البندر
12-24-2010, 03:27 AM
الله لايجزي حمامٍ عليّ ناح ...
يجرّ صوته فوق غصنه طروبي ..!
هيّض شجوني والهواجيس طفّاح
قبل الأذآن وقبل وقت الغروبي ..!
يابوفهد لا شفت برّاقها لاح ...
فالمزنه اللي برقها فالجنوبي ...!
في مجلسي ما عاد أنا أسلا ولا أرتاح ..
لكن دوامي ردّني عن دروبي ..!
مقابل الطلاّب وصياح ونياح ..
أستغفر الله يمكن أشق ثوبي ..!
صابر وهمّي داخل الجوف فوّاح ...
فوح الدلال اللي حطبها شبوبي ..!
ماها قليل وراعي البيت مدّاح ..
ناره شبوب ومعترضها الهبوبي ..!
واللي يقول الصبر للضيق مفتاح ..
صحيح ماهو في كلامه كذوبي ..!
قدّ لي ليالٍ بين مسرآ ومسراح ..
وهواجسي شنـّـت علي الحروبي ..!
جتني بخيل وقوم وسيوف ورماح ...
وأنا لحالي والعرب ما دروبي.. !
هني قلبٍ من عنا الوقت مرتاح ..
ولا تعرّضه الكدر والكروبي ...!
ويا ماحلا الممشا مع قطع الاشقاح ...
في خايعٍ فيه أم سالم أدّوبي ..!
ريح النفل يطغا مع الجو وأنساح ...
وشوف الخباري هي ربيع القلوبي ...!
أخير من ناسٍ يحسبون الأرباح ...
ماهمّهم ياكود ملي الجيوبي ...!
وياللّه تجعل همّي اليوم منزاح ...
إنّك تساعدني وتغفر ذنوبي ..!
الشعر صار اليوم صوره ، ومسباح ...
واللي خذا الثنتين ماله رسوبي ..!
وكان الطرب في صوت (عبده) و(مدّاح) ..
وصار الطرب في رقص (هيفا) و(روبي) ..!
والشعر في يدّ المقادير مصباح ...
والغثّ ماهو للقصيد محسوبي ...!
تمت / البنــدر
يجرّ صوته فوق غصنه طروبي ..!
هيّض شجوني والهواجيس طفّاح
قبل الأذآن وقبل وقت الغروبي ..!
يابوفهد لا شفت برّاقها لاح ...
فالمزنه اللي برقها فالجنوبي ...!
في مجلسي ما عاد أنا أسلا ولا أرتاح ..
لكن دوامي ردّني عن دروبي ..!
مقابل الطلاّب وصياح ونياح ..
أستغفر الله يمكن أشق ثوبي ..!
صابر وهمّي داخل الجوف فوّاح ...
فوح الدلال اللي حطبها شبوبي ..!
ماها قليل وراعي البيت مدّاح ..
ناره شبوب ومعترضها الهبوبي ..!
واللي يقول الصبر للضيق مفتاح ..
صحيح ماهو في كلامه كذوبي ..!
قدّ لي ليالٍ بين مسرآ ومسراح ..
وهواجسي شنـّـت علي الحروبي ..!
جتني بخيل وقوم وسيوف ورماح ...
وأنا لحالي والعرب ما دروبي.. !
هني قلبٍ من عنا الوقت مرتاح ..
ولا تعرّضه الكدر والكروبي ...!
ويا ماحلا الممشا مع قطع الاشقاح ...
في خايعٍ فيه أم سالم أدّوبي ..!
ريح النفل يطغا مع الجو وأنساح ...
وشوف الخباري هي ربيع القلوبي ...!
أخير من ناسٍ يحسبون الأرباح ...
ماهمّهم ياكود ملي الجيوبي ...!
وياللّه تجعل همّي اليوم منزاح ...
إنّك تساعدني وتغفر ذنوبي ..!
الشعر صار اليوم صوره ، ومسباح ...
واللي خذا الثنتين ماله رسوبي ..!
وكان الطرب في صوت (عبده) و(مدّاح) ..
وصار الطرب في رقص (هيفا) و(روبي) ..!
والشعر في يدّ المقادير مصباح ...
والغثّ ماهو للقصيد محسوبي ...!
تمت / البنــدر