لاحي ياليحاني ......!!!!

[البندر]

السلام عليكم ،،، مجرد أبيات أتمنى أن تحوز على رضاكم ....


فوّاز لو شاف ما شفته وواجهتــــــــــه ،،،

يمديه غنــّــا على لاحي ياليحــــــــــاني ...!!

خشف ٍ نظرته ولا حصّـــلت معرفتـــه ،،،

عرّض عليّــه يحسب إخطاه بلعـــاني ...!!

لو يطلب القلب رهن إيديه سلّمـــته ،،،

أهديت له لو يبي دمّي وشريــــاني ...!!

حسبي على صدفة ٍ صارت وصادفتـــه ،،،

ياليت مالاح في عيني ولا جــــاني ...!!


بس :×

[الصريح]

صح بدنك
المشكلة هذي بس نظره عطيتها دمك وش بقى لو عرفته
ياخوي لاتعطيه شي من دمك ترى حنا بحاجتك في المنتدى والا اذا اخذ دمك ترى اما يجيبه غصب على خشمه دبل وان عيا نتبرع لك
كل الشكر لك على هذا الابداع

[قيثارة]

ياليت مالاح في عيني ولاجاني..ياوجد حاالك.. زين الي ماحصلت معرفته والا يمداك سلمت له قلبك وشريانك..وفقدنا تواجد مشرف مبدع..
تسلم يالبندر على القصيدة..راااقت لي كثيير ..لاخلا ولاعدم
تقبل صاافي مشاعر الود والتقدير..

[One DaY]

يعطيك العافيه يالبندر ع القصيدة بس بعرف شنو معنى


عرّض عليّــه يحسب إخطاه بلعـــاني ...!!

شنو بلعاني !!!!

[الصريح]

السلام عليكم ،،، مجرد أبيات أتمنى أن تحوز على رضاكم ....


فوّاز لو شاف ما شفته وواجهتــــــــــه ،،،

يمديه غنــّــا على لاحي ياليحــــــــــاني ...!!

خشف ٍ نظرته ولا حصّـــلت معرفتـــه ،،،

عرّض عليّــه يحسب إخطاه بلعـــاني ...!!

لو يطلب القلب رهن إيديه سلّمـــته ،،،

أهديت له لو يبي دمّي وشريــــاني ...!!

حسبي على صدفة ٍ صارت وصادفتـــه ،،،

ياليت مالاح في عيني ولا جــــاني ...!!


بس :×

يالبندر القلب حذرا كان سبلته
يجيك شين يزيده هم واشجاني
وتتعب بطبه وتبلش في معالجته
ويصير للعشق ميرادن ومسكاني
قبلك ترايه عن المحذور جاهدته
واترحت من طرد مدعوجت الاعياني

[البندر]

صح بدنك
المشكلة هذي بس نظره عطيتها دمك وش بقى لو عرفته
ياخوي لاتعطيه شي من دمك ترى حنا بحاجتك في المنتدى والا اذا اخذ دمك ترى اما يجيبه غصب على خشمه دبل وان عيا نتبرع لك
كل الشكر لك على هذا الابداع



شاكر لك التبرّع لكن فصيلة دمي b+ وأنت مواريك a- :)


تسلم يالصريح أضحكتني الله يضحك سنّك :)


تحياتي :)

[البندر]

ياليت مالاح في عيني ولاجاني..ياوجد حاالك.. زين الي ماحصلت معرفته والا يمداك سلمت له قلبك وشريانك..وفقدنا تواجد مشرف مبدع..
تسلم يالبندر على القصيدة..راااقت لي كثيير ..لاخلا ولاعدم
تقبل صاافي مشاعر الود والتقدير..



جعلك ما تفقدين غالي :)

والله يسلمك



ووجودك إظافه للنص :)


تحياتي

[البندر]

يعطيك العافيه يالبندر ع القصيدة بس بعرف شنو معنى



شنو بلعاني !!!!




