18-2007, 03:28 AM
شكرا على الرد جميعا ..

الله يعين الجميع .. بصراحه انا مو فاهمه ليش الترقيع ؟

يعني اللي عنده بنت بأولى و بنت بثالثه ... لازم كل وحده لها لون ..

غير شكل المدرسه .. صفوف اولى و ثانيه لون .. باجي الصفوف لون !




شمس ... ليش تبين تغيرين ؟؟ يا حلات لبس الروضه ما يبي تغيير ..

:)

moalem
07-18-2007, 03:40 AM
تنعدم في وزارتنا الأولويات،

الشي الثاني

وسيكون اللون الوردي هو المميز لزي البنات في الابتدائية والبنفسجي في المتوسط والبنفسجي مع البني في الثانوية.


على اي اساس صارت هالألوان يعني ذوق منو؟ هل هي من الموضه وهالسؤال للنساء اللي بالمنتدى.

كويتية
07-18-2007, 03:49 AM
الوهقة أن اللون البنفسجي درجات بتشوفون دراريع مو ملابس ثانوية

معلمة انجليزي
07-18-2007, 04:03 AM
معلم .. لا موضه ولا شي ..
:)

مادري من وين يابوهم ... !!!
تهقون سوو لجنه للالوان ؟؟ :)



لوول كويتيه

صاجه والله .. انا هم اقول جذي ..
احنا قبل المبكر و هم كان في درجات خاصة الشتوي .. الحين بتصير حوووسه ..

الله يعين :)