عرّض : يعني سار وتقدّم أو مشى :)

عليّه : أي علي أو بإتجاهي :)

يحسب إخطاه : أي يمشي بدلع وكأنه يعد خطواته :)

بلعاني : أي متعمد :)

صارت حصّة الثروة اللغويه :)


شاكر مروورك وأسعدتني :)


تحياتي

[الصريح]

شاكر لك التبرّع لكن فصيلة دمي b+ وأنت مواريك a- :)


تسلم يالصريح أضحكتني الله يضحك سنّك :)


تحياتي :)

هههههههههههههههههههه
كانك داري o- بس ابشر بالسعد فصيلتي فصيلة الملوك نادر

[One DaY]

الشطر كله واضح بس انا قلت لك بلعاني .. يعني متعمد !!!!! بلعانه يعني ! او نفس جذيه !!!

[One DaY]

أهديت له لو يبي دمّي وشريــــاني ...!!
مدري احس فيه شي !!!!

ع العموم تصبح ع خـــير .،،،،

[البندر]

وش حسّيت فض فض لي و أنا أخوك :)


على العموم كل واحد يصلّح سيّارته :)

[البندر]

يالبندر القلب حذرا كان سبلته
يجيك شين يزيده هم واشجاني
وتتعب بطبه وتبلش في معالجته
ويصير للعشق ميرادن ومسكاني
قبلك ترايه عن المحذور جاهدته
واترحت من طرد مدعوجت الاعياني

القلب من دونه أضلوعي مسكّرته ،،،

وباب ٍ مقفـّــل ودون الباب بيبـاني ..!!

ما كِـل معنى على القيفان صدّقـــته ،،،

ولا تحسب إني فتحت القلب مجّاني ...! :)

ٍشعر ٍ طرالي على بالي ليا قلته ،،،

وأنا تراني ملك وزني مع ألحاني ..!!


ودمّك ليا من خذيته ،، رحت حللّــته ،،،

حتى أميّز علومك زين يا أفلاني ..! :)


أمّا بفعل الجميل الزين شهّرته ،،،

ولا تبرّعت به إلـ ِ كل نصراني !! :)

بس :×

[الصريح]

القلب من دونه أضلوعي مسكّرته ،،،

وباب ٍ مقفـّــل ودون الباب بيبـاني ..!!

ما كِـل معنى على القيفان صدّقـــته ،،،

ولا تحسب إني فتحت القلب مجّاني ...! :)

ٍشعر ٍ طرالي على بالي ليا قلته ،،،

وأنا تراني ملك وزني مع ألحاني ..!!


ودمّك ليا من خذيته ،، رحت حللّــته ،،،

حتى أميّز علومك زين يا أفلاني ..! :)


أمّا بفعل الجميل الزين شهّرته ،،،

ولا تبرّعت به إلـ ِ كل نصراني !! :)

بس :×
دمي ليامن خذيته ثم حللته
تلقاه بالضبط يشدا دم برزاني
يعالج الغلث واسقامن مداخلته
ويتعب له اللي قرب من خام الاكفاني
وياللي علوم العذارى دوم مشغلته
كل الشكر لك ياشاعر المنتدى على ابداعاتك الشعريه
مشكلة في الكيبورد عندي لم استطيع الاطاله في الرد

[المسك]

شفيهم بالله فصيله السالب كلهم حلا


وخاصه a-

صح لسانك ولاهنت يالبندر

[البندر]

دمي ليامن خذيته ثم حللته
تلقاه بالضبط يشدا دم برزاني
يعالج الغلث واسقامن مداخلته
ويتعب له اللي قرب من خام الاكفاني
وياللي علوم العذارى دوم مشغلته
كل الشكر لك ياشاعر المنتدى على ابداعاتك الشعريه
مشكلة في الكيبورد عندي لم استطيع الاطاله في الرد


الله الله يالصريح :)

بعض الرياجيل تنزل غصب منزلته ،،
لاقام هرجه يجي من غير ميزاني ...!!

السيف لا ترتعد يمناك لا شلته ،،،
ياللي تجيب الهروج العوج غلطاني ..!

بعض العذارا تعادل شارب الفلته ،،،
اللي علومه تجي سفله ونقصاني ..!

وانت الذي مشغل ٍ بالك ومشغلته ،،،
تدرج ورى الفاطر اللي حيلها واني ..! :)

يكفي عن الهرج يتعبكم مطاولته ،،،
خلّك بعيد ولا تجي للسيف شاماني ...!